Morgunblaðið - 31.01.2005, Blaðsíða 12
Sameininganefnd með fulltrú-um Borgarbyggðar, Borg-arfjarðarsveitar og Hvít-ársíðuhrepps kom saman í
fyrsta sinn 13. maí 2003. Tæpu ári
síðar bættust fulltrúar frá Skorra-
dalshreppi í nefndina og í október
2004 frá Kolbeinsstaðahreppi, sem
tilheyrir Snæfellsnes- og Hnappa-
dalssýslu. Hvert sveitarfélag á tvo
fulltrúa í nefndinni. Kosið verður um
sameininguna 23. apríl næstkomandi.
Alls búa 3.511 manns í þessum
sveitarfélögum, 2.593 í Borgarbyggð,
670 í Borgarfjarðarsveit, 100 í Kol-
beinsstaðahreppi, 84 í Hvítársíðu-
hreppi og 64 í Skorradalshreppi. Ef
sveitarfélögin verða sameinuð nær
nýja sveitarfélagið yfir 5.061 ferkíló-
metra.
Skipaðir voru þrír vinnuhópar í
mars á síðasta ári og skiluðu þeir nið-
urstöðum í nóvember sl. Einn hóp-
urinn fjallaði um stjórnsýslu- og fjár-
mál, annar um fjölskyldumál og þriðji
um skipulags-, umhverfis- og sam-
göngumál. Hlutverk þeirra var að
vinna stöðumat í sínum málaflokki,
móta framtíðarsýn og til hvaða að-
gerða skuli grípa til að fylgja eftir
þeirri sýn og að skila inn tillögu um
áherslupunkta varðandi þessa mála-
flokka fyrir sameiningarsamning.
Eftir að niðurstöður hópanna lágu
fyrir var ákveðið að efna til íbúafunda
sem nú eru nýafstaðnir. Haldnir voru
fundir í Lindartungu í Kolbeins-
staðahreppi, Logalandi í Reykholts-
dal og Alþýðuhúsinu í Borgarnesi. Að
sögn Hólmfríðar Sveinsdóttur verk-
efnisstjóra sameiningarnefndarinnar
tókust þeir mjög vel. Mæting var góð
og gagnlegar umræður fóru fram.
Meðal tillagna vinnuhóps um fjöl-
skyldumál er að ein fræðslunefnd
starfi í sameinuðu sveitarfélagi og yf-
irstjórn skólanna verði sameinuðu
eins og kostur er. Þá verði allri sér-
fræðiþjónustu stjórnað frá einni mið-
stöð. Margir hafa áhyggjur af framtíð
Andakílsskóla og Laugagerðisskóla
sem eru fámennustu skólarnir á
svæðinu, en nefndin lagði til að þeir
verði reknir sem útibú frá öðrum
skólum.
Á fundinum í Lindartungu í Kol-
beinsstaðahreppi kom fram að skól-
inn væri mikilvægur fyrir samfélagið,
en ekki skipti máli hvort hann verði
útibú frá öðrum skóla. Kom einnig
fram að líklega yrði sameining kol-
felld í hreppnum ef kæmi fram tillaga
um að leggja Laugagerðisskóla niður.
Í Logalandi kom fram sú skoðun
að efla ætti Andakílsskóla fremur en
að veikja hann. Þá komu fram
áhyggjur af því að þó öllu fögru verði
lofað fyrir sameiningu gæti ný sveit-
arstjórn lokað skólanum að kosn-
ingum loknum.
Hætta á að jaðarbyggðir
verði út undan
Umræður um samgöngumál á
fundunum snerust að nokkru leyti
um þá staðreynd að skólabörn þurfa
oft að fara um langan veg á svæðinu.
Til dæmis þótti sumum að of langt
yrði að aka börnum úr Kolbeins-
staðahreppi í skóla í Borgarnesi.
Kom fram á fundinum í Logalandi að
mikilvægt væri að vegirnir væru sem
öruggastir enda þyrftu sum skóla-
börn að vera í skólabíl í klukkutíma
hvora leið og sum hver að skipta um
bíl á leiðinni.
Á fundinum í Borgarnesi kom fram
að helsti gallinn eftir sameiningu yrði
að hætta væri á að sveitarstjórnin
hefði ekki nógu mikla yfirsýn yfir allt
svæðið og að jaðarbyggðirnar yrðu út
undan.
Var nefndin einnig vöruð við að
lofa of miklu fyrir kosningar. Reynd-
ar var kvartað yfir því á fundunum í
Lindartungu og Logalandi að fátt
væri um skýr svör frá sameining-
arnefndinni. Bent var á mikilvægi
þess að sameiningarnefndin móti
framtíðarsýn á það hvernig sveitarfé-
lagið muni líta út eftir sameiningu og
næstu áratugi á eftir og leggi fram
skýrar línur hvað varðar uppbygg-
ingu þess.
Fulltrúar sameiningarnefnd-
arinnar bentu á að tilgangur
fundanna væri að hlusta á skoðanir
íbúanna. Litið yrði til þeirrar um-
ræðu þegar nefndin mun vinna loka-
tillögur sínar sem lagðar verða fram
um mánaðamót febrúar og mars.
