Mánudagsblaðið - 14.12.1981, Blaðsíða 7

Mánudagur 14. des. 1981 MÁNUDAGSBLAÐIÐ 7
SMABORGARI SKRIFAR:
Harðlínan
sigraði
frjálslyndið
Þá hefír Sjálfstæðisflokkur-
inn lagt nýjan stein í leiði
Reykjavíkur undir vinstri
s jórn. Og sá steinn er engin
smá steinvala heldur klappaður
legsteinn með nafni, dagsetn-
ingu og helgu krossmarki. Hvíl í
friði.
Þeir sem ennþá ólu veika von í
brjósti um frelsun höfuðborgarinn-
ar úr klóm kommúnista hafa loks
tapað trúnni fyrir fullt og fast. Og
láir þeim það enginn. Reykjavíkur
borg verður ekki drepin úr vinstri
Dróma eftir prófkjör Sjálfstæðis-
manna um síðustu helgi. Að
minnsta kosti ekki næstu áratugina,
jafnvel árhundruðin. Framundan er
greinileg vinstri stjórn eða sam-
bræðsla með vinstra ívafi. Prófkjör-
ið var öruggur sigur ílokksvélarinn-
ar yfir almennu sjálfstæðisfólki.
Oruggur sigur harðlínu yfir
frjálslyndi.
Taumhald
Á sínum tíma lokuðu vélamenn
flokksapparatsins prófkjöri fyrir
öðru en flokksbundnu fólki. Þar
með þrengdu þeir svo mjög að
reykvískri borgarastétt að sjálft kjör-
ið varð rétt hálfdrættingur á við fyrri
prófkjör til borgarstjórnar. En með
þessu mófi hafði flokksvélin mun
betra taumhald á kjósendum gat
auðveldlega stýrt sínu fólki fram til
kosninga fyrir Guðs útvöldu hjörð.
Til þess voru refirnir skornir í
upphafi.
Enda lét árangur þeirra ekki á sér
standa. Listi Sjálfstæðisflokksins
samkvæmt lokatölum prófkjörs
hlýtur að vekja fögnuð í Valhöll við
Háaleitisbraut og jörfagleði í sjálfri
Morgunblaðshöllinni. Aðrir Reyk-
víkingar og landsmenn hafa ekki
ástæðu til að gleðjast að svo komnu
máli utan kosningastjórnar vinstri
flokkanna. Þeir svífa um í
sigurvímu.
Gimsteinar
En þjóðskáldið á Bólu kvað í eina
tíð, þótt vendist hann heldur hinu:
Að Guð á margan gimstein þann,
sem glóir í mannsorpinu. Þennan
vott fundu Reykvíkingar í ótrúlegu
kjörfylgi Alberts Guðmundssonar í
krossaprófinu.
Þrátt fyrir að leikreglur væru
sniðnar að þörfum Davíðs Odds-
sonar og framkvæmd öll lögð í
hendur vélamönnum hans í flokks-
apparati þá tapaði Davíð þessum
leik. Þrátt fyrir að Albert Guð-
mundsson gengi handjárnaður til
leiks í hópi heftra stuðningsmanna
þá bar hann sigurorð af Davíð.
Mestu sigurbogar fólks verða
nefnilega aldrei reistir á einum
saman tölustöfum heldur fyrst og
fremst á styrk í siðferði. Það hlýtur
að verða endanlegt mat hlutlausra
vallargesta á lokatölum þessa ójafna
leiks með hliðsjón af aðbúnaði
keppenda.
Herkvl
En þar með eru líka upp talin
gleðiefni hins almenna borgara
„Því miður, Reykvíkingar, því miður. Farvel Reykjavík í næstu þúsund
ár.”
Reykjavíkur í Sjálfstæðisflokknum.
Talsmenn frjálslyndis og flokksholl-
ustu utan klíkubanda voru hraktir
út í yztu sæti prófkjörsins. Þeir náðu
hvergi að brjótast út úr herkvínni
sem flokksapparatið hélt þeim í með
yfirburðastöðu i skipulagðri smölun
á heimavelli. Þeir náðu heldur ekki
að bera af sér rógburðinn sem
rógmaskínur möluðu fullum hálsi í
eyru fórnarlamba. Umboðsmenn
harðlínuvalds og flokksræðis röð-
uðu sér á verðlaunapallinn í beinni
röð. Framboðslistinn er því miður
ekki líklegur til að draga út fyrir
þeirra raðir á kjördag fyrir bragðið.
Til þess skortir hann bæði breidd og
rætur og umfram allt reisn.
Þá er ljóst að Sjálfstæðisflokkur-
inn kemur úr prófkjörsleik með
enga beina niðurstöðu í vali á borg-
árstjóraefni. Hann kveikir ekkert
ljóst i því myrkri, vekur enga nýja
von, ekkert.
Tæknivilla
Davíð Oddsson kemur heim til
sín með aðeins sextíu og fimm
prósent styrk kjósenda úr prófkjöri.
Sá hlutur er ekki nægur þegar önnur
borgarstjóraefni hafa jafnan fengið
vel yfir áttatíu og næstum níutíu
prósent. Davíð Oddsson sýndi enga
burði yfir næstu tvo menn á lista
prófkjörsins sem skorið geta úr um
val á borgarstjóra. Önnur efni höfðu
jafnan gott forskot á helstu
képpinauta. Raunar beið Davið
lægri hlut ef ógild atkvæði eru talin
með sem viljayfirlýsingar þótt
tæknileg mistök kjósenda hafi rúið
þau gildi í talningu. Davið vann því
talnasigur sinn á tæknivillu en ekki
lýðhylli. Albert Guðmundsson má
því afar vel við una en Davíð
Oddsson ekki.
Farvel
Vinstri flokkar Reykjavikur geta
setið áfram í skjóli borgarmúranna
undir leiðsögn kommúnista. Fram-
boðslistr Sjálfstæðisflokksins hefur
ekki útlit fyrir að raska svefnfriði
þeirra næstu árin. Til þess skortir
hann breidd, rætur og reisn. Hann
er innanhússplagg sem dugir ekki
utan dyra. Því miður, Reykvíkingar,
því miður. Farvel Reykjavík í næstu
þúsund ár.
Ykkar einlægur Smáborgari.
ER ALDREIOF QOTT