Morgunblaðið - 27.09.2005, Blaðsíða 16

16 ÞRIÐJUDAGUR 27. SEPTEMBER 2005 MORGUNBLAÐIÐ
MINNSTAÐUR
AKUREYRI
LANDIÐ
Vestmannaeyjar | Sigríður Anna
Þórðardóttir umhverfisráðherra tel-
ur ekki tímabært að opna Surtsey
fyrir ferðamönnum. Þetta kom fram
á ráðstefnu um málefni Surtseyjar í
Vestmannaeyjum en þessi yngsta
eyja við Ísland hefur verið vís-
indamönnum hugleikin og hafa þeir
fylgst grannt með þróun mála á eyj-
unni. Uppi hafa verið hugmyndir
um að opna eyjuna fyrir ferðamenn
og eins um stofnun Surtseyjarstofu.
Bergur Elías Ágústsson bæj-
arstjóri í Vestmannaeyjum flutti er-
indi um Surtseyjarstofu sem stað-
sett yrði í Eyjum. Spurði hann án
þess að taka afstöðu til spurning-
arinnar um að opna eyjuna fyrir
ferðamönnum hvort náttúruvernd,
vísindastörf og ferðamennska gæti
ekki farið saman. Taldi hann svo
vera og sagði að bæjaryfirvöld í
Eyjum væru mjög spennt fyrir hug-
myndum um Surtseyjarstofu. Sig-
ríður Anna Þórðardóttir umhverf-
isráðherra var viðstödd ráðstefnuna
og sagði hún að sér litist vel á hug-
myndir um Surtseyjarstofu í Vest-
mannaeyjum.
„Mér finnst það mjög mikilvægt
að það sé tengt saman við þá starf-
semi sem fyrir er í Vestmanna-
eyjum. Bæði Náttúrustofu, Fiska-
og náttúrugripasafni Vest-
mannaeyja og Byggðasafninu. Ég
sé fyrir mér að þetta geti stutt
hvort annað.“
Sigríður Anna bætti við að í Eyj-
um væri umræða um byggingu
menningarhúss og sér hún það
einnig koma inn í þetta mál. „Það er
ekki fráleitt að það geti tengst
þessu á einhvern hátt og ég er
reiðubúin til að leggjast á árar með
Eyjamönnum í þessu máli.“
Hún telur ekki tímabært að opna
Surtsey fyrir ferðamönnum. „Það er
margt sem skiptir þar máli. Rann-
sóknarhagsmunir vega þar mjög
þungt og vísindamennirnir allir hér
í dag hafa lagt mikla áherslu á
verndun eyjanna. Eins er mjög erf-
itt aðgengi að Surtsey.“
Sigríður Anna telur að hægt sé að
nýta sér Surtsey á mun markvissari
hátt gagnvart ferðamannaþjónust-
unni. „Ég sé það fyrir mér að það
verði árangursríkara fyrir Vest-
mannaeyjar að nýta Surtseyjarstofu
í þeim tilgangi. Það kæmi til við-
bótar því sem fyrir er á Heimaey.
Það væri hægt að skapa skilyrði
fyrir siglingar í kringum eyjuna,
vera með fræðsluerindi og annað
sem hægt er að láta fara fram í
Surtseyjarstofu. Það má vera að
það komi að því einn góðan veð-
urdag að menn telji það óhætt, þá
er alveg ljóst að það þarf að útbúa
einhverja aðstöðu en ég tel það ekki
tímabært í dag.“
Sigríður Anna Þórðardóttir umhverfisráðherra á fundi í Vestmannaeyjum
Surtseyjarstofa
og menningar-
hús gætu tengst
Ljósmynd/Sturla Friðriksson
Úr Surtsey Ráðherra telur ekki tímabært að opna Surtsey ferðamönnum.
Námskeið | Mun illum ætíð illa
ljúka er heiti á námskeiði sem efnt
verður til nú í haust á vegum Símey.
Þar verður farið í gegnum grundvall-
arkenningar í siðfræði og hugmyndir
manna um rétt og rangt. Útstkýrður
verður munurinn á afstæðis- og al-
gildishyggju um siðferði og munurinn
á lögmálskenningum og leiks-
lokakenningum í siðfræði.
Spurningar sem bera mun á góma
verða m.a.: Hvað er rétt og hvað er
rangt? Er rétt alltaf rétt óháð að-
stæðum? Er það sem er ólöglegt allt-
af rangt og er það sem er löglegt allt-
af rétt? Borgar sig alltaf að vera
réttlátur? Hvað er dyggð og hvað er
löstur? Hvað er gott líf?
Markmiðið er að þátttakendur
kynnist kenningum og hugmyndum í
siðfræði sem þeir geta notað til að
þroska og þróa þær hugmyndir sem
þeir sjálfir hafa. Kennari er Þórgnýr
Dýrfjörð, heimspekingur og menn-
ingarfulltrúi á Akureyri, en hann hef-
ur verið fyrirlesari um heimspekileg
málefni um tíu ára skeið og haldið
námskeið um siðfræði og samskipti.
Námskeiðið hefst 4. október næst-
komandi og er alls í fjögur skipti.
  
