Morgunblaðið - 03.02.2005, Blaðsíða 22
22 FIMMTUDAGUR 3. FEBRÚAR 2005 MORGUNBLAÐIÐ
DAGLEGT LÍF
Það er mikill heiður að fáþessi verðlaun og frábærtað kvennalist skuli verð-launuð með þessum
hætti,“ sagði Hrafnhildur Sigurð-
ardóttir myndlistarkona í gær þeg-
ar tilkynnt var að hún hlyti Nor-
rænu textílverðlaunin við hátíðlega
athöfn þann 28. október næstkom-
andi. Hún hlýtur þá 250.000 sænsk-
ar krónur í verðlaun eða rúmar 2,2
milljónir íslenskra króna.
Norrænu textílverðlaunin eru
stærstu verðlaunin sem hægt er að
hljóta fyrir textíl myndlistarformið
á Norðurlöndunum. „Í kjölfar verð-
launaafhendingarinnar beinist
kastljósið að textíl myndlist-
arforminu sem er afar já-
kvætt og verðlaunin gera
mér einnig kleift að ein-
beita mér að textílvinn-
unni sem mér finnst
frábært. Ekki er ólík-
legt að með verðlaun-
unum opnist ýmsir
möguleikar fyrir út-
rás eins og til að
halda sýningar í
Evrópu. Það er að
minnsta kosti
reynsla forvera
minna sem tekið
hafa við þessum
verðlaunum.“
Sex ára í mynd-
listarskóla
Hrafnhildur segist
hafa haft áhuga á
handverki frá því
hún man eftir sér.
Þegar hún var sex
ára talaði mamma
hennar hana inn á
að fara á myndlist-
arnámskeið í Mynd-
listaskóla Reykjavík-
ur og þegar hún var
ellefu ára, og átti
heima í Danmörku, fór
hún á leirlistarnám-
skeið. „Þá varð ég alveg
ákveðin í að verða leir-
listakona,“ segir hún.
Þegar Hrafnhildur nálg-
aðist tvítugsaldurinn sótti
hún námskeið í myndvefn-
aði og stólvefnaði. „Það var
ást við fyrstu sýn. Það
small eitthvað og um leið
vissi ég að við þetta vildi ég
starfa.“
Prjónaði hundrað peysur
Hrafnhildur prjónaði líka mikið á
unglingsárunum.
„Ég taldi þetta saman og fann út
að ég hefði líklega prjónað um
hundrað peysur frá því ég var tólf
ára og fram að tvítugu. Og þær voru
langflestar prjónaðar á sjálfa mig
og svo saumaði ég auðvitað á mig öll
föt líka.“
Hún segist hætt að prjóna föt og
prjónar bara þegar hún er að vinna
að myndverki. „Það má segja að ég
sé alltaf að prjóna, hekla og hnýta
og að lífið og listin renni svolítið
saman.
Um þessar mundir er ég ein-
mitt að prjóna myndverk úr
böndunum utan af jólapökkunum.
Ég veit ekki ennþá hver endanleg
útgáfa verður en í augnablikinu lít-
ur þetta út eins og risastór
trefill í öllum regnbogans
litum.“
Það kemur í ljós í
spjalli við Hrafnhildi að
hún nýtir ýmsa hluti í
listsköpun sína.
„Fjölskyldan ber
t.d. út Morgunblaðið
og utan um blaða-
bunkann er ávallt
plastband. Ég
geymi alltaf band-
ið í myndverk og
var einmitt rétt
hálfnuð með eitt
verk þegar ég
þurfti að skipta
um lit því Morg-
unblaðið skipti
úr hvítu bandi
yfir í svart.“
Hrafnhildur
safnar að sér
hinu og þessu,
höttum, servíett-
um og t.d. háls-
bindum. Hún á
orðið yfir hundrað
bindi sem hún
geymir í mynd-
verk.
Hrafnhildur lauk
námi frá Myndlista-
og handíðaskóla Ís-
lands árið 1986 og
hefur síðan stundað
nám á nokkrum stöð-
um í Bandaríkjunum
og á Íslandi og nú síðast
á árunum 1998–2000 þar
sem hún nam skúlptúr
við háskólann í Color-
ado í Bandaríkjunum.
Hún hefur haldið
margar einkasýningar
og tekið þátt í fjölda samsýninga
víða um heim.
Fyrirhugaðar eru á næstunni
sýningar í Finnlandi, Bandaríkj-
unum og Ekvador og sýning á verk-
um hennar verður opnuð 28. októ-
ber í textílsafninu í Borås í Svíþjóð.
En hvernig gengur henni að lifa
af listinni?
