Morgunblaðið - 27.09.2005, Blaðsíða 17

MORGUNBLAÐIÐ ÞRIÐJUDAGUR 27. SEPTEMBER 2005 17
MINNSTAÐUR
„Fullyrðingar í merkingum matvæla“
Fyrirlestur hjá Umhverfisstofnun í dag,
þriðjudaginn 27. september, kl. 15-16
Aðgangur ókeypis.
Fyrirlesarar: Brynhildur Briem sérfræðingur á matvælasviði
Umhverfisstofnunar og Brynhildur Pétursdóttir
frá Neytendasamtökunum.
Fyrirlesturinn verður haldinn í húsnæði Umhverfisstofnunar
á Suðurlandsbraut 24, 5. hæð.
Upplýsingar á heimasíðu Umhverfisstofnunar www.ust.is
Selfoss | Bæjarstjórn Árborgar
bókaði á fundi sínum þann 14.
september, samhljóða, um þjóðveg
1 um Hellisheiði, frá Rauðavatni
að Þjórsá:
„Bæjarstjórn Árborgar hefur
lengi barist fyrir því að Suður-
landsvegur frá Rauðavatni að
Þjórsá verði byggður upp. Á þess-
um kafla annar Suðurlandsvegur
engan veginn þeirri umferð sem
um hann fer á álagstímum. Þessi
hluti hringvegarins er einn sá fjöl-
farnasti og víða hættulegur. Það
er því brýnt hagsmunamál fyrir
þjóðina að allar áætlanir um upp-
byggingu vegarins miðist við fjög-
urra akreina veg og nýja brú á
Ölfusá um Efri Laugardælaeyju,
en það brúarstæði hefur Vega-
gerðin lagt áherslu á um áratuga-
skeið.
Bæjarstjórn hefur undanfarin ár
beitt sér í þessu máli á fundum
með þingmönnum kjördæmisins,
fjárlaganefnd Alþingis og forsvars-
mönnum Vegagerðarinnar. Einnig
hafa Samtök sveitarfélaga á Suð-
urlandi og samtökin Vinir Hellis-
heiðar beitt sér af miklum krafti í
málinu. Öllum opinberum aðilum
er því fullljóst hvílíkt hagsmuna-
mál er hér um að tefla.
Fjármunir komi inn og
áfangar verði tímasettir
Í ljósi þessa lýsir bæjarstjórn
Árborgar furðu sinni á því að nú
þegar Ríkisstjórn Íslands ráðstaf-
ar milljörðum króna af söluand-
virði Símans til samgöngumála
skuli ekki ein króna koma til upp-
byggingar samgöngumannvirkja á
þessari leið.
Bæjarstjórn skorar á Ríkis-
stjórn Íslands að endurskoða
ákvörðun sína þessu máli í hag.
Ennfremur skorar bæjarstjórn á
þingmenn kjördæmisins að láta til
sín taka í þessu máli nú þegar end-
urskoðun vegaáætlunar stendur
yfir og tryggja að þar komi inn
fjármunir og tímasettir áfangar
verkefnisins.“
Vilja símapeninga
í Suðurlandsveg
AUSTURLAND
SVEITARSTJÓRN Þingeyjarsveitar samþykkti á fundi
sínum nýlega samhljóða bókun varðandi Reykjavík-
urflugvöll.
„Sveitarstjórn Þingeyjarsveitar telur að miðstöð fyrir
innanlandsflug verði að vera nálægt miðborg Reykjavíkur.
Um er að ræða eina mikilvægustu samgönguæðina milli
höfuðborgarinnar og landsbyggðarinnar og afar mikilvægt
að ferðatími og vegalengdir aukist ekki með hugsanlegri
færslu flugvallarins,“ segir í bókun sveitarstjórnar.
Flugvöllur nálægt miðborginni
Morgunblaðið/Þorkell
Hornafjörður | Sænska hljómsveit-
in Emil & the Ecstatics verða að-
algestir blúshátíðarinnar Norður-
ljósablús, sem haldin verður á
Hornafirði 2. til 4. mars 2006. Frá
þessu segir á vefnum skemmtifelag-
.is. Auk sænsku blúsaranna munu
margir helstu blústónlistarmenn
landsins koma fram á hátíðinni. Þar
skal fyrst nefna Halldór Bragason,
en hann vinnur að undirbúningi há-
tíðarinnar ásamt stjórn Hornfirska
skemmtifélagsins. Vinir Dóra munu
spila á Norðurljósablús en einnig
munu Blúsmenn Andreu, Guðmund-
ur Pétursson, KK og fleiri stíga á
stokk. Dagskrá hátíðarinnar er í
mótun en hún verður mjög metnað-
arfull og blúsinn verður allsráðandi á
Höfn í Hornafirði fyrstu helgina í
mars 2006.
Í vetur eru fyrirhuguð blúsnám-
skeið fyrir unga sem aldna tónlist-
armenn á Hornafirði og munu þeir
koma fram á hátíðinni. Einnig er
stefnt að því að kynna blústónlistina
í grunnskólunum á staðnum í
tengslum við Norðurljósablús.
Liðsmenn Emil & the Ecstatics
eru kornungir en tónlist þeirra á
djúpar rætur og blúsáhugamenn
þekkja áhrif frá BB King og fleiri
kunnum blúshetjum. Emil Arvids-
son, söngvari og gítarleikari, hefur
vakið athygli fyrir hráan og einlæg-
an söng og gítarleik. Að baki hans er
firnaþétt sveit með Johan Bendrik
hammondleikara fremstan í flokki.
