Morgunblaðið - 08.02.2005, Blaðsíða 35

MORGUNBLAÐIÐ ÞRIÐJUDAGUR 8. FEBRÚAR 2005 35
DAGBÓK
Félagsstarf
Aflagrandi 40 | Vinnustofa bað og
jóga kl. 9, línudans kl. 11, postulíns-
málning kl. 13. Hár- og fótsnyrting alla
daga.
Ásgarður | Þorrablót SÁÁ verður
haldið laugardaginn 12. febrúar í Ás-
garði, Glæsibæ. Húsið opnað kl. 19
Miðasala á skrifstofu SÁÁ í Síðumúla
3–5.
Félag eldri borgara í Kópavogi | Brids
í Gjábakka í dag kl. 13.15.
Félag eldri borgara, Reykjavík | Skák
kl. 13. Miðvikudagur: Göngu–Hrólfar
ganga frá Ásgarði Glæsibæ kl. 10. Les-
hringur kl. 16.
Félagsstarf aldraðra, Garðabæ | Mál-
un kl. 9.30, karlaleikfimi og bútasaum-
ur kl. 13, vatnsleikfimi í Mýrinni kl. 9.10,
leshringur bókasafnsins kl. 10.30. Opið
hús í safnaðarheimilinu á vegum kirkj-
unnar kl. 13 og kóræfing FEBG á sama
stað kl. 17. Lokað í Garðabergi.
Félagsstarf Gerðubergs | Kl. 9–16.30
vinnustofur opnar m.a. postulíns-
námskeið. Á þriðjudag og föstudag kl.
10.30 létt ganga um nágrennið. Allar
upplýsingar á staðnum, s. 575 7720
og www.gerduberg.is.
Hraunbær 105 | Kl. 9 postulínsmálun.
glerskurður og hárgreiðsla, kl. 10
boccia, kl. 11 leikfimi, kl. 12 hádeg-
ismatur, kl. 12.15 Bónusferð, kl. 13
myndlist, kl. 15 kaffi.
Hraunsel | Moggi, rabb og kaffi frá kl.
9, bridge kl. 13, saumar kl. 13.30 og
miðar seldir í leikhúsið „Híbýli vind-
anna“ kl. 15–16.
Hvassaleiti 56–58 | Opin vinnustofa
kortagerð o.fl. kl. 9–13, boccia kl. 9.30–
10.30, helgistund kl.13.30 í umsjón
séra Ólafs Jóhannssonar. Böðun virka
daga fyrir hádegi. Fótaaðgerðir–
hársnyrting.
Hæðargarður 31 | Félagsstarfið er öll-
um opið. Listasmiðja og Betri stofa.
Tréskurður og frjálst handverk. Leik-
fimi kl. 10. Bókabíll kl. 14.15. Bónus
12.40. Hárgreiðslustofa 568 3139.
Fótaaðgerðarstofa 897 9801. Allir vel-
komnir. Upplýsingar í síma 568 3132.
Korpúlfar Grafarvogi | Gaman saman
á morgun, miðvikudag kl. 14 í Miðgarði.
Laugardalshópurinn í Þróttarheim-
ilinu | Leikfimi fyrir eldri borgara í dag
kl. 12.15.
Norðurbrún 1, | Kl. 9 smíði, myndlist,
opin vinnustofa, opin Hárgreiðslu-
stofa, kl. 10 boccia, kl. 13–16.30, postu-
línsmálning, kl. 14 leikfimi.
Salur Framsóknarfélags Mosfells-
bæjar | Félagsvist spiluð í kvöld í sal
Framsóknarfélags Mosfellsbæjar Há-
holti 14, 2. hæð kl 20. Góðir vinningar
fyrir 2 efstu sætin, karl og kona, hvert
spilakvöld. Spiluð verð 8 þriðjudags-
kvöld og verður ferðavinningur veittur
fyrir fimm hæstu kvöldin samanlagt.
Allir velkomnir.
Vesturgata 7 | Kl. 9–16 hárgreiðsla og
fótaaðgerðir, kl. 9.15–15.30 hannyrðir,
kl. 10.15–11.45 enska, kl. 11.45–12.45
hádegisverður, kl. 13–16 postulíns-
málun, kl. 13–16 bútasaumur, kl. 13–16
frjáls spil, kl. 13–14.30 leshringur, kl.
