Morgunblaðið - 02.08.2005, Qupperneq 4
4 ÞRIÐJUDAGUR 2. ÁGÚST 2005 MORGUNBLAÐIÐ
FRÉTTIR
Salou
Súpersól 19. og 26. ágúst
frá kr. 39.995
Skógarhlíð 18 • 105 Reykjavík • sími 591 9000
Akureyri • sími 461 1099 • www.terranova.is
Terra Nova býður síðustu sætin til Salou í ágúst á ótrúlegum kjörum. Salou er fallegur
bær á Costa Dorada ströndinni, sunnan Barcelona. Þar er Port Aventura, glæsilegasti
skemmtigarður Spánar. Salou skartar stórkostlegum ströndum, fjölbreyttri afþreyingu
og litríku næturlífi. Þú bókar sæti og 4 dögum fyrir brottför færðu að vita hvar þú gistir.
Kr. 49.990 í 5 daga
kr. 59.990 í 12 daga
M.v. 2 fullorðna. Súpersól tilboð,
19. og 26. ágúst. Netverð á mann.
- SPENNANDI VALKOSTUR
Kr. 39.995 í 5 daga
kr. 49.995 í 12 daga
M.v. 2 fullorðna og 2 börn. Súpersól
tilboð, 19. og 26. ágúst. Netverð á mann.
„ÞAÐ hafa verið mistök að taka ekki
tillit til alls þessa vaktavinnufólks
sem vinnur á hjúkrunarheimilum og
er ekki nærri stofnleiðum,“ segir
Björk Vilhelmsdóttir, stjórnarfor-
maður Strætó bs., en í Morgun-
blaðinu á laugardaginn kom fram
gagnrýni frá heilbrigðisstofnunum á
nýtt leiðakerfi fyrirtækisins. Björk
segir að tekið verði tillit til ábend-
inga heilbrigðisstarfsfólks en stjórn
Strætó bs. fundar í þessari viku.
„Okkur hefur verið bent á þetta en
stjórnin hefur ekki fengið erindi eins
og kom fram í frétt Morgunblaðsins
á laugardaginn. Hins vegar fengum
við athugasemdir frá Eflingu varð-
andi það að breytinga væri þörf til
hagræðis fyrir þá sem vinna vakta-
vinnu og þá sérstaklega þar sem
stofnleiðir eru ekki nálægt. Ég
ræddi þetta við framkvæmdastjóra
Strætó og við vorum sammála um
það að koma þyrfti til móts við þess-
ar þarfir. Ég reyndar taldi að það
hefði verið gert strax en svo hefur
greinilega ekki orðið,“ segir Björk
og ítrekar að fullur vilji sé til þess að
koma til móts við vaktavinnufólk
hvað þetta varðar.
Vilja láta reyna á kerfið
Björk segir að enn sé verið að taka
á móti athugasemdum varðandi nýja
kerfið og verið að vinna úr þeim.
Ekki sé hins vegar ljóst hvenær
þeirri vinnu verði lokið.
„Það er rétt að við höfum orðið vör
við töluverða óánægju margra við-
skiptavina en sem betur fer eru hins
vegar margir sáttir við þetta nýja
kerfi. Við viljum láta reyna á kerfið
áður en við förum nokkuð að hrófla
við því nema þegar svona augljós-
lega þarf að koma til móts við sér-
stakar þarfir eins og þeirra sem
vinna á hjúkrunarheimilunum. Hins
vegar eru margar þeirra athuga-
semda sem okkur hafa borist byggð-
ar á misskilningi og munu detta upp
fyrir þegar fólk fer að læra á kerfið.“
Bagalegar breytingar
Breyting verður á þjónustu
Strætó á stofnleiðum í þessari viku.
Á álagstímum á virkum dögum, að
undanskildum mánudegi, mun verða
ekið á 20 mínútna fresti í stað 10
mínútna og á laugardag verður ekið
með 30 mínútna fresti í stað 20 mín-
útna. Ástæða þessara breytinga er
meðal annars sú að skortur er á
mannskap. Björk segir það mjög
bagalegt að ekki sé hægt að keyra á
auglýstri áætlun þegar breytingar á
kerfinu standa yfir.