Sveitina skipa einnig Hans Erikson
bassaleikari og Tom Steffensen
trommuleikari.
Stefnt er að því að Norðurljósa-
blús verði árviss viðburður og
áhersla verður lögð á að fá norræna
blústónlistarmenn til að leika á há-
tíðinni.
Sænskir blúsarar
til Hornafjarðar
Egilsstaðir | Opnaður hefur verið
nýr vefur um ferðaþjónustu á
Austurlandi á slóðinni www.east.is.
Á vefnum er að finna upplýsingar
um hvaðeina er lýtur að ferða-
mennsku á svæðinu, s.s. við-
burðaskrá, lýsingar á stöðum og
ljósmyndir, lista yfir þjónustuaðila
og gagnvirk kort. Þá er þar einnig
stutt kynningarmynd um nokkrar af
helstu perlum þessa stóra landshluta
sem nær frá Skaftafelli norður í
Bakkafjörð. Vefnum er ætlað að
miðla nýjustu og bestu upplýsingum
sem völ er á hverju sinni til inn-
lendra sem erlendra ferðalanga og
hann verður í stöðugri uppfærslu.
Ferðamálasamtök Austurlands
kostuðu vefinn og eiga hann en um-
sjón með gerð hans var í höndum
Markaðsstofu Austurlands. Fyr-
irtækið IGM sá um hönnun og upp-
setningu vefjarins sem er bæði á ís-
lensku og ensku.
Það var Jón Kristjánsson heil-
brigðisráðherra sem opnaði vefinn
formlega á aðalfundi Sambands
sveitarfélaga á Austurlandi sem
haldinn var á Reyðarfirði á dög-
unum.
Ljósmynd/Albert Kemp
Nýr ferðavefur
um Austurland
Borgarfjörður eystri | Farið er að
hægjast um á kaffihúsinu Álfakaffi í
Álfasteini á Borgarfirði eystra, þar
sem sumarumferðin er dottin niður
og mun færra um ferðafólk. Það er
ekki þar með sagt að rólegra verði í
fyrirtækinu, sem framleiðir varning
sinn allan ársins hring fyrir mark-
að. Ásamt því að reka verslun og
kaffihús framleiðir fyrirtækið gjafa-
vöru, minjagripi og legsteina úr ís-
lensku grjóti, ásamt því að reka
skiltagerð og hanna vörumerki.
Guðrún Sævarsdóttir, sem starf-
að hefur á kaffihúsinu og í versl-
uninni, segir búið að vera ágætt að
gera í Álfasteini í sumar. „Ég hef
unnið á nokkrum ferðamannastöð-
um, svo sem eins og við Geysi og
hef ekki áður séð jafnmikið af Ís-
lendingum og hér á einu sumri,“
segir Guðrún. „Það var mikið um
göngufólk, enda gönguleiðir við
allra hæfi og óskaplega fallegt
hérna á góðum degi. Svo var tölu-
vert um ættarmót í sumar og þá er
fljótt að telja.“ Hún segir misjafnt
fyrir hverju fólk falli af varningi
Álfasteins. Börnin séu hrifin af
litlum steinálfum og fullorðnir kaupi
gjarnan orkusteina, útlendingar
kaupi steinvíkinga en Íslending-
arnir steinálfa. Þá séu kertastjakar
og steinkúlur vinsæll varningur.
Ferðalangar með Norrænu kaupi
gjarnan stærri hluti, en þeir sem
ferðist með flugi geti það ekki því
steinninn sé auðvitað þungur. „Mað-
ur tekur virkilega eftir því þegar
fólk festist við einhvern ákveðinn
hlut og gengur í samband við stein-
inn. Ég hef lært ýmislegt um steina
í sumar af ferðafólkinu sem kemur
hingað, heyrt sögur og ýmsan fróð-
leik. Svo þrammar fólk hér um allt
og tínir grjót í árfarvegum og fjöll-
um.“
Guðrún segir kaffihúsið njóta vin-
sælda og fólk sé hrifið af hinu sér-
staka útliti þess. Ekki aðeins séu
það ferðamenn sem koma í kaffi-
sopa og snæðing, heldur einnig
heimamenn sem setjist niður um
stund og spái í lífið og tilveruna við
kaffiilm og undurljúfa klassíska tón-
list mitt í öllu grjótinu. Hún hefur
staðið vaktina frá 1. júní og kom þá
í fyrsta sinn til Borgarfjarðar. Hún
ætlar sér vetursetu í þorpinu og
segist svo muni sjá til með fram-
haldið. „Það leggst vel í mig að vera
á Borgarfirði í vetur, en ég kvíði þó
norðanáttinni dálítið, hún getur ver-
ið erfið.“
Guðrún Sævarsdóttir í Álfakaffi á Borgarfirði eystra segir
fólk stundum ganga í beint samband við grjót
Morgunblaðið/Steinunn Ásmundsdóttir
Borðað við steinhellu Súpa og brauð á Álfakaffi.
Kaffi úr
steini
Býr á Borgarfirði í vetur Guðrún
Sævarsdóttir leiðir menn í undra-
heima íslenskra steintegunda.