Morgunblaðið - 27.05.2005, Blaðsíða 2
2 B FÖSTUDAGUR 27. MAÍ 2005 MORGUNBLAÐIÐ
bílar
BÍLAUMBOÐIÐ Askja, eina viður-
kennda Mercedes Benz umboðið á
Íslandi, að sögn Hannesar Strange
sölustjóra, fær fyrstu ML jeppanna
frá Mercedes Benz í júní. Hannes
segir fyrirtækið hafa vandað undir-
búninginn, boðið verði gott verð og
bíllinn fáanlegur með nýjum og öfl-
ugum dísel- og bensínvélum.
Hannes segir að þegar sé búið að
taka við fjölmörgum pöntunum enda
hafi hann þegar getið sér gott orð.
Nýja M-línan verður með fjórum
gerðum véla í boði þar af tveimur
dísilvélum, annars vegar 320CDI vél
sem býður upp á 225 hestöfl og hröð-
un frá 0-100 á 9,4 sekúndum og hins
vegar 190 hestafla vél með 440 nm
tog. Hægt er að panta bílinn meðal
annars með svonefndri Airmatic-
fjöðrun sem aðlagar sig sjálfvirkt
akstursaðstæðum og lækkar veghæð
bílsins eftir því sem hraði hans
eykst. Hægt er að hækka vegfríhæð
bílsins um 11 cm sem getur komið
sér vel við erfiðar aðstæður.
Sölustjóri Öskju hvetur viðskipta-
vini, sem ætla að kaupa bíl af þessum
gæðum og með þetta mikinn búnað,
til að sérpanta bíl því hægt sé að búa
til óteljandi útfærslur. „Ekki síst
mælum við með díselvélum því þær
eyða að meðaltali 20%–40% minna á
hundraðið og til samanburðar má
nefna að ML500 bensín eyðir í blönd-
uðum akstri 13,1 lítrum á hundraðið
á meðan 320CDI eyðir aðeins 9,6
lítrum á hundraðið,“ segir Hannes.
Hann segir jafnframt að forskot
Öskju felst fyrst og fremst í því bak-
landi sem fyrirtækið hafi frá
Mercedes Benz verksmiðjunum. Það
komi til góða þegar að ábyrgðarvið-
gerðum og þjónustu kemur.
Askja, sem hefur umboð á Íslandi fyrir bíla frá Mercedes Benz, fær nýja M-CLass jeppann í júní.
Askja fær ML-jeppann í júní
FÁTT mannlegt er óviðkomandi
Evrópusambandinu eins og oft hefur
komið fram og nú hyggst stofnunin
leggja fé í að rannsaka hvernig hátt-
að er afgreiðslufresti bílaframleið-
enda. Þegar hafa BMW og Daimler-
Chrysler samþykkt að taka þátt í
þessari rannsókn og nokkrir fram-
leiðendur bílahluta einnig.
Eins og kunnugt er geta kaupend-
ur sérpantað bíla sína og fengið
óskalitinn eða ákveðna klæðningu á
sætin og þar fram eftir götunum.
Hafa þarf örlítinn fyrirvara á slíkri
pöntun en hann er þó aðeins nokkrir
dagar. Nú hefur ESB uppi hug-
myndir um að þessi fyrirvari skuli
ekki vera lengri en fimm dagar.
Í dag er í kringum 80% af bílum
BMW framleiddir eftir sérpöntunum
kaupenda. Segir fyrirtækið að kaup-
endur geti jafnvel breytt pöntun
sinni allt niður í sex daga áður en að
smíðinni kemur. Svipað er uppi á
teningnum hjá DaimlerChrysler,
þar eru um 70% bílanna sérpantaðir
og með sex daga fyrirvara má
breyta. Hjá Ford er fresturinn hins
vegar 10 dagar og er ætlunin að
kanna hvort stærstu framleiðend-
urnir, t.d. Ford, geti ekki hysjað upp
um sig buxurnar á þessu sviði.
Tafir í afhendingu sérpantaðra
bíla stafa einkum af truflunum í upp-
lýsingakerfum framleiðendanna og
samhæfingu innan þeirra við að-
drættina.
