Morgunblaðið - 03.02.2005, Blaðsíða 6
6 FIMMTUDAGUR 3. FEBRÚAR 2005 MORGUNBLAÐIÐ
FRÉTTIR
Skógarhlíð 18, sími 595 1000
www.heimsferdir.is
Verð kr. 69.990*
Flugsæti báðar leiðir með sköttum. Netverð.
Verð kr. 89.990*
Innifalið í verði: Flug, gisting á Hotel
Arenas Doradas, morgunverðarhlaðborð,
skattar, fararstjórn, ferðir til og frá flugvelli.
Netverð.
* Ekki innifalið í verði: Vegabréfsáritun og
brottfararskattur á Kúbu.
Úrval hótela í boði
Munið Mastercard
ferðaávísunina
Kúbuveisla
6. - 13. mars
frá 69.990
Sérflug Heimsferða
7 nætur – Varadero - Havana
Ótrúlegt tækifæri til að kynnast þessari stórkostlegu eyju Karíbahafsins.
Þú velur hvort þú vilt dvelja viku í Havana, viku á Varadero ströndinni
eða skipta dvölinni á milli beggja staða. Þú velur milli góðra hótela hvort
sem er í Havana eða í Varadero. Ferð til Kúbu er ævintýri sem lætur
engan ósnortinn, því ekki aðeins kynnist maður stórkostlegri náttúrufeg-
urð eyjunnar, heldur einnig þjóð sem er einstök í mörgu tilliti. Gamla
Havana er ein fegursta borg nýlendutímans, lífsgleði eyjaskeggja er ein-
stök og viðmótið heillandi. Að upplifa Kúbu nú er einstakt tækifæri, því
það er ljóst að breytingar munu verða í náinni framtíð.
ARKIBÚLLAN ehf. hlaut fyrstu
verðlaun í samkeppni um hönnun
þjónustubygginga á Hallsholti við
Gufuneskirkjugarð, sem Kirkju-
garðar Reykjavíkurprófastsdæmis
efndu til í haust. Alls bárust 18 til-
lögur í keppnina og voru verðlaun
veitt fyrir þrjár, auk þess sem dóm-
nefnd keypti þrjár til viðbótar.
Áformaður byggingartími spann-
ar tæp 20 ár. Gert er ráð fyrir að
framkvæmdir við starfsmannahús
hefjist á þessu ári og ljúki 2006, lík-
hús og bænahús verði byggt á ár-
unum 2007–2010, kapella og kirkja
2011–2014, aðstaða fyrir erf-
isdrykkjur 2015–2016 og bálstofa
2017–2020.
Höfundar verðlaunatillögunnar
eru: arkitektarnir Hólmfríður Jóns-
dóttir og Hrefna Björg Þorsteins-
dóttir, auk myndlistarmannanna
Berghall, Önnu Hallin og Olgu S.
Bergmann.
Í umsögn dómnefndar segir m.a.
um tillöguna: „Mjög góð tillaga sem
myndi sóma sér vel á holtinu [Halls-
holti]. Framsetning tillögu er góð
og dregur upp skýra mynd af þjón-
ustubyggingu sem hafa yfir sér fal-
legt heildaryfirbragð, falla vel að
umhverfi sínu og hæfa starfsemi
vel. Skipulag á tveimur hæðum
lagar sig vel að landi og innra fyr-
irkomulag gengur vel upp, stuttar
og skýrar tengingar. [...] Efnisval
er mjög gott. Blandað er saman
hlýju og köldu og hugað að stemn-
ingsatriðum.“
Annað sæti í samkeppninni hlaut
Studíó Grandi og Kurt og Pí hlaut
þriðju verðlaun.
