Morgunblaðið - 19.01.2005, Blaðsíða 6

6 MIÐVIKUDAGUR 19. JANÚAR 2005 MORGUNBLAÐIÐ
FRÉTTIR
SAMSTAÐA náðist í borgarstjórn í gær um að
skora á stjórn Spalar og samgönguráðherra að
leita hagkvæmustu leiða til að mögulegt verði að
lækka verulega veggjald í Hvalfjarðargöngun-
um.
Í upphafi fundar lögðu borgarfulltrúar R-
listans fram ályktunartillögu um að samgöngu-
ráðherra leitaði leiða til að lækka verulega
veggjaldið í göngunum. Í tillögunni og máli
Steinunnar Valdísar Óskarsdóttur, borgarstjóra,
kom fram að atvinnu- og búsetuþróun síðustu ára
hefði leitt til þess að höfuðborgarsvæðið næði nú
yfir mun stærra landsvæði en áður, bæði til vest-
urs og austurs. „Eina samgöngumannvirki lands-
ins þar sem krafist er veggjalds, Hvalfjarðar-
göngin, sker svæðið í sundur og hindrar þar með
eðlilega þróun svæðisins,“ sagði í tillögunni.
Borgarfulltrúum Sjálfstæðisflokksins þótti til-
laga R-listans sérkennileg. Vilhjálmur Þ. Vil-
hjálmsson, oddviti sjálfstæðismanna, minnti á að
það væri fjörðurinn sem skæri þetta landsvæði í
sundur en ekki sjálf Hvalfjarðargöngin. Framtak
einstaklinga, sem börðust fyrir gerð þessara
ganga, gerði það að verkum að þetta svæði hefði
verið tvinnað saman.
Endurfjármögnun í janúar
Vilhjálmur sagði samgönguráðherra þann að-
ila sem hefði beitt sér fyrir því að finna leiðir til
að lækka veggjaldið. Umferð hefði verið meiri en
áætlanir gerðu ráð fyrir og trú marga væri sú að
það væri svigrúm til lækkunar, meðal annars
með endurfjármögnun lána. Leitað hefði verið
tilboða í það og sú vinna kláraðist líklega nú í jan-
úar. „Þá verðum við að gera ráð fyrir því að not-
endagjöld þeirra einstaklinga sem nota göngin
mest, og vonandi fleiri, verði lækkuð verulega.
Þannig að þessi mál eru í vinnslu, “ sagði Vil-
hjálmur og lagði fram breytingartillögu við til-
lögu R-listans.
Borgarstjóri upplýsti að hún hefði átt fund ný-
lega með stjórn Aflvaka þar sem meðal annars
stjórnarformaður Spalar sat. Greinilega væri
ágreiningur á milli samgönguráðuneytisins og
stjórnar Spalar um það hvernig hægt væri að
leita leiða til að lækka veggjaldið. „Ég skil ekki
almennilega viðkvæmnina fyrir því af hverju það
megi ekki skora á samgönguráðherra í þessum
efnum,“ sagði Steinunn Valdís. Stakk hún upp á
því að í breytingartillögu sjálfstæðismanna yrði
einnig skorað á samgönguráðherra eins og stjórn
Spalar.
Björn Bjarnason fagnaði því að borgarfulltrú-
ar R-listans samþykktu að breyta upprunalegu
tillögunni. „Ég fagna því trausti sem fram kemur
á samgönguráðherra í þessu máli þegar breyt-
ingartillagan er skoðuð.“
Að loknum nokkrum umræðum samþykktu
allir borgarfulltrúar ályktunartillöguna með
breytingu sjálfstæðismanna og borgarstjóra.
Borgarstjórn skorar á stjórn Spalar og samgönguráðherra
Veggjald Hvalfjarðarganga
verði lækkað verulega
Morgunblaðið/Jim Smart
Borgarfulltrúarnir Ólafur F. Magnússon, Kjartan Magnússon, Hanna Birna Kristjánsdóttir og
Guðrún Ebba Ólafsdóttir á fundi borgarstjórnar í gær, þar sem veggjaldið var m.a. rætt.
BORGARSTJÓRN samþykkti samhljóða í
gær að lækka álagningarhlutfall fasteigna-
skatts á íbúðarhúsnæði í Reykjavík aftur í
0,320%. Í desember á síðasta ári höfðu borg-
arfulltrúar R-listans samþykkt hækkun
skattshlutfallsins í 0,345%. Bæði borgar-
fulltrúar Sjálfstæðisflokksins og F-lista mót-
mæltu þeirri hækkun.
