Morgunblaðið - 24.01.2005, Blaðsíða 4

4 MÁNUDAGUR 24. JANÚAR 2005 MORGUNBLAÐIÐ
FRÉTTIR
Munið Mastercard
ferðaávísunina
Kanarí
8. febrúar, 22. febrúar og 15. mars
frá kr. 44.010
Verð kr. 49.990
M.v. 2, stökktu tilboð. Flug, gisting, skatt-
ar. Netbókun.
8. febrúar, 7 nætur.
Verð kr. 44.010
M.v. hjón með 2 börn, 2-11 ára,
stökktu tilboð, Flug, gisting, skattar.
Netbókun. 8. febrúar, 7 nætur.
AUKAFLUG
18. janúar - uppselt
25. janúar - uppselt
1. febrúar - uppselt
8. febrúar - aukaflug
15. febrúar - uppselt
22. febrúar - aukaflug
15. mars - aukaflug
Skógarhlíð 18, sími 595 1000 www.heimsferdir.is
Heimsferðir bjóða nú aukaflug til Kan-
arí í febrúar og mars, enda allar ferðir
þangað á þessum tíma uppseldar.
Beint flug. Þú bókar ferðina og tryggir
þér síðustu sætin og 4 dögum fyrir
brottför færðu að vita hvar þú gistir. Að
sjálfsögðu nýtur þú þjónustu
frábærra farastjóra okkar á Kanarí
allan tímann.
ÞINGFLOKKUR Samfylkingarinn-
ar hefur samþykkt að flytja á Alþingi
frumvarp til breytingar á stjórnar-
skrá Íslands. Breytingin hefur í för
með sér að ríkisstjórn á hverjum tíma
verður óheimil aðild að eða stuðning-
ur við stríðsaðgerðir nema með sam-
þykki meirihluta Alþingis, að því er
segir í fréttatilkynningu.. Ákvæðið
mun þó ekki hafa áhrif á skuldbind-
ingar sem Ísland hefur undirgengist
vegna aðildar að alþjóðastofnunum.
„Við samningu frumvarpsins hefur
verið litið til þess með hvaða hætti
þessu er hagað í stjórnarskrám ann-
arra ríkja, einkum Norðurlandanna. Í
21. grein stjórnarskrárinnar eru
heimildir til samninga við erlend ríki
takmarkaðar og miðar frumvarpið að
því að þær takmarkanir nái einnig til
stuðnings við og hvers kyns aðildar að
stríðsrekstri.
Sem kunnugt er ákváðu einn eða
tveir menn stuðningsaðild Íslands að
innrásinni í Írak, með því að setja
nafn Íslands á lista hinna viljugu
þjóða. Með þeirri ákvörðun var brotið
gegn skýru ákvæði þingskaparlaga
um samráð við utanríkismálanefnd
Alþingis. Jafnframt var gengið gegn
eindregnum vilja meirihluta þjóðar-
innar. Þær miklu deilur sem staðið
hafa síðan um stuðning ríkisstjórnar-
innar við innrásina og hvernig að
ákvörðun var staðið sýna svo ekki
verður um villst að lagaramma um
hvernig standa skuli að slíkum
ákvörðunum verður að styrkja,“ segir
m.a. í fréttatilkynningunni.
Meirihluti
Alþingis sam-
þykki stuðn-
ing við stríð
RÍKISÚTVARPIÐ auglýsti í Morg-
unblaðinu um helgina starf frétta-
stjóra Útvarpsins laust til umsóknar.
Kári Jónasson lét af því starfi 1. nóv-
ember á síðasta ári er hann tók við
ritstjórn Fréttablaðsins. Síðan þá
hefur Friðrik Páll Jónsson, vara-
fréttastjóri, gegnt starfi fréttastjóra.
Samkvæmt auglýsingunni skulu
umsóknir berast til starfsmanna-
stjóra fyrir 7. febrúar nk. Það er út-
varpsstjóri sem ræður fréttastjóra
Útvarps að fenginni tillögu útvarps-
ráðs.
Ríkisútvarpið
Fréttastjóra-
staðan auglýst
TÍUNDI hluti tekna útflutnings-
greina hefur horfið á undanförnum
mánuðum vegna gengisbreytinga,“
segir Kristinn Pétursson, fram-
kvæmdastjóri og fiskverkandi á
Bakkafirði. „Nú eru menn að fá 90
krónur en fengu áður 100 fyrir sömu
vöru. Hjá þeim sem reka hagkvæm
fyrirtæki í fiskverkun samsvarar
þetta öllum vinnulaunum. Ég hef
ekki orðið var við að vöruverð hér
innanlands lækki samsvarandi. Ég
skil ekki þá hagfræði að undirstöðu-
atvinnuvegir þjóðarinnar eigi að
borga herkostnaðinn af fastgengis-
stefnunni.“
Lækka þarf flutningskostnað
Athyglin hefur beinst að vanda
fiskvinnslunnar innanlands eftir að
Samherji tilkynnti að til greina
kæmi að hætta landvinnslu á Stöðv-
arfirði. Kristinn segir að hár flutn-
ingskostnaður innanlands sé að
sliga fiskvinnslufyrirtækin og fleiri.