Búist við að dánartíðni
aukist verulega
Við verðlaunaafhendingu í gær
sagði Þórsteinn Ragnarsson, for-
stjóri Kirkjugarða Reykjavík-
urprófastsdæma, KGRP, brýna
þörf fyrir aukið húsnæði til þess að
unnt væri að veita aðstandendum
góða þjónustu og starfsfólki, prest-
um og útfararstjórum, fullnægjandi
starfsaðstöðu.
Reikna mætti með að dánartíðni
myndi aukast mikið á næstu ára-
tugum og óbreyttur húsakostur
myndi hamla starfseminni mjög.
Þess má geta að samkvæmt spá
Hagstofu Íslands er gert ráð fyrir
að dauðsföllum fjölgi úr 6,4 á
hverja 1.000 íbúa árið 2000 í 11,6
árið 2045, með breyttri aldurs-
samsetningu þjóðarinnar. Árið
2000 var tala látinna 1.823 en verð-
ur skv. spá 4.115 árið 2045 og nem-
ur aukningin 126%.
Gufuneskirkjugarður var vígður
árið 1980 og nokkur timburhús
reist til að sinna húsnæðisþörf
kirkjugarðsins. Að sögn Þórsteins
fullnægðu þau ekki þörfum kirkju-
garðsins í upphafi og gera enn ekki.
Einn af útgangspunktum sam-
keppninnar, var að sögn hans, að
byggja upp þjónustubyggingar á
svipaðan hátt og eru í Fossvogs-
kirkjugarði og reistar voru fyrir
rúmri hálfri öld. „Ýmislegt hefur þó
breyst á þessum tíma, til að mynda
hvað varðar útfararsiði, umhverf-
ismál og fleira, sem kallar á breytt-
ar áherslur,“ sagði hann.
Samkeppni um hönnun bygginga við Gufuneskirkjugarð
Teikning/Arkibúllan ehf.
Morgunblaðið/Golli
Höfundar verðlaunatillögu. Frá vinstri: Anna Hallin, Hólmfríður Jóns-
dóttir, Hrefna Björk Þorsteinsdóttir og Olga Bergmann.
Arkibúll-
an fékk
fyrstu
verðlaun
„ÉG ER sammála greinarhöfundi um
að þetta sé kannski ekki rétt þróun,“
segir Gunnar Páll Pálsson, formaður
Verzlunarmannafélags Reykjavíkur,
í tilefni af grein Gunnars Guttorms-
sonar, fyrrv. starfsmanns ASÍ, í
Morgunblaðinu í gær. Í greininni eru
gagnrýnd tengsl Alþýðusambandsins
við jafnaðarmannaflokka á Norður-
löndum þ. á m. Samfylkinguna, í
gegnum SAMAK, (Samstarfsnefnd
norrænna jafnaðarmannaflokka og
alþýðusambanda).
Fram kemur í greininni að árið
2000 hafi miðstjórn ASÍ hafið form-
legt samstarf við Samfylkinguna og
aðra jafnaðarmannaflokka á Norður-
löndunum með því að gerast aðili að
SAMAK.
Kristján Gunnarsson, formaður
Starfsgreinasambandsins, sagðist í
gær þeirrar skoðunar að það hefði
þurft að skoða málin betur áður en
ákveðið var að ASÍ yrði formlegur
aðili að SAMAK. „Ég vil fara mjög
varlega í að tengja hreyfinguna ein-
stökum flokkum,“ sagði Kristján.
Gagnrýnir harðlega grein
Gunnars Guttormssonar
Gylfi Arnbjörnsson, framkvæmda-
stjóri ASÍ, segir gríðarlegs misskiln-
ings gæta í grein Gunnars Guttorms-
sonar og það sé
alveg út í hött að
halda því fram að
ASÍ sé í formleg-
um tengslum við
Samfylkinguna í
gegnum samstarf
ASÍ við önnur al-
þýðusambönd á
Norðurlöndun-
um.