Steinunn Valdís Óskarsdóttir, borgar-
stjóri, sagði í gær að hún hefði lagt til að
þetta skatthlutfall yrði óbreytt í ár, það er
lækkað aftur, meðal annars vegna þess að
ljóst var 23. desember sl. að endanlegt fast-
eignamat í Reykjavík yrði mun hærra en
gert hefði verið ráð fyrir í fjárhagsáætlun
borgarinnar.
Vildu meiri lækkun
Borgarfulltrúar Sjálfstæðisflokks og
Frjálslyndra og óháðra lögðu til á fundinum í
gær að fasteignaskattur og holræsagjald
hækkaði ekki umfram hækkun verðlags og
launavísitölu á árinu. Í máli sjálfstæðis-
manna kom fram að R-listinn hefði hækkað
fasteignaskatt þrátt fyrir að gert hefði verið
ráð fyrir að fasteignamat íbúðarhúsnæðis
myndi hækka um 12% um áramótin. Þó að
álagningarhlutfallið hækki ekki milli áranna
2004 og 2005 myndu þessar álögur á íbúðar-
eigendur í Reykjavík hækka.
Steinunn Valdís lagði áherslu á að bæði
fasteignaskattur og holræsagjald væri lágt í
Reykjavík miðað við önnur sveitarfélög. Að
halda því fram að þessi gjöld væru hærri en
annars staðar væru hrein ósannindi. Bar hún
saman holræsagjald nágrannasveitarfélag-
anna við gjaldið í Reykjavík og sagði það víða
hærra nema á Seltjarnarnesi þar sem ekkert
slíkt gjald væri innheimt. „Nákvæmlega það
sama má segja um fasteignaskattinn.“
Lægri skattar í krafti stærðar
Hanna Birna Kristjánsdóttir, borgar-
fulltrúi Sjálfstæðisflokksins, sagði fasteigna-
skatt ekki lágan í Reykjavík. Af þeim sökum
hefðu sjálfstæðismenn lagt ítrekað fram til-
lögu um lækkun skattsins. Reykjavíkurborg
ætti að geta boðið borgarbúum upp á lægri
skattheimtu í krafti stærðar sinnar sem önn-
ur sveitarfélög gætu ekki. Það væri hins veg-
ar ekki hægt vegna lélegrar fjármálastjórnar
borgarinnar. Niðurstaðan væri því sú að
Reykjavíkurborg hefði ekki efni á því að
lækka skatta um 200 milljónir eins og fælist í
tillögu sjálfstæðismanna og Ólafs F. Magn-
ússonar.
Var tillagan um að hækkun fasteigna-
skatts og holræsagjalds yrði ekki umfram
hækkun launavísitölu felld með atkvæðum
borgarfulltrúa R-listans.
Hækkun
fasteigna-
skatts aft-
urkölluð
INGIBJÖRG Sólrún Gísladóttir,
varaformaður Samfylkingarinnar,
segir að nú liggi ljóst fyrir, m.a. eft-
ir yfirlýsingu forsætisráðherra um
Íraksmálið, að Halldór Ásgrímsson
og Davíð Oddsson hafi tveir tekið
ákvörðunina um stuðning við inn-
rásina í Írak í mars 2003.
„Þeir höfðu ekki umboð frá rík-
isstjórninni, ekki frá Alþingi, ekki
frá þingflokkunum, ekki frá utan-
ríkismálanefnd og því síður frá
þjóðinni og þeir hafa enn ekki feng-
ið þetta umboð,“ segir Ingibjörg
Sólrún.
Í hrópandi mótsögn við lög
„Þetta er í hrópandi mótsögn við
þau lög sem um þetta gilda, þ.e.a.s.
að við allar svona meiri háttar
ákvarðanir eigi að hafa samráð við
utanríkismálanefnd þingsins. Það
stendur eftir,“ segir hún.
Ingibjörg Sólrún segir að það
hljóti að verða framhald á þessu
máli. „Það er alveg ólíðandi að tveir
menn geti skuld-
bundið þjóðina
með þessum
hætti upp á sitt
eindæmi. Ég tel
að í öllum lýð-
ræðisþjóðum
myndu menn
ekki sætta sig við
svona,“ bætir
hún við.
Aðspurð segist Ingibjörg Sólrún
ekki sjá að þörf sé á að fá á borðið
frekari gögn til að leiða staðreyndir
í ljós. „Með eftirfylgni stjórnarand-
stöðunnar og fjölmiðla þá liggur
þetta alveg ljóst fyrir.“ Hún segir
einnig að það sé rétt að Íraksmálið
hafi verið rætt mikið og víða og
þurfi ekki yfirlýsingu frá forsætis-
ráðherra til að segja mönnum það.
