Morgunblaðið - 27.06.2005, Blaðsíða 7

MORGUNBLAÐIÐ MÁNUDAGUR 27. JÚNÍ 2005 7
FRÉTTIR
BJÖRN Þorsteinsson, Taflfélagi
Reykjavíkur, sigraði næsta
örugglega á Íslandsmóti öldunga
60 ára og eldri. Hann vann allar
skákir sínar, 7 að tölu. Björn
vann þennan titil síðast árið 2002.
Í öðru sæti varð Jóhann Örn
Sigurjónsson Taflfélagi Reykja-
víkur og fékk hann 4,5 vinninga.
Í 3.-4. sæti enduðu svo þeir dr.
Ingimar Jónsson sem teflir fyrir
KR og meistari ársins 2003, Sig-
urður E. Kristjánsson úr Kópa-
vogi. Ingimar hafði betur á stig-
um og telst því í 3. sæti. Akur-
eyringurinn Þór Valtýsson varð í
5. sæti.
Í verðlaun voru veglegir eign-
arbikarar og svo farandbikar gef-
inn af Guðmundi Arasyni auk
þess sem sigurvegarinn vinnur
sér rétt til þátttöku í Norður-
landamóti öldunga sem haldið
verður í ágúst næstkomandi.
Varaforseti Skáksambands Ís-
lands, Óttar Felix Hauksson, af-
henti verðlaunin.
Öruggur sigur
á öldungamóti
MÁLÞING um framtíð Héraðs-
skólahússins á Laugarvatni var
haldið á laugardag, þar sem fjallað
var um framtíð hússins og hug-
myndir um nýtt hlutverk. Mál-
þingið var liður í dagskrá Gullkist-
unnar, listahátíðar á Laugarvatni,
sem nú stendur yfir og lýkur um
næstkomandi helgi.
Á málþinginu var undirrituð
áskorun til fjárlaganefndar Alþing-
is og menntamálaráðherra um að
beita sér fyrir því að á fjárlögum
verði eyrnamerktir fjármunir til
endurbóta á húsnæði Héraðsskól-
ans. Jafnframt var ákveðið að
stofna félag í þeim tilgangi að
hrinda hugmyndum um alþjóðlega
listamiðstöð á Laugarvatni í fram-
kvæmd.
Alþjóðleg lista-
miðstöð verði á
Laugarvatni
BISKUP Íslands sleit Kirkjudög-
um 2005 á miðnætti í fyrrakvöld
og með þeim Prestastefnu, Leik-
mannastefnu og Kirkjuþingi unga
fólksins. Um 5.000 manns á öllum
aldri sóttu Kirkjudaga, þar á
meðal fjölmargir frá landsbyggð-
inni.
Viðamikil dagskrá var í Iðn-
skólanum og í Hallgrímskirkju.
Vegna rigningar og hvassviðris
voru ýmsir atburðir kirkjudag-
anna sem vera áttu úti, fluttir í
hús, ýmist í kirkjuna eða í
íþróttahús Vörðuskóla. Eigi að
síður voru söngleikir fluttir á úti-
sviði og þar voru einnig tónleikar
á laugardagskvöldi.
Kirkjudagar hófust föstudaginn
24. júní kl. 20.00 og þeim lauk á
miðnætti þann 25. júní. Dagskrá
var þétt skipuð, um 160 dag-
skráratriði voru í boði og fjöldi
manns kom að undirbúningi og
framkvæmd, um 700 alls, flestir
sjálfboðaliðar.
Um 5.000 manns
sóttu Kirkjudaga
HÁSKÓLA unga fólksins var slitið á laug-
ardaginn þegar 150 nemendum skólans voru
afhent viðurkenningarskjöl við hátíðlega at-
höfn. Nemendur í Háskóla unga fólksins eru
á aldrinum 12 til 16 ára og skólahald stóð yfir
í tvær vikur. Þetta var annað árið í röð sem
Háskóli unga fólksins var starfræktur.
Björn Þorsteinsson, verkefnisstjóri skól-
ans, segir skólahald hafa gengið afar vel enda
hafi nemendurnir verið áhugasamir. „Á
lokahátíðinni voru nemendur með skemmti-
atriði þar sem þeir sýndu afrakstur sinnar
vinnu. Þar var meðal annars sungið á jap-
önsku, farið með leikþátt á frönsku og sagðar
sögur úr þjóðfræði. Ekki var annað að sjá en
að nemendur hefðu lært mikið á þessum
stutta tíma,“ segir Björn en hann vonast til
þess að Háskóli unga fólksins verði starf-
ræktur á næsta ári.
„Við tökum eitt ár í einu hvað þetta varðar
en það hefur verið mikil ánægja með starf-
semi skólans á meðal barnanna sjálfra, for-
eldra og þeirra sem að honum standa.“
Háskóli unga fólksins er hugmynd sem átti
upptök sín hjá Páli Skúlasyni, fráfarandi
rektors Háskóla Íslands, og gat hann þess í
ræðu sinni að það hafi verið honum sérstakt
ánægjuefni að taka þátt í lokahátíð skólans.
Síðar um daginn brautskráði hann nemendur
úr Háskóla Íslands í síðasta sinn.
Ljósmynd/Halldór Kolbeins
Páll Skúlason, rektor Háskóla Íslands, heilsaði nemendum á lokahátíð Háskóla unga fólksins.
Hátíðleg athöfn við skólaslit
Háskóla unga fólksins