Morgunblaðið - 31.01.2005, Blaðsíða 21

MORGUNBLAÐIÐ MÁNUDAGUR 31. JANÚAR 2005 21
MINNINGAR
Alúðar þakkir færum við öllum þeim, sem
sýndu okkur samúð og hlýhug vegna andláts
og útfarar ástkærs eiginmanns, föður okkar,
tengdaföður, afa og langafa,
DAVÍÐS GUÐMUNDSSONAR,
Kristnibraut 43.
Sérstakar þakkir til Ólafs Skúla Indriðasonar
læknis, starfsfólks B4 Landspítala Fossvogi
og 13B Landspítala Hringbraut.
Ingibjörg Friðfinnsdóttir,
Stefanía Davíðsdóttir, Sverrir Sigfússon,
Guðmundur Davíðsson, Sjöfn Eggertsdóttir,
Kristín Davíðsdóttir,
barnabörn og barnabarnabörn.
Ástkær móðir okkar, tengdamóðir og amma,
INGIBJÖRG ÞORLEIFSDÓTTIR,
Álfaborgum 15,
Reykjavík,
lést á Landspítalanum við Hringbraut mánu-
daginn 24. janúar.
Útför hennar fer fram frá Fossvogskirkju
þriðjudaginn 1. febrúar kl. 13.00.
Blóm og kransar afþakkaðir, en þeim, sem vilja
minnast hennar, er bent á Umhyggju, samtök langveikra barna,
kt. 690186-1199, banki 0101-15-371646.
Fyrir hönd aðstandenda,
Sigþór Guðjónsson.
Eiginmaður minn, faðir, tengdafaðir, afi og
langafi,
JÓHANN ÞÓRARINSSON,
Arnarhrauni 15,
Hafnarfirði,
verður jarðsunginn frá Þjóðkirkjunni í Hafnar-
firði miðvikudaginn 2. febrúar kl. 13.00.
Ingunn Ingvarsdóttir,
Guðrún Jóhannsdóttir, Ásgeir Haraldsson,
Ingunn Hallgrímsdóttir,
Úrsúla Linda Jónasdóttir
Þorsteinn Margeirsson,
Jóhann Ingi Margeirsson
og barnabarnabörn.
Ástkær eiginkona og móðir okkar,
KRISTÍN AÐALHEIÐUR MAGNÚSDÓTTIR
frá Eskifirði,
andaðist á dvalar- og hjúkrunarheimilinu
Seljahlíð að morgni föstudagsins 28. janúar.
Blessuð sé minning hennar.
Útförin verður auglýst síðar.
Jón Guðlaugsson
og fjölskylda.
Elskulegur faðir okkar, tengdafaðir og afi,
MAGNÚS HÖRÐUR MAGNÚSSON,
lést á hjúkrunarheimilinu Víðihlíð, Grindavík,
fimmtudaginn 20. janúar.
Útförin hefur farið fram í kyrrþey að ósk hins
látna.
Sérstakar þakkir til starfsfólks Víðihlíðar fyrir
góða umönnun.
Arnheiður Magnúsdóttir, Helgi Þór Óskarsson,
Viktoría Magnúsdóttir, Koert Hensema,
og barnabörn.
Þökkum auðsýnda samúð og hlýhug við andlát
og útför ástkærs eiginmanns, föður, tengda-
föður, afa og langafa,
JÓNS SIGURÐSSONAR
fyrrv. bifreiðaeftirlitsmanns,
Austurvegi 31, Selfossi.
Sérstakar þakkir eru færðar starfsfólki á Ljós-
heimum á Selfossi fyrir góða umhyggju og
umönnun.
Sigríður Guðmundsdóttir,
Guðmundur Kr. Jónsson, Lára Ólafsdóttir,
Sigurður Jónsson, Esther Óskarsdóttir,
Þuríður Jónsdóttir, Magnús Óskarsson,
Gísli Á. Jónsson, Emelía Gränz,
SigríðurJónsdóttir, Valtýr Pálsson,
Kári Jónsson, Kristjana Kjartansdóttir,
Gunnar Jónsson, Anna Fríða Bjarnadóttir,
Ásmundur Jónsson, Margrét Alice Birgisdóttir
og fjölskyldur.
✝ Sigurjón Odds-son Sigurðsson,
verkstjóri hjá Vega-
gerðinni, fæddist á
Akureyri 24. júní
1938. Hann lést á
heimili sínu á Holta-
teig 3 á Akureyri 23.
janúar síðastliðinn.
Foreldrar hans voru
Sigurður Eiríksson
lögreglumaður, f.
17.8. 1908, d. 12.4.
2000, og Guðbjörg
Fanney Jónasdóttir
húsmóðir, f. 12.3.
1907, d. 25.6. 1984.
