Morgunblaðið - 09.06.2005, Blaðsíða 10
KOSNINGAR um deiliskipulag
Hrólfsskálamels og Suðurstrandar á
Seltjarnarnesi verða hinn 25. júní nk.,
en hægt hefur verið að greiða at-
kvæði utan kjörfundar frá því á
mánudag. Hópur íbúa lýsir furðu
sinni á að kosning hefjist áður en til-
lögurnar sem kosið er um eru kynnt-
ar.
Rýnihópur með 12 íbúum hefur
verið starfandi á Seltjarnarnesi frá
því í janúar til þess m.a. að fjalla um
þær tillögur sem kjósa á um, og gagn-
rýnir Þór Whitehead, félagi í Áhuga-
hópi um betri byggð, hversu lítinn
tíma rýnihópurinn hafi fengið til þess
að skoða aðra af tveimur tillögum
sem kosið er á milli.
Rýnihópurinn hafi fjallað allýtar-
lega um hugmynd byggða á verulega
breyttri tillögu um byggð við Suður-
strönd sem meirihluti bæjarstjórnar
kynnti í vetur, en Skipulagsstofnun
ríkisins gagnrýndi málsmeðferð við
framsetningu þeirrar tillögu eins og
hún leit út í upphafi. Í framhaldi þess
var orðið við kröfum Áhugahóps um
betri byggð og ákveðið að leggja fram
tvo kosti í kosningum meðal íbúa.
„Undir lok vinnunnar í rýnihópn-
um, rétt áður en starfi hans var slitið,
kom loksins fram annar kostur. Það
er einmitt það sem við erum búin að
vera að krefjast allan tímann, að það
komi fram valkostur við tillögu bæj-
arstjórnarmeirihlutans. Rýnihópur-
inn fékk fimm daga til þess að fjalla
um þennan valkost og skildi við hann
þannig að athugasemdir voru gerðar
við hugmyndirnar og kosturinn sett-
ur áfram í vinnslu hjá arkitektum,“
segir Þór.
Lýsingar lágu
ekki fyrir
„Síðan er efnt til kosninga hér á
mánudaginn án þess að úr þessu hafi
verið unnið fyllilega. Í raun má segja
að hvorugur kosturinn hafi verið
kynntur íbúum. Ég fór sjálfur og ætl-
aði að greiða atkvæði utankjörstaðar
og bað um að fá að sjá lýsingarnar á
þessu skipulagi, en þær lágu ekki fyr-
ir. [...] Það er sem sagt gengið til
kosninga hér í bænum um kosti sem
ekki liggja fyllilega fyrir, og annar
þeirra er ekki fullmótaður,“ segir
Þór.
Áhugahópur um betri byggð var
mjög á móti þeim tillögum að deili-
skipulagi sem meirihluti bæjarstjórn-
ar lagði fram upphaflega, og er ekki
sáttur við þá tillögu þrátt fyrir breyt-
ingar m.a. vegna þess að þar er gert
ráð fyrir því að flytja knattspyrnuvöll
af Suðurströnd yfir í þrengsli á
Hrólfsskálamel fyrir framan hús
aldraðra. Þar myndi völlurinn auk
þess standa í vegi fyrir eðlilegri þró-
un á þessu miðlæga svæði, segir Þór.
Hann segir að vonir standi til þess að
síðari valkosturinn verði þannig að
hann sé ásættanlegur, og málið þar
með að færast í rétta átt til þess að
bæjarbúar geti valið á milli tveggja
kosta.
„En hvað sem líður ágöllum á
framkvæmd kosninganna, þá fögnum
við í áhugahópnum því mjög að bæj-
arstjóri skyldi verða við kröfu okkar
um að þær færu fram. Við erum að
vona að frá og með morgundeginum
liggi loks fyrir tveir skýrir kostir, sem
bæjarbúar geti valið á milli með lýð-
ræðislegum hætti og sett þannig nið-
ur langvarandi deilur um skipulags-
málin,“ segir Þór.
Rýnihópi sýnd
kynningargögn í gærkvöldi
Tillögurnar tvær eru fullunnar að
sögn Jónmundar Guðmarssonar,
bæjarstjóra á Seltjarnarnesi, og ekk-
ert því til fyrirstöðu að kjósa um þær.
