Morgunblaðið - 23.01.2005, Blaðsíða 46
46 SUNNUDAGUR 23. JANÚAR 2005 MORGUNBLAÐIÐ
MINNINGAR
Kveðja frá
Ármenningum
Pétur Sigurðsson,
járniðnaðarmaður,
glímukappinn knái,
andaðist á nýársdag 2005 áttræður
að aldri. Pétur hafði gengið til liðs
við Glímufélagið Ármann, þegar
hann flutti til Reykjavíkur úr Eyja-
firði og var félagsmaður æ síðan
eða nær 60 ár.
Pétur Sigurðsson tók þátt í starfi
glímudeildar, sat í stjórn deildar-
innar um skeið og var fulltrúi fé-
lagsins á fundum og þingum um
glímumál. Hann sótti glímuæfingar
reglulega í áratugi og tók þátt í
kappglímum í nafni félagsins. Var
Ármannsmeistari, Reykjavíkur-
meistari og Íslandsmeistari marg-
sinnis í sínum þyngdarflokki.
Hvern félagsskap og þá ekki síst
íþróttafélag skiptir það máli að eiga
innan sinna raða félaga, sem í orði
og æði eru til fyrirmyndar byrj-
PÉTUR V.
SIGURÐSSON
✝ Pétur ValvesSigurðsson
fæddist á Hjalteyri
við Eyjafjörð 26.
ágúst 1924. Hann
lést á heimili sínu 1.
janúar síðastliðinn
og fór útför hans
fram frá Langholts-
kirkju 11. janúar.
endum og leiða yngri
iðkendur styrkri hendi
og þeim sé ávallt unnt
að treysta. Slíkur fé-
lagi var Pétur. Pétur
Sigurðsson hafði verið
sæmdur heiðursmerki
Glímufélagsins Ár-
manns úr gulli.
Með þessum kveðju-
orðum vil ég í umboði
aðalstjórnar Glímu-
félagsins Ármanns og
fyrir hönd annarra Ár-
menninga þakka fé-
laganum góða og
glímukappanum Pétri
Sigurðssyni fyrir samfylgd og
tryggð við félagið um áratuga skeið
og að hafa með atgervi sínu varpað
ljóma á nafn Glímufélagsins Ár-
manns.
Fyrir hönd Glímufélagsins Ár-
manns,
Hörður Gunnarsson, heið-
ursfélagi.
Kveðja frá
glímufélögum
Fallinn er í valinn enn einn
þeirra Ármenninga, sem hófu
glímuiðkun fyrir miðja síðustu öld
og haldið hafa hópinn með þeim er
síðar hafa bæst við. Pétur Sigurðs-
son, járniðnaðarmaður, okkar
gamli góði glímufélagi og vinur,
varð bráðkvaddur á nýarsdag síð-
astliðinn.
Pétur Sigurðsson, glímukappinn
góði, var tæplega meðalmaður á
hæð en sérlega þrekvaxinn og
sterkur. Mátti merkja af fram-
göngu hans að þar fór heilbrigð sál
í hraustum líkama, eigindi sem góð-
ir glímumenn gjarnan tileinka sér.
Í hartnær 50 ár sótti Pétur
glímuæfingar í Ármanni eftir að
hann fluttist til Reykjavíkur norðan
úr Eyjafirði. Telja verður slíkt fá-
heyrt enda hefur hann þá staðið af
sér þrjár kynslóðir glímumanna, ef
gert er ráð fyrir að meðaltími
glímumanna við æfingar séu um 15
ár, þeirra sem hefja reglubundnar
æfingar.
Pétur var kappsamur glímumað-
ur sem stóð ekki ótti af viðfangs-
manni sínum og hlaut margur stór-
vaxinn og þóttalegur maðurinn
byltu af hans völdum. Þrátt fyrir
kappið var Pétur mjög mjúkhentur
og natinn við að leiða börn og byrj-
endur fyrstu skrefin inn í veröld
glímunnar.
Þátttaka Péturs í kappmótum
spannaði marga áratugi og var
hann á stundum Ármannsmeistari,
Reykjavíkurmeistari og Íslands-
meistari í sínum þyngdarflokki. Í
síðustu kappglímum sínum innan
félagsins var hann kominn vel á
sjötugsaldur.
