Morgunblaðið - 20.02.2005, Blaðsíða 27

MORGUNBLAÐIÐ SUNNUDAGUR 20. FEBRÚAR 2005 27
FRÉTTIR
Ráðstefna á Grand Hóteli 25. febrúar 2005
Dagskrá
9:00 Opnunarávarp; Ísland og norðurslóðir
Dr. Gunnar Pálsson, sendiherra
Fyrri hluti, kl. 9:05-12:00 Fundarstjóri: Dr. Gísli Pálsson, prófessor við Háskóla Íslands
Mannlíf og lífskjör
Human and Economic Development in the Arctic Region: Challenges and Opportunities for Iceland
and the West Nordic area (á ensku)
Dr. Joan Nymand Larsen, sérfræðingur hjá Stofnun Vilhjálms Stefánssonar
Fyrirspurnir og umræður
Lífríki hafsins
Áhrif breytts náttúrufars á auðlindir hafsins
Dr. Hjálmar Vilhjálmsson, fiskifræðingur hjá Hafrannsóknastofnun
Rannsóknir á breytingum á hafstraumum og ástandi sjávar vegna loftslagsbreytinga
Dr. Steingrímur Jónsson, prófessor við Háskólann á Akureyri
Fyrirspurnir og umræður
Lífríki á landi
Landnýting og losun gróðurhúsalofttegunda
Dr. Hlynur Óskarsson, vistfræðingur hjá Landbúnaðarháskóla Íslands
Dýralíf í breyttu umhverfi
Kristinn H. Skarphéðinsson, sviðsstjóri dýravistfræðisviðs Náttúrufræðistofnunar Íslands
Fyrirspurnir og umræður
Orkumál
Loftslagsbreytingar og áhrif þeirra á orkugjafa á norðurslóðum
Dr. Árni Snorrason, forstöðumaður vatnamælinga Orkustofnunar
Orkunotkun og orkunýting á norðurslóð
Dr. Páll Valdimarsson, prófessor við Háskóla Íslands
Fyrirspurnir og umræður
Samantekt og niðurstöður
Dr. Guðrún Pétursdóttir, forstöðum. Sjávarútvegsstofnunar Háskóla Íslands
Seinni hluti, kl. 13:00-17:00
Fundarstjóri: Ragnhildur Hjaltadóttir, ráðuneytisstjóri í samgönguráðuneyti
Samgöngur
Hlutverk Íslands í sjóflutningum á Norður-Atlantshafi
Eggert H. Kjartansson, sölustjóri útflutningsdeildar Atlantsskipa
Möguleikar á umskipunarhöfn á Íslandi
Gísli Viggósson, forstöðumaður rannsókna- og þróunarsviðs Siglingastofnunar
Fyrirspurnir og umræður
Ferðaþjónusta
Kuldi, myrkur, auðn; Sérstaða og tækifæri norðurheimskautssvæða
Sigurbjörg Árnadóttir, ráðgjafi í ferðaþjónustu
Fyrirspurnir og umræður
Byggðaþróun
Ný tækifæri í atvinnuþróun, menntun og rannsóknum
Halldór Halldórsson, bæjarstjóri á Ísafirði
Rannsóknir, skipulag og sjálfbær þróun
Gestur Ólafsson, arkitekt og skipulagsfræðingur
Áhrif sjávarstöðubreytinga á skipulag við strönd
Dr. Trausti Valsson, prófessor við Háskóla Íslands
Fyrirspurnir og umræður
Áherslur í rannsóknum og vísindum
Vísinda- og tæknisamstarf - Ögrun á norðurslóðum
Dr. Vilhjálmur Lúðvíksson, skrifstofustjóri í menntamálaráðuneyti
Framlag háskóla- og vísindamanna til stefnumótunar í málefnum norðurslóða
Dr. Þorsteinn Gunnarsson, rektor Háskólans á Akureyri
Fyrirspurnir og umræður
Samantekt og niðurstöður
Þórhallur Jósefsson, fréttamaður á Ríkisútvarpinu
Utanríkisráðuneytið hefur forystu um ráðstefnuna í nánu samstarfi við umhverfisráðuneyti, menntamálaráðuneyti,
sjávarútvegsráðuneyti, iðnaðar- og viðskiptaráðuneyti, samgönguráðuneyti og Rannís, en allir þessir aðilar styrkja
ráðstefnuna.
