Morgunblaðið - 03.02.2005, Blaðsíða 11
MORGUNBLAÐIÐ FIMMTUDAGUR 3. FEBRÚAR 2005 11
FRÉTTIR
www.feminin.is
Bæjarlind 12, Kópavogi • sími 544 2222
Opið virka daga kl. 11-18, lau. kl. 10-16.
Áttu von á barni?
Erum með úrval af
meðgöngufatnaði
frá funmum
20%
kynningarafsláttur
3.-5. febrúar
Bankastræti 9, sími 511 1135
www.paulshark.is - paulshark.it
Vetrartilboð
Síðustu dagar
Mörkinni 6, sími 588 5518.
ÚTSALA
50% afsláttur af
ullarkápum og
síðum pelskápum.
Mörg góð tilboð
Opið virka daga frá kl. 10-18
Opið laugardaga frá kl. 10-16
Opið sunnudaga frá kl. 12-17
ÖSSUR HF
Innanlandsdeild
Suðurlandsbraut 34
108 Reykjavík
sími 515 2360
www.ossur.is
Allt að 70% afsláttur
Útsala
DEKURSTOFA
Kringlunni
Taktu tímann með trompi!
Forsenda fallegrar húðar er góð húðumhirða. Er húð þín þurr, feit, við-
kvæm eða þreytuleg? Hefur þú áhyggjur af hrukkumyndun, slappri húð
eða litabreytingum? Lancôme býður ávallt virkustu innihaldsefni og
nýjustu tækni í þágu viðskiptavina sinna.
Því ekki að fá ljúft dekur og persónulega ráðgjöf hjá Lancôme snyrti-
sérfræðingi. Í andlitsmeðferðinni er dekrað við húðina með yfirborðs-
og djúphreinsun, ljúfu nuddi og sérvöldum maska. Því ekki að slaka á í
amstri dagsins og njóta þess besta sem Lancôme hefur upp á að bjóða.
Það kostar aðeins kr. 2.900.
Hringdu og pantaðu tíma (4.-9. febrúar) í síma 568 9970
LÖGMAÐUR Orkuveitu Reykjavík-
ur hafnar því að á fundi með fulltrúum
Toshiba í lok janúar hafi hann hótað
því að Toshiba myndi gjalda þess ef
það leitaði réttar síns fyrir dómstól-
um vegna eldri útboða á hverflum fyr-
ir Hellisheiðarvirkjun. Hann segir að
talsmenn Toshiba hafi sjálfir hótað
málaferlum ef OR féllist ekki á að
kaupa vélar af fyrirtækinu án þess að
útboð færi fram. Hann hafi þá sagt að
slík málaferli gætu skaðað samskipti
fyrirtækjanna en í því hafi ekki falist
hótun.
Í Morgunblaðinu í gær var greint
frá bréfi sem talsmenn Toshiba sendu
stjórnarmönnum í OR vegna fundar
sem þeir áttu með Hjörleifi B. Kvar-
an, lögmanni OR, og fleiri starfs-
mönnum fyrirtækisins 27. janúar sl. Í
bréfinu segir m.a. að svör sem þeir
fengu á fundinum hafi falið í sér hótun
um að Toshiba yrði ekki tekið fagn-
andi í útboðum á vegum OR ef það
ætlaði á sama tíma að krefja OR jafn-
vel um hundruð milljóna króna.
Hjörleifur B. Kvaran sagði í sam-
tali við Morgunblaðið að á umrædd-
um fundi hefðu talsmenn Toshiba far-
ið fram á að OR keypti vélar af
fyrirtækinu, án þess að útboð færi
fram. Hann hefði sagt að samkvæmt
lögum gæti OR ekki samið um slík
kaup án útboðs á Evrópska efnahags-
svæðinu. „Ég spurði lögmann Tosh-
iba hvort hann sæi einhvern flöt á því
að það væri hægt að kaupa vélar án
útboðs. Því neitaði hann að svara. Og
neitunin felur í sér ákveðna afstöðu
og hún er sú að það er ekki hægt, eins
og lögmaðurinn veit sjálfur,“ sagði
Hjörleifur.
