Morgunblaðið - 03.02.2005, Blaðsíða 2
2 FIMMTUDAGUR 3. FEBRÚAR 2005 MORGUNBLAÐIÐ
FRÉTTIR
BOÐAR LÝÐRÆÐI
George W. Bush flutti stefnuræðu
í nótt og útlistaði forgangsmál sín á
síðara kjörtímabili sínu sem forseti
Bandaríkjanna. Hann fagnaði kosn-
ingunum í Írak, Afganistan og á
svæðum Palestínumanna og lofaði
að beita sér fyrir frekari útbreiðslu
lýðræðis í heiminum. Hann kvaðst
einnig ætla að leggja áherslu á frið-
arumleitanir í Mið-Austurlöndum og
auka fjárhagsaðstoðina við Palest-
ínumenn.
Abbas á fund við Sharon
Mahmoud Abbas, forseti Palest-
ínumanna, kvaðst í gær vongóður
um að árangur næðist á fyrirhug-
uðum fundi hans með Ariel Sharon,
forsætisráðherra Ísraels. Ákveðið
hefur verið að fundurinn verði hald-
inn í Egyptalandi á þriðjudaginn
kemur. Verður það fyrsti fundur
leiðtoga Ísraela og Palestínumanna í
rúm fjögur ár.
Heiðursverðlaunin 2004
Helga Ingólfsdóttir hlaut í gær-
kvöldi heiðursverðlaun Íslensku tón-
listarverðlaunanna. Í umsögn dóm-
nefndar sagði m.a.: „Helga er
stórbrotinn listamaður […] Framlag
hennar sem listamanns, í kennslu
barokktónlistar og sem brautryðj-
anda í sumartónleikahátíðum á
landsbyggðinni er ómetanlegt.“
Elsti Íslendingurinn 108 ára
Guðfinna Einarsdóttir varð í gær
108 ára gömul. Hún er elsti Íslend-
ingurinn, fædd árið 1897. Í tilefni
dagsins litu vinir og kunningjar í
kaffi til hennar.
Aldraðir sem deila herbergi
Nær þúsund einstaklingar, sem
dvelja á öldrunarstofnunum á land-
inu, deila herbergi með öðrum. Er
þá ekki átt við hjón eða sambýlis-
fólk. Kom þetta fram í svari heil-
brigðisráðherra á Alþingi í gær.
Y f i r l i t
Í dag
Fréttaskýring 8 Umræðan 26/27
Erlent 14/15 Minningar 28/32
Landið 17 Dagbók 36
Akureyri 17 Víkverji 36
Austurland 20 Velvakandi 37
Neytendur 21 Staður og stund 38
Daglegt líf 22 Menning 39/45
Listir 23 Ljósvakamiðlar 46
Forystugrein 24 Veður 47
Viðhorf 26 Staksteinar 47
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Skarp-
héðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%&' (
)***
FYRSTI samráðsfundur Vinnu-
málastofnunar og Impregilo, þar
sem starfsumsóknir verða yfir-
farnar, var haldinn á virkjunar-
svæðinu við Kárahnjúka í gær.
Fjöldi umsókna um atvinnuleyfi
fyrir erlent vinnuafl hefur borist
Vinnumálastofnun frá Impregilo.
Á fundinum í gær var farið yfir
hátt í 200 starfsumsóknir, þar af
um tuttugu frá Íslendingum. Aðr-
ar umsóknir eru frá fólki innan og
utan Evrópska efnahagssvæðisins.
Hefur í samstarfi við fyrirtækið
það verklag verið ákveðið að
starfsmenn Vinnumálastofnunar
munu eiga reglubundna samráðs-
fundi með starfsmannahaldi fyr-
irtækisins til að yfirfara umsóknir
frá íslenskum atvinnuleitendum,
hvort heldur þær hafa borist beint
til fyrirtækisins eða gegnum
vinnumiðlunarvef Vinnumálastofn-
unar og svæðisvinnumiðlana. Sama
mun eiga við um umsóknir sem
borist hafa frá atvinnuleitendum á
evrópska efnahagssvæðinu. Aug-
lýsingar frá fyrirtækinu verða
opnar á vef stofnunarinnar og
EURES – evrópska vinnumiðlun-
arvefnum næstu vikur.
Í kjölfar samráðsfundanna og í
samræmi við niðurstöður þeirra
hverju sinni og með hliðsjón af
þörfum fyrirtækisins mun Vinnu-
málastofnun ákvarða útgáfu at-
vinnuleyfa til fyrirtækisins.
