Morgunblaðið - 20.06.2005, Blaðsíða 15

MORGUNBLAÐIÐ MÁNUDAGUR 20. JÚNÍ 2005 15
ERLENT
„DEEP Throat“ , öðru nafni Mark Felt, er búinn
að tryggja sér útgáfusamning við bókaforlag í
Bandaríkjunum og sömuleiðis hefur verið samið
um kvikmyndarétt sögu þessa frægasta uppljóstr-
ara bandarískrar stjórnmálasögu. Er talið hugs-
anlegt að Tom Hanks taki að sér að leika „Deep
Throat“ í bíómynd um sögu hans.
The Washington Post greinir frá þessu í gær.
Mun fjölskylda hins 91 árs gamla Felts hafa samið
við útgáfufyrirtækið PublicAffairs Books um út-
gáfu bókar er yrði í bland sjálfsævisaga og hefð-
bundin ævisaga. Sem kunnugt er var upplýst fyrir
tveimur vikum að Felt hefði verið hinn leynilegi
heimildarmaður Bobs Woodward og Carls Bern-
stein í Watergate-málinu, en umfjöllun þeirra í
The Washington Post leiddi til afsagnar Richards
M. Nixons Bandaríkjaforseta.
Þá hefur Universal Pictures samið um réttinn á
gerð kvikmyndar eftir ævi Felts og hefur Play-
tone, framleiðslufyrirtæki Toms Hanks, tekið að
sér að þróa verkefnið.
Bókaútgefendur munu hafa haft efasemdir um
hvort gróðavænlegt væri að semja við Felt og fjöl-
skyldu hans þar sem minni Felts ku vera farið að
bresta. Þá liggur fyrir að Bob Woodward er tilbú-
inn með bók um það hvernig Felt gerðist heimild-
armaður hans. Er nú gert ráð fyrir að bók Woodw-
ards, The Secret Man: The Story of Watergatés
Deep Throat komi út 6. júlí nk.
„Deep Throat“ semur
um bók og kvikmynd
Hugsanlegt að Tom Hanks leiki Mark Felt
Reuters
FBI-maðurinn gamli, Mark Felt, öðru nafni
„Deep Throat“, ásamt dóttur og dóttursyni.
SAMTÖK aðskilnaðarsinna í
Baskahéruðum Spánar, ETA,
hafa lýst því yfir að þau muni
ekki framar ráðast á spænska
stjórnmálamenn. Segja sam-
tökin að „breytt andrúmsloft í
stjórnmálum“ sé ástæðan fyrir
stefnubreytingunni.
Talsmenn spænsku stjórn-
arinnar sögðu að ETA yrði að
lýsa yfir algerri andstöðu við
ofbeldi, fyrr yrði ekki rætt við
samtökin. Fulltrúar stjórnar-
andstöðu hægrimanna sögðu
að um óaðgengilegt tilboð væri
að ræða af hálfu ETA. Víga-
mönnum í samtökunum er
kennt um allt að 800 morð er
framin hafa verið á þeim 40 ár-
um sem aðskilnaðarsinnar í
Baskahéruðunum hafa barist
fyrir sjálfstæði héraðsins.
Nýtt heimsmet
HINN 95 ára gamli Kozo Hara-
guchi frá Japan setti í gær nýtt
heimsmet í 100 metra hlaupi í
aldursflokknum 95-99 ára.
Tími hans var 22,04 sekúndur
en heimsmetið í greininni fyrir
alla aldurshópa er nú 9,77 sek-
úndur. Haraguchi hljóp einn og
það hellirigndi en hann hafði
einsett sér að slá gamla metið
sem var í eigu Ástrala. Það var
24,01 sekúnda. Árið 2000 setti
Haraguchi met í aldurs-
flokknum 90-94 ára, hljóp hann
vegalengdina á 18,08 sek-
úndum.
Felldu liðs-
menn talíbana
BANDARÍKJAMENN beittu
herflugvélum til að fella allt að
20 uppreisnarmenn úr röðum
talíbana í sunnanverðu Afgan-
istan í gær. Bandarísku her-
mennirnir urðu fyrir árás frá
vígamönnum og í kjölfarið köll-
uðu þeir á liðsauka á flugvélum
og þyrlum sem felldi mennina.
Samið um
skiptingu valda
FULLTRÚAR uppreisnar-
manna úr röðum kristinna
manna í suðurhluta Súdans
undirrituðu í gær í Kaíró í
Egyptalandi samning við rík-
isstjórnina í Karthoum um að
skipt yrði völdum með deiluað-
ilum. Fá uppreisnarmenn m.a.
ráðherraembætti í bráða-
birgðastjórn. Ríkisstjórn-
arvaldið er í höndum múslíma
frá norðurhlutanum. Sam-
komulagið snerti ekki átökin í
Darfur-héraði í vesturhlut-
anum.
Biden býður
sig fram
BANDARÍSKI öldungadeildar-
þingmaðurinn Joseph Biden
lýsti því yfir í gær að hann vildi
verða forsetaefni demókrata í
kosningunum
2008. Sagðist
hann í viðtali
við CBS-sjón-
varpsstöðina
þegar vera
byrjaður að
afla sér stuðn-
ingsmanna og
fjár til að
heyja próf-
kjörsbaráttu. Biden á sæti í ut-
anríkismálanefnd þingdeildar-
innar og er meðal áhrifamestu
liðsmanna flokksins á þingi.
Margir telja að Hillary Rod-
ham Clinton, eiginkona Bills
Clintons og núverandi öld-
ungadeildarþingmaður, muni
sækjast eftir að verða útnefnd
forsetaefni demókrata en hún
hefur fram til þessa vísað slík-
um bollaleggingum á bug.
ETA lofar að
hætta að myrða
Joseph Biden