Morgunblaðið - 25.04.2005, Blaðsíða 4
4 MÁNUDAGUR 25. APRÍL 2005 MORGUNBLAÐIÐ
FRÉTTIR
Skógarhlíð 18, sími 595 1000 www.heimsferdir.is
Munið Mastercard
ferðaávísunina
Hvítasunnuferð - örfá sæti
Tveir fyrir einn til
Rómar
12. maí
frá kr. 19.990
Heimsferðir bjóða nú einstakt tækifæri til að kynnast Róm í vikuferð
12. -19. maí á frábærum kjörum undir öruggri leiðsögn fararstjóra
Heimsferða. Í boði eru fræðandi
og skemmtilegar kynnisferðir,
þ.a. þú upplifir á ógleymanlegan
hátt árþúsundamenningu og
andrúmsloft borgarinnar eilífu.
Gisting frá kr. 5.700
Netverð á mann pr. nótt, m.v. gistingu
í tvíbýli á þriggja stjörnu hóteli
með morgunverði.
Verð kr. 19.990
Flugsæti báðar leiðir með sköttum. 2
fyrir 1 tilboð. Netverð á mann.
BOBBY Fischer er með aðstoð
vinar síns, Sæmundar Pálssonar,
farinn að leita sér að heppilegu
húsnæði í Reykjavík til annaðhvort
kaups eða leigu. „Við byrjuðum að
skoða íbúðir nú undir helgi, enda
að athuga hvort ekki sé rétt að
hann kaupi sér eitthvað í stað þess
að búa endalaust á hóteli,“ segir
Sæmundur og tekur fram að
Fischer sé að leita eftir húsnæði
sem sé í kringum 100 fermetrana.
Segir hann Fischer aðallega vera
að horfa á húsnæði miðsvæðis í
Reykjavík, ýmist í 101 eða 107.
„Allavega eitthvað sem er í
göngufæri við flesta þjónustu,
enda er hann ekki með bílpróf og
því ekki skynsamlegt að hann sé
háður leigubílum og strætó. Þótt
það sé ekki frágangssök að fara í
strætó er miklu þægilegra fyrir
hann að vera í göngufæri, ekki síst
meðan hann er að kynnast borg-
inni. Sjálfur kokkar hann ekkert
og því lagði ég til að heppilegt
væri að húsnæðið væri í göngufæri
við megnið af þeim veitingastöðum
sem finna má í miðbænum,“ segir
Sæmundur Pálsson.
Vill helst finna sér húsnæði
við rólega götu
Að sögn Sæmundar hefur Fisch-
er ekki neinar sérstakar óskir
varðandi tilvonandi húsnæði, en
tekur fram að skákmeistarinn
kjósi þó helst að húsnæðið sé í ró-
legri götu, enda sé hann ekki mik-
ið fyrir umferðarhávaða. „Hann er
helst að horfa eftir íbúð á annarri
eða þriðju hæð, en hún má jafnvel
vera aðeins hærri ef um er að
ræða fallega og góða blokk,“ segir
Sæmundur.
En Sæmundur er ekki aðeins
Fischer innan handar þegar kemur
að húsnæðisleit, því hann fór líka
með vini sínum í banka um daginn
til að stofna íslenskan bankareikn-
ing. Þegar í bankann var komið
bað Fischer um að bankabókin
væri af gömlu gerðinni þar sem
prentað er inn í bókina hver ein-
asta færsla til þess að hann ætti
hægar um vik að fylgjast með inni-
stæðu sinni. Sagði Sæmundur úti-
bússtjóra Íslandsbankans, sem
þeir fóru í, hafa tekið umleitan
Fischers afar vel og orðið við
beiðni hans. Þótt mörg ár séu liðin
síðan íslenskir viðskiptavinir bank-
ans báðu síðast um slíka bók, var
enn til staðar búnaður og þekking
til að verða við beiðni skákmeist-
arans.
„Að öllu jöfnu er ekki boðið upp
á þetta, en ég held að ef fólk óskar
eftir því sé orðið við því, enda eru
sumir sem treysta þessu kerfi bet-
ur,“ segir Sæmundur og tekur
fram að hann hafi þó alla trú á því
að Fischer muni líka venjast nýja
bókalausa kerfinu, enda sé það al-
veg jafnöruggt og gamla kerfið
þótt færslurnar sjálfar séu ekki
prentaðar í bankabókina sjálfa.
Bobby Fischer
leitar sér að
húsnæði
Morgunblaðið/RAX
Bobby Fischer er í húsnæðisleit.