14.30–15.45 kaffiveitingar.
Vitatorg, félagsmiðstöð | Smiðja kl.
8.45, handmennt og hárgreiðsla kl. 9,
morgunstund og fótsnyrting kl. 10.30,
leikfimi kl. 10, félagsvist kl. 14 allir vel-
komnir. Skráning hafin í námskeiðin,
upplýsingar í síma 561 0300.
Þórðarsveigur 3 | Bónus kl. 12, bóka-
bíllinn kl. 16.45.
Kirkjustarf
Akureyrarkirkja | Morgunsöngur kl. 9.
Fermingarfræðsla (hópur 2) kl. 15.
Árbæjarkirkja. | Foreldramorgnar kl.
10–12. Fræðsla, spjall, helgistund o.fl.
Allir velkomnir. Starf með 10–12 ára
börnum kl. 15.45 í Árbæjarkirkju.
Æskulýðsfélagið Lúkas fyrir 8.–9.
bekkinga í kirkjunni kl. 17.
Áskirkja | Opið hús milli 10 og 14 í dag,
kaffi og spjall. Bænastund kl. 12. Boðið
upp á léttan hádegisverð. Allir vel-
komnir.
Digraneskirkja | Leikfimi Í.A.K. kl.
11.15. Kl 12 sprengidagsmatur, Val-
gerður Gísladóttir kemur í heimsókn.
Helgistund. Kaffi. 10–12 ára starf
KFUM&K kl. 17–18.15, á neðri hæð.
Bænastund kl. 17.30. Alfa námskeið kl.
19. Kennari sr. Magnús B. Björnsson.
Fella- og Hólakirkja | Strákastarf fyrir
3.–7. bekk, í kirkjunni kl. 16.30–17.30.
Fríkirkjan Kefas | Bænastund kl.
20.30. Allir velkomnir.
Garðasókn | Opið hús í Kirkjuhvoli, Ví-
dalínskirkju kl. 13 til 16. Við spilum lom-
ber, vist og bridge. Röbbum saman og
njótum þess að eiga samfélag við
aðra. Kaffi og meðlæti kl. 14.30. Helgi-
stund í kirkjunni kl. 16. Akstur fyrir þá
sem vilja, uppl. í síma 895 0169. Allir
velkomnir.
Grafarvogskirkja | Opið hús fyrir eldri
borgara, kl. 12–16. Sprengidagur, sal-
kjöt og baunir. Farið verður á Þjóð-
minjasafnið. Kirkjukrakkar fyrir 7–9
ára í Rimaskóla kl. 17.30–18.30 Æsku-
lýðsfélag Grafarvogskirkju kl. 19.30,
fyrir 8. bekk.
Hallgrímskirkja | Fyrirbænaguðsþjón-
usta alla þriðjudaga kl. 10.30. Beðið
fyrir sjúkum. Starf með öldruðum alla
þriðjudaga og föstudaga kl. 11–15. Leik-
fimi, súpa, kaffi og spjall.
Hjallakirkja | Prédikunarklúbbur
presta er hvern þriðjudag í Hjallakirkju
kl. 9.15–11, í umsjá sr. Sigurjóns Árna
Eyjólfssonar héraðsprests.
Hvítasunnukirkjan Fíladelfía | Nýliða-
fræðsla kl. 18.30. Fyrir þá sem hafa
nýlga tekið á móti Jesú sem frelsara
sínum eða vilja kynnast því. Alfa 1 kl.
19. www.gospel.is.
KFUM og KFUK | Ad KFUK kl. 20 í
húsi KFUM og KFUK á Holtavegi 28.
„Míka spámaður“ Sr. Ólafur Jóhanns-
son, formaður KFUM og KFUK, fjallar
um efnið. Allar konur velkomnar.
Kópavogskirkja | Bæna- og kyrrð-
arstund í kirkjunni kl. 12.10.
