Morgunblaðið - 18.01.2005, Blaðsíða 2

2 ÞRIÐJUDAGUR 18. JANÚAR 2005 MORGUNBLAÐIÐ
FRÉTTIR
SNJÓFLÓÐAHÆTTA
Alls þurftu 103 íbúar á Vest-
fjörðum að yfirgefa heimili sín vegna
snjóflóðahættu í gærdag og í gær-
kvöldi. Ákveðið var að rýma 37 hús á
hættusvæðum og þurftu 49 íbúar að
fara af heimilum sínum á Patreks-
firði, 23 á Ísafirði og í Hnífsdal og í
dreifbýli Ísafjarðarbæjar og 31 í
Bolungarvík og af tveimur bæjum
þar við.
Stukku fram af svölum
Ólögleg atvinnustarfsemi útlend-
inga við byggingariðnað hér á landi
hefur snaraukist á síðustu misserum
og er farin að hafa áhrif á markaðs-
laun í byggingariðnaði. Á föstudag
stukku tveir lettneskir verkamenn
fram af svölum í um þriggja metra
hæð og hlupu síðan á brott þegar
grennslast var fyrir um atvinnurétt-
indi þeirra.
Aðstoð verði aukin
Auðug ríki í heiminum hafa ekki
staðið við fyrirheit sem gefin voru
árið 2000 um að auka framlög til þró-
unarmála til að minnka um helming
sára fátækt í heiminum fyrir árið
2015, segir í nýrri skýrslu Samein-
uðu þjóðanna. Skýrsluhöfundar
segja að sé vilji fyrir hendi sé hægur
vandi að útrýma fátæktinni, vandinn
sé ekki umfangsmeiri en svo.
Árásir á Ísraela verði heftar
Mahmoud Abbas, forseti Palest-
ínu, skipaði í gær öryggissveitum
sínum að koma í veg fyrir árásir
gegn Ísraelum. Talsmaður Hamas
gagnrýndi Abbas og sagði hann með
fyrirskipuninni vera að gefa Ísrael-
um afsökun fyrir því að halda áfram
hernáminu. Abbas ákvað í gær að al-
Aqsa, vopnaður armur Fatah-flokks
forsetans, yrði framvegis hluti ör-
yggissveita Palestínu.
Y f i r l i t
Í dag
Sigmund 8 Viðhorf 28
Viðskipti 14 Skák 38
Erlent 16/17 Minningar 31/35
Höfuðborgin 19 Bréf 30
Akureyri 20 Dagbók 40/42
Suðurnes 23 Kvikmyndir 44
Austurland 21 Fólk 46/49
Daglegt líf 22/23 Bíó 46/49
Listir 24 Ljósvakar 50
Forystugrein 26 Veður 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Skarp-
héðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 

 

 
$ 

 
 

%&' (

 )***



 


 
 
 