Búið að hræða
líftóruna úr fólki
„Við athugum hverjir eru ráðnir
og af hverju. Við erum að reyna að
hafa áhrif á að valdir séu Íslend-
ingar og menn af Evrópska efna-
hagssvæðinu til starfa í einhverju
vitrænu samhengi. Koma þarf á
starfsfriði, bæði fyrir okkur og
Impregilo, varðandi þessi mál.
Vinnumálastofnun, Impregilo og
Svæðisvinnumiðlun Austurlands
koma að þessu máli og ég reikna
með að Svæðisvinnumiðlunin sjái
mest um vinnu við það,“ sagði Ólöf
Guðmundsdóttir, forstöðumaður
Svæðisvinnumiðlunar Austurlands,
við Morgunblaðið.
Ólöf sagði ástæðu þess að ekki
bárust fleiri umsóknir frá Íslend-
ingum vera að miklu leyti þá um-
fjöllun sem Impregilo hefði fengið.
„Það er búið að hræða líftóruna úr
fólki og fráhrindikrafturinn er
mikill.
Þá hefur verkalýðshreyfingin
ekki hvatt Íslendinga til að sækja
um störf þarna,“ sagði Ólöf.
Aðeins 20 umsóknir
frá Íslendingum
Egilsstöðum. Morgunblaðið.
KÁRI Stefánsson, forstjóri Ís-
lenskrar erfðagreiningar, hefur selt
hlut sinn í Norðurljósum, en hann
átti 15% hlut í fjölmiðlasamsteypu
Norðurljósa, þ.e. Stöð 2, Íslenska
útvarpsfélaginu, Frétt og DV, sem
runnu inn í Og Vodafone seint á sl.
ári.
Kári staðfesti í samtali við Morg-
unblaðið í gærkvöldi að hann hefði
selt 15% eignarhlut sinn í fjölmiðla-
samsteypunni sem gekk undir nafn-
inu Norðurljós. Hann kvaðst ekki
vita hversu stór sá eignarhlutur
hefði verið nákvæmlega, þegar
hann seldi, þ.e.a.s. eftir að Norður-
ljós urðu hluti af fjarskiptafyrirtæk-
inu Og Vodafone. Spurður um
ástæður þess að hann hefði selt sinn
hlut kvaðst Kári ekki hafa nokkurn
áhuga á að ræða þær.
Benda má á að Kári Stefánsson
ritaði grein í Fréttablaðið sl. laug-
ardag undir fyrirsögninni Af flísum
og bjálkum. Grein hans var svar-
grein við annál Hallgríms Helga-
sonar sem birtist á gamlársdag í
Fréttablaðinu.
Í grein sinni sagði Kári m.a.:
„Mér finnst eins og mér renni blóð-
ið eilítið til skyldunnar vegna þess
að þegar greinin birtist var ég einn
af eigendum Fréttablaðsins. Og ég
var líka einn af eigendum DV, sem
nokkrum dögum síðar lýsti því yfir
að grein Hallgríms væri besta út-
tektin á 2004 sem boðið hefði verið
upp á í fjölmiðlum. Það er býsna
gott að vakna að morgni glaður ein-
faldlega vegna þess að maður er
ekki lengur meðal eigenda fjöl-
miðla.“
Kári Stefánsson, forstjóri Íslenskrar erfðagreiningar
Selur 15% hlut sinn
í Norðurljósum
FORSETI Íslands, Ólafur Ragnar
Grímsson, flytur í dag setningar-
ræðu á alþjóðlegri ráðstefnu um
loftslagsbreytingar og sjálfbæra
þróun sem haldin er í Delhí á Ind-
landi. Forsetinn mun jafnframt
opna viðamikla tæknisýningu laug-
ardaginn 5. febrúar.
Ráðstefnuna sækja fjölmargir
áhrifamenn í alþjóðamálum, vís-
indamenn, forystumenn í við-
skiptalífi og fjölmiðlum og er
henni einkum ætlað að fjalla um
viðbrögð við vaxandi ógn vegna
loftslagsbreytinga og hvernig
hægt er að stuðla að því að þjóðir
heims geti bætt lífskjör og styrkt
efnahag sinn án þess að skaða um
leið viðkvæmt jafnvægi náttúrunn-
ar.
Til ráðstefnunnar er boðað af
einni helstu umhverfisstofnun Ind-
lands, en forstöðumaður hennar er
jafnframt formaður loftslagsnefnd-
ar Sameinuðu þjóðanna. Hin viða-
mikla tæknisýning sem haldin er í
tengslum við ráðstefnuna er eink-
um helguð nýjungum sem hamla
gegn mengun og útblæstri skað-
legra lofttegunda, og gera íbúum
ólíkra þjóðlanda kleift að auka lífs-
gæði sín á sjálfbærum grundvelli.