Laugarneskirkja | Kl. 16, T.T.T. (5.– 7.
bekkur) Kl. 19.45 Trúfræðsla. Íhugun
og umræður um guðspjall næsta
sunnudags. Kl. 20.30 Kvöldsöngur í
kirkjunni. Gengið inn um aðaldyr. Kl.
21, 12 sporahópar koma saman. Boðið
er til fyrirbænar við altarið og kaffi-
spjalls í safnaðarheimilinu.
Neskirkja | Barnakórinn kl. 15. Kór fyr-
ir 7–8 ára börn. Stjórnandi Stein-
grímur organisti. Upplýsingar í síma
896 8192. Litli kórinn, kór eldri borg-
ara kl. 16. Stjórnandi Inga J. Backman.
Upplýsingar í síma 822 4522. Nedó –
unglingakúbbur. 8. bekkur kl. 17. 9.
bekkur og eldri kl. 19.30. Umsjón Guð-
munda og Hans.
Njarðvíkurprestakall | Systrafélag
Njarðvíkurkirkju fundir 2. þriðjudag
hvers mánaðar kl. 20. í safnaðarheim-
ilinu. Nýjar konur velkomnar. Spila-
kvöld aldraðra og öryrkja fimmtudag-
inn 10. febrúar kl. 20. í umsjá félaga úr
Lionsklúbbi Njarðvíkur, Ástríðar Helgu
Sigurðardóttur, Natalíu Chow Hewlett
og sóknarprests.
Óháði söfnuðurinn | Alfanámskeið II
kl. 19–22. Fjallræðan.
Staðurogstund
http://www.mbl.is/sos
Morgunblaðið/Ómar
„ÞAÐ hefur verið rauður þráður
síðustu ár að fást við manninn í um-
hverfinu. Það er maðurinn í
tengslum við náttúruna, einsemd-
ina, þörfina fyrir ró, kyrrð og jafn-
vægi,“ segir Kristín Gunnlaugs-
dóttir myndlistarmaður, en sýning
hennar, „… mátturinn og dýrðin að
eilífu …“, stendur nú yfir í Lista-
safni Reykjanesbæjar og er opin til
6. mars. Þá sýnir hún einnig fjögur
ný verk í safnaðarheimili Keflavík-
urkirkju í tilefni af 90 ára afmæli
kirkjunnar.
Að sögn Kristínar hefur lands-
lagið komið meira inn í verk hennar
undanfarin ár. „Mér finnst það end-
urspegla sambandið og stöðu
mannsins gagnvart náttúrunni, ein-
semd hans í sköpunarverkinu og
þörfina fyrir guð. Ég fæst alltaf við
hina sammannlegu reynslu, það
sem sameinar trúarbrögð og tengsl
okkar allra við náttúruna og sköp-
unarverkið. Það sem býr handan
orðanna.“
Verkin á sýningum Kristínar
skiptast í tvennt, annars vegar stór
olíumálverk á striga og hins vegar
litlar myndir, málaðar með egg-
temperu á tré, en eggtempera er
gömul miðaldatækni og er í raun
fyrirrennari olíunnar. „Þetta er
bara tækni, en hentar vel þegar
maður er að fást við litlar myndir
eða stórar. Ég er ekki að þjóna
tækninni, heldur er tæknin að þjóna
hugmyndinni. Stór hugmynd rúm-
ast vel í litlu verki og eggtempera
finnst mér koma því vel til skila, því
hún er svo fínleg í sér.“
Titill sýningarinnar kemur úr
faðirvorinu og er heitið á einu verki
á sýningunni. Kristín segist heillast
af þeim andstæðum sem felast í
hinu andlega og hinni mannlegu
reynslu. „Að við getum upplifað
þessar tvær tilfinningar í einu; ná-
lægðina og fjarlægðina við almætt-
ið,“ segir Kristín. „Þörfin fyrir
trúna er fyrst og fremst það sem
liggur til grundvallar verkum mín-
um, mun frekar en trúin sjálf. Þessi
aðskilnaður sem maðurinn upplifir
varðandi guð.“
Nóg er af verkefnum framundan
hjá Kristínu og vinnur hún nú öt-
ullega að undirbúningi næstu sýn-
inga. M.a. er gert ráð fyrir sýningu
í Hallgrímskirkju í lok ársins auk
þess sem sýningar eru fyrirhugaðar
2006 og 2007, bæði hér heima og er-
lendis. „Landslagið er komið sterk-
ara inn í og það verður spennandi
að sjá hvort hefur yfirhöndina,
hvort landslagið tali á sama hátt og
manneskjurnar geta gert, sem sagt,
allt er lifandi og á í sínu innra sam-
bandi við sköpunarverkið,“ segir
Kristín að lokum.