Bæði er mér ljúft og skylt og
vart öðrum fremur til að dreifa en
að minnast Péturs Sigurðssonar
fyrir þátttöku hans í sýningum okk-
ar glímumanna í Armanni. Hann
tók þátt í nær öllum sýningaferðum
Ármenninga eftir inngöngu í félag-
ið og m.a. var hann í glímuflokki
Ármenninga, sem fór á Ólympíu-
leikana í Helsinki 1952. Á nær
hálfrar aldar ferli mínum sem
stjórnandi sýninga á glímu og forn-
um leikjum var Pétur einn helsti
þátttakandinn í mörg hundruð sýn-
ingum, bæði innanlands og utan.
Ávallt var hægt að treysta því, að
hann skilaði þeim atriðum sem hon-
um voru falin og hann hefði góðan
skilning á því hvernig fremja ætti
leikinn svo fanga mætti athygli
áhorfenda. Í síðustu sýningu tók
hann þátt kominn vel á áttræðisald-
ur.
Af sjálfu leiðir, að jafn mikil sam-
vinna, eins og að framan er lýst, í
hópi manna með sama áhugamál
leiðir til samhygðar og vinskapar.
Þannig er í hópi okkar glímumanna
í Ármanni. Pétur var ljúfur maður
og drengur góður. Hann stóð undir
nafni líkt og klettur í mannhafinu.
Að leiðarlokum vil ég persónu-
lega og fyrir hönd okkar glímu-
manna í Ármanni þakka Pétri Sig-
urðssyni fyrir samfylgd og vináttu
um áratuga skeið og það óeigin-
gjarna starf, sem hann lagði fram í
þágu glímunnar og félagsins.
Eftirlifandi konu hans Arnheiði
Hjartardóttur og niðjum þeirra eru
fluttar samúðarkveðjur.
Fyrir hönd glímumanna í Glímu-
félaginu Ármanni,
Hörður Gunnarsson.
Innilegar þakkir til allra þeirra sem sýndu okkur
samúð og hlýhug við andlát og útför elskulegs
föður okkar, tengdaföður, afa og langafa,
EIRÍKS BJARNASONAR.
Sérstakar þakkir fær starfsfólks deildar 4 á
hjúkrunarheimilinu Sunnuhlíð.
Sveinþór Eiríksson,
Jóhann Ásberg Eiríksson, Hrönn Pétursdóttir,
Snorri Eiríksson, Kristín Ólafsdóttir,
Jón Eiríkur Eiríksson, Anna Lísa Geirsdóttir,
barnabörn og barnabarnabarn.
Hjartans þakkir til ykkar allra, sem sýndu okkur samúð og hlýhug vegna
andláts og útfarar ástkærs bróður okkar, mágs, frænda og vinar,
JÓNS INGVARSSONAR,
Silfurtúni,
Búðardal.
Sérstakar þakkir til starfsfólks dvalarheimilisins Silfurtúns, Búðardal,
fyrir góða umönnun.
Hafið kæra þökk fyrir allt.
Sigurbjörg Kristjana Ingvarsdóttir,
Árni Ingvarsson,
Grétar Bæring Ingvarsson, Mundhildur Birna Guðmundsdóttir
og fjölskylda,
Júlíus Baldursson.
Þökkum öllum þeim, sem sýndu okkur samúð
og vinarhug við andlát og útför elskulegs
eiginmanns míns, föður okkar, tengdaföður,
afa og langafa,
DAVÍÐS KR. JENSSONAR
byggingameistara,
Langagerði 60.
Jenný Haraldsdóttir,
Valborg Davíðsdóttir, Ragnar B. Ragnarsson,
Kristrún Davíðsdóttir, Ásgeir Eiríksson,
Inga Davíðsdóttir, Jóhann Bjarnason,
Jenný Davíðsdóttir, Ólafur Einarsson,
Hildur Davíðsdóttir, Hreinn Hafliðason,
Elsa María Davíðsdóttir, Þórhallur Matthíasson,
barnabörn og barnabarnabörn.
Þökkum auðsýnda samúð og hlýhug við
andát og útför ástkærrar eiginkonu minnar,
móður okkar, tengdamóður, ömmu og lang-
ömmu,
ÓLAFAR BJÖRNSDÓTTUR,
Garðvangi, Garði,
áður til heimilis
á Hringbraut 67, Keflavík.
Sérstakar þakkir færum við starfsfólki Garðvangs, Garði og heibrigðis-
stofnunar Suðurnesja.
Skarphéðinn Agnarsson,
Birna Skarphéðinsdóttir,
Margrét Skarphéðinsdóttir, Þórður Ingimarsson,
Jónína Skarphéðinsdóttir, Ólafur V. Gunnarsson,
barnabörn og barnabarnabörn.
Kæru vinir.
