Morgunblaðið - 27.06.2005, Blaðsíða 19
MORGUNBLAÐIÐ MÁNUDAGUR 27. JÚNÍ 2005 19
UMRÆÐAN
www.toyota.is
Áhyggjulaus og örugg bílaviðskipti - strangt skoðunarferli, 14 daga skiptiréttur, ókeypis skoðun eftir 1000 km, allt að 1 árs ábyrgð.
Skoðaðu úrvalið á Nýbýlavegi 4, á www.toyota.is eða hringdu í 570 5070. Opið í dag frá kl. 10.00 til 18.00.
BETRI NOTAÐIR BÍLAR
af sérvöldum bílum
Þrjúhundruð
og fimmtíu
þúsund króna
afsláttur ÍSLENSKA AUGLÝSINGASTOFAN/
SI
A
.I
S
T
O
Y
28
72
0
0
6/
20
05
ÉG ER í hópi þeirra, sem geta
ekki sætt sig við, að eyjarnar á
Kollafirði verði eyðilagðar með
byggð og brúagerð eða annarri
landtengingu eins og hugmyndir
borgarstjórnarflokks sjálfstæð-
ismanna gera ráð fyrir. Þessar
eyjar búa yfir mikilli fegurð,
geyma sérstætt bú-
setu- og menningar-
landslag, eiga afar
merka sögu. Þess
vegna þarf að varð-
veita þær eins vel og
hægt er. Mér finnst
sjálfstæðismenn ekki
hugsa hátt með fram-
tíðarsýn sinni um
þetta svæði. Ég vil
sjá flokksbræður
mína sýna metnað
sinn í því að hefja
það til þess vegs sem
því ber. Þarna er um
að ræða fágætt útivistarsvæði,
sem við hljótum öll að þakka fyrir
að eiga, en það nýtist að sjálf-
sögðu ekki nema það sé gert að-
gengilegt. Til þess þarf góða lend-
ingaraðstöðu í eyjunum og
reglulegar bátsferðir.
Ég mun síðar reifa hugmyndir
mínar um Viðey. Þerney gegnir,
a.m.k. um sinn, ágætu hlutverki
sem hvíldarstaður búpenings hús-
dýragarðsins. Ég sé Akurey og
Lundey nýtast vel til náttúruskoð-
unar, en Engey legg ég til, að
verði gerð að golfvelli.
Engey er um 40 hektarar að
stærð og rúmar því 18 holu golf-
völl. Fáir munu efast um gildi
golfíþróttarinnar sem hollrar tóm-
stundaiðkunar, enda vaxa vin-
sældir hennar með degi hverjum.
Mér er tjáð, að yfir 500 manns
séu á biðlista hjá Golfklúbbi
Reykjavíkur, þar sem nú eru uppi
hugmyndir um stofnun nýs
klúbbs. Hann fengi verðugt
verkefni í Engey, vilji borgaryf-
irvöld gera eyna aðgengilega með
góðri lendingaraðstöðu og öðru
sem til þarf. Ég hef rætt þessa
hugmynd mína við
nokkra menn úr hópi
þeirra sem best
þekkja til gerðar og
notkunar golfvalla,
einnig við nátt-
úruverndarsinna.
Þeir hafa flestir hrif-
ist af hugmyndinni og
telja þarna góða
möguleika, sem vel
séu þess virði að
skoða þá af alvöru.
Í Engey eru miklar
minjar. Á bæjar-
hólnum eru grunnar
gömlu húsanna, sem þar stóðu
fram yfir miðja 20. öld. Þar sér
einnig fyrir litlum kirkjugarði og
grunni kirkju, sem stóð þar frá
1379 til 1765. Við lendinguna sér
fyrir naustum. Vestast á eynni er
viti, en milli hans og bæjarhólsins
eru merkar stríðsminjar, því það-
an skyldi Reykjavíkurhöfn varin í
seinni heimsstyrjöldinni. Þarna
má enn sjá leifar neðanjarð-
arbyrgja, bæði stjórnstöðvar og
skotfærageymslu. Ekkert af
þessu þarf að hverfa, þótt eyjan
verði gerð að golfvelli. Hugs-
anlega þarf að gera einhverja
landfyllingu til að byggja upp
góða lendingu, sem yrði örugg í
vetrarveðrum. Ég sé fyrir mér
fallegan golfskála rísa á bæj-
arhólnum, eftir að þar hefur farið
fram fornleifarannsókn. Ég teldi
einnig afar skemmtilegt að lag-
færa kirkjugarðinn og byggja litla
torfkirkju í stíl við þá, sem var
þar um aldir. Hún gæti verið
skjól þeim, sem vildu rækta bæði
líkama og sál í fögru, kyrrlátu
umhverfi, en væri ekki síður verð-
ug minning þess merka fólks, sem
þarna bjó og átti þar margt sinn
hinsta hvílustað. Að því veit ég,
að margir vildu styðja. Með þessu
móti yrði Engey einhver sérstæð-
asti golfvöllur, sem um getur, og
myndi jafnvel laða til sín fólk frá
öðrum löndum.