Ráðstefnan er öllum opin. Skráning er í síma 545 9940 eða með tölvupósti: sand@mfa.is
Ísland og norðurslóðir
Tækifæri í breytilegu umhverfi alþjóðasamstarfs og náttúrufars
ÞETTA verk Kristínar Ómars-
dóttur virðist skrifað á undan bæði
leikritinu Spítalaskipi sem frum-
sýnt var hjá Nemendaleikhúsinu í
byrjun árs og skáldsögu hennar
Hér sem kom út í desember. Líkt
og í Hér er stúlkubarn í aðal-
hlutverkinu en það eru ekki ógnir
hins stóra heims, styrjaldir og
dauði, sem hún glímir við í Segðu
mér allt heldur ógnir heimilislífs-
ins, stríð kjarnafjölskyldunnar, og
tengjast kynhvötinni sem stúlkan
er að uppgötva.
Eins og ævinlega hjá Kristínu er
verkið skrýtið, skemmtilegt og
ögrandi. Það hefur ekki hefð-
bundna uppbyggingu, allt flýtur
eða skellur hvað á öðru, mörkin
óljós milli brotakenndrar upplif-
unar barns á ógnvænlegum veru-
leika og barbí-draumsins sem
stúlkan flýr inn í, – eintöl, löng
samtöl án mikilla átaka, írónía
Kristínar, leikur að orðum – ekki
auðveld að setja á svið.
Hvítir ferkantaðir kassar og
pallar blasa við manni í enda sal-
arins á nýja sviðinu og það er
formfesta, röð og regla sem mynd-
ar rammann um sýninguna, hér er
komið reiðu á óreiðu Kristínar,
hlutirnir ganga upp. Rebekka Ingi-
mundardóttir hannar leikmyndina.
Hún og Kári Gíslason, sem sér um
flotta lýsinguna, ná svo sannarlega
í skottið á húmor Kristínar þegar
þau búa til bleikan barbí-töfra-
draumaheim stúlkunnar og hljóð-
mynd Hákons Leifssonar styður
hann ákaflega vel, en það gera
reyndar tónlist og hljóð í allri sýn-
ingunni. Svarthvítur hvunndag-
urinn sem Rebekka teflir á móti
þeim bleika er út í minnstu smáat-
riði svarthvítur. Hann er smart og
eins og klipptur út úr vel stæðu
millistéttarheimili í Innliti/útliti
þar sem einhver á við fullkomn-
unaráráttu að stríða. Það er því
frekar sem gerviheimi en martrað-
arlíkum hvunndegi sé teflt gegn
draumaheiminum. Rebekka hefur
líka teiknað alla búninga og eru
þeir, svo og gervin og hárgreiðsl-
urnar (Guðrún Þorvarðardóttir),
hver öðrum betri.
Af ímyndunarafli og mikilli alúð
hafa leikstjórinn Auður Bjarna-
dóttir og leikararnir spunnið út frá
texta Kristínar. Allur leikur er stíl-
færður, og er það jafnan tæknilega
vel unnin stílfærsla, gleðilega laus
við allan farsa, grófleika og aula-
hátt. Mikið er dansað og margar
litskrúðugar myndir verða þar til
og skemmtileg smákómísk uppbrot
koma á óvart.
Álfrún Örnólfsdóttir leikur Guð-
rúnu, tólf ára gömlu telpuna sem
bundin er við hjólastól. Guðrún
Álfrúnar er barnsleg og hún á
mörg falleg augnablik, en barnsleg
einfeldnin og stöðug gleðin gengur
hins vegar ekki ætíð upp í verkinu,
einkum ekki þar sem allt verkið er
séð af sjónarhóli hennar; jafnt
martraðarlíkt heimilislífið sem
draumurinn. Það að að henni steðji
lítil ógn – ótti og lömunin kalli
aldrei fram í henni andstyggð eða
grimmd – er erfitt að melta.
