Morgunblaðið - 22.08.2005, Side 14

14 MÁNUDAGUR 22. ÁGÚST 2005 MORGUNBLAÐIÐ
ERLENT
Köln. AFP, AP. | Heimsókn Benedikts XVI. páfa til
Þýskalands um helgina þykir hafa heppnast mjög
vel en um var að ræða fyrstu opinberu heimsókn
hans á erlenda grund síðan hann var kjörinn páfi
í kjölfar andláts Jóhannesar Páls II. páfa í vor.
Var þetta í raun fyrsta tækifæri manna til að
kynnast nýjum páfa í eigin persónu. Meira en ein
milljón kaþólskra ungmenna hlýddi á boðskap
páfans í gærmorgun en hann hélt útimessu í út-
jaðri Kölnar áður en hann hélt aftur heim í páfa-
garð.
Í messuræðu sinni í gær sagði páfi að sú hugs-
un nyti nú vinsælda að menn gætu nánast valið úr
trúfræðinni það sem þeim hugnaðist, en sleppt
öðru. En þannig væri þetta ekki. Hvatti páfi við-
stadda – sem flestir voru gestir á World Youth
Day, heimsþingi kaþólskra ungmenna sem eins
og venjulega dró til sín fólk hvaðanæva að úr
heiminum – til að elska guð sinn og virða. Hvatti
hann fólk til að láta ekki glepjast af verald-
arhyggju eða nýaldarfræðum, heldur hafa orð
guðs í heiðri og gleyma því ekki, lifa í samræmi
við vilja skaparans.
Ávarpaði múslímaleiðtoga
Á laugardag ávarpaði páfi fund þýskra músl-
ímaleiðtoga, en daginn áður hafði hann farið á
fund þýskra gyðinga. Þóttu þessar heimsóknir
hans til marks um vilja hans til að stuðla að sam-
starfi og góðri sambúð hinna ólíkra trúa.
Benedikt fór fram á það við múslímaleiðtogana
að þeir tækju þátt í að koma í veg fyrir útbreiðslu
hryðjuverka í heiminum. Allir yrðu að taka hönd-
um saman í baráttunni gegn „miskunnarlausu of-
stæki“. Sagði hann þá sem stæðu fyrir hryðju-
verkum í heiminum vilja „eitra samband okkar“,
í framtíðinni væri því afar mikilvægt að efna til
samræðu milli kristinna manna og múslíma. Páf-
inn sagði að hryðjuverkastarfsemi væri ill í eðli
sínu, vara bæri við þeirri villimennsku sem hún
fæli í sér. Hvatti hann til samstöðu og samstarfs,
gagnkvæmrar virðingar og friðar. Minnti páfi
múslímaleiðtogana ennfremur á að á herðum
þeirra hvíldi sú skylda að uppfræða ungmenni
sín, undan þeirri skyldu mætti ekki hlaupast.
Meira en milljón manns sótti
messu Benedikts páfa í Köln
Biður múslímaleiðtoga um að berjast gegn „miskunnarlausu ofstæki“
Reuters
Benedikt XVI. páfi ávarpar heimsþing kaþólskra ungmenna í gær. Förin til Kölnar er fyrsta opinbera heimsókn hans síðan hann var kjörinn páfi.
Nissanit. AP. | Jarðýtur á vegum Ísra-
elshers eru byrjaðar að jafna við
jörðu hús gyðinga í landnemabyggð-
um á Gaza-svæðinu sem nú hafa ver-
ið rýmd í samræmi við áætlanir
stjórnvalda um brotthvarf frá Gaza.
Þykja aðgerðirnar í Nissanit, Dugit
og Peat Sadeh í gær sýna að lokunin
sé varanleg, landnemarnir eigi ekki
afturkvæmt til heimilanna sem þeir
yfirgefa nú án þess að hafa í raun
viljað það.
Eyðilegging húsa í gyðingabyggð-
unum er í samræmi við óformlegt
samkomulag ísraelskra stjórnvalda
og Palestínumanna, en forysta Pal-
estínumanna vill rýma svæðið og
byggja fjölbýlishúsahverfi fyrir Pal-
estínumenn til að svara þeim mikla
húsnæðisvanda sem þjakar fólk á
þessum slóðum. Alls búa 1,4 millj-
ónir Palestínumanna á Gaza en
svæðið er eitt hið þéttbýlasta í heimi.
