Morgunblaðið - 20.02.2005, Blaðsíða 4

4 SUNNUDAGUR 20. FEBRÚAR 2005 MORGUNBLAÐIÐ
FRÉTTIR
STÝRIVEXTIR Seðlabankans eru orðnir það
háir að frekari vaxtahækkanir ættu ekki að
vera nauðsynlegar, að mati Halldórs Ásgríms-
sonar forsætisráðherra. Seðlabanki Íslands
sendi ríkisstjórninni greinargerð sl. föstudag í
tilefni af því að verðbólgan fór yfir þolmörkin.
Halldóri finnst greinargerðin geyma bæði góð
tíðindi og slæm.
„Vondu tíðindin eru að verðbólgan hefur far-
ið yfir þessi þolmörk. Það er ljóst að þær að-
gerðir sem farið er í reyna mjög á efnahagslífið
og skapa tímabundna erfiðleika fyrir útflutn-
ingsatvinnuvegina. Hins vegar er það svo að af
þeirri verðbólgu sem er mæld 4,5% eru 2,5%
vegna húsnæðis.“
Ýmsar breytingar á lánamarkaði hafa
verið til hagsbóta fyrir almenning
Halldór bendir á að ýmsar breytingar á lána-
markaði hafi verið til hagsbóta fyrir almenning.
Lánin séu ódýrari og greiðslubyrðin léttari
þannig að þessi verðbólga hafi ekki haft sömu
áhrif á ráðstöfunartekjur og oft áður. Í ýmsum
löndum taki húsnæðisliður verðbólgumælinga
mið af húsaleigu en hér af fasteignaverði. Hall-
dór sagðist vona að jafnvægi kæmist á fast-
eignamarkaðinn. Þær hækkanir
sem hafi orðið megi síður rekja til
hækkunar á byggingarkostnaði en
hækkunar á lóðum og landi auk
mikillar eftirspurnar. „Þrátt fyrir
þessa spennu er mikil tiltrú á ís-
lenskt efnahagslíf eins og kom
skýrt fram í áliti Standard &
Poor’s fyrir nokkru. Seðlabankinn
hefur tekið þessa ákvörðun og við
verðum að virða hana. Hins vegar
hefði ég talið að vextir þeirra væru
komnir það hátt að frekari vaxta-
hækkanir ættu ekki að vera nauð-
synlegar. En ég sé að Seðlabank-
inn lætur í það skína að til þeirra
kunni að koma.“
Vísbendingar komnar fram
um betri afkomu ríkissjóðs
Halldór segir vísbendingar um að afkoma
ríkissjóðs verði betri en fjárlög gera ráð fyrir.
M.a. sé ljóst að tekjuskattur fyrirtækja verði
meiri og arðgreiðsla frá Símanum mun hærri
en gert var ráð fyrir við undirbúning fjárlaga.
En hvað skipta vaxtabreytingar Seðlabank-
ans miklu máli, þegar lánsfé
streymir inn í landið á kjörum sem
bankinn ræður engu um?
„Þær skipta allavega ekki mjög
miklu máli til skemmri tíma litið.
Það er megin markmið ríkisstjórn-
arinnar og Seðlabankans að það
dragi úr verðbólgunni á nýjan leik.
Eins og allir vita þá kemur til end-
urskoðunar kjarasamninga í haust.
Seðlabankinn er að spá því að
verðbólgan á þeim tíma sé líkleg
að vera um 3%. Þegar menn meta
verðbólguna verður að taka tillit
til þess hve mikill hluti af þessu er
vegna húsnæðismálanna. Bankarn-
ir hafa verið að lána 12.500 ein-
staklingum á undanförnum mán-
uðum 138 milljarða. Það er ljóst að sú
lánastarfsemi hefur veruleg áhrif á þá þenslu
sem nú er í þjóðfélaginu. Þar er ekki um kjara-
rýrnun að ræða, heldur kjarabót. Það er kjara-
bót fyrir fólk að fá hagstæðari lán. Síðan hafa
eignir fólks verið að hækka í verði. Það er hin
jákvæða hlið húsnæðismarkaðarins,“ segir
Halldór Ásgrímsson.