„Það hefur nú verið allur gangur
á því. Ég fékk listamannalaun í þrjá
mánuði í fyrra og það var alveg frá-
bært. Nú fæ ég upphæð sem nemur
árslaunum sem er auðvitað ómet-
anlegt fyrir mig. Þannig að þetta er
allt upp á við,“ segir hún að lokum.
Það var ást
við fyrstu sýn
Nítján ára vissi hún að ekkert annað kom til greina
en að helga sig textíl. Í gær var Hrafnhildur Sig-
urðardóttir viðstödd þegar tilkynnt var að hún
hlyti Norrænu textílverðlaunin í Borås í Svíþjóð en
þau verða veitt þar við hátíðlega athöfn í október.
Verk Hrafnhildar sem var
á sýningu hennar í
Listasafni Kópavogs.
Ég geymi alltaf bandið
utan af Morgunblaðs-
bunkanum í myndverk
og var einmitt rétt hálfn-
uð með eitt verkið þeg-
ar Morgunblaðið skipti
úr hvítu bandi yfir
í svart.
Hrafnhildur er með vefsíðu þar
sem hægt er að nálgast frekari
upplýsingar um verk hennar,
menntun og sýningar sem hún
hefur haldið eða tekið þátt í,
www.hsig.net.
gudbjorg@mbl.is
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27
Æ FLEIRA bendir til þess að
ástand hjarta og æða hafi áhrif á
andlega hæfni okkar. Hár blóð-
þrýstingur og mikið kólesteról í
blóði hefur slæm áhrif á fínt æða-
kerfi heilans og getur leitt til þess
að heilafrumur drepast og hæfni
heilans minnkar, að því er fram
kemur í Svenska Dagbladet. Ráð-
leggingar til þeirra sem vilja forð-
ast elliglöp eru nú farnar að líkjast
meira þeim sem gefnar eru fólki
sem er í áhættuhópi hvað varðar
heilablóðfall eða hjartaáfall, þ.e. að
hollt mataræði og hreyfing skipti
miklu.
Bandarískir vísindamenn kemba
nú allar fyrri rannsóknir á þeim
sem fengið hafa Alzheimer og ellig-
löp eftir æðasjúkdóm. Í ljós kom að
mikilvægast er að koma í veg fyrir
háan blóðþrýsting og lyf gegn hon-
um hafi meiri áhrif til hins betra í
þessu sambandi en lyf sem eiga að
styrkja minni Alzheimer-sjúklinga.
Niðurstöðurnar eru birtar í tímarit-
inu Jama.
Laura Fratiglione, prófessor við
Karolinska Institutet í Stokkhólmi,
segir í samtali við SvD að mjög já-
kvætt sé að lögð sé áhersla á fyr-
irbyggjandi aðgerðir. Hún bendir á
að hlutverk kólesteróls sé mun
óljósara en áhrif blóðþrýstingsins
sem hún tekur undir að geti verið
mikil.
HEILSA
Tengsl milli
blóðþrýst-
ings og and-
legs ástands
FARSÍMI fyrir hunda kemur á
markað á næstunni. Síminn er eins
og bein í laginu og á að festa hann
við hálsól. Flottustu gerðirnar eru
með myndavél til þess að hundaeig-
endur geti séð hvað gæludýrið
þeirra er að bralla. Ef hundurinn er
að gera eitthvað af sér getur eig-
andinn hringt í hann og skammað
hann.
Þá er einnig hægt að nota símana
til að finna hunda sem hafa týnst,
að sögn Camareon Robb, fram-
kvæmdastjóra PetsMobility, en
hann átti hugmyndina að símanum.
Mun hann á næstunni skrifa undir
samning upp á milljónir punda fyrir
framleiðslu símans.
Beverly Cuddi, ritstjóri tímarits-
ins Dogs Today, segist telja að
markaður sé fyrir símann, hunda-
eigendur tali nú þegar við hundana
sína í símann.
GÆLUDÝR
Farsími
fyrir hunda
Morgunblaðið/Halldór Kolbeins
Kannski er stutt í að íslenskir
hundar verði komnir með farsíma.
Hrafnhildur prjónar,
heklar og hnýtir
textílverk sín.
Eitt verka Hrafnhildar.
Hrafnhildur Sigurð-
ardóttir myndlistar-
maður á myndarlegt
safn af servíettum, hött-
um og slifsum. Hér er
hún með sýnishorn
af höttunum.
MYNDLIST | Hrafnhildur Sigurðardóttir hlýtur Norrænu textílverðlaunin 2005
Morgunblaðið/Ásdís