„Ég hefði haldið að þetta ætti að
liggja fyrir og sem stjórnarformaður
er ég ósátt við þetta.“
Stjórnarformaður Strætó bs. segir að komið verði til móts við vaktavinnufólk
„Mistök að taka ekki
tillit til vaktavinnufólks“
Eftir Þóri Júlíusson
thorirj@mbl.is
Morgunblaðið/Árni Torfason
„VIÐ teljum að margt af því sem
verið er að benda á hafi þegar verið
framkvæmt og að þetta séu athuga-
semdir sem eigi við um tíma sem er
liðinn,“ sagði Heimir Már Pétursson,
upplýsingafulltrúi flugmálastjórnar,
um skýrslu sérstakrar rannsóknar-
nefndar um flugslysið í Skerjafirði.
Heimir Már segir að flugmála-
stjórn hafi frá 1990 unnið að því að
færa sig frá bandarísku umhverfi í
flugöryggismálum yfir í evrópskt
umhverfi. „Á þessum tíma unnum
við náið með litlu flugfélögunum til
að færa þau yfir í evrópskt umhverfi.
Því var síðan lokið fljótlega upp úr
2000. Við teljum að margt af því sem
verið er að benda á eigi ekki við leng-
ur. Það er allt annað umhverfi í flug-
heiminum eftir að búið er að innleiða
JAA-reglur ([flugöryggissamtaka
flugmálastjórna Evrópu] á öllum
sviðum.“
Heimir Már segir að flugmála-
stjórn hafi fengið mjög góðar niður-
stöður í úttekum sem gerðar hafa
verið af Flugöryggissamtökum Evr-
ópu og Alþjóðaflugmálastofnuninni.
Athugasemdir
eigi við um
liðinn tíma
ÞORMÓÐUR Þormóðsson, rann-
sóknarstjóri Rannsóknarnefndar
flugslysa, kveðst ánægður með
skýrslu hinnar sérstöku rannsóknar-
nefndar, hún sé faglega unnin, vel
rökstudd og uppbyggileg að því er
varði tillögur um að bæta störf RNF.
Þá fagnar hann því einnig að ferli
þessa hörmulega slyss skuli nú lokið.
„Við höfum þegar hrint í fram-
kvæmd nokkrum þeirra atriða sem
sérstaka rannsóknarnefndin leggur
til, svo sem að RNF hefur nú fengið
flugskýli til að geyma flök og hluta
þeirra og við höfum fyrir nokkru sett
okkur þá reglu að afhenda ekki hluti
nema með samþykki rannsóknar-
stjóra og nefndarinnar sjálfrar,“
segir Þormóður. Þá segir hann að
bæði hann og Þorkell Ágústsson
vararannsóknarstjóri hafi setið nám-
skeið um mannlega þáttinn varðandi
flugslys.
„Ég er einnig sáttur við niðurstöð-
ur nefndarinnar, hún er í öllum meg-
inatriðum samhljóða því sem fram
kom í lokaskýrslu RNF sem kom út
árið 2001 um að eldsneytisskortur
hafi verið meginorsök þess að hreyf-
ill vélarinnar stöðvaðist. Í skýrslu
sérstöku nefndarinnar er einnig vik-
ið að útgáfu lofthæfisskírteinis en í
skýrslu RNF var tilgreint að Flug-
málastjórn hefði átt að kalla eftir
frekari gögnum varðandi ástand
flugvélarinnar og viðhaldssögu
hennar áður en lofthæfisskírteinið
var gefið út,“ segir Þormóður einnig.
Í samræmi við
niðurstöður
nefndarinnar
BREYTING verður á þjónustu
Strætó á stofnleiðum í þessari viku.
Á álagstímum á virkum dögum, að
undanskildum mánudegi, mun
verða ekið á 20 mínútna fresti í stað
10 mínútna og á laugardag verður
ekið með 30 mínútna fresti í stað 20
mínútna. Leiðabókin gildir að öllu
leyti nema hvað álagstíma stofn-
leiða varðar. Þetta kemur meðal
annars fram í fréttatilkynningu frá
Strætó bs. en þar segir jafnframt:
„Alla virka daga í þessari viku
[…] verður sú breyting að vagnar á
stofnleiðum munu aka á 20 mínútna
fresti en ekki 10 mínútna eins og
leiðakerfið gerir ráð fyrir á álags-
tímum, þ.e. kl. 7–8:30 og kl. 15:30–
18. Þá munu vagnar á stofnleiðum
aka á 30 mínútna fresti allan laug-
ardaginn, 6. ágúst, en ekki á 20
mínútna fresti á milli kl. 11 og 17
eins og leiðabókin segir til um.“
Um leið og beðist er velvirðingar
á þessum tímabundnu breytingum
er tekið fram í tilkynningunni að
þær eigi sér tvær meginskýringar:
„Í fyrsta lagi er um að ræða skort
á mannskap, sem skýrist af sum-
arfríum vagnstjóra og því að ekki
tókst að ráða nógu marga til
sumarafleysinga. Í öðru lagi hefur
stöðugildum vagnstjóra fjölgað við
tilkomu hins nýja leiðakerfis vegna
bættrar þjónustu við almenning.“
Til að auðvelda farþegum að nota
strætó er þeim boðið að hringja í
þjónustunúmer Strætó bs., 800-
1199.