„Það hefur eng-
in breyting átt sér stað á vettvangi
Alþýðusambandsins um þá stefnu-
breytingu sem varð 1940, að Alþýðu-
sambandið væri ekki í neinum form-
legum tengslum við neinn
stjórnmálaflokk. Þannig er það ekki
og hefur ekki verið og það hefur verið
sameiginlegt mat allra, hvar í flokki
sem við annars erum,“ segir Gylfi.
„Það sem tengir okkur saman er
hagsmunabarátta fyrir okkar fé-
lagsmenn á mjög breiðum grundvelli.
Þetta hefur alltaf sameinað fólk
meira en í hvaða pólitíska flokki það
er. Það er engin launung á því að þeir
sem hafa verið virkir í verkalýðs-
hreyfingunni, hafa margir hverjir
verið virkir í sínum pólitísku flokk-
um, öllum stjórnmálaflokkunum.
Ég held að það séu allir flokkar á
Íslandi með formleg verkalýðsmála-
ráð, þar sem virkir einstaklingar í
verkalýðshreyfingunni hafa átt sér
vettvang innan flokkanna. Þetta hef-
ur verið einn af styrkleikum íslenskr-
ar verkalýðshreyfingar og um það
höfum við staðið vörð. Alþýðusam-
bandið hefur t.d. lagt á það áherslu að
kynna sín málefni fyrir öllum þing-
flokkum og við höfum átt fundi með
öllum þingflokkum á Alþingi á und-
anförnum árum,“ segir Gylfi.
Engin fjárhagsleg
tengsl
Að sögn hans hafa alþýðusam-
böndin á Norðurlöndunum staðið
með mismunandi hætti að því að
rjúfa tengsl sín við stjórnmálaflokka.
ASÍ hafi rofið þessi tengsl 1940,
danska alþýðusambandið hafi gert
slíka breytingu á sérstöku aukaþingi
árið 2003 o.s.frv.
„Allar þessar breytingar hafa verið
þess eðlis að menn hafa ekki talið
ástæðu til þess að breyta þátttöku
sinni í SAMAK. Ástæðan er sú að
SAMAK er vettvangur þar sem al-
þýðusamböndin hafa haft tækifæri til
þess að kynna sín málefni fyrir jafn-
aðarmannaflokkum. Menn geta ekki
lokað augunum fyrir því að jafnaðar-
mannaflokkarnir hafa verið miklir
gerendur í að móta og mynda hið nor-
ræna velferðarkerfi, sem við höfum
auðkennt okkur við. Sú þátttaka er
algjörlega án skuldbindinga og þar er
ekki um nein fjárhagsleg tengsl að
ræða. Í greininni er verið að ýja að
því með einhverjum dylgjum að Al-
þýðusambandið sé að fjármagna póli-
tíska flokka. Ég vísa því algerlega á
bug. Það hafa aldrei frá 1940 verið
nein fjárhagsleg tengsl á milli Al-
þýðusambandsins og nokkurs stjórn-
málaflokks. Hins vegar er mjög mikil
málefnaleg umræða á milli Alþýðu-
sambandsins og allra pólitískra
flokka,“ segir Gylfi.
Þurfum að fara yfir
hvort þetta sé eðlilegt
Gunnar Páll segist á sínum tíma
hafa spurst fyrir um þessi tengsl ASÍ
við SAMAK. Honum hafi verið tjáð
að samstarfið
væri í reynd mun
minna en það virt-
ist vera og ástæð-
an fyrir því að
ákveðið hafi verið
að ASÍ færi inn í
þetta samstarf
hafi verið sú að al-
þýðusamböndin á
öðrum Norður-
löndum væru þeg-
ar í þessu samstarfi. Þá væri því ekki
að leyna að þessir jafnaðarmanna-
flokkar og systurflokkar þeirra hér á
landi hefðu verið þeir flokkar sem
helst hefðu verið reiðubúnir að ræða
við verkalýðshreyfinguna í gegnum
tíðina.
