Morgunblaðið - 27.06.2005, Blaðsíða 15
MORGUNBLAÐIÐ MÁNUDAGUR 27. JÚNÍ 2005 15
DAGLEGT LÍF | HEILSA
ÞÓR HF | Reykjav ík: Ármúla 11 | Sími 568-1500 | Akureyr i : Lónsbakka | Sími 461-1070 | www.thor. is
GÓÐAR VÉLAR Í GARÐINN OG SUMARBÚSTAÐINN
Sláttuorf
Garðslöngur
Garðúðarar -Slöngutengi
ZIP
start
Greinakurlarar
Öflugir - ódýrir
Bumbubaninn
Heilsubót í garðinn
Tilvalið í garðinn
Lipurt og létt
25 cc mótor
Sláttuorf
Öflug vélorf
í stærðum:
26,3cc,
33,3cc,
48,6cc
Verð aðeins
kr. 10.900-
Heiða Björk Egilsdóttirþolfimikennari í Hreyf-ingu er búin að kennaþolfimi, öðru nafni
eróbikk, í 8 ár. „Ég kenni þolfimi og
líkamsrækt og það er ansi jöfn að-
sókn í tímana hjá okkur yfir árstíð-
irnar“ segir hún aðspurð um mæt-
inguna á sólardögum. Það bætist
meira að segja við nýtt fólk í blíðviðr-
inu. „Fólk er að koma í tímana á
morgnana og á kvöldin svo að veð-
urfarið hefur ekki eins mikil áhrif og
maður myndi ætla“ segir hún og
bætir við að það hafi aukist til muna
að fólk æfi í hádeginu, skreppi úr
vinnunni og það sé mjög sniðugt. Í
Hreyfingu er hægt að fara í alls kon-
ar tíma og eru pallatímarnir svoköll-
uðu afar vinsælir. Þar er hamast og
svitnað og það er mikið fjör. Einnig
er hægt að fara í hjólatíma og stunda
líkamsrækt til að styrkja vöðvana.
Heiða mælir með því að blanda þol-
fimi og líkamsrækt saman, þar sem
áherslurnar eru ekki þær sömu. Í lík-
amsræktinni er lóðum lyft og styrkt-
aræfingar gerðar fyrir til dæmis
kviðinn en í þolfimitíma reynir tölu-
vert á meira á úthaldið og þar er
maður á hreyfingu allan tímann.
En þarf Heiða alltaf að vera hress?
Henni finnst alltaf jafn gaman að
mæta og þarf að sjálfsögðu að vera
orkumikil en segir að nemendurnir
veiti henni innblástur. „Svo þegar ég
byrja tímann kemst ég yfirleitt í gott
skap“ segir Heiða og bætir við að það
skipti líka máli að vera faglegur:
„Það þýðir ekki bara að æpa og
öskra og brosa, þú verður líka að
geta leiðbeint fólki og sýnt þeim
hvernig á að gera æfingarnar rétt“.
Sumum hentar ekki til dæmis að
vera í pallatímum þar sem þeir eru
með slæm hné og þá er betra að fara
í hjólatíma þar sem álagið er ekki
eins mikið og hreyfingarnar eru
mýkri. Hjólatímar henta fólki í alls
konar formi.
Heiða er búin að vera þolfimikenn-
ari í Hreyfingu í nokkur ár og hreyfir
sig mikið.“ Ég kenni svona 1-2 tíma á
dag svo ég fæ mikla hreyfingu en
sæki í útiveru meira um helgar, með
því að hjóla og synda.“ Hún mælir
hiklaust með því að stunda reglulega
hreyfingu og bendir á að þeir sem
þjáist af vöðvabólgu eða bakverkjum
skáni yfirleitt mikið við að stunda
einhvers konar líkamsrækt „Eitt er
víst að allt er betra er hreyfingar-
leysi“ segir Heiða Björk að lokum.
HEILSA | Heiða Björk hreyfir sig daglega
Allt betra en
hreyfingarleysi
Morgunblaðið/Sverrir
Heiða Björk Egilsdóttir segir pallaleikfimi mjög góða hreyfingu en ekki
henta öllum, hins vegar bendir hún á að hjólatímar eru flestum færir.
SAMBANDIÐ á milli neyslu rauðs
kjöts og krabbameins í þörmum hef-
ur verið staðfest í nýrri evrópskri
rannsókn, að því er m.a. kemur fram
á vef Svenska Dagbladet. Rann-
sóknin tók til hálfrar milljónar Evr-
ópubúa og stóð yfir í áratug.
Hættan á þarmakrabbameini
jókst um meira en þriðjung meðal
þeirra sem neyttu minnst tveggja 80
g skammta af rauðu kjöti eða unnum
kjötafurðum á dag, miðað við þá sem
borðuðu minna, að því er fram kem-
ur í grein sem birtist í breska vís-
indaritinu Journal of the National
Cancer Institute. Nautakjöt flokkast
sem rautt kjöt en kjúklingakjöt sem
hvítt.
Sheila Bingham fór fyrir vísinda-
mönnunum og að hennar sögn hefur
lengi verið skoðað sambandið á milli
mikillar neyslu á rauðu kjöti og
þarmakrabbameins. Þessi rannsókn
er ein sú stærsta hingað til og sú
fyrsta í Evrópu sem sýnir fram á
sterkt orsakasamband. Að sögn
Bingham er líkleg skýring sú að
rautt kjöt inniheldur mikið af hemó-
glóbíni og myoglóbíni en það eru efni
sem hvetja til myndunar nitrosam-
ína í þörmunum. Á meðan á rann-
sókninni stóð fengu 1.330 þátttak-
endur þarmakrabbamein. Á meðal
þeirra sem oft borðuðu rautt kjöt
eða unnar kjötvörur var tíðnin 17 af
hverjum 10.000 en meðal þeirra sem
sjaldan borðuðu slíkt var tíðnin 12 af
hverjum 10.000. Evrópubúar borða
að meðaltali 95 g af rauðu kjöti eða
unnum kjötvörum á dag. Þeir sem
borða pylsu í morgunmat, skinku-
brauð í hádegismat og nautasteik í
kvöldmat neyta að meðaltali 205 g af
kjöti á dag.
Vísindamenn segja rannsóknina
sanna að hægt sé að minnka líkur á
þarmakrabbameini með því að borða
mikið af trefjum en minnka neyslu á
kjöti og unnum kjötafurðum.
RANNSÓKN
Rautt kjöt og þarmakrabbamein
Hvað gera þolfimi og
líkamsrækt fyrir líkamann?
Auka þol
Brenna fitu
Styrkja vöðvana
Auka vöðvamassa
Styrkja bak og kvið sem
stuðlar að bættri heilsu.