Morgunblaðið - 18.01.2005, Blaðsíða 4

„ÉG TEL þessa yfirlýsingu vera rétta og kann-
ast við þessa atburðarás,“ segir Guðni Ágústsson,
landbúnaðarráðherra og varaformaður Fram-
sóknarflokksins, um yfirlýsingu forsætisráðherra
í gær vegna umræðu um Íraksmálið.
„Ég tel hins vegar að ýmsar fréttastofur hafi
snúið út úr orðum mínum og tekið þau úr sam-
hengi, án þess að bera það undir mig. Það er al-
veg skýrt þarna, að ákvörðun um að styðja með
pólitískri yfirlýsingu hernaðaraðgerðir Breta og
Bandaríkjamanna, sem Halldór og Davíð hafa
rakið mjög skýrt og eru okkar banda- og vina-
þjóðir á þessum vettvangi, hún er tekin af þeim
sem það ber að gera. Ég hef aldrei sagt neitt
annað en að þetta Íraksmál hefur verið margrætt
í ríkisstjórn og utanríkismálanefnd og á vegum
okkar framsóknarmanna fyrir og eftir þessa
ákvörðun. Það er alveg á hreinu af minni hálfu,“
segir Guðni.
Er ekki að hverfa frá stuðningi
við þessa pólitísku yfirlýsingu
„Ég vil líka hafa það á hreinu að ég lýsti því yf-
ir að stuðningur minn væri við þessa pólitísku yf-
irlýsingu og er ekkert að hverfa frá því. Ég tel
hins vegar mjög mikilvægt að þessari umræðu
sem hér er eilíft í gangi um Íraksmálið ljúki,“
segir hann ennfremur og bætir við að Íslendingar
séu ekki beinir aðilar að þessu stríði fremur en
öðrum.
„Þarna voru auðvitað banda-
menn að fara inn til þess að
taka þennan Saddam Hussein,
sem hafði drepið milljón manns
og ógnaði heimsfriði. Það er
auðvitað skýrt að þessi 30 þjóða
yfirlýsing sneri eingöngu að því
að fara inn og taka þennan
mann úr umferð og hefja svo
uppbyggingu í Írak og lýðræð-
islega endurskipulagningu. Nú
eru kosningar þar framundan og þar er því haf-
inn nýr tími og ég held að við eigum ekkert að
eyða kröftum okkar í þessar deilur. Maðurinn var
ógnvænlegur,“ segir Guðni.
Guðni Ágústsson
Íraksmálið hefur verið margrætt
4 ÞRIÐJUDAGUR 18. JANÚAR 2005 MORGUNBLAÐIÐ
FRÉTTIR
ÁRNI Magnússon félagsmálaráð-
herra sækist ekki eftir embætti
varaformanns Framsóknarflokksins
á flokksþingi í
næsta mánuði en
nokkur umræða
hefur verið síð-
ustu daga um að
Árni hygðist
hugsanlega gefa
kost á sér gegn
Guðna Ágústs-
syni, núverandi
varaformanni, og
landbúnaðarráð-
herra.
„Nei, ég hef engin áform um það,“
sagði Árni er hann var spurður í gær
hvort hann hefði hug á að sækjast
eftir embætti varaformanns Fram-
sóknarflokksins.
Ekki
áform um
framboð
Árni Magnússon
Árni Magnússon
félagsmálaráðherra
VIÐ leit á mönnum sem lögreglan
í Kópavogi handtók á föstudag,
kom í ljós að þeir voru með um
hálfa milljón í peningaseðlum á
sér, auk lítilræðis af amfetamíni.
Lögreglan telur að féð sé ávinn-
ingur af fíkniefnaviðskiptum.
Mennirnir eru á þrítugsaldri og
þeir hafa báðir áður komið við
sögu lögreglu vegna fíkniefna-
mála. Eftir að þeir voru handtekn-
ir leitaði lögregla á heimilum
þeirra og fundust fjórar e-töflur
og lítilræði af kannabisefnum.
Að sögn Friðriks Björgvinsson-
ar yfirlögregluþjóns gáfu menn-
irnir hvorki haldbærar skýringar
á því hvers vegna þeir voru með
svo mikið fé á sér né hvaðan það
var runnið. Í sambærilegum mál-
um hafi þó oft reynst erfitt að
sanna að féð sé ávinningur af ólög-
legum viðskiptum en rannsóknin
beinist m.a. að því hvort mennirn-
ir hafi haft möguleika á að afla
þeirra með heiðvirðum hætti,
hvort þeir hafi verið í vinnu, átt
sparifé o.s.frv.
Handteknir með
hálfa milljón
Talinn ágóði af fíkniefnaviðskiptum
RYSJUTÍÐ hefur verið við Breiða-
fjörð það sem af er vetri og gæftir
stopular. Virðist ekki neitt lát á garr-
anum. Núna í rökkurbyrjun er
„hann“ að klára enn einn hringinn og
farinn að blása stíft úr norðri.