Hann segir að skipulagsnefnd bæjar-
ins hafi haft það verkefni með hönd-
um að gera kynningargögnin fyrir
kosningarnar. Lögð hafi verið fram
gögn á fundi nefndarinnar í fyrradag,
og svo haldinn fundur með rýnihópn-
um í gærkvöldi til þess að gefa hópn-
um færi á því að sjá gögnin. Fullbúin
gögn verði því tilbúin í dag, og dreift
til íbúa á föstudag og laugardag.
Spurður hvort eðlilegt sé að hægt
sé að greiða atkvæði utan kjörstaðar
um tillögur sem ekki hafa verið
kynntar segir Jónmundur að á kjör-
seðlinum standi hvað um sé að ræða,
staðsetning vallarins og heildarbygg-
ingarmagn beggja kosta.
„Bæjarstjórnin er búin að ákveða
um hvað á að greiða atkvæði og það
er áratuga hefð fyrir því að utankjör-
staðaratkvæðagreiðslur, til dæmis í
alþingiskosningum, fara fram áður en
búið er að velja á framboðslista,“ seg-
ir Pétur Kjartansson, formaður yfir-
kjörstjórnar Seltjarnarneskaupstað-
ar.
Fjórir greitt atkvæði
Hann segir það liggja klárt fyrir
um hvað eigi að kjósa, bæjarstjórnin
hafi afgreitt tvær tillögur til kjör-
stjórnarinnar, og það sé ekki hlutverk
kjörstjórnar að sjá um kynningarmál,
heldur einungis að framkvæma kosn-
ingarnar lögum samkvæmt.
Um miðjan dag í gær höfðu ein-
ungis fjórir greitt atkvæði utan kjör-
staðar, að sögn Péturs. Hann segir að
þeir sem greiði atkvæði utan kjör-
fundar geti engu að síður kosið á kjör-
dag, og þar með fellt utankjörfund-
aratkvæði sitt úr gildi, rétt eins og í
öðrum kosningum.
Íbúar á Seltjarnarnesi kjósa um deiliskipulag Hrólfsskálamels og Suðurstrandar 25. júní
Gagnrýna kosningar utan kjörfundar
Eftir Brján Jónasson
brjann@mbl.is
10 FIMMTUDAGUR 9. JÚNÍ 2005 MORGUNBLAÐIÐ
FRÉTTIR
Færeyingur missti af Mustang
FYRSTI útdráttur júnímánaðar í
happdrætti D.A.S. fór fram 7. júní
og var dreginn út fyrsti Mustang-
inn af 5 bifreiðum sem í boði eru í
júní.
Númerið sem kom upp hefur ver-
ið í Færeyjum en miðinn reyndist
þegar til kom vera óendurnýjaður,
skv. upplýsingum happdrættisins.
Næsta bifreið verður dregin út í
dag fimmtudag 9. júní. Í nóvember
nk. verða dregnar út aðrar 5 Must-
ang-bifreiðar.
„Töluverður áhugi hefur verið
fyrir þessum vinningum og þá sér-
staklega hjá yngra fólki. Þá má
geta þess að þó nokkrir útlendingar
hafa keypt miða og freistað gæf-
unnar enda vinningsmöguleikar
mun fleiri en þeir eiga að venjast
þar sem útgefnir miðar eru marg-
falt fleiri í evrópskum happdrætt-
um, t.d. í Hollandi og Þýskalandi
þar sem útgefnir miðar eru 3 millj-
ónir en Happdrætti DAS gefur út
aðeins 80.000,“ segir í frétt frá
DAS.
FJÓRIR læknar hafa verið áminnt-
ir af landlækni það sem af er þessu
ári og rætt hefur verið við fimm til
sex lækna til viðbótar á undanförn-
um vikum og mánuðum vegna óeðli-
legra ávísana á ávanabindandi lyf
líkt og morfín. Á hverju ári eru
gerðar tillögur um að þrír til fimm
heilbrigðisstarfsmenn missi leyfið.
Skv. upplýsingum sem fengust í
heilbrigðisráðuneytinu hafa sex
læknar verið sviptir lækningaleyfi
og fjórir læknar hafa takmarkað
lækningaleyfi samkvæmt upplýsing-
um frá heilbrigðisráðuneytinu. Ekki
fengust upplýsingar um hvort þær
aðgerðir væru til komnar vegna
óeðlilegra ávísana á ávanabindandi
lyf.
Ekki um fjölgun að ræða
Sigurður Guðmundsson land-
læknir staðfestir að læknar hafi ver-
ið áminntir vegna ávísana á ávana-
bindandi lyf. Að mati Sigurðar hefur
slíkum tilvikum þó ekki fjölgað.