„Ekkert annað en hótun“
Þegar þetta hefði legið fyrir hefðu
fulltrúar Toshiba sagt að ef OR myndi
ekki semja um kaup á vélum án út-
boðs myndi fyrirtækið fara í mál og
ekki aðeins krefjast útlagðs kostnað-
ar, heldur einnig bóta vegna missis
hagnaðar og annars sem hægt væri
að tína til. Hjörleifur sagði að í þessu
fælist að ef OR væri ekki tilbúið til að
brjóta lög og semja við Toshiba
myndi koma til málaferla. „Ég held að
þetta sé ekkert annað en hótun,“
sagði hann. Eftir
að þetta hefði
komið fram hjá
fulltrúum Toshiba
hefði hann sagt
þeim að hann teldi
að það myndi
skaða samskipti
fyrirtækjanna til
framtíðar ef þau
ættu í málaferlum.
Spurður um
hvort þetta væru eðlileg ummæli
sagði Hjörleifur: „Það er svo annað
mál. Auðvitað hljóta [málaferli] að
hafa einhver áhrif, hvort sem það er
sagt eða ekki. Í þessu fólst engin hót-
un að okkar mati.“ OR væri útboðs-
skylt á EES og hjá fyrirtækinu giltu
jafnræðissjónarmið og almennar út-
boðsreglur. Öll tilboð væru metin á
hlutlægan hátt og huglæg sjónarmið
réðu aldrei niðurstöðum. „Á hinn bóg-
inn finnst mér ekkert óeðlilegt þó að
það komi fram að samskipti aðila
verði eitthvað þvinguð,“ sagði hann.
Hjörleifur sagðist ekki muna ná-
kvæmlega hvaða orðalag hann notaði
á fundinum en efaðist um að þetta
hefði verið haft rétt eftir í bréfinu.
Hann neitaði því alfarið að hafa hótað
því, eða gefið í skyn að Toshiba yrði
látið gjalda þess ef það leitaði réttar
síns. Hefðu talsmenn Toshiba upplif-
að orðaskipti á fundinum sem hótanir
væri rétt að biðjast velvirðingar á því
en sú hefði ekki verið ætlunin. OR
vildi gjarnan leysa ágreiningsmál fyr-
irtækjanna og eiga góð samskipti við
Toshiba.
Í bréfinu frá Toshiba segir enn-
fremur að Hjörleifur hafi sagt að fyr-
irtækið væri ekki opinbert fyrirtæki.
Hjörleifur sagði þetta vera rétt, OR
væri ekki opinbert fyrirtæki í skiln-
ingi laga, heldur sameignarfyrirtæki í
eigu opinberra aðila. Starfsmenn
Orkuveitunnar væru t.a.m. ekki op-
inberir starfsmenn. Um OR giltu lög
um opinber innkaup, sömu lög og
giltu um innkaup opinberra stofn-
anna.
Hugsanleg bótakrafa Toshiba á
hendur OR er vegna útboðs á hverfl-
um fyrir Hellisheiðarvirkjun en
kærunefnd útboðsmála komst að því í
desember sl. að OR væri skaðabóta-
skyld vegna kostnaðar Toshiba við að
undirbúa tilboð og taka þátt í samn-
ingskaupum. Þá var OR gert að
greiða Toshiba 600.000 krónur vegna
kostnaðar við kæruna. Hjörleifur
sagði að samkvæmt upplýsingum frá
Toshiba hefði kostnaður þeirra vegna
útboðsins numið 1,2 milljónum evra
(tæplega 97 milljónum) en þeir út-
reikningar ekki verið sundurliðaðir.
„Orkuveitan er mjög ósammála
þessari niðurstöðu kærunefndarinnar
og ég geri ráð fyrir að Orkuveitan hafi
frumkvæði að því að fá þennan úr-
skurð ógildan með dómi,“ sagði hann.
Aðspurður sagði hann að OR hefði
strax boðist til að greiða þessar
600.000 krónur og bæta þeim ein-
hvern kostnað við útboðsferlið, þó
töluvert lægri fjárhæð en 97 milljónir.
Af hálfu Toshiba hefði á hinn bóginn
ekkert komist að nema að OR keypti
vélar af fyrirtækinu.
Lögmaður OR um samskipti við Toshiba
Segir talsmenn Toshiba
hafa verið með hótanir
Morgunblaðið/Þorkell
Hjörleifur B.
Kvaran