Morgunblaðið - 19.01.2005, Page 13

MORGUNBLAÐIÐ MIÐVIKUDAGUR 19. JANÚAR 2005 13
ERLENT
ÚR VERINU
AFLI línuskipa útgerðarfélagsins
Vísis hf. í Grindavík og dótturfélags
þess, Búlandstinds á Djúpavogi, í
fyrra var um 16.600 tonn eða um
þúsund tonnum meiri en árið 2003 og
aflaverðmæti upp úr sjó var um 1,7
milljarðar króna. Afli á úthaldsdag
var að meðaltali rúm tíu tonn og
verðmætið á úthaldsdag liðlega ein
milljón króna.
Guðjón Þorbjörnsson hjá Vísi seg-
ir að þetta sé nokkru meiri afli en ár-
ið 2003 auk þess sem segja megi að
hann deilist nú í reynd á sex skip í
stað sjö árið 2003 þannig að afli á
hvert skip hafi aukist töluvert.
Öll útgerð og vinnsla
í nafni Vísis
Guðjón segir engin stór áföll hafa
verið í rekstri félagsins og veiðiþátt-
urinn hafi reyndar gengið með ein-
dæmum vel í fyrra. Spurður um
frekari fækkun skipa hjá félaginu
segir hann að það sé svona frekar
stefnt að því að fimm skip hefji veið-
ar í upphafi næsta fiskveiðiárs, þ.e. 1.
september 2005. Menn séu einfald-
lega að reyna að keyra skipin meira.
Guðjón segir að nú hafi verið
ákveðið að Búlandstindur á Djúpa-
vogi og Vísir hf. í Grindavík samein-
ist undir nafni Vísis. Með þessari
sameiningu verði öll vinnsla og út-
gerð á vegum Vísis undir nafni Vísis
en í fyrra var Fiskvinnslan Fjölnir á
Þingeyri, Útgerðarfélagið Garðey á
Hornafirði, Fiskiðjusamlag Húsa-
víkur sameinuð Búlandstindi. Öll
þessi félög voru að fullu í eigu Vísis.
Þá hefur Vísir keypt rækjuveiði-
skipið Seley af Íshafi á Húsavík en
Vísir á 40% hlut í fyrirtækinu. Skip-
inu var lagt síðastliðið sumar vegna
hás olíuverðs og tregafiskirís á
rækju. Pétur H. Pálsson, fram-
kvæmdastjóri Vísis, segir að Seleyin
verði fyrst um sinn notuð við loðnu-
flutninga en svo ætli menn að sjá til
hvað gert verði við skipið. Nokkrir
kostir séu í stöðunni, t.d. að breyta
skipinu í línuveiðiskip en hugsanlega
verði það úrelt.
Páll Jónsson GK
með mestan afla
Aflahæst Vísisskipanna var Páll
Jónsson GK sem veiddi tæplega
3.600 tonn í fyrra og var einnig með
mestan afla á hvern úthaldsdag, þá
kom Sighvatur GK með tæp 3.200
tonn, Hrungnir GK með rúm 2.800
tonn og Freyr GK með um 2.600 og
Fjölnir ÍS með liðlega 2.100 tonn en
þessi línuskip voru með flesta út-
haldsdaga af skipum Vísis.
Sem fyrr segir er Vísir með starf-
semi í Grindavík, á Þingeyri, á Húsa-
vík og á Djúpavogi. Félagið er nær
eingöngu í bolfiski og er þorskur og
ýsa um 85% af afla skipa félagsins en
skip Vísis fengu úthlutað 16.691
tonni af bolfiski á yfirstandandi fisk-
veiðiári.
Í Grindavík er saltfiskvinnsla þar
sem unnin eru um sex þúsund tonn
af þorski, bolfiskvinnsla á Þingeyri,
Húsavík og Djúpavogi þar sem einn-
ig er unnin síld á haustin. Vísir hefur
til þessa selt langmest í gegnum SÍF
en einnig ferskan fisk inn á Bret-
landsmarkað í gegnum dótturfyrir-
tæki Samherja þar, Seagold.
Mikill afli hjá Vísisbátunum
Morgunblaðið/Hafþór Hreiðarsson
Útgerð Vísir hefur keypt Seleyna sem nú er notuð í loðnuflutningum.
