Morgunblaðið - 03.02.2005, Blaðsíða 16

Höfuðborgin | Akureyri | Austurland
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Fá ekki allan fæðiskostnaðinn |
Fæðiskostnaður kennara í Hafnarskóla
var til umræðu á fundi sveitarstjórnar
Hornafjarðar á dögunum en lagt var
fram bréf frá kennurum skólans þar sem
farið er fram á að þeir sem vinna með
börnum í matartímum fá frítt fæði. Vísað
er til annarra skóla í þeim efnum en á
fundinum var greint frá fyrirkomulagi í
leikskólum, Nesjaskóla, Hrollaugsstaða-
skóla, Grunnskólanum í Hofgarði og
HSSA.
Bæjarráð hafnaði því á fundinum að
kennarar í Hafnarskóla fái greiddan all-
an fæðiskostnað og tók undir bókun
skólanefndar frá því í lok janúar um að
samræmis sé gætt milli grunnskóla sveit-
arfélagsins í þessum málum. Vísaði bæj-
arráð málinu til fræðslu- og félagssviðs
til úrlausnar með þeim tilmælum að sam-
ræmi verði komið á frá og með næsta
skólaári.
Úr
bæjarlífinu
HÉÐAN OG ÞAÐAN
Bangsi á ferð og flugi | Nemandi í 1.
bekk í grunnskólanum á Skagaströnd
fékk nýlega í hendur pakka frá Dan-
mörku, en í honum var lítill bangsi að
nafi Cinnabear.
Hafði hann upphaflega verið sendur
frá Michigan í Bandaríkjunum sl. haust
og var skólaverkefni ungs nemanda þar.
Tilgangurinn með verkefninu var að láta
bangsann
ferðast sem víðast um heiminn og
biðja viðtakendur hans að senda fréttir
og myndir í skólann í Michigan þar sem
nemandinn er. Með þessu á að auka
tengsl og víðsýni milli landa. Bangsinn
hafði upphaflega farið til Hollands og
þaðan til Danmerkur og kom svo til
Skagastrandar en þetta kemur fram á
vef sveitarfélagsins. Bangsinn hefur farið
í heimsókn á leikskóla staðarins, en fer
svo til Svíþjóðar og þaðan væntanlega til
Frakklands áður en hann verður sendur
heim í byrjun apríl.
Geysimikill áhugi erá ullarþæfingar-námskeiði sem
haldið er á vegum fullorð-
insfræðslu Húsabakka-
skóla í Svarfaðardal. Þar
sem þátttakan fór fram úr
björtustu vonum manna
var ákveðið að efna til
annars námskeiðs og verð-
ur það haldið þriðjudags-
kvöldið 22. febrúar næst-
komandi. Þegar hafa
nokkrir skráð þátttöku
sína, en námskeiðið stend-
ur yfir þrjú kvöld, þrjá
tíma í senn. Kennari er
Ingibjörg R. Krist-
insdóttir.
Íbúar í Dalvíkurbyggð
ætla svo að halda Svar-
fælskan mars í fimmta
sinni helgina 11. til 13.
mars næstkomandi og
verður að vanda sest við
spilaborðið í upphafi hans
og keppt í brús, en mars
er svo stiginn á laug-
ardagskvöldi. Frá þessu
er sagt í blaði heima-
manna, Norðurslóð.
Ullarþæfing
Félagar frá Kiwanisklúbbnum Helgafelliásamt forstjóra HeilbrigðisstofnunarVestmannaeyja og sjúkraflutningamönnum
komu saman á dögunum í flugskýli Flugfélags
Vestmannaeyja.
Tilefnið var að Kiwanisklúbburinn Helgafell gef-
ur búnað til Heilbrigðisstofnunar Vestmannaeyja
sem er til notkunar í sjúkraflugi – hér um ræðir
súrefnismettunarmæli með CO2 greini ásamt bún-
aði til blóðþrýstingsmælinga.
Það var Tómas Sveinsson, forseti Helgafells, sem
afhenti síðan gjöfina og Gunnar K. Gunnarsson,
forstjóri Heilbrigðisstofnunar Vestmannaeyja, veitti
henni viðtöku.
Búnaður í sjúkraflug
Þorrablót Kvæða-mannafélagsinsIðunnar verður
haldið nk. laugardag og
verður margt til
skemmtunar, s.s.
hagyrðingaþáttur og
samkveðskapur. Vigdís
Finnbogadóttir verður
heiðursgestur. Á blótinu
í fyrra orti Sigmundur
Benediktsson til Jóa í
Stapa:
Kvæðahljómar kliði bjart,
kveðum óminn létta.
Lifi ró með ljóðaskart
lífs þá blómin spretta.
Jói í Stapa svaraði:
Þó að ríki þorratíð
og þyki napur svalinn,
kveðum burtu kulda og hríð,
kveðum líf í salinn.