„Það er dýrara fyrir mig að flytja 40
feta gám með fiski 700 km leið frá
Snæfellsnesi til
Bakkafjarðar en
að láta aka eins
gámi 2.800 km
frá Kaupmanna-
höfn til Madrídar
á Spáni.“ Krist-
inn segist hafa
spurt sig hvað
valdi þessum
mikla verðmun
innan Evrópska efnahagssvæðisins.
„Niðurstaðan er sú að það séu
óheyrilegar álögur af hálfu ríkis-
sjóðs á alla flutningastarfsemi. Í
fyrsta lagi aðflutningsgjöld á flutn-
ingatæki, óheyrilega hár þunga-
skattur og gjöld á dekk og varahluti.
Þetta magnar upp flutningskostnað.
Ég tel að það þurfi að taka upp
sama hugsunarhátt varðandi skatt-
lagningu á flutningastarfsemi og
hvað varðar tekjuskattinn. Það á að
lækka öll gjöld á flutningastarfsemi
um helming að minnsta kosti. Þá
vaxa flutningarnir á móti og það
gæti hjálpað fiskvinnslunni, því
akstur er stór liður í útgjöldum
hennar.“
Kristinn telur einnig að það þurfi
að endurskoða reglur um útflutning
á ferskum fiski, sem sé innlendri
fiskvinnslu fjötur um fót. Gefa þurfi
innlendum fyrirtækjum tækifæri til
að bjóða í fiskinn sem fluttur er út
óunninn á jafnréttisgrundvelli.
„Það er einhver nefnd í Reykjavík
sem kemur saman og ákveður
hverjir megi flytja út ferskan fisk og
hvað mikið eftir einhverju skömmt-
unarmiðakerfi. Það er verið að flytja
út 250–500 tonn út á viku. Ég vil að
samkeppnislög séu virt þannig að ís-
lensk fiskvinnsla fái að bjóða í þenn-
an fisk. Þessu er mokað úr landi og í
mörgum tilvikum er ekki viktað fyrr
en í Bretlandi. Við megum bjóða í
þennan fisk í Hull og Grimsby og
flytja hann úldinn heim! Sú er sam-
keppnisstaðan. Það er fyrir neðan
allar hellur að fara svona með þessa
undirstöðu atvinnugrein þjóðarinn-
ar. Sjávarútvegurinn á allt annað
skilið.“
Kristinn Pétursson, fiskverkandi á Bakkafirði
Bæta þarf aðstöðu fisk-
vinnslunnar í landinu
Kristinn Pétursson
EINAR Oddur Kristjánsson, varaformaður fjár-
laganefndar Alþingis og þingmaður Sjálfstæðis-
flokksins, segir það kosta of mikla fjármuni fyrir
Íslendinga að bjóða sig fram til setu í öryggisráði
Sameinuðu þjóðanna árin 2009–2010. „Ég hef spáð
því að bara áróðurinn fyrir því að fá menn til að
kjósa Ísland kosti um 800 til 1000 milljónir króna,“
segir Einar Oddur. Það séu allt of miklir peningar
til að réttlæta þetta framboð.
Einar Oddur segir Ísland keppa við Tyrkland og
Austurríki um sæti í öryggisráðinu. Eitt af þessum
þremur löndum muni sitja eftir í baráttunni. „Mér
er sagt af mönnum, sem eru hnútum mjög kunn-
ugir í utanríkisþjónustunni, að þetta sé algjör mis-
skilningur. Við verðum aldrei kosin,“ segir Einar
Oddur en tekur þó fram að ekki sé hægt að fullyrða
neitt um það í dag. Hann viti þó að líkurnar séu
sáralitlar og því sé verið að kasta peningum á glæ.
Einar Oddur segir að það verði að stoppa aukn-
ingu útgjalda í utanríkisþjónustunni og hann hafi
tekið undir það sjónarmið að aðhaldið í ríkisfjár-
málunum sé of lítið. Því sé nauðsynlegt að spyrja
hverjum sé unnið gagn með þessu framboði Ís-
lands í öryggisráðið. Réttara væri að draga saman
útgjöldin og liður í því væri að hætta við þessi
áform.
„Ég trúi því að ég geti búið til heilmikla sam-
stöðu á þinginu um það. Ég ætla alla vega að reyna
það. Mér finnst eðlilegt að gera það og er í þeirri
baráttu,“ segir Einar aðspurður hvort margir þing-
menn séu honum sammála í þessu máli. „Við getum
gert þjóðum heimsins miklu meira gagn fyrir
minni pening.“
Kostar talsverða fjármuni
Sólveig Pétursdóttir, formaður utanríkismála-
nefndar Alþingis, segir þetta mál á forræði utan-
ríkisráðuneytisins og Davíðs Oddssonar utanrík-
isráðherra. Hann hafi kynnt vinnu í tengslum við
framboð Íslands til setu í öryggisráðinu fyrir
nefndarmönnum utanríkismálanefndar í lok nóv-
ember sl. „Ég trúi því að hann muni leggja mat á
stöðuna hverju sinni og skoða hvað er viðeigandi að
gera á hverjum tíma,“ segir Sólveig.