Færri
strætóferðir
á álagstíma
HLAUPIÐ í Skaftá var enn í vexti
síðla dags í gær og segir Sverrir
Óskar Elefsen hjá Vatnamælingum
Orkustofnunar erfitt að segja til um
hvenær það nái hámarki. Hlaupið
kom fyrst fram á mælistöðinni við
Sveinstind, um sautján kílómetrum
frá upptökum árinnar, um klukkan
fimm aðfaranótt sunnudagsins. Síð-
an hefur það verið í hægum en stöð-
ugum vexti. Rennsli Skaftár við
Sveinstind klukkan hálffimm í gær
var 620 m3/s og hafði það aukist um
70 m3/s frá því klukkan hálfátta um
morguninn.
„Það kom smáhik í það [á sunnu-
daginn] en það náði sér fljótt á strik
aftur,“ segir Sverrir en hann telur
að dægursveifla eigi nokkurn hlut að
máli varðandi vatnsrennslið. Sumar-
vatn og leysingar geti haft áhrif á
hlaupið.
Skaftárkatlarnir eru tveir og
hlaup koma úr hvorum þeirra á
tveggja til þriggja ára fresti. Sverrir
segir að ekki sé ennþá vitað hvaðan
hlaupið komi nú.
„Mér finnst samt mjög ólíklegt að
þetta komi úr báðum. Þá væri þetta
miklu meira,“ segir Sverrir. Hann
telur að ekki stafi hætta af hlaupinu
eins og er. „En það er ekkert komið í
ljós hvað þetta verður stórt. Ef þetta
myndi hætta núna og fara aftur í
eðlilegt ástand væri þetta lítið
hlaup,“ segir Sverrir.
Skaftá hljóp síðast síðla árs 2003
en hlaupið þá var ekki stórt. Heldur
hærra var orðið í vestari katlinum
núna, en þó lægra en í hlaupunum
2000 og 2002.
Varasamt gas við jökulinn
Steinunn S. Jakobsdóttir, deildar-
stjóri eftirlitsdeildar Veðurstofu Ís-
lands, segir að uppi við jökulinn, þar
sem hlaupið komi undan, geti orðið
mikið af varasömu gasi sem rjúki úr
vatninu. „Í verstu tilfellum er það
banvænt í stórum skömmtum og
vægra eitrunareinkenna getur orðið
vart ef fólk er alveg við jökulinn þeg-
ar hlaupið brýst fram,“ segir Stein-
unn. „Fólk ætti að hafa vara á sér ef
það er nálægt upptökunum á meðan
hlaupvatnið er að koma út.“
Steinunn þorir ekki að segja til
um hvort vegum stafi hætta af
hlaupinu en þar sem það vaxi hægt
sé síður hætta á að vegir fari í sund-
ur.
„Ísskjálftarnir eru heldur að
minnka og það bendir til þess að
leiðin undir ísinn sé að verða nokkuð
greið fyrir vatnið. Mótstaðan er að
minnka og því gæti vel hugsast að
hlaupið nái fljótlega hámarki sínu,“
segir Steinunn.
Oddsteinn Kristjánsson, bóndi í
Hvammi í Skaftártungu, sagði í gær-
kvöldi að vel sæist í hlaupið frá
byggðinni. Hann sagði að hlaupið
hefði vaxið hratt og sennilega yrði
það stærra en síðasta hlaup. „Það er
það mikið vatn, og það var mikið í
ánni fyrir.“
Ekki er ljóst úr hvorum sigkatlinum jökulvatnið í Skaftárhlaupi kemur
Eftir Hrund Þórsdóttur
hrund@mbl.is
Hlaupið í hægum vexti
! "
Morgunblaðið/ÞÖK
Sigurlaug Hauksdóttir og Guðmundur Brynjar Þorsteinsson fylgdust með hlaupinu ásamt hundunum sínum.