CONDOLEEZZA Rice, þjóðarör-
yggisráðgjafi Bandaríkjanna, hét því
í gær að vinna að því að græða sárin í
samskiptum Bandaríkjanna og hefð-
bundinna bandamanna þeirra í Evr-
ópu sem komu upp í tengslum við
innrásina í Írak í mars 2003. „Stund
samráðs er runnin upp,“ sagði Rice
fyrir þingnefnd öldungadeildar
Bandaríkjaþings sem fjallar um út-
nefningu hennar sem næsti utanrík-
isráðherra Bandaríkjanna. „Sam-
skipti okkar við umheiminn þurfa að
vera í formi samræðu, ekki ein-
ræðu,“ sagði hún ennfremur.
Rice kom fyrir nefndina í fyrsta
sinn í gær en gert er ráð fyrir því að
þingið leggi fljótt og örugglega
blessun sína yfir skipan hennar. Rice
fékk þó nokkra ofanígjöf frá þing-
mönnum sem sitja í staðfestingar-
nefndinni, enda ekki allir hrifnir af
verkum stjórnar George W. Bush
Bandaríkjaforseta. „Stund samráðs
rann upp fyrir löngu,“ sagði til að
mynda Joseph Biden, áhrifamesti
demókratinn í utanríkismálanefnd
öldungadeildarinnar, í kjölfar um-
mæla Rice. Sagði hann Bandaríkin
nú greiða gjörðir Bush-stjórnarinn-
ar í Írak dýru verði.
Biden hrósaði Rice en benti á að
samband Bandaríkjanna við ýmis
ríki, sem áður voru meðal helstu
bandamanna þeirra, væru um þessar
mundir „satt best að segja við frost-
mark“. Biden notaði tækifærið og
sendi Evrópumönnum tóninn. „Ég
hef einföld skilaboð til þeirra: sættið
ykkur við það. Bush verður forseti
okkar næstu fjögur árin. Sættið ykk-
ur við það, Evrópumenn, og byrjið
að haga málum þannig að það þjóni
hagsmunum ykkar.“
Rétt brugðist við 11. september
Rice hélt fast við það í vitnisburði
sínum að ákvarðanir Bandaríkja-
stjórnar í kjölfar hryðjuverkanna 11.
september 2001, þ.m.t. innrásir í
bæði Afganistan og Írak, hefðu verið
„erfiðar, nauðsynlegar og réttar“.
Mikilvægasta verkefnið væri „að
blása bandarísku þjóðinni eld í
brjóst, sem og íbúum allra frjálsra
landa, í því skyni að sameinast um að
leysa sameiginleg vandamál“.
„Ef ég hlýt staðfestingu mun ég
leggja höfuðáherslu á pólitískt sam-
ráð [við bandamenn] og hið sama
munu undirmenn mínir gera,“ sagði
Rice en ummæli hennar eru túlkuð
sem viðleitni til að sefa ótta margra
sem telja Bush forseta hafa stigið of
fast til jarðar á fyrra kjörtímabili
sínu og vera gjarn á að hunsa skoð-
anir og sjónarmið annarra ríkja.
Biden krafði Rice svara um stefnu
Bush-stjórnarinnar í Írak og sagði
hana verða að „segja bandarískum
almenningi sannleikann“ um hvenær
og hvernig menn hyggist kalla
Bandaríkjaher heim frá Írak og
greina satt og rétt frá því hvort her-
aflinn í Írak væri nægilega vel skip-
aður til að ráða við það verkefni sem
honum hefði verið falið þar.
Sagði Rice að ekkert skorti upp á
að forsetinn fengi góða ráðgjöf á
sviði hermála. Viðurkenndi hún þó
að ýmislegt hefði gerst í Írak sem
komið hefði Bandaríkjamönnum í
opna skjöldu.
Hljóti Rice staðfestingu verður
hún fyrsta blökkukonan til að gegna
embætti utanríkisráðherra Banda-
ríkjanna.
Reuters
Condoleezza Rice við upphaf vitnisburðar síns fyrir þingnefnd öldungadeildar Bandaríkjaþings í gær.
„Stund samráðs
er runnin upp“
Bandaríkjaþing líklegt til að staðfesta Condoleezzu Rice
fljótt og örugglega sem næsta utanríkisráðherra
Washington. AP.
ÞINGKOSNINGAR fara fram í Dan-
mörku 8. febrúar, tæpum níu mán-
uðum áður en núverandi kjör-
tímabili á að ljúka.
Anders Fogh Rasmussen, for-
sætisráðherra Danmerkur, greindi
frá þessu í gær. Ákvörðun hans kom
ekki á óvart. Skoðanakannanir hafa
reynst forsætisráðherranum og
flokki hans sérlega hagstæðar að
undanförnu og höfðu sérfróðir spáð
því að Fogh Rasmussen myndi efna
til kosninga áður en kjörtímabilinu
lyki.
