Morgunblaðið - 09.06.2005, Blaðsíða 4

4 FIMMTUDAGUR 9. JÚNÍ 2005 MORGUNBLAÐIÐ
FRÉTTIR
DRÖG að samkomulagi liggja fyrir
milli Alcoa, iðnaðarráðuneytisins,
Sveitarfélagsins Skagafjarðar, Ak-
ureyrarbæjar og Húsavíkurkaup-
staðar um rannsóknir í tengslum við
byggingu álvers á Norðurlandi.
Drögin komu til umræðu á nýlegum
fundi sveitarstjórnar Skagafjarðar
og kom aftur upp ósætti sem verið
hefur innan meirihlutans.
Bæjarráð Húsavíkur mun fjalla
um samkomulagsdrögin á fundi sín-
um í dag og reiknar Reinhard Reyn-
isson bæjarstjóri með því að drögin
verði samþykkt athugasemdalaust.
Sjálfstæðismenn og Vinstri græn-
ir mynda meirihlutann í Skagafirði
og eins og komið hefur fram í Morg-
unblaðinu hefur sundurþykkja ríkt
vegna skipulagsmála fyrir virkjun
fallvatna í héraðinu. Þegar drögin að
samkomulaginu við Alcoa komu fyrir
sveitarstjórn lagði Ársæll Guð-
mundsson sveitarstjóri til frestun á
afgreiðslu málsins, en hann er
fulltrúi Vinstri grænna í sveitar-
stjórninni. Vildi Ársæll frestun þar
sem umbeðnar upplýsingar um sam-
komulagið höfðu ekki borist frá iðn-
aðarráðuneytinu. Tillaga hans var
felld með sjö atkvæðum, m.a. frá
fulltrúum Sjálfstæðisflokksins í
meirihlutanum.
Einn fulltrúa flokksins, Ásdís
Guðmundsdóttir, lagði fram bókun
þar sem hún lagði áherslu á mikil-
vægi þess að Skagfirðingar tækju
þátt í þeirri vinnu sem framundan
væri hjá iðnaðarráðuneytinu varð-
andi hugsanlega staðsetningu álvers
á Norðurlandi. Hluti af því væri að
samþykkja fyrirliggjandi samkomu-
lag. Framsóknarmenn í minnihlut-
anum lögðu fram bókun þar sem þeir
sögðust styðja samkomulagið.
Skagfirðingar „vélaðir“
til að skrifa undir
Bjarni Jónsson, annar fulltrúi
Vinstri grænna í meirihlutanum,
lagði fram bókun þar sem segir með-
al annars: „Telja verður mjög óraun-
hæft að ætla að Skagafjörður sé inni
í myndinni varðandi staðarval á ál-
veri og áhugi á því lítill í héraði. Til-
gangur þessa samkomulags, sem nú
er reynt að véla Skagfirðinga til að
skrifa undir, er því að auðvelda að-
ilum, er nú keppa um virkjanarétt í
Skagafirði, að fá aðgang að orkuauð-
lindum héraðsins, sem nýttar yrðu
austan Tröllaskaga eða í fjarlægum
landshlutum, til lítilla hagsbóta en
óbætanlegs tjóns fyrir Skagfirðinga.
Það að skrifa undir þann samning,
sem iðnaðarráðherra hefur lagt fyrir
Sveitarstjórn Skagafjarðar, fæli í sér
trúnaðarbrest gagnvart íbúum hér-
aðsins.“
Kristján Þór Júlíusson, bæjar-
stjóri á Akureyri, segir bæjaryfir-
völd þar ekki hafa séð ástæðu til að
fjalla sérstaklega um samkomulags-
drögin. Hann hafi ásamt formanni
bæjarráðs gert athugasemdir við
fyrstu drög en síðan hafi næstu drög
ekki litið dagsins ljós. Á meðan sé
ástæðulaust fyrir bæjarstjórn að
fjalla um málið, eða þar til eitthvert
plagg liggi nánar fyrir.
Sveitarfélög á Norðurlandi fjalla um drög að samkomulagi við Alcoa
Ósætti um álver innan
meirihlutans í Skagafirði
RÍKISSTJÓRNIN samþykkti á
fundi sínum í gær að veita tvær
milljónir króna til frumrannsókna
á jarðhita á Diskóeyju við Græn-
land, en samstarfssamningur er á
milli Íslands og Grænlands um
samvinnu á sviði orkumála.
Forsaga málsins er sú að stjórn-
völdum hér barst erindi frá
bæjarstjóra Góðhafnar á Diskó-
eyju vegna nokkurra volgra sem
þar eru, en þær hafa ekki verið
rannsakaðar með tilliti til nýt-
ingar jarðhita. Í framhaldinu var
Íslenskum orkurannsóknum,
ÍSOR, falið að vinna rannsóknar-
og kostnaðaráætlun vegna jarð-
fræðikortlagningar svæðisins og
nauðsynlegra efnafræðirannsókna
á volgrunum og mun sérfræð-
ingur fara til eyjarinnar síðla
sumars til að framkvæma þessar
rannsóknir.
Fé til að rann-
saka jarðhita
á Diskóeyju
VORBOÐINN ljúfi hefur hreiðrað
makindalega um sig í gluggakistu
hjá Sigríði Rósu Kristinsdóttur á
Eskifirði og virðist allra síst vera á
förum. Sigríður sá þröstinn tvisvar
sinnum fljúga í átt að húsi sínu án
þess að hún gerði sér grein fyrir því
hvert hann væri að fara. Þegar hún
leit fyrir hornið sá hún strá standa
út úr glugga á herbergi sem ekkert
er notað, a.m.k. ekki af mönnum.
Þegar betur var að gáð kom í ljós
hið myndarlegasta hreiður í
gluggakistunni.