Nýjar reglur um
afgreiðslufrest
NÝI Mercedes Benz ML-jeppinn
hefur haldið innreið sína til lands-
ins og er það bílasalan Master í
Glæsibæ sem hefur fengið ML
500-bíl. Er hann með V8-vél og
glæsilegri innréttingu með öllum
mögulegum þægindum. Verðið á
þessum bíl er kringum 9 milljónir
króna en grunnverðið er um 8
milljónir. Þá hefur bílainnflutnings-
fyrirtækið Sparibíll við Skúlagötu
17 í Reykjavík einnig fengið nýja
Mercedes Benz ML-jeppann. Er það
ML 350 með leðurinnréttingu, sjö
þrepa sjálfskiptingu og ýmsum lúx-
usbúnaði. Verð bílsins er tæpar 6,3
milljónir króna.
Ljóst er strax og sest er upp í
ML að hér er á ferðinni gripur með
öllum þægindum. Tekið var aðeins í
ML-500-gerðina hjá Master og
með átta strokka vél vantar ekkert
upp á kraftinn því varla þarf nema
að tylla tánni á bensíngjöf til að
bíllinn æði af stað. Ljóst er einnig
að með sjö þrepa skiptingunni
verður nánast ekki vart við að
skipt sé um gír. Hún er þeim eig-
inleikum búin að hægt er einnig að
skipta sjálfur með rofanum. Það
sem er frábrugðið í þessum bíl er
að stöngin er í stýrinu og með
nokkuð öðru fyrirkomulagi en hefð-
bundin sjálfskipting.
Fyrir miðaldra með góðar tekjur
ML-gerðin er orðin heldur mjúk-
legri en fyrri gerð en áfram er bíll-
inn sambland af þægindum, afli og
getu. Bíllinn er stór og verklegur en
aðallega þó glæsilegur á velli á all-
an hátt. Framleiðandinn segir bíln-
um stefnt á miðaldra fjölskyldu-
menn með eitt eða tvö börn eða
barnlaus pör sem væru kringum 35
ára eða eldri en í báðum hópum er
gert ráð fyrir vel menntuðu fólki,
gjarnan stjórnendum eða fólki í eig-
in rekstri, fólki með meðaltekjur
eða þaðan af hærri tekjur.
ML-jeppinn frá Mercedes
Benz kominn til landsins
Morgunblaðið/Júlíus
Master hefur þegar fengið nokkra ML-jeppa af bæði 350- og 500-gerðunum.
joto@mbl.is
KIA-umboðið á Íslandi opnaði í
vikunni nýjan sýningarsal á
Laugavegi 172 í Reykjavík við hlið
Heklu hf., en sem kunnugt er
keypti Hekla rekstur KIA-um-
boðsins fyrr á þessu ári. Að sögn
Sigurðar P. Sigfússonar, sölu-
stjóra KIA, eru miklir möguleikar
með sölu hér á landi. Nýjustu bíl-
arnir frá KIA; Sportage, Sorento
og Picanto, eru dæmi um þær
framfarir sem KIA hefur náð, en
Sorento hlaut á dögunum hæstu
einkunn í 4x4-flokki bifreiða í
hinni árlegu JD Power áreiðan-
leikakönnun í Bretlandi og KIA
Cerato bætti sig mest í flokki
minni fjölskyldubíla. „Við gerum
ráð fyrir að auka markaðshlut-
deild okkar og sölu verulega á
þessu ári. Bílarnir eru á fínu verði
og gæðin hafa tekið stakkaskipt-
um. Kia Motors Corporation er sá
bílaframleiðandi sem er í mestum
vexti á heimsvísu. Fyrirtækið var
stofnað árið 1944 og er elsta bíla-
smiðja Kóreu. Kia er hluti af
Hyundai-Kia Automotive Group
og hefur sett sér það markmið að
verða í hópi bestu bílaframleið-
enda heims,“ segir Sigurður.
„Á morgun, laugardag, höldum
við mikla opnunarsýningu þar
sem boðið verður upp á reynslu-
akstur, kaffi og kleinur og hvetj-
um við KIA-eigendur sem og alla
aðra til þess að koma við og halda
upp á daginn með okkur.“
Morgunblaðið/Elí Þór Gunnarsson
Sigurður P. Sigfússon, sölustjóri Kia, og Kristján Örn Jónsson sölumaður í
nýja KIA-salnum við Laugaveg í Reykjavík en umboðið er í eigu Heklu hf.
Kia-umboð opnað
á Laugaveginum