Flokkur forsætisráðherrans,
Venstre, sem er frjálslyndur flokk-
ur þrátt fyrir nafnið, hefur verið við
völd ásamt Íhaldsflokknum frá í
nóvembermánuði árið 2001. Þjóð-
arflokkurinn, sem er lengst til
hægri í dönskum stjórnmálum, styð-
ur og stjórnina.
Fogh Rasmussen og Bendt Bendt-
sen, fjármálaráðherra og leiðtogi
Íhaldsflokksins, lögðu á það áherslu
á blaðamannafundi síðdegis í gær
að flokkarnir gengju saman til þess-
ara kosninga. Markmið þeirra væri
að viðhalda ríkisstjórnarsamstarf-
inu. Flokkarnir munu leggja fram
sameiginlega stefnuskrá þar sem
áhersla verður lögð á sjö mála-
flokka m.a. menntun og rannsóknir,
barnafjölskyldur, skattamál og
sjúkrastofnanir. Forsætisráð-
herrann tók fram að hvor flokkur
fyrir sig myndi jafnframt kynna
sérstök kosningamál og áherslu-
atriði.
Sterk staða stjórnar
og forsætisráðherra
Í könnun sem danska ríkissjón-
varpið birti í gær kváðust 75% að-
spurðra telja ólíklegt eða mjög ólík-
legt að stjórnarskipti yrðu eftir
kosningarnar. Aðeins 19% voru á
annarri skoðun.
Skoðanakönnun sem Gallup-
fyrirtækið gerði um liðna helgi skil-
aði svipaðri nið-
urstöðu. Sam-
kvæmt henni
munu stjórn-
arflokkarnir og
Þjóðarflokkurinn
styrkja stöðu sína
á þingi. Þessir
flokkar fá 92 sæti
á þingi reynist sú
könnun rétt og
auka meirihluta
sinn um tvö sæti.
Miðju og vinstri flokkar fá 83 sæti í
könnun þessari. Fjögur sæti
skiptast á milli Færeyinga og Græn-
lendinga. 179 menn sitja á þingi
Dana. Samkvæmt könnun sem birt
var í gær og gerð var fyrir Ritzau-
fréttastofuna fá stjórnarflokkarnir
95 menn og stjórnarandstaðan 80.
Samkvæmt þessari könnun tapa
stjórnarflokkarnir þremur mönnum
en halda traustum meirihluta með
aðstoð Þjóðarflokksins. Und-
anskildir í þessum útreikningi eru
þingmenn Færeyja og Grænlands.
Auk velferðarmála og málefna
barna og fjölskyldufólks er búist við
að málefni innflytjenda og aðlögun
þeirra að samfélagi Dana verði efst
á baugi í kosningabaráttunni. Þar í
landi hefur verið deilt um hversu
langt eigi að ganga í að þvinga fram
félagslega aðlögun þeirra sem til
Danmerkur flytjast. Ágreiningur er
áberandi í röðum stjórnarandstöð-
unnar hvað þetta varðar einkum á
milli jafnaðarmanna og Radikale
Venstre.
Þing kosið í Dan-
mörku 8. febrúar
Anders Fogh
Rasmussen
TALSMAÐUR dómsmálaráðuneyt-
is Írans sagði í gær að „mistök“
hefðu átt sér stað þegar Shirin
Ebadi, handhafi
friðarverðlauna
Nóbels, var köll-
uð fyrir bylting-
ardómstól.
Ebadi greindi
frá því í liðinni
viku að hún hefði
verið kölluð fyrir
byltingardómstól
í Íran en það
dómstig fer að
öllu jöfnu með kærur er varða
stjórnmál eða þjóðaröryggi. Í stefn-
unni var ekki greint frá því hvers
vegna hún væri kölluð fyrir dómstól-
inn en sagt að hún þyrfti að svara
„tilteknum spurningum“.
Ebadi hlaut friðarverðlaun Nóbels
árið 2003 fyrir störf sín í þágu mann-
úðar og mannréttinda í Íran en hún
er þekktasti lögmaður landsins. Hef-
ur hún löngum haldið uppi vörnum
fyrir andófsmenn gagnvart klerka-
stjórninni sem fer með völdin í land-
inu.
Talsmaður dómsmálaráðuneytis-
ins sagði að fram hefði verið lögð
„kvörtun“ vegna „móðgunar“ af
hálfu Ebadi. Um einkamál væri því
að ræða og það ætti heima hjá al-
mennum dómsstóli. Engar líkur
væru á því að Ebadi yrði handtekin.
„Mistök“ í máli
Shirin Ebadi
Teheran. AFP.
Shirin Ebadi