Morgunblaðið - 27.05.2005, Blaðsíða 11
MORGUNBLAÐIÐ FÖSTUDAGUR 27. MAÍ 2005 B 11
bílar
OPEL-verksmiðjurnar hyggjast bæta nýjum bíl í flotann,
flaggskipi sem kynnt verður eigi síðar en 2010. Þetta kom
fram í máli Carl-Peter Forster, forstjóra GM í Evrópu, á
ráðstefnu sem bílablaðið Automotive News gekkst fyrir ný-
lega. Talið er líklegt að bíllinn verði fjölnota eða í þá áttina.
Í dag er Signum stærsti bíllinn hjá Opel, nokkru stærri
en Vectra, en með mun meiri búnaði, ekki síst hið innra, til
dæmis kæliskáp. Talið er að nýi Opelinn verði í fyrstunni
boðinn sem aldrifsbíll en í kjölfarið komi síðan framdrifs-
útgáfur. Rætt hefur verið um annað flaggskip fyrir Opel allt
frá árinu 2003 þegar hætt var framleiðslu á Omega. Hug-
myndabíllinn Insignia var frumsýndur 2003 í Frankfurt en
hann hefur verið nánast lagður hljóðlega til hliðar þótt for-
mælendur Opel hafi gefið í skyn á ráðstefnunni að eitthvað
úr þeim bíl kynni að verða notað í þann nýja.
Opel hefur verið með nokkuð vel heppnaðar útgáfur af
lúxusbílum og GM vonast til að nýr slíkur bíll auki tekjur
fyrirtækisins umtalsvert og ekki síður auki hróður þess.
Opel með nýjan lúxusbíl
Insignia hefur verið lagður til hliðar en ekki útilokað að
nýtt flaggskip byggi á honum að einhverju leyti.
HYUNDAI opnaði nýlega fyrstu verk-
smiðjuna sína í Bandaríkjunum og er
hún jafnframt ein sú stærsta og full-
komnasta í eigu bílaframleiðandans.
Ársframleiðslan verður um 300.000
bílar, sem er gríðarlegt magn, og má
til samanburðar nefna að áætluð árs-
sala Hyundai í Evrópu er um 450
þúsund bílar. Verksmiðjan stendur við
borgina Montgomery í Alabamaríki
og starfa við hana rúmlega 2.000
manns. Grunnframleiðslan, sem er að
stærstum hluta sjálfvirk, hefst hjá
tveimur 5.400 tonna stálpressum.
Hlutarnir úr þeim eru síðan soðnir
saman af 250 vélmennum og að því
búnu sprautaðir í sjálfvirkum
sprautusal. Hin mannlega hönd kem-
ur ekki að sjálfri framleiðslunni fyrr
en við samsetningarbandið sem er
um 2.000 metrar að lengd og eitt
það fullkomnasta sinnar tegundar. Til
að tryggja starfsfólki kjöraðstæður
við vinnuna getur það m.a. aðlagað
bandið að sinni hæð. Þá liggur um-
hverfis verksmiðjuna 3,5 km löng
reynsluakstursbraut, með ólíkum
gerðum af yfirborði og er hver einasti
bíll gæðaprófaður á brautinni. Fyrst
um sinn verður eingöngu Sonata
framleidd þar. Næsta vor mun Santa
Fe síðan bætast við. Fyrsta skóflu-
stungan að verksmiðjunni var tekin
árið 2002 og hefur Hyundai kostað
samtals 1,1 milljarði Bandaríkjadala til
hennar. Áður hefur Hyundai fjárfest
fyrir um 200 milljónir Bandaríkjadala
í m.a. rannsóknar- og þróunarmið-
stöð í Kaliforníu og þróunarmiðstöð í
Ann Arbor, Michigan.
Frá opnun nýrrar verksmiðju Hyundai í Alabama.
Hyundai stefn-
ir hátt í
Bandaríkjunum
GENGI gjaldmiðla, aukinn hráefn-
iskostnaður og þrýstingur á lægra
söluverð eru helstu ógnir bílafram-
leiðenda í Evrópu um þessar mundir
og munu verða til þess að hagnaður
þeirra dregst mjög saman á árinu.
Þetta er spá Johns Lawsons sem sér
um rannsóknir á vegum bílafram-
leiðenda í Evrópu og kynnt var á
ráðstefnu bílablaðsins Automotive
News á Spáni nýlega og segir frá í
blaðinu. Samkvæmt spánni verða
bílaframleiðendur af rúmum tveimur
milljónum evra vegna óhagstæðrar
gengisþróunar og hækkandi hráefn-
isverð gleypir hálfan annan milljarð
til viðbótar. Þá munu minni sala og
verðlækkanir hafa í för með sér um
2,5 milljörðum minni tekjur á árinu.
Þetta allt segir Lawson að þýði að
hagnaður framleiðenda verði vart
meiri en 10 milljarðar evra í ár en
hann var um 17 milljarðar í fyrra.
Sterk staða evrunnar gagnvart
bandaríkjadal þýðir að evrópskir
bílaframleiðendur bera ekki nóg úr
býtum fyrir bílana í Bandaríkjunum
og er nefnt sem dæmi að Porsche
Cayenne sé 22% ódýrari í Bandaríkj-
unum en Evrópu um þessar mundir
og svipaða sögu sé að segja af VW
Touareg og BMW X3-jeppunum.
Kroppað í
hagnaðinn í ár