„Þessi umræða snýst ekki um það,
heldur hitt hvort þeir hafi haft um-
boð til þess að taka þá ákvörðun
sem þeir tóku. Ég lít svo á að þeir
hafi ekki haft það,“ segir hún.
Ingibjörg Sólrún Gísladóttir,
Samfylkingu, um Íraksmálið
Höfðu ekki umboð
til ákvörðunarinnar
STEINGRÍMUR J. Sigfússon, for-
maður Vinstrihreyfingarinnar
græns framboðs, segir þá yfirlýs-
ingu sem forsætisráðherra gaf um
Íraksmálið í fyrradag ekki bæta við
neinum nýjum staðreyndum.
„Ef eitthvað er þá staðfestir hún
það sem liggur orðið alveg fyrir, að
forsætisráðherrann og fyrrverandi
utanríkisráðherra, er sjálfur orðinn
tvísaga ef ekki margsaga í málinu.
Honum ber engan veginn saman við
hóp þingmanna úr sínum eigin flokki
og ekki einu sinni almennilega sam-
an við varaformann sinn og ráðherra
í ríkisstjórninni, Guðna Ágústsson.
Þetta er að verða ótrúlega pínleg
staða,“ segir hann.
„Með vissum hætti er Framsókn-
arflokkurinn greinilega að kikna
undan álaginu í þessu máli. Þegar
þingmenn og jafnvel ráðherrar
flokksins mæta einir í þætti og að
þeim er sótt, þá hafa þeir engin rök
og standast ekki gagnrýni og ásókn í
málinu og slá undan. Svo verður það
hálf vandræðalegt þegar þeir fara
svo að éta þetta
ofan í sig aftur og
fara í hringi. Hef-
ur verið einna
kostulegast að sjá
þá Hjálmar
Árnason og
Guðna Árnason
rúlla heilan ef
ekki einn og hálf-
an hring á u.þ.b. einum sólarhring.“
„Þetta mál er að verða Framsókn
svo erfitt að leitun er að öðru eins.
Ég tel að það vanti mikið upp á að
Halldór [Ásgrímsson] og Davíð
[Oddsson] hafi gert hreint fyrir sín-
um dyrum og lagt spilin á borðin.
Með því á ég við að frá stjórn-
arráðinu komi tæmandi gögn, listar
yfir símtöl, samtöl, samskipti og
fundi, sem tengjast þessu máli síð-
ustu sólarhringana fyrir 20. mars
2003. Ég tel að þeir ættu að hafa for-
göngu um að létta trúnaði af fund-
argerð ríkisstjórnarinnar. Það er
ekkert því til fyrirstöðu og er á
þeirra eigin valdi. Sama getum við
gert í utanríkismálanefnd og þar
með væru tiltekin gögn komin fram í
málinu og menn myndu nálgast
staðreyndirnar og geta metið at-
burðarásina í því ljósi og hversu al-
varlegar yfirsjónir eða mistök
mönnum hefur þarna orðið á. Ekki
síst spurningu um lögbrotið, þ.e.a.s.
skýlaust brot á samráðsskyldunni
við utanríkismálanefnd Alþingis.“
Farið að minna á tamílamálið
„Þetta er farið að minna mig á tam-
ílamálið í dönskum stjórnmálum.
Kannski var þar að lokum ekki
gerningurinn sjálfur sem reyndist
þeim sem ábyrgð báru í málinu
verstur, heldur undanbrögðin og til-
raunirnar til undanbragða, að af-
vegaleiða umræðuna og drepa mál-
inu á dreif. Það varð að lokum
afdrifaríkast fyrir þá stjórn-
málamenn sem máttu sárt um binda.
Ég er ekki að spá því að afleiðingar
þessa máls verði sambærilegar, en
þarna eru miklar hliðstæður,“ segir
Steingrímur.
Steingrímur J. Sigfússon, formaður VG
Vill tæmandi gögn og lista
yfir símtöl og fundi
„SLÍK er aðdáunin á ríkisvaldinu að jafnvel í
þessu máli, þar sem það er svo augljóst að við
hljótum að skora á fyrirtækið sem rekur þessi
göng, að þá gleymist það. Þá er sjónum bara
beint að ríkisvaldinu,“ sagði Gísli Marteinn
Baldursson borgarfulltrúi Sjálfstæðisflokks-
ins um ályktunartillögu R-listans. Hún væri
eins og endurómur frá gamalli tíð þegar rík-
isvaldið átti að redda öllum málum sem kæmu
upp.
Ríkið reddi málunum