Hún segir ljóst að þetta muni kosta talsverða
fjármuni enda samkeppni um sæti í öryggisráðinu
mikil og margar þjóðir aðilar að Sameinuðu þjóð-
unum. Þetta sé sú stefna sem stjórnarmeirihlutinn
hafi komið sér saman um og verði fylgt áfram
þangað til annað er ákveðið. Hún segist samt gera
sér grein fyrir því að eðlilega séu skiptar skoðanir
um þetta mál, aðallega vegna kostnaðarins. Hins
vegar sé mikilvægt að Íslendingar hafi áhrif í al-
þjóðastarfi og leggi sitt af mörkum í samstarfi
þjóðanna.
Illugi Gunnarsson, aðstoðarmaður utanríkisráð-
herra, segir vinnu við framboð Íslands haldi áfram
og verkefnaáætlun verði fylgt. Eðlilegt sé að skoða
gang mála á hverjum tíma á leiðinni og taka
ákvörðun um framhald málsins um leið og frekari
upplýsingar liggi fyrir. Eins og staðan sé í dag hafi
stefna ríkisstjórnarinnar ekki breyst.
Ekki fjölga leppríkjum
Guðmundur Árni Stefánsson, þingmaður Sam-
fylkingarinnar í utanríkismálanefnd, segir að Sam-
fylkingin hafi tekið undir þessi áform af velvilja og
ekki beitt sér gegn þeim.
„Það er alltaf sá möguleiki til staðar, ef menn
meta möguleika á að ná sætinu litla einhvern tíma á
þessum fjórum árum sem eru til stefnu, þá getum
við dregið í land og sparað þá fjármuni sem ellegar
hefðu farið til framboðsins,“ segir Guðmundur
Árni. Ekki sé um eingreiðslu að ræða og ekki er bú-
ið að festa þessa fjármuni. Það verði að vega og
meta stöðuna á hverjum tíma.
Steingrímur J. Sigfússon, fulltrúi Vinstri-
grænna í utanríkismálanefnd, segist setja miklu
frekar fyrirvara við hvaða pólitísku stefnu eigi að
fylgja í öryggisráðinu, nái Ísland kosningu, heldur
en hvað framboðið kosti. VG hafi ekki sett sig upp á
móti þessu framboði Íslands og telji að smáríki eigi
að bera höfuðið hátt í samskiptum sínum við aðrar
þjóðir og standa á sjálfstæði sínu. Íslendingar megi
samt ekki vera taglhnýtingar annarra þjóða og
verði að móta sína pólitísku afstöðu um leið og þeir
axli sínar skyldur á alþjóðlegum vettvangi.
„Það er engin þörf á að fjölga leppríkjum Banda-
ríkjamanna í öryggisráði Sameinuðu þjóðanna,“
segir Steingrímur.
Varaformaður fjárlaganefndar andvígur framboði Íslands í öryggisráð SÞ
Kostar um milljarð
NÝTT sameinað útibú Landsbanka Íslands opn-
ar í dag á Laugavegi 77. Múlaútibúi Landsbank-
ans hefur verið lokað en þar verður fast-
eignaþjónusta Landsbankans til húsa að sögn
Kristjáns Einarssonar, útibússtjóra á Laugavegi
77. Starfsmenn útibúsins voru í óðaönn að gera
allt klárt fyrir opnunina í gær þegar ljósmyndari
Morgunblaðsins leit inn til þeirra á Laugaveg-
inum.
Kristján segir útibúin hafa verið sitt í hvoru
lagi meðal 10 stærstu útibúa Landsbankans. „Ég
er alveg sannfærður um að það hafi aldrei áður
verið sameinuð svona tvö stór útibú,“ segir
Kristján og aðspurður segir hann engar upp-
sagnir hafa fylgt sameiningunni. Hann segir
gjaldkerastöðum fækka úr níu í fjóra en aukning
verði meðal þjónustufulltrúa. Auk þess verði
eitthvað um tilfærslur starfsmanna milli útibúa.
„Þetta er meiri sóknarsameining heldur en hag-
ræðing,“ segir Kristján og bætir því við að verið
sé með þessu að þjappa fólki og þekkingunni
saman á einn stað, auk þess sem öll aðstaða sé til
fyrirmyndar.
Kristján segir að boðið verði upp á kaffi og
kökur í dag, en 5. febrúar nk. verði skemmti-
dagskrá í boði á löngum laugardegi.
Morgunblaðið/Árni Sæberg
Starfsmenn Laugavegsútibúsins unnu af kappi í gær við að gera allt klárt fyrir opnunina í dag.
Stór útibú Landsbanka sameinuð
♦♦♦