„Forsetinn mun í ræðum sínum
einkum fjalla um þann vitnisburð
um vaxandi hættur vegna lofts-
lagsbreytinga sem rannsóknir á
norðurslóðum hafa leitt í ljós og
einnig reynslu Íslendinga af nýt-
ingu jarðhita og sjálfbærra orku-
linda og þá lærdóma sem önnur
lönd og heimsbyggðin öll geta
dregið af henni.
Þá mun forsetinn hitta að máli
ýmsa indverska forystumenn sem
hann hefur átt nána samvinnu við
á undanförnum árum og áratug-
um,“ segir í frétt frá skrifstofu
forseta Íslands.
Forseti Íslands sækir
ráðstefnu á Indlandi
RÍKISLÖGREGLUSTJÓRI hefur tekið upp samstarf við tollstjórann í
Reykjavík og sýslumanninn á Keflavíkurflugvelli um þjálfun fíkniefnahunda
lögreglunnar. Þessa dagana stendur yfir námskeið fyrir lögreglumenn og
tollverði sem stjórna leitarhundum og var Rolf von Krogh, sérfræðingur
norskra tollyfirvalda, fenginn til að annast þjálfunina. Um tuttugu leit-
arhundar á vegum lögreglunnar og tollgæslunnar hafa verið þjálfaðir til að
leita að fíkniefnum en að þessu sinni eru sjö leitarhundar og stjórnendur
þeirra á námskeiðinu. Á myndinni er Ester Pálmadóttir, Tollgæslunni á
Keflavíkurflugvelli, þátttakandi í námskeiðinu, með einn hundanna.
Þjálfa fíkniefnahunda
MEÐALHITINN í Reykjavík
var -0,2 stig í janúar sem er 0,3
stigum yfir meðallagi, miðað við
janúarmánuði árin 1961–1990. Á
Akureyri var meðalhitinn -0,6
stig sem er 1,6 stigum yfir með-
allagi, samkvæmt upplýsingum
frá Trausta Jónssyni veðurfræð-
ingi.
Úrkoman í Reykjavík í janúar
var 66 millimetrar sem er 13%
undir meðallagi janúarmánaðar.
Úrkoman var 58 millimetrar á
Akureyri sem er 6% yfir með-
allagi.
Í janúar voru mældar 23 sól-
skinsstundir í Reykjavík en tíu á
Akureyri.
Hitinn 1,6 gráðum yfir
meðallagi á Akureyri
AÐALFUNDUR Framsóknarfélags-
ins í Kópavogi fer fram í kvöld. Á
fundinum verður kjörin ný stjórn fé-
lagsins en í henni sitja fimm menn
og valinn verður 21 fulltrúi á flokks-
þing Framsóknarflokksins. Skv.
heimildum Morgunblaðsins er búist
við hitafundi í kvöld. Félagsmönnum
hefur fjölgað töluvert á síðustu dög-
um.
Ómar Stefánsson, bæjarfulltrúi og
formaður félagsins, segir ánægju-
legt að fjölgi í Framsóknarflokkn-
um. Hann segist binda miklar vonir
við að sátt verði á fundinum.
Búist við
hitafundi fram-
sóknarmanna
FIMM ára stúlkan sem féll fram af
svölum fjórðu hæðar fjölbýlishúss á
mánudag er á batavegi á Landspít-
alanum.
Hún var tekin úr öndunarvél í gær
og er líðan hennar eftir atvikum góð
að sögn læknis á gjörgæsludeild.
Stúlkan á
batavegi
ÍRANSKUR maður á fimmtugsaldri
sem fannst á gangi á Höfn í Horna-
firði hefur sótt um hæli hérlendis
og verður fluttur í skýrslutökur hjá
Útlendingastofnun í dag.
Lögreglan á Höfn tók manninn í
sína umsjá í fyrrakvöld og kom
honum á hótel á Höfn þar til hann
yrði fluttur til Reykjavíkur. Mað-
urinn talar takmarkaða ensku en
gat þó sagt lögreglunni að hann
væri á leið til Kanada. Hann var
með persónuskilríki á sér en enga
fjármuni og er ekki vitað hvaðan
eða hvernig hann kom til landsins.
Þrátt fyrir að hafa verið á leið til
Kanada mun maðurinn hafa skipt
um skoðun þegar leið á gærdaginn
og óskað landvistar hérlendis.
Írani sækir
um hæli