Gunnar Páll segir að þetta mál
verði örugglega rætt á næstunni inn-
an hreyfingarinnar. „Við þurfum að
fara yfir hvað við erum að fá út úr
þessu og hvort þetta sé eðlilegt.“
Skelfilegur kapall
„Þessi flokkatengsl hafa verið að
dofna mikið í verkalýðshreyfingunni
og ASÍ,“ segir Kristján Gunnarsson.
„Á mínum fyrstu
Alþýðusambands-
þingum var alltaf
óskaplegur vand-
ræðagangur í
kringum uppstill-
ingar í miðstjórn
og til æðstu emb-
ætta sem snerust
um það hvernig
menn væru á lit-
inn. Það skipti
máli hvaðan menn komu og úr hvaða
flokki og þetta var oft skelfilegur
kapall. Það var því ekki endilega ver-
ið að endurspegla sterkustu foryst-
una hverju sinni. Nú hefur þetta
breyst mjög mikið síðustu ár og það
truflar ekki lengur þing Alþýðusam-
bandsins hvaða pólitískur litur er á
fólkinu.
Svo er hin spurningin sú, hvort
verkalýðshreyfingin á að vera póli-
tísk, eins og hún er t.d. í Noregi, Sví-
þjóð og Danmörku, þar sem fulltrúar
miðstjórnar eða alþýðusambandanna
eru nánast þingmenn verkalýðs-
hreyfingarinnar. Það er skipulag sem
við höfum ekki tekið upp hér hjá okk-
ur, þó að við séum tengd þessum
sömu systrasamböndum. Ég held að
sá tími sé ekki kominn á Íslandi eða
neitt slíkt sé í burðarliðnum að menn
fari að taka afstöðu með eða á móti
einstökum flokkum,“ segir Kristján.
„Ég ætla ekki að mælast til þess að
verkalýðshreyfingin fikri sig í þá átt
að fara að stimpla sig inn hjá ein-
stökum stjórnmálaflokkum.“
Vara við
flokkspólitísk-
um tengslum
Gunnar Páll
Pálsson
Gylfi
Arnbjörnsson
Kristján
Gunnarsson
Formenn Verzlunarmannafélags
Reykjavíkur og Starfsgreinasambandins
„GREINILEGT er að R-listinn
vill hlut sjálfstæðra grunnskóla í
skólakerfi borgarinnar sem
minnstan. Því erum við sjálfstæð-
ismenn algjörlega ósammála,“ seg-
ir Vilhjálmur Þ. Vilhjálmsson, odd-
viti Sjálfstæðisflokksins, í tilefni af
viðræðum þeim sem nú eru í gangi
á milli Reykjavíkurborgar og
Landakotsskóla um að skólinn
verði hluti af almenna skólakerf-
inu.
„Við teljum að ríkja þurfi val-
frelsi í þessum málum og að starf-
semi sjálfstæðra grunnskóla eins
og til að mynda Landakotsskóla,
Ísaksskóla og Tjarnarskóla sé afar
mikilvæg, ekkert síður en þeirra
almennu grunnskóla sem starfa í
borginni. R-listinn hefur á hinn
bóginn á undanförnum árum sýnt
það í verki að starfsemi sjálf-
stæðra grunnskóla í borginni sé
þeim lítið áhugaefni og dregið úr
fjárhagslegum stuðningi við þá á
undanförnum árum miðað við það
sem áður var.“
Varðandi viðræður borgarinnar
og forráðamanna Landakotsskóla
segir Vilhjálmur sjálfstæðismenn
vel telja koma til greina að starf-
semi Landakotsskóla verði aukin.
„Í þeim viðræðum er hins vegar
mjög mikilvægt að gæti jafnræðis.
Einnig verður að tryggja að
Landakotsskóli haldi sjálfstæði
sínu og að skólinn geti áfram fylgt
sinni góðu skólastefnu,“ segir Vil-
hjálmur.
Ríkja þarf
valfrelsi