Morgunblaðið - 02.09.2005, Blaðsíða 33
MORGUNBLAÐIÐ FÖSTUDAGUR 2. SEPTEMBER 2005 33
UMRÆÐAN
ATHUGASEMDIR nefndar um
afnám kynþáttamisréttis til ís-
lenskra stjórnvalda birtust nú um
daginn, eftir að sérfræðingar SÞ
fjölluðu um skýrslu íslenskra
stjórnvalda og viðbótarskýrslu frá
Mannréttinda-
skrifstofu Íslands
(MRSÍ) um framfylgd
alþjóðasamnings um
afnám alls kyn-
þáttamisréttis.
Þótt nefndin telji
margt vel gert í mál-
efnum útlendinga og
fólks af erlendum upp-
runa þá bendir hún á
ýmis atriði sem betur
mega fara. Meðal til-
mæla nefndarinnar er
að stjórnvöld setji
heildarlög til að vinna
gegn kynþáttamisrétti, bæti af-
greiðslu hælisumsókna og áfrýj-
unarferli og endurskoði hina svo-
kölluðu ,,24 ára reglu“
útlendingalaga.
Ábendingar nefndarinnar merkja
ekki endilega að Íslendingar standi
sig verr en aðrar þjóðir í mannrétt-
indamálum heldur er þeim ætlað að
aðstoða stjórnvöld við að tryggja
enn betur þau mannréttindi sem
sett eru fram í alþjóðasamningnum.
Því munu allir sem vinna að fram-
gangi mannréttinda fagna tilmælum
nefndarinnar.
Hér vil ég beina sjónum að til-
komu athugasemdanna frekar en ít-
arlegu innihaldi þeirra. Álit nefndar
SÞ er nefnilega áþreifanlegur
árangur ákveðinnar faglegrar starf-
semi sem tilefni er til að vekja at-
hygli á. Athugasemd-
irnar byggja á ýmsu
starfi ríkisins og
skýrslu yfirvalda,
þekkingu sérfræðinga
SÞ og dómgreind
þeirra, og ekki síst
starfsemi frjálsra fé-
lagasamtaka, og þá
helst starfi MRSÍ.
Vinna allra þessara að-
ila sameinast í til-
mælum nefndarinnar
sem eiga að vera okk-
ur leiðarljós í öllu
mannréttindastarfi.
Virðing fyrir mannréttindum
kemur ekki af sjálfu sér. Markvisst
mannréttindastarf krefst þraut-
seigju og mikillar vinnu sem oft er
ekki mjög sýnileg. Að því leyti tel
ég vert að vekja athygli á framlagi
Mannréttindaskrifstofunnar til
fyrrgreinds nefndarálits, sem e.t.v.
er ekki öllum kunnugt. Með því að
senda nefndinni viðbótarskýrslu og
funda með sérfræðingum hennar
stuðlaði hún að því að nefndin fengi
heildstæða sýn á málaflokkinn.
Það að helstu áhyggjumál skrif-
stofunnar eru tekin upp í nefnd-
arálit sjálfstæðrar, ópólitískrar sér-
fræðinganefndar SÞ endurspeglar
það góða starf sem skrifstofan vinn-
ur. Engu að síður er það staðreynd
að stjórnvöld hættu skyndilega
stuðningi við skrifstofuna án við-
unandi skýringa og er það mörgum
okkar óskiljanleg ákvörðun.
Í athugasemdum nefndarinnar er
heitið á stjórnvöld að halda áfram
stuðningi við MRSÍ. Á fundi nefnd-
arinnar kom fram að íslensk stjórn-
völd telja samstarf yfirvalda og fé-
lagasamtaka á sviði mannréttinda
afar mikilvægt og að framlag
Mannréttindaskrifstofunnar hafi
dýpkað og styrkt umræðuna. Því
vænti ég þess að stjórnvöld fari að
athugasemdum nefndarinnar hvað
varðar fjárveitingar til MRSÍ.
Þeir sem virða skoðanir annarra
og eru tilbúnir að taka þátt í lýð-
ræðislegri umræðu munu virða álit
nefndarinnar. Dómsmálaráðherra
hefur þegar sagst taka at-
hugasemdirnar til skoðunar og
vænti ég því jákvæðra viðbragða yf-
irvalda sem miða að því að efla
starf Mannréttindaskrifstofu Ís-
lands og styrkja stöðu útlendinga
og fólks af erlendum uppruna á öll-
um sviðum mannlífsins.
Álit SÞ á
mannréttinda-
málum á Íslandi
Toshiki Toma fjallar
um mannréttindastefnu SÞ
’Þeir sem virða skoð-anir annarra og eru til-
búnir að taka þátt í
lýðræðislegri umræðu
munu virða álit
nefndarinnar.‘
Toshiki Toma
Höfundur er prestur innflytjenda.
BRÉF TIL BLAÐSINS
Morgunblaðið Kringlunni 1 103 Reykjavík Bréf til blaðsins | mbl.is
Í LJÓSI þeirrar umræðu sem
myndast hefur um viðhorf Íslend-
inga til múslima vil ég leggja lóð mín
á vogaskálarnar. Ég rek Jógamið-
stöðina ehf. í Ármúla. Á sömu hæð
og í næsta inngangi við mig má finna
Félag múslima á Íslandi. Í tæp fjög-
ur ár hef ég átt mjög góða sambúð
við nágranna mína og mætt vinsam-
legra viðmóti frá þeim en ég á að
venjast. Samskiptin hafa kannski
ekki verið mikil en mjög góð. Í stutt-
an tíma í byrjun veru minnar í Ár-
múlanum var samtengt rafmagn í
þessum tveimur rýmum og var mér
veittur fullur aðgangur að töflunni
sem var staðsettur í þeirra rými. Á
þriggja ára afmæli jógastöðvarinnar
fyrir tæpu ári buðu þeir mér að fá
lánuð borð, að fyrra bragði, sem ég
þáði með þökkum. Múslimarnir hafa
sýnt gestum mínum kurteisi og ég
hef aldrei þurft
að hafa afskipti af
þeim vegna há-
vaða eða slæmrar
umgengni. Ég
veit að þessi
þægilega sambúð
hefur slegið veru-
lega á mína eigin
fordóma á þess-
um erfiðu tímum
þegar neikvæð ímynd er dregin upp
af herskáum múslimum í nánast
hverjum einasta fréttatíma. Islam
þýðir friður á arabísku og þeir músl-
imar sem sækja félagið hér á landi
virðast lifa í samræmi við það þrátt
fyrir slæmt umtal. Ég hvet alla Ís-
lendinga til að kynna sér trúar-
brögðin fordómalaust og læra að lifa
í sátt og samlyndi við þennan stækk-
andi þjóðfélagshóp hér á landi.
GUÐJÓN BERGMANN,
Blönduhlíð 4, 105 Reykjavík.
Góð sambúð
við múslima
Frá Guðjóni Bergmann,
jógakennara og rithöfundi:
Guðjón Bergman
Fáðu úrslitin
send í símann þinn