Morgunblaðið - 23.06.2005, Qupperneq 22

22 FIMMTUDAGUR 23. JÚNÍ 2005 MORGUNBLAÐIÐ
DAGLEGT LÍF
Stofnuð 23. júní 1985
20 ára afmæli
I Bindi – Búnaðarsaga héraðsins.
II Bindi – Borgarfjarðarsýsla.
III Bindi – Mýrasýsla.
IV Bindi – Ábúendatal í Mýra- og Borgarfjarðarsýslu 1880-1995.
Sendum í póstkröfu um land allt.
Búnaðarsamtök Vesturlands, Hvanneyri, 311 Borgarnesi
Netfang bv@bondi.is Sími 437 1215
Í tilefni 20 ára afmælis Búnaðarsamtaka Vesturlands veitum við 20%
afslátt af bókunum Byggðir Borgarfjarðar sem eru fjögur bindi.
Tilboðið gildir til 8. júlí.
Stök bók, verð kr. 2.000 - Tilboð 1.600
Allar bækurnar, verð kr. 6.000 - Tilboð 4.800
BESTA VERÐIÐ?
NEVER TURN YOUR MATTRESS AGAIN
Technology so advanced, it´s
TURN-FREE
Amerískar
lúxus heilsudýnur
á tilboði
TURN-FREE
Queen 153x203 cm
Verð frá 89.900.-
Skipholt 35
Sími 588 1955
www.rekkjan.is
Ingunn Hallgrímsdóttir býr á Akra-
nesi ásamt manni sínum, tveimur
dætrum og fjórum hundum. Hún
hefur frá því hún man eftir sér haft
sérlega gaman af dýrum og hund-
arnir hennar eru áhugamál númer
eitt. „Ég fæddist með þennan áhuga
og bjó ekki í sveit í nálægð við dýr
eða neitt slíkt. Ég er fædd og uppal-
in hér á Akranesi en pabbi var með
hesta þegar ég var lítil og mér
fannst frábært að umgangast þá. Ef
ég hefði tök á þá myndi ég vera með
hesta, en hundarnir fullnægja alveg
þörf minni til að vera í návist dýra.
Ég fékk ekki minn eigin hund fyrr
en ég flutti að heiman, því mamma
vildi ekki sjá hundahár á heimilinu.“
Ingunn segir að maðurinn hennar
hafi ekki haft sérstakan áhuga á
hundum þegar þau kynntust en það
hafi breyst. „Núna er hann forfall-
inn og eldri dóttir okkar, sem er á
þrettánda ári, er mjög dugleg að
hjálpa til, því það er auðvitað mikil
vinna að halda fjóra hunda og þetta
gengur ekki upp nema allir fjöl-
skyldumeðlimir séu með. Áhugi
yngri dótturinnar, sem er fjögurra
ára, lofar líka góðu.“
Hvolpagleði og umhyggja
Allir hundarnir eru tíkur og þrjár
þeirra eru af Cavalier-tegund. Malla
er elst, en hana keypti Ingunn hér
heima, Donnu flutti hún sjálf inn frá
Noregi en sú yngsta, sem er aðeins
tíu vikna, heitir Konní og er undan
Donnu. Fjórða tíkin, Maja, er af jap-
önsku kyni en Ingunn flutti hana
inn frá Kanaríeyjum. Ingunn segir
öllum tíkunum semja mjög vel enda
séu þær sérlega geðgóðar að eðlis-
fari. Það fjölgaði heldur betur á
heimilinu í apríl þegar Donna eign-
aðist sex hvolpa. „Þetta var fyrsta
got hjá Donnu en Malla er búin að
eignast hvolpa þrisvar. Ég tek alltaf
svolítið fæðingarorlof þegar hvolpar
koma í heiminn hjá okkur, rétt
svona fyrstu dagana á meðan allt er
að komast í gott horf. Nýfæddir
hvolpar eru svo mikil börn og þurfa
aðgæslu.“
Kaupir hundadót á netinu
Ingunni finnst erfitt að láta frá
sér hvolpana sem hún þó verður
óhjákvæmilega að gera. „Okkur
þykir svo vænt um þá og ég er mjög
kröfuhörð á nýja eigendur og læt
ekki hvolpana mína hvert sem er.