Vildi bankabók með gamla laginu
þar sem hægt er að prenta færslur
Eftir Silju Björk Huldudóttur
silja@mbl.is
Stykkishólmur | Það er ekki nóg að
hafarnarungar komist á legg og
geti farið að bjarga sér sjálfir. Þá
hefst hin eiginlega lífbarátta þeirra
sem getur verið hörð og erfið. Haf-
ernir þurfa að berjast fyrir lífi sínu
þó friðaðir séu.
Fyrir nokkrum dögum var til-
kynnt til Náttúrustofu Vesturlands
í Stykkishólmi um dauðan haförn
ekki langt frá Stykkishólmi.
Róbert Arnar Stefánsson fór á
staðinn til að skoða hræið. Þá kom í
ljós að um var að ræða ungan haf-
örn frá síðasta sumri. Hann var
ekki langt frá uppeldisstöðvum sín-
um, og drepist fyrr í vetur. Hræið
var nokkuð heillegt en dánarorsök
var ekki sjáanleg.
Að sögn Róberts verður hræið
rannsakað, en ekki er víst hvort
hægt er að komast að því hvað hafi
valdið dauða arnarins, því of langt
getur verið síðan hann drapst. Ró-
bert segir margt geta komið til
greina, t.d. vannæringu. Haförninn
þarf mikla fæðu og ekki er sjálf-
gefið að hann nái að afla hennar
þegar foreldrarnir eru ekki lengur
til hjálpar.
Stutt lífshlaup arnarins unga
Morgunblaðið/Gunnlaugur Árnason
Róbert Arnar Stefánsson með ungan haförn sem náði ekki að lifa af sinn fyrsta vetur.
Fáskrúðsfjörður. Morgunblaðið. |
Færeyska skipið Júpíter landaði
tvö þúsund tonnum af kolmunna á
Fáskrúðsfirði á laugardag. Nýtt
andlit bættist í hóp löndunar-
manna þennan dag, þegar dýrasti
knattspyrnumaður Íslands, Almir
Cosic, sem leikur með þriðjudeild-
arliðinu Leikni á Fáskrúðsfirði,
brá sér í löndunargallann og tók
til hendinni. Er þetta talin hin
mesta búbót fyrir Loðnuvinnsluna,
enda hefur verið erfitt að manna
löndunargengi eftir að sett var í
kjarasamninga að sjómenn ættu
ekki að landa bræðslufiski. Segja
menn að nú þurfi ekki lengur að
spá í hvað Leiknir borgaði fyrir
leikmanninn.
Newcastle bauð milljón
punda í leikmanninn
Cosic er Bosníumaður og hefur
undanfarin misseri spilað í Meist-
aradeild Evrópu með Zeljeznicar.
Newcastle bauð milljón punda í
hann fyrir þremur árum, en hann
er hér á landi á árssamningi við
Leikni fyrir tilstilli nokkurra sam-
landa sinna sem einnig hafa spilað
með liðinu.
Dýr kappi í löndunargenginu
Morgunblaðið/Albert Kemp
KOMIÐ hefur í ljós að flugdólg-
arnir sem voru með læti í vél
Icelandic Express fyrir viku
voru með tæpar fimm milljónir
króna í beinhörðum peningum á
sér við komuna til Kaupmanna-
hafnar. Peningana höfðu þeir í
íslenskum krónum og evrum.
Danska lögreglan sem tók á
móti þeim fann peningana við
leit á þeim en afhenti þeim þá
aftur að lokinni skoðun. Ekki
liggur fyrir hvað þeir ætluðu sér
með peningana þótt fundurinn
hafi vakið ákveðna athygli.
Voru með
milljónir í
seðlum á sér
ATVINNUÞÁTTTAKA ungs
fólks, á aldrinum 16 til 24 ára, var
69% á fyrsta ársfjórðungi þessa
árs, samanborið við 63,5% á fyrsta
ársfjórðungi síðasta árs. Kom
þetta fram í hálffimm birtingu KB
banka.
„Ber þetta vitni um mjög vax-
andi umsvif á vinnumarkaði og ný
störf sem hafa sogað ungt fólk til
sín,“ segir í birtingu KB banka.
Þar segir að fólk á aldrinum 16
til 24 ára sé sá hópur sem verði
fyrir hvað mestum áhrifum af hag-
sveiflum. „Ástæðan er einkum sú
að þetta fólk hefur yfirleitt
minnstu reynslu og menntun mið-
að við aðra aldurshópa og er oftar
en ekki lausráðið í störfum sínum.“
Fólk í þessum hópi sé því oft
fyrst til að missa vinnuna þegar að
kreppi í atvinnulífinu. Atvinnu-
þátttaka og atvinnuleysi ungs fólks
fylgi hagsveiflum náið og sýni
þensluástandið á vinnumarkaðnum
í hnotskurn.
Atvinnuþátttaka
ungs fólks eykst
Ný störf soga til sín unga fólkið