Morgunblaðið - 28.01.2005, Blaðsíða 27
MORGUNBLAÐIÐ FÖSTUDAGUR 28. JANÚAR 2005 27
DAGLEGT LÍF
„ÞÆR VILDU ekki sleppa henni við
að halda klúbbinn, enda gefa þær
ekkert eftir og eru í stöðugu sam-
bandi til að minna á hver sé næst í
röðinni,“ segir Gunnhildur Stef-
ánsdóttir þegar saumaklúbb tengda-
móður hennar ber á góma.
„Það kemst enginn undan því að
halda saumaklúbb og þegar tengda-
mamma slasaðist bauð ég þeim í
fyrstu heim til mín og eldaði fyrir
þær, en svo vildi hún fá þær heim til
sín og nú fer ég þangað og sé um
matinn þar.
Ætli það sé ekki svona tvisvar til
þrisvar yfir veturinn sem röðin kem-
ur að henni og hef ég mjög gaman af
að geta aðstoðað. Þær eru ynd-
islegar.“
Gunnhildur segist, að ósk Krist-
ínar, yfirleitt vera með fiskrétt og
styðst við uppskriftir úr Veislubók
Hagkaupa, sem hún segir að sé frá-
bær eins og reyndar allar uppskrift-
arbækur frá þeim. „Þetta eru ein-
faldir og góðir réttir sem
meistarakokkar gefa uppskriftir að,
góðar leiðbeiningar og myndirnar
fallegar,“ segir hún. „Í næsta klúbb
ætla ég að bjóða upp á lúðu í ofni
með camembert-osti og eplaköku í
eftirrétt, en þá uppskrift rakst ég á í
einhverju blaði sem ég man ekki
lengur hvað heitir.
Ég er ekki ein af þeim sem bý til
eigin uppskriftir. Þær eru yfirleitt
fengnar að láni og stílfærðar.“
Stórlúða með camembert
Fyrir 6
6 stk (200 g) stórlúða í sneiðum
1 camembert-ostur
salt og pipar
sítróna
Meðlæti: Tómatrjómi
1 dós tómatmauk með kryddjurtum
og hvítlauk (Hunt’s)
1½ dl rjómi
salt og pipar
Meðlæti:
200 g belgbaunir
Skerið vasa í lúðusneiðarnar og fyll-
ið með sneiðum af ostinum. Raðið á
smurða ofnskúffu og kreistið safa úr
sítrónu yfir. Kryddið með salti og
pipar. Bakið í 180°C heitum ofni í 15
mín. Lagið sósuna á meðan.
Setjið sósuna á disk og leggið fiskinn
ofan á. Skreytið með fersku basil.
Gott er að bera fram soðnar belg-
baunir sem meðlæti.
Tómatrjómi: Sjóðið saman tómatana
úr dósinni og rjómann. Kryddið með
salti og pipar.
Belgbaunir: Snöggsjóðið baunirnar í
söltu vatni í um 2 mín.
Epladesert með rjóma
5 epli
2 dl sykur
100 g súkkulaði, smátt skorið
1 dl haframjöl
1 dl kókosmjöl
100 g smjör, brætt
Afhýðið eplin og skerið í helminga
og síðan í bita og sjóðið þau í potti
með ½ dl af sykri þar til þau eru að-
eins mýkri.
Setjið eplin í botninn á eldföstu móti
og stráið smátt söxuðu uppáhalds-
súkkulaði yfir. Stráið síðan hafra-
mjöli, kókosmjöli og því sem eftir er
af sykrinum yfir eplin og súkkulaðið.
Bræðið að lokum smjörið og hellið
því varlega yfir allt.
Bakið svo í ofni við 170°C í um það
bil 20 mínútur.
Epladesertinn er borinn fram með
þeyttum rjóma.
MATARKISTAN | Eldað fyrir tengdamömmu
Býður alltaf
upp á fisk
Það var svo góður maturinn í saumaklúbbnum hjá
Kristínu í gær … Snillingurinn hún Gunnhildur
Stefánsdóttir, tengdadóttir Kristínar Árnadóttur,
sá um matseldina eins og hún hefur gert síðan
Kristín handleggsbrotnaði fyrir nokkrum árum.
Morgunblaðið/Þorkell
Lúða með camembert-osti.
Morgunblaðið/Þorkell
Gunnhildur Stefánsdóttir býður saumaklúbb tengdamóður sinnar, Krist-
ínar Árnadóttur, iðulega upp á fiskrétti.
Morgunblaðið/Þorkell
Í SVÍÞJÓÐ eins og víða annars
staðar verða matvörur sem
merktar eru viðkomandi verslun
æ vinsælli og lýsa
fáir neytendur
neikvæðni í þeirra
garð, að því er
kemur fram í
Dagens Nyheter.
Ica-súkkulaðikex,
Hemköp-
maísbaunir og
Coop-haframjöl eru dæmi um
sænskar vörur undir „eigin“ vöru-
merki en líka ákveðin lág-
vöruverðsvörumerki eins og t.d.
Euroshopper.
Slíkar vörur eru nú 15% af öll-
um matvörum í sænskum mat-
vöruverslunum og búist er við því
að árið 2006 fari hlutfallið upp
fyrir 20%, að því er ný könnun
leiðir í ljós. Í Sviss og Bretlandi
eru eigin vörumerki í mat-
vöruverslunum hvað algengust
eða yfir 40% af matvöruúrvalinu.
Í Belgíu er hlutfallið 38% og í
Þýskalandi 35%.
Greiningarfyrirtækið Movement
Research & Consulting gerði
könnunina í Svíþjóð og í henni
kemur einnig fram að neytendum
þykja eigin vörumerki versl-
anakeðjanna alveg eins og aðrar
vörur þar sem gæði og verð er
metið.
Lægra verð og meiri hagnaður
Það er hagkvæmt fyrir versl-
unarfyrirtæki að láta framleiða
vörur undir eigin vörumerki.
Þannig sparast einn liður í keðj-
unni og hægt er að kaupa beint af
framleiðanda. Hagnaðurinn verð-
ur meiri en einnig er hægt að
bjóða neytendum lægra verð.
Þeir sem hugsa mest um mat-
vöruverð og að spara við innkaup
eru þeir jákvæðustu úr hópi neyt-
enda gagnvart eigin vörumerkjum
matvöruverslananna, samkvæmt
könnuninni. Ef gæðin myndu
minnka, myndi áhugi á eigin vöru-
merkjum einnig
minnka.
Í könnuninni
var rætt við 8.600
viðskiptavini 70
verslana í allri
Svíþjóð um við-
horf þeirra til eig-
in vörumerkja. Í
ljós kom að níu af hverjum tíu
geta nefnt eitt eða fleira eigið
vörumerki matvöruverslana og
flestir gera sér grein fyrir að eig-
in vörumerki eru mismunandi, t.d.
vörumerki ákveðinna verslana og
lágvöruverðsvörumerki eins og
t.d. Euroshopper.
NEYTENDUR
Jákvæðir í garð vara sem
merktar eru verslunum
Í Sviss og Bretlandi eru
eigin vörumerki í mat-
vöruverslunum hvað al-
gengust eða yfir 40%
af matvöruúrvalinu.