Morgunblaðið - 19.01.2005, Blaðsíða 14
14 MIÐVIKUDAGUR 19. JANÚAR 2005 MORGUNBLAÐIÐ
ERLENT
Guðmundur Marías Jensson
C#, ADO.net og ASP.net forritunarnám hjá NTV
er spennandi og yfirgripsmikið nám sem gefur
góðan grunn á þessu sviði.
Þeir sem hyggja á námið þurfa að hafa góða
undirstöðumennun (stúdentspróf er æskilegt),
góða almenna tölvukunnáttu og góða
enskukunnáttu þar sem allar kennslubækur
eru á ensku.
Kennt er þri. og fim. frá 18-22 og
annan hvern laugardag frá 8:30-12:30
frá 10. feb. til 4. jún.
Kerfisfræðingur NTV
UPPLÝSINGAR OG SKRÁNING Í SÍMA 544 4500 OG Á NTV.IS
Að margra mati er nú rétti tíminn til að
hefja nám í forritun. Það sést best af
því hve mikið er aftur farið að auglýsa
eftir fólki með slíka menntun.
GREINT hefur verið frá því að
landamærum Íraks verði lokað í þrjá
daga í tengslum við þingkosningar
sem eiga að fara fram í landinu 30.
janúar nk. Er með þessu vonast til að
hægt verði að tryggja betur öryggi
borgara sem taka vilja þátt í kosning-
unum. Þá verða sett útgöngubönn
eftir atvikum og hömlur á ferðir fólks
nálægt kjörstöðum, að því er fram
kemur í frétt Associated Press.
Mjög róstusamt er í Írak í aðdrag-
anda hinna umdeildu kosninga. Í gær
féllu tveir Írakar í sjálfsmorðs-
sprengjuárás fyrir framan höfuð-
stöðvar eins af stærstu stjórnmála-
flokkum sjíta, Æðsta ráðs íslömsku
byltingarinnar í Írak (SCIRI), en
ekki eru nema tvær vikur síðan þrett-
án manns fórust í árás nálægt skrif-
stofu leiðtoga sama flokks, Abdel
Aziz Hakim. Þá biðu átta til viðbótar
bana í ofbeldisverkum annars staðar í
Írak.
Arabíska sjónvarpsstöðin Al-Jaz-
eera sýndi ennfremur myndband frá
mannræningjum í Írak sem tekið
hafa átta Kínverja í gíslingu og hóta
að drepa þá innan tveggja sólar-
hringa „útskýri“ kínversk stjórnvöld
ekki „hlutverk“ sitt í Írak. Héldu
mannræningjarnir því fram að Kín-
verjarnir átta, sem hurfu í síðustu
viku er þeir voru staddir á þjóðveg-
inum sem liggur til jórdönsku landa-
mæranna, hefðu verið í vinnu fyrir
bandaríska hernámsliðið.
Í fyrradag biðu að minnsta kosti
fimmtán Írakar bana í tveimur árás-
um; í Baiji í norðurhluta Íraks og
nærri Baquba, norður af Bagdad.
Sagði yfirmaður bandaríska her-
aflans í Írak, George W. Casey, að
þess væri ekki að vænta á næstunni
að breyting yrði á. „Munu ofbeldis-
verk setja svip sinn á kjördag? Já,
það er ljóst,“ sagði hann í yfirlýsingu
en lét þess getið að allt yrði gert til að
tryggja að venjulegir Írakar gætu
mætt á kjörstað og neytt kosninga-
réttar síns annan sunnudag.
Nöfn frambjóðenda ekki birt
En ef eitthvað er að marka fréttir
frá Írak verður ekki um neinar venju-
legar kosningar að ræða. Ófremdar-
ástandið skyggir á allt og sá ásetn-
ingur skæruliða, sem einkum koma
úr röðum súnní-múslíma, að eyði-
leggja kosningarnar.
Dæmin eru mýmörg. Ógnin sem
stafar af skæruliðum er til að mynda
slík, að næstum engir frambjóðendur
þora að koma fram opinberlega.
Kosningabandalag nokkurra sjíta-
flokka, þ.m.t. SCIRI, hefur til að
mynda aðeins kynnt opinberlega 34
af 228 frambjóðendum sínum. Segja
forystumenn bandalagsins að þeir
muni ekki greina frá því opinberlega,
hverjir hinir 194 frambjóðendurnir
eru, fyrr en eftir kosningar.
