Morgunblaðið - 02.09.2005, Blaðsíða 51

MORGUNBLAÐIÐ FÖSTUDAGUR 2. SEPTEMBER 2005 51
DAGBÓK
Staðurogstund
http://www.mbl.is/sos
Félagsstarf
Aflagrandi 40 | Bingó alla föstu-
daga kl. 14. Endurvekjum sönggleð-
ina, syngjum saman við undirleik
Arngerðar kl. 15.30 eftir bingó. Bað-
stofan er opin frá kl. 9–13 í dag.
Sparikaffi kl. 15. Allir velkomnir.
Árskógar 4 | Bað kl. 8–14. Smíði/
útskurður kl. 13–16.30. Púttvöllur kl.
10–16.
Bólstaðarhlíð 43 | Kl. 9–16 almenn
handavinna, böðun, fótaaðgerð,
frjálst að spila í sal. Stöðin er opin
frá 8.30–16.30.
Félag eldri borgara í Kópavogi | Fé-
lagsvist verður spiluð í kvöld í Gjá-
bakka kl. 20.30.
Félag eldri borgara í Kópavogi |
Brids i Gjábakka í dag kl. 13.15.
Félag eldri borgara, Reykjavík | Al-
pastemning á Broadway. Tónlist-
arskemmtun með þekktum lista-
mönnum frá Alpalöndunum
Þýskalandi, Austurríki og Sviss,
verður haldin 5. sept. á Broadway. Á
skemmtuninni munu verða ísl. tón-
listaratriði, m.a. Ásta Begga og Gísli
frá Hestheimum. Uppl. og miðasala í
síma 588 2111.
Félagsmiðstöðin Gullsmára 13 |
Kynning verður mið. 7. sept. á vetr-
arstarfseminni frá sept. til des.
2005. Á kynningunni mun FEBK
kynna fyrirhugaða starfsemi og hóp-
astarfið verður kynnt og starfsemi á
vegum Félagsstarfs aldraða í Kópa-
vogi. Fólk er hvatt til að koma og
kynnast félagslífinu í Kópavogi. Allir
velkomnir.
Félagsstarf aldraðra, Garðabæ |
Slökunarjóga og teygjur kl. 10.30 og
11.30. Badminton kl. 13.10 í Mýri.
Garðaberg opið kl. 12.30–16.30.
Félagsstarf Gerðubergs | Kl. 9–
16.30 vinnustofur opnar, m.a. fjöl-
breytt föndurgerð, umsjón Helga Vil-
mundardóttir. Kl. 10.30 létt ganga
um Elliðaárdalinn. Frá hádegi spila-
salur opinn. Kl. 14.45 kóræfing hjá
Gerðubergskór, stjórnandi Kári Frið-
riksson, nýir félagar velkomnir. Uppl.
á staðnum og í síma 575 7720 –
www gerduberg .is.
Furugerði 1 | Mánudaginn 5. sept.
byrjar bókbandið, laus pláss.
Hraunbær 105 | Námskeið í mynd-
list, útskurði, glerskurði, perlusaum,
kortagerð og skrautskrift eru að fara
að byrja nú í sept. Skráning og nán-
ari uppl. í síma 587 2888. Vinnu-
stofan opnar 5. sept. Einnig er í boði
leikfimi, boccía, félagsvist og bingó.
Hraunsel | Moggi, rabb og kaffi kl. 9.
Brids kl. 13. Pútt á Hrafnistuvelli kl.
14–16.
Hvassaleiti 56–58 | Böðun virka
daga fyrir hádegi. Hádegisverður.
Dagblöðin liggja frammi. Fótaað-
gerðir 588 2320. Hársnyrting
517 3005.
Hæðargarður 31 | Hauststarfið er
hafið. Komið við, staðfestið skrán-
ingu og ræðið við leiðbeinendur. Fé-
lagsmiðstöðin er opin frá kl. 9 til 16.
Fastir liðir eins og venjulega. Hausti
fagnað í Salnum með hátíðarbrag
föst. 9. sept. kl. 14. Spennandi nám-
skeið á döfinni. Sími 568 3132.
Vesturgata 7 | Kl. 9–16 hárgreiðsla
og fótaaðgerðir. Kl. 9.15–14.30 hann-
yrðir. Kl. 11.45 hádegisverður. Kl.
13.30 sungið við flygilinn við undir-
leik Sigurgeirs. Kl. 14.30–16.00 dans-
að við lagaval Sigvalda. Döðluterta
með kaffinu. Allir velkomnir.
Kirkjustarf
Hvítasunnukirkjan Fíladelfía |
Kirkja unga fólksins. Samkoma kl.
20. Bænastund kl. 19.30 fyrir sam-
komu. Allir velkomnir. www.filo.is.
SÝNING á teikningum Halldórs
Péturssonar úr bókinni Helgi skoðar
heiminn stendur yfir þessa dagana í
Galleríi Fold á Rauðarárstíg.
Halldór Pétursson var fæddur í
Reykjavík árið 1916. Ungur byrjaði
hann að teikna og varð snemma
landsþekktur fyrir teikningar sínar.
