Morgunblaðið - 08.02.2005, Blaðsíða 16

Akureyri | Suðurnes | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Ljúka á vinnu við breytingar á hönnun
viðbyggingar við Menntaskólann á Egils-
stöðum í febrúarlok. Þá verða útboð aug-
lýst og standa vonir til að stækkun ME
verði lokið í ágústbyrjun á næsta ári. Lýk-
ur þar vonandi rimmu um kostnaðarskipt-
ingu á milli ríkis og heimasveitarfélaga
skólans, sem tafið hefur framkvæmdir um
hríð.
  
Til stendur að opna hamborgarastað, ís-
búð og myndbandaleigu í verslanakjarna
þar sem Bónus, BT, Office1 og Síminn eru
með verslanir. Það er vissulega jákvætt að
fá ný þjónustufyrirtæki á svæðið, en Egils-
staðabúa nokkrum varð þó á orði að þetta
væri nákvæmlega það sem enginn hörgull
væri á í bænum, þ.e.a.s. sala á skyndibita,
ís og leiga á myndböndum. Lætur sami
Egilsstaðabúi sig dreyma um opnun nýs
veitingastaðar með fjölbreyttan matseðil,
já og jafnvel með alíslenskum réttum sem
landinn og erlendir gestir mættu njóta í
geðþekku umhverfi. Slíkir staðir mættu
vera fleiri á Egilsstöðum. Svo vantar nátt-
úrlega skósmið, vandaða bókaverslun og
alls konar aðra sérhæfða þjónustu. Hér er
næstum allt, en ekki þó alveg og mikið vill
meira, segir Egilsstaðabúinn umræddi.
  
Búið er að hleypa heitu vatni á lagnir
undir hlaupabrautum á Vilhjálmsvelli og
geta menn nú skokkað þar spakir í um-
hleypingum, þar sem hitatölur eiga til að
rokka um 20 gráður á sólarhring. Þá er
ánægjulegt að sjá hve eldra fólkið í bæn-
um er einnig duglegt að nýta sér til göngu
þýðar brautirnar með skeinuhætta hlák-
una allt um kring.
  