Systkini Sigurjóns eru: Styrkár
Geir, f. 23.11. 1932, d. 26.5. 2004,
Hákon Eiríkur, f. 10.11. 1934,
Jónas Grétar, f. 9.10. 1936, Ásta
Svandís, f. 30.11. 1947, og Rósa
Margrét, f. 19.1. 1949.
Sigurjón kvæntist hinn 22.
nóvember 1959 Ester Báru Sig-
urðardóttur, f. 19.1. 1941. For-
eldrar hennar voru hjónin Sig-
urður Jóhannsson bóndi á
Svínárnesi á Látraströnd, f. 2.4.
1903, d. 18.7. 1992, og Sólveig
Hallgrímsdóttir húsmóðir, f.
12.8. 1905, d. 20.11. 1998. Börn
Sigurjóns og Esterar eru: 1)
María Lilja, f. 24.11. 1959, d.
23.4. 1960. 2) Sól-
veig, f. 24.11. 1961,
maki Sigurður Jóns-
son, f. 2.9. 1957, og
eiga þau soninn Sig-
urjón Fannar. 3)
Sigurður, f. 16.3.
1966, sambýliskona
Hildur Nielsen, f.
24.7. 1969, dætur
Sigurðar og Svan-
hildar Hauksdóttur,
f. 3.12. 1966, eru
Agla Brá og Bára
Brá. 4) Sævar Geir,
f. 10.9. 1967, sam-
býliskona Heiðdís
Björk Helgadóttir, f. 6.8. 1974,
og eiga þau soninn Helga Frey.
Sigurjón lauk gagnfræðaprófi
frá Gagnfræðaskóla Akureyrar
og bjó og starfaði á Akureyri
alla sína ævi. Hann starfaði hjá
ullarverksmiðjunni Gefjuni frá
1956–1960, síðan gerðist hann
bifreiðastjóri hjá vörubifreiða-
stöðini Stefni frá 1960–1976 er
hann hóf störf hjá Vegagerðinni,
lengst af sem verkstjóri yfir
klæðingaflokki Vegagerðarinn-
ar.
Útför Sigurjóns verður gerð
frá Akureyrarkirkju í dag og
hefst athöfnin klukkan 11.
Það var höggvið stórt skarð í líf
mitt þegar faðir minn Sigurjón
Oddsson Sigurðsson lést sunnudag-
inn 23. janúar sl.
Ekki gæti ég hugsað mér betri
föður eða félaga. Alltaf var hægt að
leita til hans og hann tilbúinn hve-
nær sem var að gefa mér góð ráð eða
lausnir.
Mér hlotnaðist þau forréttindi að
fá að vinna með föður mínum hjá
Vegagerðinni í mörg sumur og hafði
gaman af. Hann tók vinnuna hjá
Vegagerðinni alvarlega og var með
eindæmum samviskusamur, réttlát-
ur og sanngjarn og gott að vinna
undir hans stjórn. Margt lærði ég af
honum og mótaði hann mig mikið á
þessum viðkvæmu uppvaxtarárum
og kom alltaf fram við mig sem sinn
jafningja.
Við ferðuðumst víða um landið við
að leggja bundið slitlag aðallega á
Norðurlandi, Austurlandi, og síðari
árin á Vestfjörðum.
Pabbi þekkti landið mjög vel,
sögu þess, staðhætti, örnefni og
eyðibýli. Það var unun og upplifun
að ferðast með honum þar sem hann
ávallt gat sagt manni sögur um þá
staði sem við vorum staddir á hverju
sinni.
Það var sama hvar maður var með
honum, það þekktu svo margir Sissa
hjá Vegagerðinni. Á þessum stöðum
var hann vel kynntur enda þægileg-
ur í allri umgengni og samkvæmur
sjálfum sér.
Sem faðir og afi var hann hlýr og
elskulegur og hafði gaman af barna-
börnum sínum enda mjög barngóð-
ur sama hver átti í hlut.
Ég ætla ekki að tíunda alla þá
kosti sem faðir minn, og einnig minn
besti félagi, hafði, þær minningar
varðveiti ég sjálfur í hjarta mínu.
Ég er afar þakklátur fyrir að hafa
getað verið hjá þér og haldið í þína
hönd þegar þú kvaddir þitt jarð-
neska líf.
Þegar ég keyri um þjóðvegi lands-
ins þá verður þú, faðir minn, ofar-
lega í huga mér. Og mun ég geyma
minningu þína um aldur og ævi.
„Dáinn, horfinn“, – harmafregn!
Hvílíkt orð mig dynur yfir!
En ég veit að látinn lifir.
Það er huggun harmi gegn.
Hvað væri annars guðleg gjöf.
geimur heims og lífið þjóða?
Hvað væri sigur sonarins góða?
Illur draumur, opin gröf.
(Jónas Hallgr.)
Þinn sonur
Sævar Geir Sigurjónsson.
Leiddu mína litlu hendi
Ljúfi Jesú, þér ég sendi
bæn frá mínu brjósti sjáðu.
