Morgunblaðið - 09.06.2005, Blaðsíða 8
8 FIMMTUDAGUR 9. JÚNÍ 2005 MORGUNBLAÐIÐ
FRÉTTIR
Hin öra þróun ígeymslu og flutn-ingi á stafrænu
formi er komin á það stig
að nú er hægt að miðla út-
sendingum sjónvarps í
gegnum Netið. Þessi
breyting á dreifingarleið-
inni hefur þó víðtækari
áhrif en að gera loftnet og
gervihnetti úrelt. Í sam-
antekt um hina nýju
tækni, sem birtist í síðasta
tölublaði Newsweek, segir
að hin stafræna miðlun sé
fyrsta grundvallarbreyt-
ingin á sjónvarpsiðnaðin-
um frá upphafi útsendinga 1946.
Stafrænt sjónvarp þýðir einnig
breytingu á framleiðslu sjón-
varpsefnis og hvernig við munum
haga sjónvarpsáhorfi okkar í
framtíðinni. Að sögn Þorsteins
Baldurs Friðrikssonar, markaðs-
stjóra Hive, er nettengingin sem
það býður upp á orðin það öflug
að um eina línu verður á sama
tíma hægt að vafra um á Netinu,
tala í símann og horfa á sjónvarp.
Síminn og Íslenska sjónvarps-
félagið annars vegar og D3 og
BT-net hins vegar, hyggjast öll
bjóða upp á sams konar þjónustu.
Það er ekki einfalt mál að átta
sig á þeirri tækni sem býr að baki
þessari fyrirhuguðu byltingu.
Leiðirnar sem fyrirtækin bjóða
upp á eru ólíkar. Hive og BT-net
ætla að senda efni í gegnum tölv-
una, Síminn og Íslenska sjón-
varpsfélagið hins vegar beint í
sjónvarpið og Orkuveita Reykja-
víkur hyggst nota ljósleiðarakerf-
ið í sinni dreifingu. Erlendis hafa
menn notað skammstöfunina
IPTV til að ná utan um allar þess-
ar ólíku lausnir og liggur beint við
að nota íslenska orðið netsjónvarp
í sama tilgangi. Í grundvallarat-
riðum er þjónustan hin sama, þ.e.
boðið verður upp á gagnvirkt
sjónvarp
Gagnvirkt áhorf
Stærsta breytingin sem net-
sjónvarpið mun hafa í för með sér
er hið gagnvirka áhorf. Áhorfand-
inn getur valið hvernig hann hag-
ar sjónvarpsdagskránni, hvar og
hvenær hann vill horfa. Með því
að ýta á hnapp getur hann haft
tvær eða fleiri útsendingar í einu
á skjánum; á meðan hann horfir á
fréttir getur hann fylgst með í
enska boltanum í einu horninu og
útsendingu frá Alþingi í öðru. Á
einfaldan hátt verður hægt að
taka upp sjónvarpsdagskrána og
mögulegt að ráða frá hvaða sjón-
arhorni maður vill horfa á tiltekið
efni. Ef þér líst vel á fötin sem
kvikmyndastjarnan klæðist á
skjánum þá verður mögulegt að
panta þau samstundis um Netið.
Þetta er hluti af þeirri framtíð-
arsýn sem netsjónvarpið gerir
mögulega en til að byrja með
verða valkostirnir eitthvað tak-
markaðri. Að sögn Magnúsar
Ragnarssonar, framkvæmda-
stjóra Íslenska sjónvarpsfélags-
ins, verður boðin tvenns konar
þjónusta í því umhverfi sem þar
er verið að koma á laggirnar.
Annars vegar verður hægt að
sækja kvikmyndir í efnisveituna,
rétt eins og á myndbandaleigu.
Myndin verður á svipuðu verði og
neytandinn hefur aðgang að henni
í sólarhring. Hins vegar hafa þeir
hug á að bjóða upp á áskrift þar
sem mönnum gefst kostur á að
haga dagskránni á þann veg sem
þá lystir. „Ef þitt sjónvarpskvöld
er á fimmtudögum þá geturðu
raðað upp þinni eigin dagskrá það
kvöldið og horft á þína uppáhalds-
þætti,“ segir Magnús.
Morgunblaðið náði tali af Þór-
oddi Stefánssyni, einum af stofn-
endum Bónusvideo og talmanni
fyrirtækisins. Aðspurður sagðist
Þóroddur ekki hafa miklar
áhyggjur af því að myndbanda-
leigur verði úreltar í kjölfar þess-
arar þróunar. Leigurnar munu fá
nýjustu myndirnar fyrr í hend-
urnar en netveiturnar og geta
boðið upp á fjölbreyttari þjónustu
í leiðinni. Samkeppnin á þessum
markaði hefur aukist ár frá ári,
með tilkomu Netsins, tölvuleikja,
fleiri sjónvarpsrása o.s.frv. en
leigan hefur ekki farið minnkandi
á þessum tíma. „Það er engin
ástæða til að ætla að sú verði
raunin nú,“ sagði Þóroddur.