Eftir að hann kom úr framhalds-
námi sínu fékkst hann aðallega við
myndskreytingar og skopteikningar
og er óumdeilanlegur frumkvöðull á
því sviði.
Árið 1976 kom bókin Helgi skoðar
heiminn fyrst út. Bókin varð þannig
til að Halldór teiknaði myndirnar en
Njörður P. Njarðvík skrifaði sögu
við þær.
Teikningar Halldórs eru skop-
myndir sem sýna Helga litla kanna
veröldina. Boðskapur sögunnar er
að heimurinn sé fullur af lífi. Mann-
eskjurnar eiga veröldina ekki einar.
Dýr og vættir náttúrunnar eiga
sama rétt og við og okkur ber að
sýna tillitssemi og vináttu.
Á þessum tíma voru íslenskar
barnabækur sjaldnast litprentaðar
enda var slík prentun kostnaðarsöm
og framleiðsla á lítinn markað ekki
talin borga sig. Þær litprentuðu
bækur sem íslensk börn höfðu að-
gang að voru þýðingar og birtu er-
lendan veruleika.
Þær íslensku bækur sem á eftir
fylgdu bera með sér svip þess Ís-
lands sem Halldór dró upp með
myndum sínum.
Halldór lést í Reykjavík 16. mars
1977.
Sýningunni í Galleríi Fold lýkur á
sunnudag.
Sýning á teikningum
Halldórs Péturssonar
FÁTT var frumlegt við efnisskrána
á tónleikum Öldu Ingibergsdóttur
sópran í Listasafni Sigurjóns á
þriðjudagskvöldið. Að vísu heyrir
maður ekki oft annað eftir Puccini
en óperutónlist, og því hefur örugg-
lega mörgum þótt forvitnilegt að
hlýða á þrjú lítil lög eftir tónskáldið.
Því miður eru þetta fábrotin, rislítil
verk og túlkun Öldu og meðleik-
arans, Ólafs Vignis Albertssonar,
var ekki það blæbrigðarík, hvað þá
skáldleg, að það næði að ljá þeim
vængi.
Meira var varið í þrjú lög eftir
samlanda Puccinis, Verdi, og var
söngur Öldu þar talsvert tilþrifamik-
ill. Að vísu var hún ögn nefmælt og
sterkir tónar á efsta sviðinu voru dá-
lítið hvassir, en innlifunin virtist
a.m.k. fölskvalaus. Sömu sögu er
ekki að segja um Ólaf Vigni; þrátt
fyrir að spila af nákvæmni á píanóið
var leikur hans litlaus og hljómaði
eins og hann hefði engan áhuga á því
sem hann var að gera. Þegar drama-
tísk músík eftir blóðheitt ítalskt tón-
skáld er á matseðlinum … ja, þá vill
maður helst finna sterkt bragð, jafn-
vel blóðbragð. Satt best að segja leið
mér eins og ég hefði pantað vel
kryddað spaghetti bolognese á fín-
um matsölustað en fengið í staðinn
brauðstangir og gúrkusalat, sem var
óneitanlega vonbrigði.
Auk tónlistarinnar eftir Puccini og
Verdi voru íslensk lög á dagskránni
sem oft eru flutt og voru þau eftir
Sigfús Halldórsson og Jón Ásgeirs-
son, en einnig söng Alda lög eftir
Sveinbjörn Sveinbjörnsson og Jó-
hann Ó. Halldórsson. Túlkun hennar
var í það heila ágætlega ígrunduð og
sannfærandi, en þeir tæknilegu ann-
markar sem fyrr voru nefndir háðu
henni þó að einhverju leyti. Hún
sótti samt í sig veðrið eftir því sem á
leið og aría Mímí úr La Boheme eftir
Puccini í lokin var yfirleitt prýðilega
sungin, en hefði samt hljómað ennþá
betur ef píanóleikurinn hefði verið
skýrari og líflegri.
Meira krydd, takk
TÓNLIST
Listasafn Sigurjóns Ólafssonar
Alda Ingibergsdóttir og Ólafur Vignir Al-
bertsson fluttu lög og aríur eftir Puccini
(Sole e amore, Terra e mare og E L’uccel-
ino), Verdi (Stornello, La Zingara og Lo
spazzacamino), Sveinbjörn Sveinbjörns-
son (Álfarnir, Til næturinnar), Jóhann Ó.
Haraldsson (Bara syngja og lifa), Jón Ás-
geirsson (Vorvísa, Hjá lygnri móðu, Vor
hinsti dagur) og Sigfús Halldórsson
(Dagný, Vorsól, Lítill fugl). Þriðjudagur
30. ágúst.
Söngtónleikar
Jónas Sen
Alda Ingibergsdóttir söngkona.
NIÐJAR tveggja ástsælla íslenskra söngvara,
þeirra Sigurveigar Hjaltested og Stefáns Ís-
landi, ætla að koma saman á sex tónleikum á
næstunni til að heiðra minningu þeirra. Þetta
eru þau Ingibjörg Aldís Ólafsdóttir sópr-
ansöngkona, sonardóttir Sigurveigar, og Stef-
án Helgi Stefánsson tenórsöngvari, en Stefán
Íslandi var langafi hans í beinan karllegg.
