Morgunblaðið - 22.01.2005, Blaðsíða 23

Morgunblaðið/Helgi Bjarnason
Smakkað á öllum sortum Þorramaturinn rann ljúflega niður.
Keflavík | Börnin á leikskólanum
Tjarnarseli í Keflavík buðu feðrum
sínum, öfum og jafnvel langöfum
með sér í morgunmat á leikskól-
anum í gær, á bóndadaginn. Glatt
var á hjalla í leikskólanum enda
ekki á hverjum degi sem svo margir
karlmenn stíga þar inn fyrir
þröskuld án þess að hraða sér í
burtu eftir að hafa skilað börnunum
af sér.
„Mér finnst þetta skemmtileg
hefð hjá leikskólanum og gaman að
koma hingað smástund með litlu
greyjunum,“ sagði einn afinn sem
sat með tveimur öðrum öfum og ein-
um pabba á litlum stól við lítið borð
og spjallaði við börnin. Annar afinn
sagði frá því að hann væri með
barnabarni en hefði áður verið tíður
gestur í Tjarnarseli með börnum
sínum en lengra væri síðan hann
hefði sjálfur verið barn á þessum
sama leikskóla. Allir voru ánægðir
með þá hefð sem skapast hefur í
Tjarnarseli að bjóða körlunum einn
morgun á ári.
Börnin borðuðu ekki mikið af
þorramatnum en nörtuðu þó aðeins í
hann. Inga María Ingvarsdóttir leik-
skólastjóri sagði að sum börnin
hámuðu matinn í sig á meðan önnur
snertu varla við honum. „Með því að
bjóða upp á þorramat venjum við
börnin við hann og höldum við hefð-
inni,“ sagði hún.
„Afi fékk sér hákarl,“ sagði lítil
stúlka á annarri deild og var ánægð
með þann gamla. Þar gekk einn
starfsmaðurinn um með græna
flösku sem falin var í undanrennu-
fernu og skenkti í staup. Inga María
segir að fyrir fimm árum, þegar
leikskólinn tók fyrst upp á því að
bjóða feðrum og öfum í þorramat,
hafi sumir verið að grínast með það
að ekki væri hægt að borða hákarl
og halda þorrablót nema hafa
brennivín með. Hún sagðist hafa
tekið þá á orðinu árið eftir og síðan
alltaf boðið upp á staup. Komið
hefði í ljós að þetta hefði mest verið í
nösunum á körlunum því fáir þæðu
staupið en mönnum þætti þetta
skemmtilegt og skapaði ákveðna
stemmningu í hópnum.
Þorrablótið á Tjarnarseli hefur
mælst mjög vel fyrir og sumar deild-
irnar eru troðfullar ár eftir ár. Inga
María segir að tilgangurinn sé að fá
fjölskyldurnar inn í leikskólann, í
þessu tilviki feður og afa. Sumir séu
að koma í fyrsta skipti inn í leikskól-
ann á þessum dögum. Á mæðradag-
inn er mömmunum og ömmunum
boðið. Þá er stemmningin önnur
enda boðið upp á aðrar veitingar,
meira af sætabrauði og rjóma.
„Afi fékk sér hákarl“
Reykjanesbær | Þrjár myndlista-
sýningar verða opnaðar í Reykja-
nesbæ í dag og verða þær opnar
næstu daga og vikur.
Nýtt sýningarrými, Suðsuðvestur,
verður opnað á Hafnargötunni í
Keflavík með sýningu Magnúsar
Pálssonar milli kl. 15 og 17. Sýning
hans stendur til 13. febrúar og er op-
in laugardaga og sunnudaga kl. 14 til
17 og fimmtudaga og föstudaga kl.
16 til 18.
Sýning Listasafns Reykjanesbæj-
ar á málverkum Kristínar Gunn-
laugsdóttur verður opnuð klukkan
17 í sýningarsalnum í Duushúsum.
Sýningin ber heitið „... mátturinn og
dýrðin, að eilífu ...“ Flest verkanna
eru unnin á síðustu fjórum árum og
hafa ekki verið sýnd áður. Sýning
hennar stendur til 6. mars og er opin
alla daga frá kl. 13 til 17.30.