Þrösturinn getur vonandi látið
fara vel um sig í mannlausu her-
berginu og hver veit nema fjölgi í
hreiðrinu á næstu vikum.
Hreiður í
mannlausu
herbergi
Sigríður Rósa Kristinsdóttir virðir fyrir sér hreiður þrastarins.
Þrösturinn hefur komið sér mak-
indalega fyrir í gluggakistunni.
TÆPLEGA tvítugur piltur hefur
verið ákærður fyrir að stela úr
veski 73 ára konu, reyna að ræna
75 ára konu og bíta í handlegg
lögreglukonu. Ákæran var þing-
fest í gær og tók pilturinn sér
frest til að taka afstöðu til ákær-
unnar.
Samkvæmt ákærunni stal hann
6.000 krónum úr veski konunnar í
október 2003. Um tveimur mán-
uðum síðar, 22. desember, gerði
hann tilraun til ráns með því að
veitast að 75 ára gamalli konu til
móts við Melabúðina við Hofs-
vallagötu og rífa í handveski henn-
ar. Konan streittist á móti og sló
hann hana þá höggi í ennið með
þeim afleiðingum að konan féll í
götuna. Pilturinn lét sig hverfa af
vettvangi þegar vegfarandi kallaði
til hans. Af atlögunni hlaut konan
þrota á enni og mar á nefrót.
Hann er einnig ákærður fyrir að
hafa í fangaklefa bitið í handlegg
lögreglukonu sem þar var að sinna
skyldustörfum sínum.
Ákærður fyrir að
stela úr veski og
bíta í handlegg
FLUGFÉLÖG verða sektuð um
jafnvirði ríflega 200.000 króna ef
þau flytja farþega til Bandaríkj-
anna sem ekki hafa tölvutæk vega-
bréf, frá og með 26. júní. Þetta
gildir fyrir flugfélög sem flytja
ferðamenn sem ekki þurfa vega-
bréfsáritun til að komast inn í
Bandaríkin en í þeim hópi er Ís-
land.
Að sögn Guðjóns Arngrímsson-
ar eru vegabréf farþega til Banda-
ríkjanna athuguð við innritun, við
Schengen-hlið í flugstöðinni og
aftur við innritun í flugvélina.
Þetta eftirlit eigi að duga og ekki
sé ætlunin að bæta við. Hann segir
að fyrst eftir að Bandaríkjamenn
gerðu kröfu um tölvutæk vegabréf
hafi nokkrir farþegar ákveðið að
láta á það reyna hvort þeir kæm-
ust inn í landið. Slíkt geri menn þó
aðeins einu sinni
því þó þeim hafi
á endanum verið
hleypt inn í
landið hafi þeir
verið yfirheyrðir
og tafist um 3–4
klukkustundir.
Heimavarnar-
ráðuneyti
Bandaríkjanna stendur nú fyrir
átaki til að minna ferðamenn á að
þeir þurfi tölvutæk vegabréf til að
komast inn í landið. Í tilkynningu
frá ráðuneytinu segir að hver sá
sem kemur með vegabréf sem
ekki uppfyllir kröfur stjórnvalda
geti ekki búist við að verða hleypt
inn í landið. Ef fólki tekst ekki að
útvega nýtt vegabréf getur það í
staðinn sótt um vegabréfsáritun
hjá bandarísku sendiráði.
Há sekt ef vegabréfið
er ekki tölvutækt
FÓLKSBÍLL stórskemmdist þegar
hjól undan vörubílsvagni skall á
honum á móts við Langstaði í Fló-
anum í gær. Að sögn lögreglunnar
á Selfossi losnuðu tvö hjól undan
vagninum á ferð og rúlluðu hratt
eftir Suðurlandsvegi. Annað skopp-
aði fljótlega út í móa en hitt hélst á
veginum. Hjólið skall fyrst á vél-
arhlíf bílsins og síðan á þakinu og
braut m.a. framrúðuna. Ökumann-
inn sakaði ekki.
Hjól skoppaði á
bíl og skemmdi
FIMM tilboð bárust í röramöstur
fyrir Fljótsdalslínur 3 og 4 og voru
þau frá fimm erlendum fyrirtækjum
og öll undir kostnaðaráætlun.
Lægsta boð átti tyrkneska fyrirtæk-
ið Mitas, rúmlega 361 milljón króna
en kostnaðaráætlun hljóðar upp á
liðlega 736 milljónir. Landsnet yfir-
fer nú tilboðin.
Raforka frá Kárahnjúkavirkjun
verður flutt að álveri Fjarðaáls við
Reyðarfjörð með tveimur línum,
Fljótsdalslínum 3 og 4, sem byggðar
eru fyrir 420 kV en verða reknar á
220 kV. Þær verða lagðar samsíða að
mestu um þrjú sveitarfélög, þ.e.
Fljótsdalshrepp, Fljótsdalshérað og
Fjarðabyggð. Fljótsdalslína 3 verð-
ur 49,5 km löng með 159 möstrum,
Fljótsdalslína 4 verður 53 km löng
með 166 möstrum. Hæð mastra
verður á bilinu 20–37 metrar með 26
metra langri þverslá.
Framkvæmdakostnaður við sjálf-
ar línulagnirnar er áætlaður um 4,4
milljarðar króna á verðlagi í byrjun
árs 2004. Þar við bætast um 3 millj-
arðar króna vegna tengivirkis í
Fljótsdal og 1,2 milljarðar vegna
tengingar við byggðalínur og styrk-
ingu á hinu almenna raforkuflutn-
ingskerfi á Austurlandi. Flutnings-
virki vegna Fjarðaáls koma því til
með að kosta alls tæpa 9 milljarða
króna.
Tyrkir áttu
lægsta
tilboðið