Marta Nordal leikur móðurina
Höllu, húsmóður sem leiðist skelfi-
lega að vera bundin við heimilið og
elskar að láta leiðindin bitna á
maka sínum Vilhjálmi, sem Ellert
A. Ingimundarson leikur. Marta
skilar þessu hlutverki – biturleika,
grimmd persónunnar og skap-
sveiflum – einstaklega vel. Texti
Kristínar nýtur sín hvergi betur
en af munni hennar, hún dansar af
mikilli færni og bregður sér af
leikni í þær ótal myndir sem dóttir
hennar hefur af henni. Það er
gleðilegt að þessi leikkona skuli
loks hafa fengið hlutverk þar sem
hæfileikar hennar fá að njóta sín.
Ellert A. Ingimundarson er þreytti
eiginmaðurinn sem vill gera öllum
til geðs, aumkunarverður, oft kóm-
ískur, en hvörfin í persónu hans
hefðu mátt vera stærri og stund-
um meiri alvara í hlutunum eins og
til dæmis dauðaþránni. Edda
Björg Eyjólfsdóttir leikur yfirfrú,
skólastjóra upptökuheimilis, Barbí
– og Þór Tulinius Mark eiginmann
hennar. Þau eru fyndið, dauðsótt-
hreinsað glatt par sem veit hvern-
ig fullorðið fólk á að haga sér,
samstillt í samleik sínum. Edda
Björg verður líka minnisstæð úr
óborganlegum samsöng hennar og
Álfrúnar um stærðfræðina. Og því-
líkur dýrðarinnar skáldskapur um
stærðfræði frá Kristínar hendi.
Ef ástæða er til að gagnrýna
eitthvað í þessari fallegu, vel unnu
sýningu Auðar Bjarnadóttur er
það kannski helst það að vinna
hefði mátt stundum út meiri
grimmd, skarpari skil milli brota
verksins, láta það ekki ganga alveg
svona vel upp, sleppa einnig stöku
dansi og millispili í stað þess að
teygja óþarflega úr sýningunni. Og
strópó-skópið eins og það er notað
– er það nú ekki að verða svolítið
þreytt – í vetur?
Vesalings kjarna-
fjölskyldan
Morgunblaðið/Þorkell
„Af ímyndunarafli og mikilli alúð hafa leikstjórinn og leikararnir spunnið
út frá texta Kristínar. Allur leikur er stílfærður, og er það jafnan tæknilega
vel unnin stílfærsla, gleðilega laus við allan farsa, grófleika og aulahátt.“
LEIKLIST
Borgarleikhús
Segðu mér allt
Eftir Kristínu Ómarsdóttur. Leikstjóri:
Auður Bjarnadóttir. Leikmynd og bún-
ingar: Rebekka Ingimundardóttir. Hljóð-
mynd: Hákon Leifsson. Lýsing: Kári Gísla-
son. Leikarar: Álfrún Örnólfsdóttir, Marta
Nordal, Ellert A. Ingimundarson, Edda
Björg Eyjólfsdóttir og Þór Tulinius. Nýja
sviðið, föstudag 18. febrúar kl. 20.00.
María Kristjánsdóttir
ÍSLENSKA óperan og Vogabær endurnýjuðu sam-
starfssamning sín á milli á dögunum. Samningurinn
felur í sér að hlutfall af sölu Vogabæjar á Óp-
erusósum og súpum fyrirtækisins, rennur til Íslensku
óperunnar árið 2005. Þetta er annað árið í röð sem
Íslenska óperan og Vogabær gera með sér slíkan
samning og mun framlag Vogabæjar verða sér-
staklega notað til að búa til fræðsluefni á Óperu-
vefnum.
Framleiðsla Vogabæjar á Óperusósum og súpum
tengist starfsemi Óperunnar á þann hátt að sósurnar
og súpurnar heita eftir persónum sem koma fyrir í
hinum ýmsu óperum t.d. er hægt að kaupa Toscu
tómatsúpu frá Vogabæ til að matreiða áður en farið
er á sýningu á Toscu í Óperunni.
Bjarni Daníelsson óperustjóri og Sigrún Ósk Ingadóttir
undirrita samstarfssamning Óperunnar og Vogabæjar.
Vogabær styrkir
starf Óperunnar