Blíði Jesú, að mér gáðu.
(Ásmundur Eir.)
Vertu, Guð faðir, faðir minn
í frelsarans Jesú nafni,
hönd þín leiði mig út og inn
svo allri synd ég hafni.
(Hallgr. Pét.)
Takk fyrir allar góðu stundirnar
sem við áttum saman.
Helgi Freyr Sævarsson.
Elsku afi nafni, það er svo erfitt að
kveðja þig, því mér hefur alltaf þótt
svo rosalega vænt um þig. Ég á mjög
margar frábærar minningar um þig
og þær stundir sem við áttum sam-
an, þær munu alltaf búa ásamt þér í
hjarta mínu. Þú varst mér alltaf svo
traustur, blíður og góður, við vorum
búnir að bralla margt saman og sér-
staklega gönguferðirnar okkar með
ömmu og hundinum Kolla á staðinn
okkar sem við kölluðum „gaddagrí“,
og einnig voru Portúgalsferðirnar
okkar minningar sem ég mun alltaf
geyma í hjarta mér.
Guð geymi þig, elsku afi nafni, við
munum hugsa vel um ömmu fyrir
þig. Ég kveð þig með söknuði.
Láttu nú ljósið þitt
loga við rúmið mitt.
Hafðu þar sess og sæti,
signaði Jesús mæti.
(Höf. ók.)
Þinn nafni,
Sigurjón Fannar Sigurðsson.
Með þessum línum viljum við
kveðja í hinsta sinn góðan vin okkar
og vinnufélaga, Sigurjón Oddsson
Sigurðsson.
Stór er sá hópur vina og kunningja
sem drúpir höfði með söknuði vegna
fráfalls öðlings.
Andlátsfregnir koma okkur oft á
óvart, þrátt fyrir að þær séu óað-
skiljanlegur hluti af lífinu sjálfu, en
þær fá okkur til að staldra við og
hugleiða tilgang lífsins og endalok
þess.
Sigurjón hóf störf hjá Vegagerð-
inni á Akureyri 1976 og vann hjá
henni til dauðadags.
Við kynntumst strax við komu
hans til Vegagerðarinnar og unnum
mikið saman. Mynduðust með okkur
sterk tengsl og vinátta sem hélst alla
tíð.
Sigurjón var flokksstjóri í efnis-
vinnsluflokki Vegagerðarinnar á
Norðurlandi 1976 til 1981 er hann
tók að sér verkstjórn í nýstofnuðum
klæðningaflokki Vegagerðarinnar
sem vann víðs vegar um landið við
lögn klæðninga, viðgerðir og endur-
bætur á þeim.
Sigurjón var frábær starfsmaður,
vandvirkur, duglegur og ráðagóður
enda voru störf hans rómuð um allt
land. Einstök samviskusemi og elja
einkenndi öll störf Sigurjóns.
Við vinnufélagarnir minnumst
Sigurjóns með trega og söknuði.
Hann er í okkar huga hinn sanni
góði drengur, hreinskiptinn og glað-
vær.
Þó Sigurjón sé horfinn, lifa minn-
ingarnar í hjörtum þeirra sem eftir
lifa. Með hlýhug og þökk fyrir gott
samstarf kveðjum við Sigurjón.
Ég bið Drottin sem öllu ræður að
milda söknuð ástvina Sigurjóns og
hugga þá í sorginni.
Megi minning um góðan dreng lifa
með okkur um ókomna daga.
Fyrir hönd samstarfsmanna,
Sigurður Oddsson.
SIGURJÓN ODDSSON
SIGURÐSSON
Þökkum öllum þeim er sýndu okkur samúð og
hlýhug við andlát móður okkar,
KRISTÍNAR J. ÞORSTEINSDÓTTUR,
og þeim mikla fjölda vina og vandamanna sem
voru við útför hennar og vottuðu henni hinstu
virðingu sína.
Kærar þakkir til deildar 6A á Landspítalanum í
Fossvogi, starfsfólks í Furugerði 1 og kærar
þakkir og kveðjur til starfsfólksins í Gerðubergi.
Marteinn Þór Viggósson, Perla Guðmundsdóttir,
Þorsteinn Freyr Viggósson, Gytte Viggósson,
Kristín Ágústa Viggósdóttir, Birgir Dýrfjörð,
Sigurður Líndal Viggósson, Bryndís Sigurjónsdóttir,
Sigvaldi Viggósson, Þórunn Guðmundsdóttir,
Unnur Rósa Viggósdóttir, Eiríkur Þorsteinsson,
Sigfús Smári Viggósson, María Jóhannsdóttir,
Haukur Viggósson, Sigríður Sigurðardóttir,
Anton Viggó Viggósson, Katrín Stefánsdóttir,
barnabörn, barnabarnabörn
og barnabarnabarnabörn.