Sennilega er ég frekar leiðinleg, því
ég sætti mig ekki við annað en allra
bestu aðstæður. En ég gat ekki
staðist það að halda einni tík eftir
hjá mér úr þessu goti. Ég veit ekki
hvernig þetta endar,“ segir Ingunn
sem er alltaf að kaupa alls konar
óþarfa dót tengt hundum, til dæmis
púða, styttur, hálsmen og fleira.
„Þegar ég keypti þroskaleikfang
handa hundunum þá sagði vinkona
mín að ég væri klikkuð, og ég sá að
henni var full alvara.“
En hvað er svona frábært við að
eiga hunda, sem krefjast mikillar
vinnu, peningaútláta og eru bind-
andi? „Þetta er svo gefandi. Í hvert
skipti sem ég kem heim þá taka
hundarnir svo vel á móti mér, þeir
eru svo ofboðslega ánægðir að sjá
mig og það er dýrmætt að vera
fagnað þannig. Þeir eru frábærir fé-
lagar og hluti af fjölskyldunni og
gott fyrir börnin að alast upp með
dýrum.“
Skipulagðir hundagöngutúrar
Ingunn fer með tíkurnar á hunda-
sýningar og stundum fer hún með
þær í skipulagða hundagöngutúra í
Reykjavík, þar sem fólk með sams-
konar hundategundir hittist og fer í
göngu með hundana sína. „Þetta er
frábær skemmtun bæði fyrir mig og
hundana. Hundum finnst gaman að
hitta aðra hunda og mannfólkið
skiptist á ráðum, segir hundasögur
og deilir gleðinni sem fylgir því að
eiga hunda.“
 ÁHUGAMÁLIÐ| Hundarnir hennar Ingunnar Hallgrímsdóttur eru hennar ær og kýr
Fer í fæðingarorlof þegar hvolpar fæðast
Eftir Kristínu Heiðu Kristinsdóttur
khk@mbl.is
Morgunblaðið/ Sigurður Elvar
Ingunn Hallgrímsdóttir með Maju og litlu Konní í fanginu en Malla og Donna sitja virðulegar hjá. Ísabella Cabrita,
yngri dóttir Ingunnar, er með eina hvolpinn sem á svo eftir að fara til nýrra eigenda.
Sérstök hegðunarkennsla gæti
verið á leið inn í danska skóla að
sögn Berlingske Tidende. Bertel
Haarder menntamálaráðherra er
jákvæður fyrir hugmyndinni.
Það eru einnig samtök foreldra
og kennara en ýmsir sérfræð-
ingar eru efins.
Í Stenmagle-skóla á Sjálandi
munu yngstu nemendurnir fá
kennslu í fagi sem nefnist sam-
ábyrgð. Nemendurnir munu fá
þjálfun í að hlusta þegar aðrir
tala, tjá tilfinningar sínar, taka
þátt í stórum hópum og að leysa
úr ágreiningsmálum. Markmiðið
er að auka félagslega hæfni
barnanna og að auðveldara verði
að kenna þeim aðrar náms-
greinar. Reynsla af kennslu í
samábyrgð hefur verið góð í An-
kermedets skóla í Skagen sem
hefur kennt fagið í sjö ár.
Fræðimaðurinn Inger Brøgger
er þeirrar skoðunar að foreldr-
arnir eigi að ala börnin upp en
ekki skólarnir. Skólarnir eigi að
einbeita sér að hlutverki sínu
sem menntastofnanir og að upp-
fræða börnin í ákveðnum náms-
greinum, en ekki að félagslegri
hæfni skólabarnanna. Lars-Henrik
Schmidt, rektor Kennaraháskóla
Danmerkur, hefur einnig efasemd-
ir gagnvart nýjum áformum og
þykir vart ástæða til að gera sam-
ábyrgð að sérstakri námsgrein.
Nemendur eigi að læra ákveðna
félagslega hæfni í gegnum námið í
öðrum námsgreinum. Anders
Bondo Christensen, formaður
Kennarasambands Danmerkur, er
hins vegar jákvæður líkt og fleiri
kennarar. Að þeirra mati getur
það einmitt leitt til betra skóla-
starfs að setja samábyrgð á
stundaskrána, eins og fram kemur
á vef Berlingske.
 MENNTUN
Samábyrgð á stundaskrána
Hegðunarkennsla er fag
sem á kannski að fara að
kenna í dönskum grunn-
skólum