ODDUR Friðriksson, aðaltrúnað-
armaður starfsmanna Kárahnjúka-
virkjunar, segist vel skilja þann
starfsmannavanda sem Impregilo
glími við. Erfiðlega gangi að ráða
fólk til verksins á þessum árstíma,
þar sem allt sé á kafi í snjó og veð-
ur válynd.
Eins og fram kom í blaðinu fyrir
helgi voru sjö starfsmenn frá
Portúgal þegar farnir til síns
heima, eftir nokkurra daga dvöl við
Kárahnjúka. Voru þeir úr hópi 40
nýrra starfsmanna sem komu frá
Portúgal eftir áramótin, ásamt um
150 samlöndum sínum sem höfðu
verið hér áður.
„Það er mjög
erfitt að halda
mönnum hér
uppi á fjöllum í
vetrarveðri eins
og verið hefur að
undanförnu. Ég
hef ítrekað bent
mönnum á að
það þarf sér-
staka menn í þetta. Í hvert skipti
sem eitthvert veður gerir hér þá
fjölgar kvörtunum til mín og menn
vilja komast heim,“ segir Oddur.
Að sögn Odds hefur tekist að
mynda fastan kjarna duglegra og
vanra verkamanna frá Portúgal,
sem hafa verið við virkjunina, allt
frá upphafi sumir hverjir. Þetta
séu „frábærir“ starfsmenn en hins
vegar séu alltaf að koma menn sem
vilja fara strax heim aftur, ekki
síst þeir sem ekki hafa komið til
fjalla áður. Að sjö skuli vera farnir
af 40 manna hópi komi honum ekk-
ert á óvart, í raun hafi mátt búast
við meira brottfalli miðað við þær
óblíðu viðtökur sem hópurinn fékk
hjá íslenskum veðurguðum.
Veður var vont á virkjunarsvæð-
inu um helgina og segir Oddur að-
stæður til útivinnu mjög slæmar.
Tækjaflotinn sé meira og minna
stopp vegna snjóa og veðurs. Bor-
un ganganna sé samkvæmt áætlun
en erfitt sé að vinna við fremsta
hluta aðalstíflunnar við þessar að-
stæður.
Oddur átti samtal um helgina við
starfsmenn frá Kína, Pakistan og
Bólivíu sem bíða þess að fá at-
vinnuleyfi til að koma til starfa á
Íslandi. Hann segir það ljóst að
margir þessara starfsmanna hafi
verið lengi í vinnu hjá Impregilo,
allt að níu árum, og hafi reynslu af
störfum í kulda og trekki.
Oddur Friðriksson aðaltrúnaðarmaður við Kárahnjúkavirkjun
„Mjög erfitt að halda mönn-
um hér uppi á fjöllum“
Oddur Friðriksson
FORVARSLA á landnámsskál-
anum, sem fannst árið 2001 við
fornleifarannsókn í grunni nýja
hótelsins við Aðalstræti 16 í
Reykjavík, gæti tekið sex til níu
mánuði að sögn Hjörleifs Stef-
ánssonar, verkefnisstjóra og arki-
tekts. Unnið er með sérstaka tækni
við þurrkun á rústum skálans en
þær verða hluti sýningar í kjallara
hótelsins um fyrstu byggð í Reykja-
vík. Hjörleifur segir að stefnt sé að
opnun sýningarinnar vorið 2006.
Forvarslan snýst um að setja
bindiefni í rústirnar, moldina og
grjótið, svo að þær verði ekki að
ryki. Að sögn Hjörleifs er um flókið
ferli að ræða og eru væntanlegir
sérfræðingar frá Danmörku til að
vinna verkið ásamt forvörðum
Þjóðminjasafnsins. Á meðan geta
aðrar framkvæmdir ekki farið fram
í kjallaranum.
Reykjavíkurborg seldi nýlega
sýningarskálann í kjallaranum til
fasteignafélagsins Stoða, sem
byggir hótelið, fyrir um 160 millj-
ónir króna. Andvirðið verður að
langmestu notað í að koma sýning-
unni upp en kostnaðaráætlun
verksins er um 150 milljónir króna.
Mestur kostnaður er áætlaður við
margmiðlunarbúnað í sýningunni,
um 40 milljónir, en hönnun, umsjón
og eftirlit á að kosta rúmar 30 millj-
ónir króna. Þar af er kostnaður við
sýningarhönnun áætlaður um 10
milljónir.
Forval um hönnunina
Sjálf hönnunin var ekki boðin út
heldur fór fram forval, sem ákveðið
var af fyrri verkefnisstjórn árið
2002. Þóttu forsendur fyrir útboði
ekki vera fyrir hendi þar sem forn-
leifarannsókn stóð enn yfir og sýn-
ingarform var ómótað.
Sex hönnuðum var þá boðið að
vinna að frumhugmynd að sýning-
unni með hópi ráðgjafa, sérfræð-
inga og starfsmanna borgarinnar. Í
lok þeirrar vinnu voru valdir arki-
tektar og sýningahönnuðir til að
vinna áfram að hönnun verksins.
Verkefnisstjóri er sem fyrr segir
Hjörleifur Stefánsson en um sýn-
ingarhönnun sér Þórunn Sigríður
Þorgrímsdóttir ásamt Steinari Sig-
urðssyni arkitekt, sem jafnframt er
einn hönnuða hótelbyggingarinnar.
Þórunn hefur áður unnið að menn-
ingarsögulegum sýningum.
Forvarsla á sýningarskálanum í Aðalstræti 16 tekur allt að níu mánuði
Morgunblaðið/Árni Sæberg
Vinnu við frágang utandyra miðar vel áfram.
Verja á rústirn-
ar með sér-
stakri tækni
ATVINNULEYSI á árinu 2004 var
að meðaltali 3,1% af áætluðum
mannafla á vinnumarkaði, en það
jafngildir því að 4.564 manns hafi
að meðaltali verið atvinnulausir á
árinu. Heldur dregur úr atvinnu-
leysinu frá árinu 2003 þegar það
var 3,4%. Atvinnuleysi er mun
meira á meðal kvenna en karla og
mun meira á höfuðborgarsvæðinu
en á landsbyggðinni.
Samkvæmt upplýsingum Vinnu-
málastofnunar var atvinnuleysi
meðal kvenna að meðaltali 3,8% á
árinu 2004 og 2,6% hjá körlum. Þá
var atvinnuleysið 3,5% á höfuð-
borgarsvæðinu en 2,5% á lands-
byggðinni í heild. Að höfuðborg-
arsvæðinu undanskildu var
atvinnuleysið mest á Suðurnesjum,
3,4%, og á Norðurlandi eystra,
3,2%. Minnst var atvinnuleysi hins
vegar á Austurlandi, 1,6%, og 1,7%
á Norðurlandi vestra.
Fjölgar meðal 50 ára og eldri
Fram kemur að fækkun atvinnu-
lausra var mest í yngsta hópnum,
16–24 ára, en þeim fækkaði um
17%. Fækkunin hjá þeim sem eldri
eru en 24 ára er 2,5% milli ára og
raunar er um fjölgun að ræða í
báðum elstu hópunum, 50–59 ára
og 60–69 ára. Þeim fjölgar um 30 í
hvorum aldurshóp fyrir sig.
Einnig kemur fram í tölum
Vinnumálastofnunar að þeim sem
höfðu verið atvinnulausir lengur en
sex mánuði fjölgaði á árinu 2004
frá árinu áður um tæplega 150
manns, sem jafngildir um 10%
fjölgun milli ára.
3,1% atvinnu-
leysi árið 2004