Í tilefni af 90 ára vígsluafmæli
Keflavíkurkirkju eru fjögur verk
Kristínar sýnd í safnaðarheimilinu
Kirkjulundi og verður sá hluti sýn-
ingarinnar opnaður kl. 16.
Þá má geta þess að Pétur Gautur
opnar sýningu í Kaffitári í Njarðvík
kl. 17.
Dagur myndlistar
Akureyrarvöllur gæti orðið annars konar fólkvangur í framtíðinni, eða að
þar verði byggð upp verslun eða þjónusta. Völlurinn gæti líka verið endur-
byggður fyrir frjálsar íþróttir og knattspyrnu.
JAKOB Björnsson, formaður bæjar-
ráðs, sagðist persónulega ekki úti-
loka það að Akureyrarvöllur verði
lagður af í tengslum við uppbyggingu
íþróttamannavirkja vegna Lands-
móts Ungmennafélags Íslands á Ak-
ureyri árið 2009. Hann hefur þó ekki
komist að endanlegri niðurstöðu í
málinu en telur nauðsynlegt að menn
fari að átta sig á því hvernig unnið
verði í framhaldinu. „Mér hefur
fundist afskaplega vinalegt að hafa
völlinn þarna og það yrði að mörgu
leyti eftirsjá af honum. En þegar far-
ið er að hugsa málið í stærra sam-
hengi, þarf að huga að því hvað sé
skynsamlegt til framtíðar varðandi
nýtingu svæðisins.“ Jakob sagði að
einnig yrði fróðlegt að sjá hvaða hug-
myndir koma út úr verkefninu „Ak-
ureyri í öndvegi“ varðandi umrætt
svæði.
Bæjarráð óskaði eftir greinar-
gerðum frá KA, Þór, Ungmenna-
félagi Akureyrar (UFA) og Íþrótta-
bandagi Akureyrar (ÍBA) vegna
skýrslu vinnuhóps vegna landsmóts-
ins 2009. Í greinargerðum frá for-
svarsmönnum Þórs og KA kemur
skýrt fram að félögin vilja byggja
upp og bæta aðstöðu til knattspyrnu-
iðkunar á sínum eigin félagssvæðum.
Þá hafa Þórsarar lýst sig reiðbúna til
viðræðna við bæjaryfirvöld um upp-
byggingu á fullkominni frjálsíþrótta-
aðstöðu á félagssvæði sínu. Bæði fé-
lögin telja tillögu 2 í skýrslu
vinnuhópsins besta kostinn. Þar er
lagt til að Akureyrarvöllur verði
lagður niður og frjálsíþróttaaðstöðu
ásamt stúkubyggingu verði komið
fyrir á félagssvæði Þórs og jafnframt
verði reist stúka við knattspyrnuvöll
á félagssvæði KA.
Í greinargerð stjórnar UFA kem-
ur fram að stjórnarmönnum líst best
á að frjálsíþróttaaðstaðan verði end-
urbyggð á Akureyrarvellinum. Hann
sé miðsvæðis í bænum, sé sýnilegur
og setji skemmtilegan svip á bæinn.
Einnig kemur fram að það vegur
þyngst við þessa staðsetningu að
svæðið er utan heimasvæða stóru
íþróttafélaganna og vel staðsett með
tilliti til þjónustu. Einnig segir í
greinargerð UFA, að uppbygging
frjálsíþróttasvæðis á Þórssvæðinu
hafi vissa kosti, eins og bent er á í
skýrslu vinnuhópsins. Hins vegar
óttast stjórn UFA að uppbygging að-
alvallar á Þórssvæðinu verði til þess
að UFA hafi ekki jafngreiðan aðgang
að vallarsvæðinu til æfinga og keppni
og nú er. Jafnframt er lögð á það
áhersla að flytjist aðstaðan á Þórs-
svæðið þurfi að tryggja, áður en haf-
ist er handa, að UFA fái þann tíma
sem þarf til æfinga á vellinum en
verði ekki hornreka vegna fótbolta-
æfinga. Þá telur stjórn UFA það
sjálfsagða kröfu að félagið sitji við
sama borð og önnur félög hvað varð-
ar auglýsingamöguleika vallarins „en
það hefur ekki verið reyndin fram að
þessu þótt Akureyrarvöllur sé okkar
helsta æfinga- og keppnissvæði“.