Eitt tilboð í sambýli | Aðeins eitt
tilboð barst í framkvæmdir við ný-
byggingu sambýlis við Geislatún 1
og var það yfir kostnaðaráætlun. Til-
boðið átti Völvusteinn ehf. á Ak-
ureyri og hljóðaði það upp á 110,4
milljónir króna. Kostnaðaráætlun
Framkvæmdasýslu ríkisins var
rúmar 104,2 milljónir króna, eða um
5% undir tilboði Völvusteins. Um er
að ræða um 420 fermetra hús á einni
hæð með 5 íbúðareiningum ásamt
sameiginlegum stofum og þjón-
usturýmum. Í byggingunni er tekið
tillit til ýtrustu sjónarmiða um ferli-
mál. Skila á húsinu fullfrágengnu að
innan og utan og fullfrágenginni lóð
og skal verkinu að fullu lokið í byrj-
un september á næsta ári.
  
Fjármál heimilanna | Ingólfur H.
Ingólfsson er leiðbeinandi á nám-
skeiði sem efnt verður til á vegum
Símenntunar Eyjafjarðar laug-
ardaginn 15. október næstkomandi
frá kl. 10 til 14. Fjarkennt er frá
Framvegis, miðstöð símennta.
Helstu atriði sem verða kennd eru:
Hvernig greiða á niður skuldir fljótt
og örugglega, hvernig stýra á neysl-
unni til þess að hafa sem mest gam-
an af því að eyða peningunum,
hvernig hægt er að byggja upp
sparnað og eignir óháð tekjum og
skuldum og hvernig eyða megi hluta
af sparnaðinum í verðbréf án þess að
tapa öllum peningunum sínum.
Innifalið í gjaldi er bókin Þú átt
nóg af peningum – þú þarft bara að
finna þá.
ÞAÐ var líf og fjör í Lundarskóla í lið-
inni viku, en þá stóðu yfir þemadagar
þar sem m.a. var fjallað um umferðina
og umhverfið. „Þetta hefur verið af-
skaplega líflegt og skemmtilegt,“ sagði
Þórunn Bergsdóttir skólastjóri, en allt í
kring voru börn og ungmenni að störf-
um. Að hluta til átti að vera um útiskóla
að ræða og gekk það vel framan af, en
síðasta þemadaginn setti veðrið strik í
reikninginn þannig að flytja þurfti starf-
semina inn undir þak.
Nemendur voru fræddir um skipu-
lagningu Akureyrarbæjar, umhverf-
ismál bæjarins og um löggæsluna, en
unglingastigið vann sérstaklega að
verkefni sem hét: Bærinn okkar – um-
ferðin og umhverfið. Þar var margt
skoðað og skeggrætt, farartæki, gatna-
kerfið og slys svo eitthvað sé nefnt.
Markmiðið með þemadögunum er að
sögn skólastjóra að nemendur öðlist víð-
tækari þekkingu við að skipta um vinnu-
aðferðir, fara út af örkinni og leita upp-
lýsingar sem síðan var unnið með og
útbúið verkefni sem gestir og gangandi
fengu að njóta á lokadegi vikunnar.
Mikið er lagt upp úr sjálfstæðum vinnu-
brögðum og voru nemendur hvattir til
að leggja metnað sinn í hvert verk.
Samhliða verkefninu um umferðina
og umhverfið verður nú í vetur lögð sér-
stök áhersla á fjögur hugtök í starfsemi
skólans. Þau eru umburðarlyndi, virð-
ing, umhyggja og ábyrgð.
Líflegt í Lundarskóla
Áhugasöm Yngstu börnin voru áhugasöm í básnum þar sem voru mótorhjól og upplýsingar um akstur þeirra.
Morgunblaðið/Kristján
Þemadagar Nemendur tóku fyrir; bæinn okkar – umhverfið og umferð-
ina, á þemadögum skólans.
ÞORSTEINN Haraldsson,
trúnaðarmaður í Slippstöðinni
á Akureyri, sagði að starfs-
menn vissu ekkert hvað væri
að gerast í málefnum fyrirtæk-
isins. „Við bíðum eftir því hvað
gerist á næstu dögum en það
er óvissan sem fer verst í
mannskapinn,“ sagði Þor-
steinn. Hákon Hákonarson,
formaður Félags málmiðnaðar-
manna, sagðist heldur ekki
hafa neinar fréttir af stöðu
mála.
„Ég held að menn séu að
reyna að vinna sig út úr þess-
um erfiðleikum meðan á
greiðslustöðvuninni varir. Og
ég trúi því og treysti að menn
séu að nota þennan tíma af al-
vöru til að koma löppunum
undir fyrirtækið á ný og dragi
hvergi af sér við það verk,“
sagði Hákon.
Þungt í starfsmönnum
Þorsteinn sagði að andrúms-
loftið væri ekki gott og frekar
þungt í starfsmönnum. „Við
höfum ekkert fengið að vita frá
því fyrirtækið fór í greiðslu-
stöðvun, menn eru því mikið að
spá í spilin og hvert framhaldið
verður. Þetta er lifibrauð
manna og við hefðum því viljað
vera betur upplýstir um stöðu
mála,“ sagði Þorsteinn.
Starfsmenn Slippstöðvarinn-
ar eru í mörgum stéttarfélög-
um og ætla forsvarsmenn fé-
laganna að halda fund með
starfsmönnum fyrirtækisins í
dag, þar sem farið verður yfir
stöðuna. Eins og komið hefur
fram fékk Slippstöðin þriggja
vikna greiðslustöðvun nýlega,
eða til 4. október nk. Fyrir-
tækið hefur átt í miklum fjár-
hagserfiðleikum að undan-
förnu og þá ekki síst í
tengslum við verk sem fyrir-
tækið var að vinna á Kára-
hnjúkum. Ekki náðist í Hilmi
Hilmisson, stjórnarformann
Slippstöðvarinnar, í gær.
Vandi Slipp-
stöðvarinnar
Óvissan
fer verst
í mann-
skapinn