Myndlist | Kristín Gunnlaugsdóttir
sýnir í Listasafni Reykjanesbæjar
Skoðar sammann-
lega reynslu og
þörfina fyrir guð
Morgunblaðið/Árni Sæberg
ÍSLENSK sönglög verða í aðal-
hlutverki á tónleikum í Salnum í
kvöld, þar sem þau Þóra Einarsdóttir
sópransöngkona og Jónas Ingimund-
arson píanóleikari leiða saman hesta
sína og flytja margar af helstu söng-
perlum íslensks tónlistararfs. Þessir
tónleikar eru hluti af Tíbrár-
tónleikaröðinni og áttu upphaflega að
vera 10. febrúar, en var flýtt um tvo
daga.
„Við erum þarna með þverskurð af
íslenskum sönglögum, það er ekki
hægt að taka allt, en þarna eru sýn-
ishorn af ólíkum þjóðlögum og ein-
söngslögum úr ýmsum áttum,“ segir
Þóra Einarsdóttir. „Það má segja að
þarna sé um að ræða nokkurs konar
þorrabakka.“
Á dagskránni er einnig að finna
lagaflokkinn heimþrá sem Hall-
grímur Helgason tónskáld gaf Þóru
eftir að hafa heyrt í henni á tónleikum
árið 1992, en þau eru samin við ljóð
eftir Ólaf Jóhann Sigurðarson. Þá má
einnig heyra á tónleikunum nokkur
lög eftir Karl O. Runólfsson. „Eftir
hlé erum við með tvö tónskáld sem
má segja að séu nokkurs konar nátt-
úrubörn, annars vegar Jón Laxdal og
hins vegar Sigfús Halldórsson,“ segir
Þóra. „Hvorugur þeirra var sér-
staklega hámenntaður í tónsmíðum,
en þeir voru tónskáld og listamenn af
guðs náð og sömdu sönglög án þess
að vera sérstaklega útlærðir til þess.
Þeir sömdu af innblæstri og að því er
virðist meðfæddri náttúrulegri snilli-
gáfu.“
Þóra segir hin íslensku sönglög
höfða mjög sterkt til hennar nú. „Ég
er búin að vera að syngja mikið er-
lendis og er full heimþrár. Svo er líka
alveg sérstakt að syngja á móðurmál-
inu. Maður ætti að öðlast enn dýpri
skilning á textanum eftir að hafa
dvalið ytra. Þess vegna ákváðum við
Jónas að hafa eingöngu íslensk söng-
lög á efnisskránni.
Svo er gaman að bæta því við að við
syngjum heildstæðan ljóðaflokk eftir
Jón Laxdal sem heitir Helga hin
fagra, en þar syngur Helga hin fagra
úr Gunnlaugs sögu Ormstungu um
ástir sínar og missi. Þessi ljóðaflokk-
ur er afar sjaldan fluttur, en gott
dæmi um það er að Jónas Ingimund-
arson hafði hvorki spilað hann né
heyrt áður en við ákváðum að flytja
hann. Það er því hægt að segja að
þetta sé mikil perla og sjaldheyrð.“
Þóra segir að lokum alveg sérstakt
og alltaf jafngaman að fá að syngja
með Jónasi Ingimundarsyni. „Hann
er eins og hugur manns og spilar
ótrúlega vel og innblásið. Það er al-
gjör draumur að fá að syngja með
honum.“
Tónlist | Þóra Einarsdóttir og Jónas Ingimundarson flytja úrval íslenskra sönglaga í Salnum
Heimþráin vekur
þörf til að flytja
íslensk lög
Þóra Einarsdóttir og Jónas Ingimundarson voru við æfingar í salnum fyrir helgi.
Morgunblaðið/Þorkell