Stjórn Þórs bendir á í greinargerð
sinni að með því að setja frjálsíþrótt-
ir inn á félagssvæði Þórs þurfi að
auka landrými sem félaginu er ætlað.
Í greinargerð stjórnar KA kemur
fram að nauðsynlegt sé að á svæði fé-
lagsins verði keppnisvöllur lagður
gervigrasi, stúkubygging reist og
völlurinn flóðlýstur. „Ef keppnisvöll-
ur yrði lagður og áhorfendastúka
reist á æfingasvæði KA og svo illa
færi að bæjaryfirvöld gerðu alvöru
úr þeim áformum sínum að tengja
Dalsbraut við Naustahverfi myndi
æfingasvæði félagsins skerðast. KA
telur að tryggja þurfi félaginu æf-
ingasvæði í Naustahverfi,“ segir enn-
fremur í greinargerð félagsins.
Ekki útilokað að Akureyrarvöllur verði lagður niður
Stóru félögin vilja upp-
byggingu á eigin svæðum
MORGUNBLAÐIÐ LAUGARDAGUR 22. JANÚAR 2005 23
MINNSTAÐUR
OPI‹: FÖSTUDAG 12 –20 / LAUGARDAG 10 –18 / SUNNDAG 13 –18 / MÁNUDAG 12 – 20
LAGERÚTSALAN FER FRAM Á LAGER OKKAR AFTAN VI‹ LUMEX BÚ‹INA SKIPHOLTI 37, GENGI‹ INN FRÁ BOLHOLTI
AKUREYRISUÐURNES
Aðstaða sameinuð á einn
stað | Nýjar höfuðstöðvar SBA-
Norðurleiðar við Hjalteyrargötu
verða opnar almenningi milli kl.
13 og 16 í dag, laugardag. Með
því hafa skrifstofur og tvö verk-
stæði fyrirtækisins verið sam-
einuð á einn stað. Starfsmenn fyr-
irtækisins eru 33 yfir vetrar-
mánuðina og 55 bílar eru í flota
þess. Nýjustu bílarnir verða til
sýnis og gestum boðið upp á veit-
ingar.
Almannatengsl | Námskeið um
hugmyndafræði og aðferðir al-
mannatengsla (public relations)
verður haldið hjá Símenntun Há-
skólans á Akureyri þriðjudagana
25. janúar og og 1. febrúar. Kenn-
ari á námskeiðinu er Liz Bridgen
ráðgjafi en hún hefur langa starfs-
reynslu á sviði almannatengsla í
Bretlandi og Íslandi.
Sýning | Gústav Geir Bollason opn-
ar sýningu á verkum sínum í Gall-
eríi + við Brekkugötu 35 á Akur-
eyri í dag, laugardaginn 22. janúar
kl. 16. Sýningin verður opin um
helgar frá kl. 14 til 17 en aðra daga
eftir samkomulagi. Henni lýkur 30.
janúar næstkomandi.
Skákmót | Skákfélag Akureyrar
og KB banki halda skákmót fyrir
grunnskólabörn í dag, laugardag-
inn 22. janúar. Það hefst kl. 11 í
Lundarskóla.
Skautadagur | Heilsueflingarráð
Akureyrar í samvinnu við Skauta-
höllina á Akureyri efnir til skauta-
dags í dag laugardag frá kl. 13 til
15 þar sem bæjarbúum og öðrum er
boðið frítt á skauta auk þess sem
hægt verður að fá skauta án endur-
gjalds.
Settar verða upp ýmsar þrauta-
brautir og þátttakendum gefst m.a.
kostur á að spreyta sig í íshokkíi.
Þá verða listdansarar og fleiri úr
Skautafélagi Akureyrar á svæðinu
og sýna listar sínar.
Ef veður og aðrar aðstæður leyfa
verður einnig boðið upp á útisvell
við hlið Skautahallarinnar.