Mér þætti vænt um að fá við-
brögð golfáhugamanna við þessari
hugmynd. Telji þeir hana raun-
hæfa, heiti ég á þá að fylgja henni
eftir við borgaryfirvöld. Sjálfur
skora ég á borgarstjórnarflokk
sjálfstæðismanna að venda sínu
kvæði í kross, hverfa frá þeim
hugmyndum, sem eyðileggja hina
fögru náttúru á þessum slóðum,
en hefja til vegs það sem varð-
veitir náttúruna, geymir söguna
og eflir heilbrigða sál í hraustum
líkama.
Golfvöllur í Engey
Þórir Stephensen skrifar
um skipulagsmál ’Með þessu móti yrðiEngey einhver sérstæð-
asti golfvöllur, sem um
getur, og myndi jafnvel
laða til sín fólk frá öðr-
um löndum.‘
Þórir Stephensen
Höfundur er fyrrv. dómkirkjuprestur
og staðarhaldari í Viðey.
FYRIR þremur áratugum eða svo
var upplýst, að mestu útflutnings-
verðmæti á Íslandi, miðað við höfða-
tölu, væru frá sveitarfélaginu Stöðv-
arfirði. Þar sóttu
dugmiklir einka-
framtaksmenn sjóinn
af kappi og byggðu
upp nýtízku fiskverkun
í landi: Þeir höfðu þá
enda fullt frelsi til að
sækja aflaföng í sína
eigin auðlind.
Fljótlega eftir að ís-
lenzka ráðstjórnin
lagði hald á sjávarauð-
lindina tók að halla
undan fæti á Stöðv-
arfirði eins og svo víða
á landsbyggðinni. Þó
kastaði tólfunum, þeg-
ar yfirvöldum þókn-
aðist að leiða í lög
frjálst framsal á gjafa-
kvótanum. Þá fóru
lénsherrarnir eins og
logi yfir akur um út-
gerðarplássin og
keyptu upp veiðiheim-
ildir; undir því yfirskini oft á tíðum,
að kvótinn myndi áfram nýtast út-
gerðarstaðnum.
En svik reyndust í því tafli. Þegar
til kom skiptu hagsmunir byggð-
arlagsins engu máli. Og sægreifinn
sigldi sína leið með atvinnu heima-
manna og afkomu. Slík eru nú örlög
Stöðvarfjarðar.
En útgerðarrisinn frá Akureyri
býður þeim bætur: Tuttugu milljónir
króna – andvirði þriggja herbergja
íbúðar á Reykjavíkursvæðinu. Sjálf-
ur fékk hann á sínum tíma auka-
gjafakvóta – svokallaðan skipstjóra-
kvóta – að verðmæti sem svarar til
220 – tvöhundruðogtuttugu – þriggja
herbergja íbúða í höfuðborginni.
Lénsherrarnir hafa
illa skornar neglur í
þessum málum öllum
svo ekki sé meira sagt.
Á hitt ber auðvitað að
líta að ekki má ofgera
gjaldgetu þeirra. Það er
ekkert smáræði, sem
foringjar kvótaflokk-
anna rukka þá um í
kosningasjóði sína.
Aðalritari ráðstjórn-
arinnar ræddi um tvo
hópa manna í ræðu
sinni á Austurvelli á
þjóðhátíðardaginn:
Hina bjartsýnu og svo
úrtölumennina. Hinn
orðhagi bögubósi
spurði: „Hvor hópurinn
er nú líklegri til að láta
okkur líða betur, fyllast
bjartsýni og vilja sækja
fram?“
Honum líður áreið-
anlega miklu betur í hópi útgerð-
araðalsins en meðal Stöðfirðinga og
annarra úrtölumanna, sem „sjá
myrkrið í deginum“!
En verklag ráðstjórnar verður al-
menningi æ betur ljóst og skuldadag-
ar nálgast óðfluga.
Ráðstjórn
í verki
Sverrir Hermannsson
fjallar um sjávarútvegs-
og byggðamál
Sverrir Hermannsson
’Þegar til komskiptu hags-
munir byggðar-
lagsins engu
máli.‘
Höfundur er fv. formaður Frjálslynda
flokksins.