Íslenskar söngperlur og óperutónlist
Fyrstu tónleikarnir verða haldnir í Ými á
sunnudag kl. 17 og verða þar flutt hefðbundin
íslensk einsöngslög og dúettar fyrir hlé, en óp-
erutónlist eftir hlé. Söngvurunum til fulltingis
eru Ólafur Vignir Albertsson píanóleikari og
Ólafur Beinteinn Ólafsson, sonur Sigurveigar
Hjaltested og Ólafs Beinteinssonar, en það var
hann sem átti hugmyndina að þessum tón-
leikum dóttur sinnar og Stefáns.
„Hann spilar og kynnir og er eins konar
sögumaður á tónleikunum. Hugmyndin að
þeim er í raun komin frá honum,“ útskýrir
Ingibjörg Aldís. „Honum fannst snjallt að
minnast og heiðra Sigurveigu og Stefán og
gefa um leið ungum söngvurum tækifæri til að
koma sér á framfæri og kynna sig. Hann hlaut
styrk til verkefnisins úr Minningarsjóði Mar-
grétar Björgólfsdóttur og við vorum að sjálf-
sögðu reiðubúin að vera með.“
Á tónleikunum verður flutt tónlist sem Stef-
án og Sigurveig gerðu garðinn frægan með á
sínum tíma, í bland við tónlist sem þau Ingi-
björg Aldís og Stefán Helgi hafa dálæti á.
„Þarna verða flutt lög á borð við Gígjuna eftir
Sigfús Einarsson og Til skýsins eftir Emil
Thoroddsen. Af óperutónlistinni syngjum við
mikið úr La Traviata – dúettana þaðan frá a til
ö. Síðan verður dúett og aría úr Ástardrykkn-
um, svo dæmi séu tekin,“ segja þau og bæta
við að rómantík og lýrík einkenni efnisskrána.
„Það er mikið af ástum alls staðar.“
Það gerðist þó aldrei, svo söngvararnir viti
til, að Sigurveig og Stefán hafi sungið saman,
enda var kynslóðarbil á milli þeirra. „Enda er-
um við ekkert að reyna að stæla þau, heldur
syngjum bara eins og við syngjum. En við vilj-
um reyna að endurvekja þessa stemningu frá
þessum tíma.“
Ferðast um landið og syngja
Ingibjörg og Stefán hyggja svo á ferðalag
um landið, þar sem efnisskráin verður með
svipuðu sniði. Fyrst verður förinni heitið til
Selfoss þann 10. september, en þaðan halda
þau norður á Akureyri og á Sauðárkrók og
halda þar tónleika 17. og 18. september. Í lok
október verður síðan haldið á Ísafjörð og Eg-
ilsstaði. „Það var mun algengara hér áður fyrr
að menn og konur færu um landið og syngju.
Við ætlum að láta reyna á það; taka góðan rúnt
og leyfa fólki að njóta,“ segir Stefán Helgi.
Stefán Íslandi lést í hárri elli árið 1994, en
Sigurveig, sem er 82 ára gömul í dag, hefur
boðað komu sína á tónleikana. „Hún verður
heiðursgestur á tónleikunum okkar,“ segir
Ingibjörg og bætir við að amma hennar hafi
haft mikil áhrif á hana í þá átt að hefja söng-
nám. Stefán hafði nýhafið söngnám þegar
langafi hans lést, en segir hann hafa glaðst yfir
ákvörðun hans.
Þau Stefán segja marga, sérstaklega eldra
fólk, hafa gaman af þessari tengingu þeirra við
hina raddprúðu forfeður þeirra, þó raddir
þeirra séu langt frá því að vera eins. „Ég reyni
að bera mig ekki saman við ömmu, heldur
fyrst og fremst hvort ég sé sjálf ánægð með
hvernig ég syng. Þau voru stjörnur síns tíma
og því er erfitt að bera sig saman við þau,“ seg-
ir Ingibjörg og Stefán tekur í sama streng.
„Langafi minn var svo góður söngvari og
frægur, að þó ég rembdist eins og rjúpan við
staurinn kæmist ég aldrei nálægt því að verða
eins og hann. En það er alltaf gaman þegar
fólk heyrir einhvern tón sem því finnst minna á
hann.“
Tónlist | Tónleikar til heiðurs hinum ástsælu söngvurum Sigurveigu Hjaltested og Stefáni Íslandi
Endurvekja stemningu fyrri tíma
Morgunblaðið/Jim Smart
Ingibjörg Aldís Ólafsdóttir, Ólafur Beinteinn Ólafsson og Stefán Helgi Stefánsson ætla að
minnast forfeðra sinna, söngvaranna Sigurveigar Hjaltested og Stefáns Íslandi, á tónleikum.
Eftir Ingu Maríu Leifsdóttur
ingamaria@mbl.is