Sjávarhljóð er mikið og sjó stærir
svo að hvítfextar öldur koma hrað-
byri suður og inn fjörðinn og svarr-
andi brim er við Bullu og Vallna-
bjarg. Þetta má líka orða svona:
Aldan hvíta áfram þýtur,/ yfir
brýtur sker./ Þorskabítur að litlu lýt-
ur,/lognið flýtir sér.
Rysjutíð við
Breiðafjörð
Ólafsvík. Morgunblaðið.
HALLDÓR Ásgríms-
son forsætisráðherra
sendi í gær frá sér yf-
irlýsingu þar sem tekið
er fram að Íraksmálið
hafi verið rætt nokkr-
um sinnum í utanrík-
ismálanefnd og á Al-
þingi veturinn 2002 til
2003. Í yfirlýsingu
Halldórs segir:
„Í ljósi endurtekinn-
ar fjölmiðlaumræðu
um aðdraganda þeirrar
ákvörðunar íslenskra
stjórnvalda að styðja
Bandaríkjamenn,
Breta og fleiri þjóðir
vegna innrásarinnar í Írak í mars-
mánuði árið 2003 vill Halldór Ás-
grímsson forsætisráðherra ítreka
eftirfarandi:
Íraksmálið var rætt
nokkrum sinnum í ut-
anríkismálanefnd og á
Alþingi veturinn 2002–
2003 en hinn 12. mars
2003 felldi meirihluti
nefndarinnar að af-
greiða úr nefnd tillögu
Vinstri hreyfingarinn-
ar – græns framboðs
til þingsályktunar um
að „ríkisstjórnin beiti
sér gegn áformum um
innrás í Írak og að Ís-
land standi utan við
hvers kyns hernaðar-
aðgerðir gegn Írak“.
Málið var rætt síðar
um daginn í þingsal undir dagskrár-
liðnum Um störf þingsins og sagði
þáverandi utanríkisráðherra þá m.a:
„Nú liggur fyrir að meiri hluti
þingsins útilokar það ekki að valdi
verði beitt í þessum málum. … en
það liggur alveg ljóst fyrir af hálfu
ríkisstjórnarinnar að það er ekki
hægt að ná friði og friðsamlegri
lausn varðandi Írak nema að baki
liggi alvarleg hótun.“
Þingi var slitið 14. mars 2003
vegna komandi Alþingiskosninga og
var þá einnig gert hlé á fundum
þingflokks framsóknarmanna.
Að morgni þriðjudagsins 18. mars
2003 var ríkisstjórnarfundur og var
Íraksmálið fyrsta málið á dagskrá.
Sá fundur var undir stjórn Halldórs
Ásgrímssonar utanríkisráðherra
vegna forfalla Davíðs Oddssonar
forsætisráðherra. Í kjölfar þess
fundar ákváðu þáverandi utanríkis-
ráðherra og forsætisráðherra að
styðja aðgerðir undir forystu
Bandaríkjamanna og Breta um að
afvopna Saddam Hussein og var
sendiherra Bandaríkjanna tilkynnt
um það.
Í afstöðu íslenskra stjórnvalda
fólst pólitískur stuðningur við að-
gerðir til að koma Saddam Hussein
frá völdum. Jafnframt myndu
stjórnvöld heimila notkun á Kefla-
víkurflugvelli til flutninga auk þess
sem umferð um lofthelgi Íslands
væri heimil á sama hátt og tíðkast
hefur í slíkum tilvikum frá seinni
heimsstyrjöld.
Þá var því og lýst yfir að Ísland
myndi styðja uppbyggingarstarf í
Írak að átökum loknum.
Hinn 20. mars 2003 réðust banda-
menn inn í Írak. Í yfirlýsingu frá
Hvíta húsinu var getið um stuðning
ýmissa þjóða við aðgerðirnar, þar á
meðal 18 af 26 þjóðum Atlantshafs-
bandalagsins.“
Ný yfirlýsing frá Halldóri Ásgrímssyni forsætisráðherra um Írak
Íraksmálið rætt nokkrum
sinnum í utanríkismálanefnd
Halldór Ásgrímsson
Gunnar Ágústsson rekstrar-
stjóri hverfisstöðvar gatna-
málastofu Reykjavíkur við Njarð-
argötu segir að á föstudag hefðu
öll niðurföll á svæðinu verið opin
en þau hafi stíflast af þara sem
sjórinn þeytti á land um helgina.
Um miðnætti á sunnudag hafði
mikið vatn safnast fyrir á hring-
torginu og varð að kalla út bak-
vakt Gatnamálastofu til að
hreinsa úr niðurföllunum. Gunnar
segir að mikill sjógangur hafi
verið við Eiðsgrandann í vetur og
kennir hann helst óvenju stífum
vestanáttum um.
HRINGTORGINU við JL-húsið í
Vesturbænum var lokað um stund
í fyrrinótt vegna mikils vatnselgs
sem þar varð þegar sjór gekk yf-
ir varnargarða við Eiðsgranda.
Mikið grjót barst einnig yfir
garðinn og langleiðina að göt-
unni.
Morgunblaðið/Golli
Þarinn stíflaði niðurföllin
♦♦♦