„Við biðjumst velvirðingar á því að
nefna ekki nöfn allra frambjóðenda,“
segir á dreifimiða sem SCIRI hefur
að sögn New York Times dreift í Bag-
dad. „En öryggisástandið er slæmt
og við verðum að halda þeim á lífi.“
Blaðið Christian Science Monitor
hefur eftir erlendum kosningasér-
fræðingi, sem nú er í Írak, að það sé
auðvitað ekki ákjósanlegt að nöfnum
frambjóðenda sé haldið leyndum fyr-
ir fólki.
„En ég held að við getum öll skilið
ótta manna um öryggi sitt,“ segir
hann svo.
Blasir sú staðreynd við að ef flokk-
ar þora ekki að greina frá nöfnum
frambjóðenda sinna þá eru viðkom-
andi að sama skapi tregir til að koma
fram opinberlega. Lítið fer þess
vegna fyrir hefðbundinni kosninga-
baráttu í Írak og hitti frambjóðendur
yfirhöfuð kjósendurna beint, þá ger-
ist það oftast í mjög litlum hópum á
mjög afviknum stöðum.
Flokkarnir – sem eru eins ólíkir og
þeir eru margir; kommúnistaflokkur
býður fram, íslamistar og lýðræðis-
sinnar, konungssinnar og gamlir
fylgjendur Baath-flokksins – hafa
líka haldið stefnuskrám sínum leynd-
um. Ekki ætti því að koma á óvart þó
að hugur kjósenda sé blendinn.
„Hvers vegna ætti ég að kjósa?“ spyr
Ahmad Mohammed, súnníti frá Anb-
ar-héraði en þar eru árásir daglegt
brauð, í samtali við Christian Science
Monitor í gær. „Ég veit lítið um fram-
bjóðendur og þeir sem ég þó þekki
virðast vera í vinnu fyrir Bandaríkja-
mennina. Ég kem ekki auga á neinn
sem mun bæta líf okkar.“
Ekki þarf þó að draga í efa að
margir Írakar, einkum Kúrdar í
norðurhéruðunum og sjítar, sem eru
60% landsmanna en þeir sjá fram á að
komast nú loksins til einhverra valda
í Írak, vilja gjarnan taka þátt í kosn-
ingunum. Og ástandið í Kúrdahéruð-
unum í Norður-Írak og síðan á sum-
um svæðum sjíta í Suður-Írak er ekki
jafn afleitt og það er á svæðum
súnníta í miðju Íraks; þar hefur því
nokkuð borið á kosningabaráttu, líkt
og rakið er í síðasta hefti The Econ-
omist. Kosningjaspjöld getur víða að
líta og þátttaka verður án efa með
besta móti í Kúrdahéruðunum.
Á hinn bóginn eru áhrifamenn í
íröskum og bandarískum stjórnmál-
um nú farnir að viðurkenna að ólík-
legt sé að margir súnnítar vogi sér að
mæta á kjörstað til að kjósa.
Hafa margir áhyggjur af því að
borgarastríð brjótist út í kjölfarið,
verði íraska þingið nánast eingöngu
skipað sjítum og Kúrdum.
111 framboðslistar í boði
Í kosningunum annan sunnudag á
að kjósa 275 manna þing; það hefur
síðan það verkefni að semja stjórn-
arskrá fyrir Írak. Um hana yrði svo
kosið aftur að ári liðnu. Allt landið er
eitt kjördæmi, flokkar fá því þing-
menn kjörna í samræmi við hlutfalls-
legan styrk á landsvísu.
Hefur verið reiknað út að ef allir
atkvæðabærir Írakar mættu á kjör-
stað – um 16 milljónir manna – fengi
stjórnmálaafl einn mann kjörinn fyrir
hver 58.000 atkvæði sem það fengi.
Sem fyrr segir eru 111 framboðs-
listar í boði, þ.e. 84 flokkalistar og 27
óháðir frambjóðendur, alls 7.471
frambjóðandi. Fæstir þeirra hafa
hins vegar gefið nafn sitt upp opin-
berlega, eins og áður var vikið að.
Þetta á raunar einnig við um þá
Íraka sem nú hafa starfað að því að
undirbúa kosningarnar. Þeir fara
huldu höfði, eins og fram kom í frétt
The New York Times á fimmtudag.