Aukinn áhrifamáttur
í atvinnu- og byggðamálum
Atvinnumálin voru íbúum sveitar-
félaganna einnig ofarlega í huga. Í
Borgarnesi var bent á að það yrði
gæfuspor að sameina allt svæðið og
þá sérstaklega hvað atvinnumálin
varðaði. Þannig væri hægt að beita
meiri slagkrafti. Í Kolbeins-
staðahreppi telja íbúar mikilvægt að
fá aðgang að háhraðanettengingu, en
sú uppbygging er í fullum gangi ann-
ars staðar á þessu svæði. Í Logalandi
kom fram sú skoðun að fjölbreytileik-
inn væri kostur. Dreifbýli og þéttbýli
færu vel saman og styddu hvort ann-
að því um væri að ræða eitt atvinnu-
og þjónustusvæði.
Í úttekt sem Skrifstofuþjónusta
Vesturlands gerði að beiðni samein-
ingarnefndarinnar um fjármál sveit-
arfélaganna fimm kom fram að rekst-
ur þeirra virðist vera vel viðunandi í
samanburði við önnur sveitarfélög.
Skýrsluhöfundar telja að sameinað
sveitarfélag hafi mikla getu til að
auka áhrifamátt sinn í atvinnu- og
byggðamálum, sem skipti miklu máli
í samkeppninni sem nú er milli sveit-
arfélaga um fólk og störf.
Hólmfríður segir að sameining-
arnefndin komi fram með tillögur, en
auðvitað geti hún ekki gefið nein
kosningaloforð. „Það er á valdi hverr-
ar sveitarstjórnar að stýra sveitarfé-
laginu og það breytist með hverri
nýrri sveitarstjórn,“ segir hún. „Nú
mun sameiningarnefndin fara yfir
þær hugmyndir og skoðanir sem
komu fram á íbúafundunum. Hún
mun síðan leggja fram lokatillögur
sínar um sameininguna um mán-
aðamót febrúar og mars. Það er ekk-
ert skrýtið að skoðanir séu skiptar
núna meðal íbúa þessara sveitarfé-
laga um sameininguna, enda ekki
hægt að móta sér skoðanir um hana
fyrr en lokatillögurnar liggja fyrir.“
Hugmyndir íbúa teknar inn í lokatillögurnar
Viðræður um samein-
ingu sveitarfélaga í
Borgarfirði norðan
Skarðsheiðar hafa
staðið yfir í tæp tvö ár.
Ásdís Haraldsdóttir
leitaði frétta af íbúa-
fundum sem samein-
ingarnefnd stóð fyrir
á dögunum, en þar
voru skoðanir skiptar.
TENGLAR
..............................................
www.sameining.is
asdish@mbl.is
Morgunblaðið/Ásdís Haraldsdóttir
12 MÁNUDAGUR 31. JANÚAR 2005 MORGUNBLAÐIÐ
MINNSTAÐUR
Stykkishólmur | Bæjarstjórn Stykk-
ishólms hefur samþykkt fjárhags-
áætlun sveitarfélagsins í ár. Bæjar-
stjóri boðaði til borgarafundur til að
kynna áætlunina og fyrirhugaða
starfsemi á vegum sveitarfélagsins.
Skatttekjur bæjarsjóðs eru áætlað-
ar 373 milljónir króna og þar af er
úrsvar um 246 millj. kr. Útsvarstekj-
ur eru óbreyttar á milli ára. Heildar-
tekjur Stykkishólmsbæjar eru 668 m.
kr. og gjöld áætluð 612 m. kr. auk 40
m. kr í afskriftir.
Eins og hjá öðrum sveitarfélögum
eru fræðslumálin fjárfrekust og kosta
þau 216,6 millj. kr. eða um 58% af
skatttekjum bæjarins. Stærsti ein-
staki liður er rekstur grunnskólans,
um 148 milljónir kr.
Þrátt fyrir aðhaldsaðgerðir er
ákveðið að hefja byggingu á nýjum
leikskóla í Tjarnarmýri við innkom-
una í bæinn. Um er að ræða 530 fer-
metra byggingu og áætlaður kostn-
aður um 130 milljónir króna. Í ár
verður varið til framkvæmdanna 80
milljónum og á næsta ári verður lokið
við bygginguna. Byggður verður
sparkvöllur í samvinnu við KSÍ og til
gatnagerðar verður varið 10 millj. kr.
Fram kom í máli Óla Jóns Gunn-
arssonar bæjarstjóra að geta bæjar-
sjóðs til þessara miklu fjárfestinga
byggist m.a. á því að seldar hafa verið
eignir eins og Hótel Stykkishólmur
og félagsheimilið, sem gera mögulegt
„að halda áfram kröftugri uppbygg-
ingu í Stykkishólmi, þrátt fyrir erfið
rekstrarskilyrði sveitarfélaga“.
Miklar umræður urðu á borgara-
fundinum um sameiningarmál á Snæ-
fellsnesi. Fundarmenn voru almennt
jákvæðir fyrir því að kanna betur
kosti sameiningar sveitarfélaga á
Nesinu. Töldu menn að sameiginleg
heild væri heillavænlegri fyrir íbúa
svæðisins til lengri tíma en innbyrðis
togstreita. Fram komu mikil von-
brigði með afstöðu bæjarstjórna í
Grundarfirði og Snæfellsbæ um að
gefa íbúunum ekki kost á að sýna hug
sinn til sameiningar í kosningum.
Morgunblaðið/Gunnlaugur Árnason
Byggt í Hólminum Starfsmenn Skipavíkur við byggingu sex íbúða raðhúss
við Laufásveg: Kristján Gunnlaugsson, Hinrik Hjartarson, Bergur Hjalta-
lín og Vilberg Guðjónsson. Talsvert verður byggt í Stykkishólmi í ár.
Nýr leikskóli
VESTURLAND