Halldór Ásgrímsson
Bæði góð tíðindi og slæm
Halldór Ásgrímsson forsætisráðherra um greinargerð Seðlabankans
REYKJAVÍKURBORG er ekki hvítþveginn eng-
ill þegar kemur að stóriðjumálum,“ sagði Katrín
Jakobsdóttir, formaður flokksráðs og varaformað-
ur Vinstrihreyfingarinnar – græns framboðs, við
setningu flokkráðsfundar VG á Grand hóteli
Reykjavík í gær.
Katrín hóf setningarræðu sína á umfjöllun um
orkumál og stóriðju, söluna á eignarhlut Reykja-
víkur í Landsvirkjun og virkjanaáform Orkuveitu
Reykjavíkur. Hún ræddi einnig fyrirhugaða sölu
Símans og styttingu náms til stúdentsprófs.
Ekki framtíðarsýn fulltrúa VG
Katrín minnti á að þegar greidd voru atkvæði í
borgarstjórn um hvort Reykjavíkurborg ætti að
ábyrgjast lántökur Landsvirkjunar, til að fjár-
magna Kárahnjúkavirkjun, hefði Reykjavíkurlist-
inn haft tækifæri til að hafna því. „Raunin varð
hins vegar sú að þrír borgarfulltrúar Reykjavík-
urlistans greiddu málinu atkvæði sitt og það hlaut
þannig níu manna meirihluta í borgarstjórn,“
sagði Katrín.
„Að sama skapi hefur Orkuveita Reykjavíkur
daðrað nokkuð við virkjanaáform í þágu stóriðju.
Þar hafa þó einungis verið reistar jarðvarmavirkj-
anir þó að ýmis teikn hafi verið á lofti um að Orku-
veitan hyggist færa sig inn á sama svið og Lands-
virkjun og fara að reisa stórar vatnsaflsvirkjanir
með uppistöðulónum. Þetta er ekki sú framtíð-
arsýn sem fulltrúar Vinstri-grænna í borgarstjórn
aðhyllast.“
Katrín sagði borgarfulltrúa VG ekki hafa verið
því andvíga að teknar yrðu upp viðræður um sölu
á hlut Reykjavíkur í Landsvirkjun. Undirritun
viljayfirlýsingar sl. fimmtudag um söluna á hlut
borgarinnar hefði borið brátt að. Borgarfulltrúar
VG hefðu viljað fá meiri umræðu um málið. Taldi
Katrín skipta miklu máli að samningsdrög, sem
koma út úr viðræðum og eiga að liggja fyrir í
haust, yrðu vandlega rædd.
„Enda er hreint ekki gefið að við munum sam-
þykkja sölu eignarhluta Reykjavíkur í Lands-
virkjun,“ sagði Katrín.
Gamaldags hugsunarháttur
Katrín gagnrýndi áform um styttingu náms til
stúdentsprófs. Hún sagði nýja skýrslu mennta-
málaráðurneytisins bera annars vegar vott um af-
ar gamaldags hugsunarhátt í skólamálum og hins
vegar mjög eindreginn vilja til að spara í fram-
haldsskólakerfinu með því að velta einingum yfir á
grunnskólana, sem reknir eru af sveitarfélögun-
um.
„Þessi sparnaðarhugmynd hefur að sama skapi
gert það að verkum að það hefur ekki einu sinni
komið til umræðu að stytta fremur grunnskólann
úr tíu árum í níu, ef menn vilja lækka stúdents-
prófsaldurinn, þó að skólaár grunnskólanna hafi
lengst verulega á undanförnum árum,“ sagði
Katrín.
Óvíst að borgarfulltrúar VG
samþykki sölu Landsvirkjunar
Morgunblaðið/Árni Sæberg
Katrín Jakobsdóttir fjallaði m.a. um orkumál, sölu á Landsvirkjun og Símanum og styttingu náms til
stúdentsprófs í setningarræðu flokksráðsfundar VG í gær. LÖGREGLAN í Hafnarfirði hand-
tók fimm manns í þremur fíkniefna-
málum aðfararnótt föstudags. Í
einu málinu fundust 50 grömm af
amfetamíni við húsleit í Hafnarfirði
og voru tveir aðilar handteknir.