Margir greina ekki einu sinni ætt-
ingjum sínum frá því hvað þeir starfa,
óttast að skæruliðum berist tíðindin
til eyrna og komi og banki uppá.
Sumir vilja ekki gera of mikið úr
þeim vandamálum, sem fylgja þess-
um kosningum; segja Íraka þekkja
sitt heimafólk, nöfn einstakra fram-
bjóðenda skipti ekki máli. En aðrir
benda á að ógnin, sem stafar af
hryðjuverkamönnum, hefur útilokað
alla opinbera, pólitíska umræðu. Ef
frambjóðendur geti ekki komið fram
opinberlega í kosningabaráttunni þá
geti þeir ekki tekist á um álitaefni,
mæst í kappræðum og rætt landsins
gagn og nauðsynjar. Og ef þeir geti
þetta ekki þá séu kjósendur varla í
stakk búnir til að meta hvað sé best
fyrir framtíð Íraks.
„Kosningar snúast ekki bara um að
setja kjörseðil ofan í kjörkassa á kjör-
dag; kosningar eru ferli,“ segir Nasir
Chaderji, formaður Lýðræðisflokks-
ins, í samtali við New York Times á
sunnudag. „Það ferli er ekki fyrir
hendi hér,“ bætir hann við. „Ég kalla
þetta leynikosningarnar.“
Landamærum Íraks verður lokað í tengslum við þingkosningar í landinu 30. janúar nk.
Frambjóðend-
ur gefa fæstir
upp nöfn sín
Ófremdarástandið í Írak setur mikið strik í reikn-
inginn varðandi umdeildar þingkosningar sem eiga
að fara fram í landinu annan sunnudag. Davíð Logi
Sigurðsson hefur kynnt sér málið.
Reuters
Íraskur lögreglumaður gengur framhjá kosningaspjaldi þar sem flokkur Iyads Allawi, forsætisráðherra núver-
andi bráðabirgðastjórnar, er auglýstur. Flokkur Allawis reynir að höfða til kjósenda með því að skapa þá ímynd að
Allawi sé harður í horn að taka, líklegur til að geta ráðið niðurlögum ofbeldismanna sem nú plaga íbúa í landinu.
’[…] hitti frambjóð-endur yfirhöfuð kjós-
endurna beint, þá gerist
það oftast í mjög litlum
hópum á mjög afviknum
stöðum.‘
david@mbl.is
REKTOR hins virta Harvard-há-
skóla í Bandaríkjunum, Lawrence
H. Summers, hefur verið gagnrýnd-
ur harðlega fyrir ummæli sem féllu
á ráðstefnu um liðna helgi. Sum-
mers sagði þar m.a. að eðlislægur
munur á körlum og konum gæti átt
sinn þátt í því að færri konur en
karlar næðu árangri í náttúruvís-
indum og stærðfræði.
Hann velti einnig fyrir sér hve
mikinn þátt kynjamisrétti ætti í því
að koma í veg fyrir að konur fengju
framgang í úrvalsháskólum. Nancy
Hopkins, sem er líffræðingur hjá
MIT í Massachusetts, gekk af fundi
til að mótmæla
ummælum Sum-
mers en sjálf
lauk hún á sínum
tíma námi við
Harvard. „Það
er óþolandi að
allar þessar frá-
bærlega snjöllu
konur (í Har-
vard) skulu vera
undir stjórn manns sem lítur þær
þessum augum,“ sagði Hopkins.
Summers, sem var fjármálaráð-
herra Bandaríkjanna 1999-2001,
var að sögn skipuleggjenda fundar-
ins fenginn þangað sem afburða
hagfræðingur en ekki rektor. Hann
hefði átt að vera ögrandi en umfjöll-
unarefnið var konur og minnihluta-
hópar í vísindum og tækni. Sjálfur
kveðst Summers hafa verið að vitna
í tilgátur sem kynntar voru í gögn-
um ráðstefnunnar en ekki lýst eigin
skoðunum. Hann sagði að fólk vildi
fremur trúa því að félagslegir þætt-
ir ættu sök á misjöfnum árangri
kynjanna „en þetta þarf að rann-
saka“. Hann hefur áður sætt ámæli
vegna þess að í rektorstíð hans hef-
ur hlutur kvenna orðið æ minni í
háum embættum hjá Harvard.
Umdeild ummæli um konur og árangur í stærðfræði
Eðlislægur munur fjötur um fót?
Cambridge. AP.
Larry Summers