Flöskuháls hjá
framleiðendum
Eins og áður sagði eru engar
tæknilegar fyrirstöður fyrir því
að netsjónvarpið geti orðið að
veruleika ásamt þeim ótal mögu-
leikum sem stafræna formið býð-
ur upp á. Ástæðan fyrir því að við
eru ekki enn farin að horfa á net-
sjónvarp er sú að stóru framleið-
endurnir og dreifingarfyrirtækin
hafa haldið að sér höndum. Að
sögn Stefáns Hjörleifssonar,
framkvæmdastjóra D3, hika
menn í ljósi reynslunnar af því
þegar tónlist komst á stafrænt
form og fór á Netið. Sjónvarp
hvar sem er, hvenær sem er,
hljómar vel í eyrum neytandans
en framleiðendur hafa ástæðu til
að óttast. Fjölföldun á stafrænu
efni er auðveld og fljótleg þannig
menn sjá fyrir sér að sjóræningja-
útgáfur gætu átt blómlega tíð í
vændum. Kvikmyndaveiturnar
þurfa því að uppfylla ströng skil-
yrði til að ná samningum við stóru
dreifingaraðilana og stendur sú
samningagerð yfir um þessar
mundir.
Fréttaskýring | Kvikmyndaveitur í sjón-
varpi og á Netinu handan við hornið
Horft gegnum
Netið í haust
Fyrsta allsherjarbreytingin á sjón-
varpsiðnaðinum frá upphafi útsendinga
Sækja kvikmyndir rétt eins og á vídeóleigu.
Myndbandaleigur óttast
ekki hina nýju samkeppni
Kvikmyndaveiturnar munu
veita sams konar þjónustu og
myndbandleigurnar gera nú.
Spurningin sem vaknar er hvort
hin nýja þjónusta muni ekki gera
hina gömlu úrelta. Þóroddur
Stefánsson, talsmaður Bónus-
video, telur aftur á móti enga
ástæðu til að ætla að mynd-
bandaleigurnar muni líða undir
lok. Þær muni hafa ákveðið for-
skot á netveiturnar og hafa stað-
ið af sér samkeppni áður.
Eftir Kristján Torfa Einarsson
kte@mbl.is
LEIKSKÓLABÖRN í Garðabæ fögnuðu ákaft þegar
hinn eini sanni Íþróttaálfur úr Latabæ mætti nýverið til
leiks í hátíðarsal Hofsstaðaskóla í Garðabæ. Stemn-
ingin óx stig af stigi meðal barnanna á meðan Íþrótta-
álfurinn fékk þau til þess að hreyfa sig með hoppum,
dansi og snúningum eins og honum er einum lagið.
Með Íþróttaálfinum í för voru blaðamenn frá suður-
amerískum fjölmiðlum sem voru komnir hingað til
lands gagngert til að kynna sér Latabæ á Íslandi. Þeg-
ar er byrjað að sýna Latabæ í Suður-Ameríku, þ.á m.
Brasilíu, Argentínu, Mexíkó og Kólumbíu en blaða-
mennirnir komu frá ofangreindum löndum. Þeir blaða-
menn sem rætt var við sögðust hrífast mjög af hug-
myndinni og aðspurðir sögðust þeir vera komnir
hingað til lands til þess að kynna sér það starf sem
Magnús Scheving, íþróttaálfur og maðurinn á bak við
Latabæ, hefur unnið á Íslandi. „Þetta er frábær leið til
þess að kynna Ísland,“ sagði blaðakona frá Argentínu
og hélt áfram „Hann [Magnús] er ótrúlegur, en hann
hættir aldrei og hann nær mjög vel til barnanna.“ Að-
spurð sagði hún þættina hafa náð miklum vinsældum
þar í landi.
Að sögn fulltrúa frá sjónvarpsstöðinni Discovery
Kids er mikill áhugi á Latabæ en sjónvarpstöðin nær til
um 13 milljón heimila í álfunni, sem eru með börn á
aldrinum tveggja til fimm ára, en þættirnir hafa verið
þýddir á spænsku og portúgölsku. Sagði hann að mikl-
ar vonir væru bundnar við þáttinn.
Magnús segist langt í frá hafa lagt árar í bát. Hann á
von á þýskum fjölmiðlamönnum hingað til lands innan
nokkurra vikna sem ætla að kynna sér starfið hér og
svo verður haldið áfram og farið til Bandaríkjanna. Þar
mun Latibær ferðast á milli borga og taka þátt í heilsu-
átaki fyrir börn sem kallast „Powerplay Summer“.
Morgunblaðið/Jim Smart
Sýndi leikskólabörnum listir sínar