Skipið Skálda gengur
jafnan milli gesta og
safnar í sig vísum.
Bjargey Arnórsdóttir
orti:
Skálda yfir skemmtun býr
að skylduhringnum gengnum,
ræðararnir rösku þrír
róta í aflafengnum.
Þorrablót Iðunnar
pebl@mbl.is
FRÆÐAÞING landbúnaðarins hefst í
Reykjavík í dag og stendur í tvo daga.
Þetta er í annað sinn sem þing af þessu
tagi er haldið en það er arftaki funda
sem nefndust ráðunautafundir Bænda-
samtakanna. Markmið þess er að efna til
faglegrar umfjöllunar um landbúnað og
náttúrufræði og að miðla niðurstöðum frá
rannsókna- og þróunarstarfi landbúnað-
arins. Fyrri daginn verður þingið haldið í
húsakynnum Íslenskrar erfðagreiningar
að Sturlugötu 8. Meginefni þingsins þann
dag er sameiginleg dagskrá undir yf-
irskriftinni: Heilbrigði lands og lýðs.
Seinni daginn verða tvær samhliða
dagskrár í ráðstefnusölum á 2. hæð Hót-
el Sögu. Þar verður annars vegar fjallað
um Framleiðsluaðstæður á Íslandi, ógn-
anir og tækifæri og hins vegar um Ís-
lenskt umhverfi og landslag, vannýtta
auðlind.
Fræðaþing land-
búnaðarins í
húsakynnum ÍE
GRUNNSKÓLINN á Ísafirði hefur
lægsta kostnað á hvern nemanda miðað við
sambærilega skóla á landsvísu, samkvæmt
samanburði Skarphéðins Jónssonar, skóla-
stjóra GÍ. Hann skrifar um samantekt sína
á vef Grunnskólans á Ísafirði en frá henni
er sagt á vef Bæjarins besta.
Fram kemur í pistli Skarphéðins að 13
grunnskólar á landinu voru með nemenda-
fjölda frá 500 til 600 árið 2003. Þar er GÍ
skráður með 532 nemendur. Ef kostnaður
á nemanda er skoðaður með hliðsjón af
nemendafjölda er GÍ ódýrastur með
456.000 kr. á nemanda en dýrasti skólinn
er í Reykjavík og kostar þar hver nemandi
677.000 kr.
Skarphéðinn segir ýmsar ástæður fyrir
þessum mun á milli skóla og hafa beri hug-
fast að kostnaður við rekstur skóla þurfi
alls ekki að endurspegla gæði skólastarfs
eða ráðdeild eða sóun í fjármálalegum
rekstri. Fjölmargir þættir geti skýrt nið-
urstöðu í rekstri skóla, þjónusta skólanna
sé mismikil, sums staðar séu t.d. reknar
sérdeildir fyrir sveitarfélög sem jafnvel
aðrir skólar nýti sér. Framkvæmdir í ein-
stökum skólum geti einnig skekkt myndina
og taka beri þessar tölur með fyrirvara.
GÍ hagkvæm-
ur í rekstri
Grunnskólinn á Ísafirði
♦♦♦
Miðfjörður | Það er vor í lofti á
bænum Syðri-Reykjum í Mið-
firði, en á mánudag, 31. janúar,
fæddust þar að öllum líkindum
fyrstu lömb ársins, tveir hrútar
sem enn eru nafnlausir. Svo
skemmtilega vildi til að þetta
var 15 ára afmælisdagur heima-
sætunnar á bænum og sú var
ekki lengi að eigna sér lamb-
hrútana tvo. „Þetta er einsdæmi
hér,“ sagði Gerður Ólafsdóttir á
Syðri-Reykjum, en þar á bæ er
fólk ekki vant öðru en lömbin
fæðist að vorlagi. „Það er alltaf
gaman að fá nýtt líf í húsin og
alveg sérlega gaman á þessum
tíma. Veðrið hefur líka verið svo
ágætt undanfarið,“ sagði Gerð-
ur. Í fyrstu hríðarbyljum októ-
bermánaðar bar einnig kind á
bænum, lifði lambið þrátt fyrir
að heimurinn hafi heilsað á held-
ur kalsasaman hátt.
Morgunblaðið/Örn Þórarinsson
Gaman að fá nýtt líf í húsin
Lambhrútar
  
  
Hafna tilboði | Húsráð félagsheimilisins
Skúlagarðs hefur fjallað um tilboð Júlíusar
Ólafssonar í húsið en skiptar skoðanir eru
um sölu þess. Samstaða náðist ekki um söl-
una. Hreppsnefnd fundaði síðan og ákvað
að ganga ekki gegn vilja húsráðs og hafnaði
tilboði Júlíusar.