Nú er nánast búið að manna lausar/nýjar
stjórnunarstöður hins nýja sveitarfélags
Fljótsdalshéraðs og virðist valinn maður í
hverju rúmi. Þó er staða skipulagsstjóra
enn þá opin. Sú var auglýst og þrír sóttu
um, þ.á m. skipulagsfulltrúi Austur-
Héraðs til skamms tíma. Sá ku hafa verið
hæfastur umsækjenda hvað menntun og
reynslu varðar, en bæjaryfirvöld ákváðu
að hafna öllum umsækjendum og auglýsa
stöðuna aftur. Nú bíða menn eftir að vita
hvað starfslokasamningur fyrrverandi
skipulagsfulltrúans, sem hætti sl. mán-
aðamót, hljóðar upp á í krónum talið og
hafa einhverjir af því áhyggjur að bæj-
arstjórnin sé að sækja vatnið yfir lækinn í
þessu tiltekna máli. Umræddur fyrrver-
andi skipulagsfulltrúi mun vera búinn að
fá ljómandi atvinnutilboð frá fyrirtæki í
bænum.
Úr
bæjarlífinu
EGILSSTAÐIR
EFTIR STEINUNNI ÁSMUNDSDÓTTUR
BLAÐAMANN
Leikhópurinn Lopifrumsýndi leik-ritið Grænjaxla
eftir Pétur Gunnarsson í
Mánagarði síðastliðinn
sunnudag. Leikritið er
þroskasaga stráks frá
sandkassanum upp í full-
orðinsár þegar hann þarf
að fara að takast á við
skyldur samfélagsins.
Fram kemur á fréttavefn-
um horn.is að þetta sé
gamansöm ádeila á þjóð-
félagið og stofnanir þess.
Tónlistin er eftir félaga í
Spilverki þjóðanna.
Leikararnir eru átján
talsins, allir í Heppuskóla.
Með aðalhlutverk fara
Gunnlaugur Bragi
Björnsson, Gísli Jóhann
Pálmason, Urður María
Sigurðardóttir og Þór-
hildur Rán Torfadóttir.
Grænjaxlar
Opnuð hefur veriðendurbætt vefsíðaFramhaldsskólans
á Húsavík á slóðinni
www.fsh.is. Var það gert
við athöfn í skólanum á
dögunum. Erna Björns-
dóttir, formaður skóla-
nefndar FSH, opnaði síð-
una formlega að
viðstöddum kennurum
og nemendum. Fram
kom í máli Guðmundar
Birkis Þorkelssonar
skólameistara að það
væri vel við hæfi því
Erna var nemandi við
skólann strax á fyrsta
starfsári hans og jafn-
framt fyrsti Húsvíking-
urinn sem lauk stúdents-
prófi frá skólanum.
Morgunblaðið/Hafþór
Ný vefsíða FSH opnuð
Halldór Blöndal,forseti Alþingis,fór nýverið í op-
inbera heimsókn til Kína.
Hann orti um föruneytið:
Þær skemmtu sér í Kína Ís-
lands konur!
fóru að prútta um sjölin sjö
sem síðan urðu 52.
Gist var á Hótel Para-
dís:
Hvort leiðin er stutt eða löng
vor för
upp leggur í hana maður hvör
eins þó að gisting öllum vís
sé ekki á Hótel Paradís.
Halldór orti um Guð-
mund Árna Stefánsson og
lýsir árvekni reykinga-
mannsins.
Með íbogið nefið undir hári
sléttu
hann staldrar við og skýtur
augum skjótum
skundar síðan burt á grönnum
fótum
og upp í munninn rennir
sígarettu.
Vísur frá Kína
pebl@mbl.is
Mýrdalur | Unnið hefur verið að lagfæringum
á vegum sem skemmdust í Mýrdal og víðar í
vatnavöxtunum í síðustu viku. Í fyrradag lag-
færði Andrés Pálmason vélaverktaki grjótvörn
á veginum inn með Kerlingadalsá. Áin hjó
mörg skörð í veginn, á einum stað inn í hann
miðjan. Andrés var fenginn til að laga grjót-
vörnina þar.
Morgunblaðið/Jónas Erlendsson
Grjótvörn komið í samt lag
Vegaskemmdir
Reyðarfjörður | BM Vallá hefur gert stóran
samning við bandaríska fyrirtækið Bechtel
Group Inc., um framleiðslu á forsteyptum
einingum vegna Fjarðaáls á Reyðarfirði. Að
sögn Þorsteins Víglundssonar forstjóra,
BM Vallár, er um að ræða framleiðslu á alls
um 16.000 einingum af ýmsum stærðum og
gerðum. Hann sagði að fyrir þessa fram-
leiðslu yrði sett upp verksmiðja á Reyðar-
firði en að framleiðslan myndi jafnframt
fara fram í samtarfi við einingaverksmiðju
fyrirtækisins á Akureyri og hluti eininganna
líklega framleiddur þar.
Fyrstu einingarnar verða framleiddar á
Reyðarfirði í vor. „Við erum með um 20
starfsmenn nú þegar á Reyðarfirði og það
má gera ráð fyrir að þeim fjölgi um aðra 20 í
tengslum við þetta verkefni,“ sagði Þor-
steinn. Hann sagði að umsvif fyrirtækisins í
einingaframleiðslu á Akureyri hefðu verið
að aukast og að þessi samningur á Reyð-
arfirði myndi styðja við þá framleiðslu. „Það
verður svo að ráðast þegar þar að kemur
hvort við þurfum að fjölga starfsmönnum á
Akureyri.“
BM Vallá
framleiðir
einingar
fyrir álver
Skagaströnd | Landsbankinn mun taka
við póstafgreiðslu á Skagaströnd fyrir Ís-
landspóst hinn 1. apríl næstkomandi. Af-
greiðslan hefur verið í útibúi KB banka
fram til þessa en því verður lokað 1. apríl
og nú hafa náðst samningar við Lands-
bankann að taka við afgreiðslunni. Ekki
eru fyrirhugaðar breytingar á manna-
haldi í bankanum vegna þessa fyrst um
sinn.
Póstafgreiðslan
í bankann
♦♦♦
Fáskrúðsfjörður | Söngkeppni Sam-
Aust 2005 var haldin í félagsheim-
ilinu Skrúð Fáskrúðsfirði á laug-
ardag og sigraði
Fáskrúðsfirðingurinn Jóna Særún
Sigurbjörnsdóttir með glæsibrag.
Þátttakendur voru frá öllum fé-
lagsmiðstöðvum á Austurlandi, tíu
talsins, og kepptu um sæti í lands-
keppni Samfés, Samtaka fé-
lagsmiðstöðva á Íslandi, sem haldin
verður í Mosfellsbæ 5. mars nk.
Þangað fara fulltrúar fjögurra fé-
lagsmiðstöðva á Austurlandi og
keppa í hópi 28 fulltrúa af landinu
öllu.
Önnur úrslit í Söngkeppni Sam-
Aust 2005 eru að í öðru sæti varð
Ylfa Rós Þorleifsdóttir, Zion Djúpa-
vogi, í þriðja sæti Sigurveig Stef-
ánsdóttir, Afreki Fellabæ og í fjórða
sæti Ragnar Ægir Fjölnisson,
Þrykkjunni Hornafirði og fara þau
ásamt Jónu Særúnu sigurvegara
keppninnar í framhaldskeppnina í
Mosfellsbæ í mars. Samhliða henni
verður þar haldin landshlutakeppni
Sing-Star þar sem fólk í 8.–10. bekk
keppir.
Jóna Særún
söng til sigurs
Morgunblaðið/Albert Kemp
Sigurvegari Fáskrúðsfirðingurinn
Jóna Særún Sigurbjörnsdóttir sigr-
aði í söngkeppni SamAust.
Grindavík | Vegagerðin mun ganga til
samninga við verktakafyrirtækið Háfell
ehf. um lagningu tæplega 6 km kafla á Suð-
urstrandarvegi austan Grindavíkur. Fyr-
irtækið var með þriðja lægsta tilboð, lið-
lega 98 milljónir, sem er um 65% af
kostnaðaráætlun Vegagerðarinnar.
Fram kemur á vef Grindavíkurbæjar að
eftir sé að ganga frá samningum við námu-
réttareigendur og því óljóst hvenær fram-
kvæmdir geti hafist.
Háfell leggur
Suðurstrandarveg
♦♦♦