Lögregla hafði fylgst með húsinu
um nokkurt skeið. Í öðru málinu
var grunsamlegur ökumaður stöðv-
aður í Garðabæ og fannst talsvert
magn af amfetamíni og marijúana í
bíl hans.
Teknir vegna
fíkniefna
TVEIR ungir menn frömdu
vopnað rán Apóteki Árbæjar
um hádegið í gær. Tveir ung-
ir menn í bláum samfesting-
um með grímu á höfði komu
inn í apótekið vopnaðir hníf-
um og ógnuðu starfsfólki með
þeim. Skipuðu þeir starfsfólki
að sýna sér hvar rítalín væri
geymt og stálu skömmtum af
því auk peninga sem þeir
tóku úr peningakassa. Ekki
er talið að þeir hafi haft mik-
inn ránsfeng með sér. Af-
greiðslufólki var mjög brugð-
ið eftir atvikið en allir voru
ómeiddir.
Tveir viðskiptavinir voru
innandyra þegar ránið var
framið og tókst öðrum þeirra
að laumast út til að hringja á
lögregluna. Kom hún á stað-
inn fljótlega og hóf leit að
ræningjunum. Ekki var ljóst
hvort þeir hefðu flúið á bif-
reið eða á hlaupum.
Vopnað
rán
í apóteki
STEINUNN Valdís Óskarsdóttir, borgarstjóri Reykja-
víkur, undirritaði samstarfssamning milli Reykjavík-
urborgar og Food and Fun-hátíðarinnar í Listasafni
Reykjavíkur – Hafnarhúsi í gær, en framkvæmdastjór-
ar Food and Fun eru þeir Sigurður L. Hall, Baldvin I.
Jónsson og Steinn Lárusson. Að því loknu hófst kokka-
keppni Food and Fun í listasafninu.
Samningur Reykjavíkurborgar og Food and Fun
gildir til þriggja ára og með honum er innsiglað sam-
komulag milli Reykjavíkurborgar, Icelandair og Main
Course um öflugt samstarf Vetrarhátíðar og Food and
Fun í því skyni að efla báðar hátíðirnar. Það er von
beggja aðila að þetta samstarf muni festa báðar hátíðir
enn frekar í sessi og efla þannig veg mannlífs, menn-
ingar og matarlystar í Reykjavík.
„Með öflugri tengingu menningar og matreiðslu á
heimsmælikvarða – list með lyst – er verið að efla
ímynd Reykjavíkurborgar sem borgar menningar, lífs-
gæða og lífsnautna á öllum árstímum og styrkja þann-
ig mannlíf í Reykjavík, ferðaþjónustuna og veitinga-
húsaflóruna,“ segir í tilkynningu frá Ráðhúsi
Reykjavíkur.
Ætla að efla list og lyst
ALÞJÓÐLEGI skákmeistarinn
Stefán Kristjánsson (2.438) gerði
jafntefli við alþjóðlega meistarann
Mihajlo Zlatic (2.451) frá Serbíu og
Svartfallalandi í lokaumferð First
Saturdays-mótsins í Búdapest sem
lauk á föstudag. Stefán hlaut sjö
vinninga í tólf skákum og hafnaði í
fjórða sæti. Árangur Stefáns sam-
svarar 2.476 skákstigum og hækk-
ar hann um átta stig fyrir frammi-
stöðu sína á mótinu.
Hannes Hlífar Stefánsson stór-
meistari (2.561) gerði jafntefli á
föstudag við enska stórmeistarann
Mark Hebden (2.521) í áttundu og
næstsíðustu umferð Cappelle La
Grande-mótsins í Frakklandi.
Hannes hefur sex vinninga og er í
5.–21. sæti. Stórmeistarinn Þröstur
Þórhallsson (2.455) sigraði Frakk-
ann Xavier Montheard (2.247) og
hefur fimm og hálfan vinning.
Magnús Kristinsson (1.430) tap-
aði fyrir Frakkanum Laurent Riq-
uier (2.068) og hefur þrjá og hálfan
vinning.
Stefán hafnaði
í fjórða sæti í
Búdapest