Fyrr í gær höfðu ísraelskir her-
menn unnið að því að rýma síðustu
gyðingabyggðirnar á Gaza en nokkr-
ir harðlínumenn neita enn að yfir-
gefa heimili sín. Margir íbúar yfir-
gáfu þó heimili sín friðsamlega og í
heildina þykir lokun gyðingabyggð-
anna hafa gengið tiltölulega vel fyrir
sig.
Gagnrýnir „skemmdarvarga“
Á Vesturbakkanum kom til nokk-
urra átaka milli hermanna og gyð-
inga í þeim landnemabyggðum þar
sem á að loka. Þykir líklegt að til enn
frekari átaka muni koma í vikunni,
þegar hafist verður handa við að loka
gyðingabyggðunum þar.
Ariel Sharon, forsætisráðherra
Ísraels, lét þau orð falla í gær að þeir
landnemar sem streittust á móti og
beittu ofbeldi þegar hermennirnir
framfylgdu skipunum sínum væru
ekkert annað en „skemmdarvargar“.
Lokun gyðingabyggðanna á Gaza
og hluta Vesturbakkans hófst sl.
miðvikudag en meira en ár var þá lið-
ið síðan Sharon komst að þeirri nið-
urstöðu að Ísrael gæti ekki lengur
varið þá 8.000 gyðinga sem búið hafa
innan um Palestínumenn á Gaza.
Jafna við jörðu yfirgefin
híbýli gyðinga á Gaza
AP
Maður fylgist með því er jarðýta byrjar að eyðileggja hús gyðinga í Peat
Sadeh í suðurhluta Gaza-svæðisins sem nú hefur verið lokað. Stefnt er að
því að jafna við jörðu allar gyðingabyggðir á Gaza innan tveggja vikna.
London. AFP. | Breska lögreglan tel-
ur að hún hafi komið í veg fyrir árás
al-Qaeda á breska þingið, að því er
fram kom í blaðinu The Sunday
Times í gær. Árásarmenn ætluðu að
dreifa saríni, banvænu taugagasi, í
þinghúsinu, en lögregla komst á
snoðir um áætlanirnar með því að
lesa kóðaðan tölvupóst grunaðra
hryðjuverkamanna í Pakistan og
Bretlandi. Póstinn fann hún í tölv-
um sem hún hafði lagt hald á.
Talsmaður Lundúnalögreglu
sagði í gær að hún væri „ekki tilbúin
til að svara spurningum“ um málið.
The Sunday Times sagðist hins
vegar hafa komist á snoðir um málið
þar sem talað hafi verið um það í
skjölum lögreglu sem það komst yf-
ir á síðasta ári. Segir þar að al-
Qaeda hafi ráðgert að koma fyrir
sprengju með gasefnum í þinghús-
inu og í neðanjarðarlestakerfi
Lundúna. En sem kunnugt er er
talið að al-Qaeda hafi a.m.k. fyllt þá
menn andagift, sem frömdu hryðju-
verk í London í síðasta mánuði.
Komið í veg fyrir árás á þinghúsið?
London. AFP, AP. | Sir Ian Blair, yf-
irmaður Lundúnalögreglunnar, segir
að liðið hafi sólarhringur áður en hon-
um var greint frá því að mikil mistök
hefðu verið gerð þegar maður var
skotinn til bana af lögreglunni í neð-
anjarðarlest í London 22. júlí.
Fjölskylda umrædds manns, Jean
Charles de Menezes, hefur farið fram
á afsögn Blairs lögreglustjóra en
hann sagði sama dag og Menezes var
skotinn til bana af lögreglumönnum í
Stockwell-neðanjarðarlestarstöðinni
að málið „tengdist beint“ misheppn-
uðum hryðjuverkatilraunum í borg-
inni daginn áður.