„Þetta hefur ekki aukist til lengri
tíma litið en áður fengum við upp-
lýsingar sem náðu yfir lengra tíma-
bil og því var þetta sveiflukenndara.
Það sem hefur breyst er að nú höf-
um við tekið í notkun lyfjagagna-
grunn en með tilkomu hans verður
þessi upplýsingaöflun auðveldari en
áður. Með þessum gagnagrunni sem
allar upplýsingar fara inn í um allar
lyfjaávísanir utan spítala á landinu
getum við fengið þessar upplýsingar
mun fyrr og jafnar.“
Greiðari aðgangur
að upplýsingum
Lyfjagagnagrunninn sem um
ræðir er mælt fyrir í lyfjalögum þar
sem segir að landlæknir skuli starf-
rækja lyfjagagnagrunn um af-
greiðslu lyfja í þeim tilgangi að hafa
almennt eftirlit með ávísunum
lækna á lyf og vegna eftirlits með
ávana- og fíknilyfjum. „Af hálfu lög-
gjafarvaldsins var tilgangurinn sá
að auðvelda aðgang að þessum upp-
lýsingum til þess að geta gripið inn í
mál fyrr en við höfum gert áður.
Það er því miður samt sem áður al-
veg ljóst að aldrei er hægt að koma
alveg í veg fyrir misnotkun lyfja en
við vonumst til þess að geta dregið
úr þessu og geta haft betri upplýs-
ingar milli handanna,“ segir Sigurð-
ur.
„Upplýsingar úr gagnagrunnin-
um geta bæði leitt til þess að við
staðfestum einhvern orðróm eða
komumst að því að ákveðnar full-
yrðingar séu ósannar,“ segir Sig-
urður en hann telur að lyfjagagna-
grunnurinn gefi embættinu
tækifæri til þess að hafa betra yfirlit
yfir þá sem ekki standa sig þrátt
fyrir að árangurinn af notkun hans
verði að meta þegar meiri reynsla
er komin á. „Oft kemur í ljós að
læknar sem eru að ávísa miklu
magni af þessum lyfjum hafa eðli-
legar skýringar á því vegna sér-
greinar sinnar eða sjúklinga. Það
eru hins vegar vafatilvikin sem við
erum að horfa til og höfum verið að
skoða undanfarnar vikur og mán-
uði.“
Ávísanir vegna eigin fíknar
Að sögn Sigurðar eru það oftast
nær heilbrigðisstarfsmenn sem eru í
vandræðum vegna eigin fíknar sem
verða uppvísir að óeðlilegum ávís-
unum á ávanabindandi lyf. „Okkar
aðgerðir tengjast ekki allar upplýs-
ingum úr gagnagrunninum. Þegar
til alvarlegra viðbragða er gripið er
staðan yfirleitt sú að viðkomandi
heilbrigðisstarfsmaður er sjálfur í
vandræðum vegna lyfjamisnotkun-
ar. Vitað er að heilbrigðisstarfs-
menn hafa betri aðgang en aðrir að
þessum lyfjum og læknar geta ávís-
að sjálfum sér lyfjum og verið í
neyslu. Hjúkrunarfræðingar hafa
aðgang að lyfjum á heilbrigðisstofn-
unum og það hefur komið fyrir að
báðar þessar stéttir hafa tekið slík
lyf ófrjálsri hendi. Fíknin er því
miður alveg eins líkleg að vera á
meðal starfsfólks í heilbrigðisstétt
eins og í öðrum stéttum,“ segir Sig-
urður að lokum.
Fjórir læknar áminntir af landlækni
það sem af er árinu vegna óeðlilegra
ávísana á ávanabindandi lyf
Virkara eftirlit
með tilkomu
lyfjagagnagrunns
Eftir Þóri Júlíusson
thorirj@mbl.is
Grímsey | Það var bjart í hestaranni Gylfa Gunnars-
sonar útgerðarmanns í Sigurbirni, þegar merin hans
hún Gjöf kastaði fyrsta folaldi sínu. Þetta var jafnframt
fyrsta folaldið sem kemur í heiminn í Grímsey síðast-
liðin 25 til 30 árin. Þetta fallega folald fékk nafnið
Hrollur: „Það var kalt og svo mikill hrollur í honum,“
sagði Gylfi til skýringar.
Faðirinn er Hryllingur, efnilegur klár undan Illingi.
Það er ekki hægt að segja annað en öflugur er tónninn í
nöfnum þeirra feðga allra.
Morgunblaðið/Helga Mattína
Hrollur Hryllingsson í Grímsey