Við sendum ykkur öllum innilegar þakkir fyrir
auðsýnda samúð og vináttu við andlát og útför
kærrar móður okkar,
GUÐRÚNAR JAKOBSDÓTTUR
fyrrum húsmóður
á Grund.
Sérstakar þakkir til alls starfsfólks á
Héraðssjúkrahúsinu á Blönduósi fyrir frábæra umönnun síðastliðin 11 ár.
Lárus Þórðarson, Ragnhildur Þórðardóttir,
Þorsteinn Tr. Þórðarson og fjölskyldur.
Elskulegur eiginmaður minn, faðir, tengdafaðir, afi og langafi,
JÓHANN ÞÓRARINSSON,
Arnarhrauni 15,
Hafnarfirði,
andaðist á St Jósefsspítala í Hafnarfirði föstudaginn 21 janúar.
Ingunn Ingvarsdóttir,
Guðrún Jóhannsdóttir, Ásgeir Haraldsson,
Ingunn Hallgrímsdóttir, Úrsúla Linda Jónasdóttir,
Þorsteinn Margeirsson, Jóhann Ingi Margeirsson
og barnabörn.
Unna er dáin.
Ég var ein af þeim
sem voru svo lánsamir
að vera henni samferða
um árabil. Við kynnt-
umst í kringum 1960,
hestamennskan leiddi okkur saman.
Við mynduðum einskonar „grúppu“
og héldum hópinn, Unna, Hanna,
Svala, Birna, Gugga, Lilja og sú sem
þetta skrifar.
Hestamannafélagið Fákur var
JÓRUNN
KARLSDÓTTIR
✝ Jórunn Karls-dóttir, Unna,
fæddist í Reykjavík
18. september 1929.
Hún lést á LSH í
Fossvogi 11. janúar
síðastliðinn og var
útför hennar gerð
frá Grafarvogs-
kirkju 19. janúar.
okkar staður. Ég man
fyrstu ferðina okkar,
áfangastaður var að
heimsækja Helgu á
Engi, glæsilegur hópur
30 kvenna, það var
vissulega sjón að sjá.
Frjálsar fallega búnar
konur á góðum gæðing-
um lögðu af stað.
Gleðin réð ríkjum.
Móttökur voru annál-
aðar, stórbrotin kona,
sem veitti mat og
drykk af rausn, við lék-
um okkur daglangt,
kyrjuðum ættjarðar-
söngva sem heyrðust um haga alla.
Ekki var verra að sjá þennan glæsta
hóp prýða baksíðu Vísis daginn eftir.
Þetta var þá.
Við stóðum líka saman í selskaps-
lífinu. Þá voru frumsýningar þannig
að ekki var við hæfi að mæta tvisvar í
sama kjólnum, þaðan af síður á Ný-
ársfagnaði eða Pressuballi. Já þetta
voru galadagar. Það kom sér vel að
vera hagur í höndum og geta skreytt
sig að eigin smekk og aldrei að óttast
að mæta eins kjól.
Það er gaman að minnast þessara
daga, þeir komu og fóru eins og ann-
að í heimi hér. Hún Unna var ókrýnd
drottning með fegurð og glæsileik.
Full af húmor og töfrandi framkomu
var hún yndi allra, hún var líka góður
sögumaður, miðpunktur í mannfagn-
aði. Ég man hana og minnist hennar
eins og hún var þá. Ég er þakklát
fyrir þessa daga þegar allt var svo
létt og heimurinn ekki orðinn svona
grafalvarlegur.
Nú er Unna horfin til himinstjarn-
anna og skilur eftir handa okkur
fangið fullt af góðum minningum –
sem hlýja.
Það er gott að syrgja góða konu
sem gerði heiminn fegurri og betri.
Mínar innilegustu samúðarkveðj-
ur. Blessun fylgi ykkur öllum börn-
unum hennar.
Sigrún Sigurðardóttir.
Móðir okkar,
KRISTÍN J. ÞORSTEINSDÓTTIR,
frá Eskifirði,
síðast búsett í Reyjavík,
lést á Landspítalanum Fossvogi fimmtu-
daginn 20. janúar.
Útför hennar verður auglýst síðar.
Marteinn Þór Viggósson,
Þorsteinn Freyr Viggósson,
Kristín Ágústa Viggóssdóttir,
Sigurður Líndal Viggósson,
Sigvaldi Viggósson,
Unnur Rósa Viggóssdóttir,
Sigfús Smári Viggósson,
Haukur Viggósson,
Anton Viggó Viggósson,
tengdabörn, barnabörn, barnabarnabörn
og barnabarnabarnabörn.