Síðar kom á daginn að Menezes
hafði engin tengsl við hryðjuverkatil-
raunirnar og nýverið var lekið til fjöl-
miðla upplýsingum sem benda til að
lögreglan hefði allt frá upphafi greint
rangt frá atvikinu. Mun maðurinn alls
ekki hafa reynt að forðast lögregluna,
eins og gefið var í skyn á sínum tíma,
og hafði í raun verið handtekinn er
hann var skotinn átta sinnum.
Menezes ekki hættulegur
Sagt er frá því í The Observer í gær
að lögreglumenn sem eltu Menezes
frá heimili hans í Stockwell-lesarstöð-
ina 22. júlí hafi alls ekkert talið að
hann væri vopnaður eða hefði í und-
irbúningi að sprengja sprengju í einni
neðanjarðarlestanna. Þeir höfðu þó
áhuga á að handtaka Brasilíumann-
inn, sem var 27 ára og hafði búið í
Bretlandi í nokkur ár, en var fyrir-
skipað að láta vopnuðum lögreglu-
mönnum eftir að fylgja Menezes; en
það voru einmitt þeir sem síðan skutu
hann til bana eftir að hann var kom-
inn inn í lest við Stockwell.
Þá segir The Sunday Mirror að lög-
reglumaðurinn sem hljóp að Menezes
í lestinni, felldi hann og hélt föstum
hefði orðið fyrir miklu áfalli þegar
annar lögreglumaður tók sig til og
skaut Menezes til bana á meðan hann
hélt honum í gólfinu.
Mál þetta hefur valdið miklu upp-
námi. Sir Ian Blair segir í samtali við
News of the World í gær að það hafi
verið fyrst að morgni 23. júlí sem hon-
um var tjáð að ægileg mistök kynnu
að hafa verið gerð, Menezes hefði
engin tengsl haft við hryðjuverk.
Hann harðneitar hins vegar að segja
af sér og segir það rangt, að lögreglan
hafi reynt að koma í veg fyrir opin-
bera rannsókn á dauða Menezes.
Vissi ekki
um mistökin
fyrr en dag-
inn eftir
Tókýó. AFP, AP. | Japönsk stjórnvöld
eru sögð hafa gefið upp á bátinn í bili
baráttu sína fyrir því að hljóta fast
sæti í öryggisráði Sameinuðu þjóð-
anna. Segir frá því í japönsku dag-
blaði í gær að undirtektir hafi einfald-
lega ekki verið nógu góðar.
Japan er eitt G4-ríkjanna svoköll-
uðu, sem barist hafa fyrir því að fá
samþykkta stækkun á öryggisráðinu
á hátíðarfundi sem haldinn verður í
New York í september í tilefni sextíu
ára afmælis SÞ. Hafa ríkin fjögur –
Japan, Brasilía, Þýskaland og Ind-
land – viljað að þau fengju öll fast sæti
í ráðinu, sem og tveir fulltrúar Afríku.
Enn fremur yrði kjörnum fulltrúum
ráðsins fjölgað um sex.
En G4-ríkin þurfa stuðning 128
ríkja í allsherjarþinginu, tveggja
þriðju allra 191 aðildarríkjanna, og í
frétt blaðsins Sankei Shimbun í gær
segir að aðeins hafi tekist að tryggja
stuðning 90 ríkja við tillögu G4.
Voru það G4-ríkjunum mikil von-
brigði nýverið þegar Afríkusamband-
ið ákvað að fylkja ekki liði með þeim,
heldur halda fast við þá kröfu sína að
tvö Afríkuríki fái fast sæti í ráðinu og
hafi þar sama rétt og fastaríkin fimm,
sem fyrir eru; þ.e. hafi neitunarvald.
Þá kröfu höfðu G4-ríkin gefið upp á
bátinn í því skyni að auka líkurnar á
því að tillaga þeirra fengist samþykkt.
Blaðið Sankei Shimbun getur ekki
heimilda sinna fyrir fréttinni og Asso-
ciated Press hafði eftir embættis-
mönnum úr forsætisráðuneytinu jap-
anska í gær að þar á bæ könnuðust
menn ekkert við að ákvörðun hefði
verið tekin í þessum efnum.
Gefa upp á
bátinn bar-
áttuna fyrir
föstu sæti