Morgunblaðið - 07.10.2005, Blaðsíða 29
„KOSTIRNIR
eru fyrst og
fremst þeir að
það verður
ákveðinn sparn-
aður í stjórnsýsl-
unni sem, eins og
sameiningar-
nefndin hefur
sett fram, verður
nýttur til þess að
bæta þjón-
ustuna,“ segir Sigurður Viggósson,
formaður samstarfsnefndar um sam-
einingu í Vestur-Barðastrandar-
sýslu. Hann segir það ekki vera síður
sameiningarkost að sveitarfélögin
liggi þétt og að auki sé ávallt betra
þegar sveitarfélög standi saman.
Sigurður bendir á að sama sé uppi
á teningnum og fyrir 11 árum þegar
Tálknfirðingar höfnuðu hugmyndum
um sameiningu þegar Bíldudalur,
Patreksfjörður, Barðaströnd og
Rauðisandur sameinuðust í Vestur-
byggð. Sömu rök eigi við þá og nú,
þ.e. að Tálknfirðingar séu fjárhags-
lega sterkari. „Að sjálfsögðu eru
þetta góð rök en við höfum bent á það
að það er fyrst og fremst framtíðin
sem skiptir máli og að náist full sam-
staða meðal íbúanna í eina sveit,“
segir Sigurður og bendir á að fjár-
hags- og rekstrarstaða Vesturbyggð-
ar hafi styrkst á undanförnum árum
eftir erfið upphafsár.
Aðspurður segir hann einn sam-
eiginlegan fund hafa verið haldinn
fyrir svæðið. „Það er almennt séð lítil
umræða um sameiningarmálin nema
þá helst í Tálknafirði þar sem eru
áberandi neikvæðar raddir,“ segir
Sigurður. Hann bendir á að hann
skilji þá umræðu sem eigi sér stað í
Vesturbyggð á þann veg að menn eigi
að sameinast þar sem sveitarfélögin
liggi svo nálægt hvort öðru. Fátt sé í
raun neikvætt fyrir íbúa Vestur-
byggðar hvað sameiningu varðar.
Hann segir samstarfsnefndina
hafa verið mjög samstiga í sinni
vinnu í sumar. Menn hafi ekki viljað
vera með neinn harðan áróður enda
þekki menn vel til mála í svo litlum
sveitarfélögum og fátt sem komi á
óvart.
„Það er frekar lítill áhugi fyrir
þessu almennt í umræðunni. En ég
vona að menn mæti á kjörstað fyrst
og fremst því að það er ekki oft sem
menn fá að kjósa um framtíð sína.“
Vesturbyggð og Tálknafjarðarhreppur sameinist
Sigurður
Viggósson 0* .
> * $
$
/*.
'22
%
% ' ! "##$
)%%
6
! $
2 865=
/ 5
Sameiningu fylgir
sparnaður sem nýtist
til að bæta þjónustu
Eftir Jón Pétur Jónsson
jonpetur@mbl.is
MORGUNBLAÐIÐ FÖSTUDAGUR 7. OKTÓBER 2005 29
KOSIÐ UM SAMEININGU
Lokasprettur
tveggja ára verk-
efnis um samein-
ingu sveitarfé-
laga fer fram á
morgun þegar
fjölmargir íbúar
víðs vegar um
land ganga til
kosninga.
Í desember ár-
ið 2003 var sett
saman sameiningarnefnd sem fékk
það hlutverk að vinna að sameining-
artillögum, þær voru sendar til um-
sagnar hjá sveitarfélögum um allt
land og á morgun verður kosið um
þær tillögur sem nú liggja fyrir.
Ragnhildur Arnljótsdóttir, ráðu-
neytisstjóri í félagsmálaráðuneytinu
og fulltrúi í sameiningarnefnd, segir
undirbúninginn hafa verið áhuga-
verðan og góða æfingu í lýðræði.
Umtalsverðum fjárhæðum, eða tæp-
lega hundrað milljónum, hafi verið
varið í kynningarstarf en samstarfs-
nefndir voru skipaðar á öllum þeim
svæðum þar sem tillögur lágu fyrir.
Nefndirnar hafi flestar útbúið mjög
ítarlega kynningarbæklinga og mál-
efnaskrár sem sendar hafi verið til
íbúa en mikil áhersla var lögð á að
íbúar væru vel upplýstir um samein-
inguna þegar að kosningum kæmi.
Íbúafundir hafa verið haldnir og
hafa fulltrúar félagsmálaráðuneytis-
ins og Sambands íslenskra sveitarfé-
laga sótt fjölmarga þeirra og svarað
spurningum íbúa. Ragnhildur segir
fundina hafa verið misvel sótta,
einna fjölmennastur var kynningar-
fundur á Dalvík sem um tvö hundruð
íbúar sóttu, en nokkurs misræmis
hefði gætt milli svæða í fundarsókn.
Almennt hafi umræðan á kynning-
arfundunum verið jákvæð og íbúar
skipst á skoðunum um sameiningar-
og framtíðarmál sveitarfélaganna.
Umræðan hafi oft verið á tilfinninga-
legum nótum og sé það eðlilegt en
Ragnhildur telur að nauðsynlegt sé
að dýpka umræðuna um hlutverk
sveitarfélaga þannig að þau geti veitt
sem jafnasta þjónustu um land allt.
Vel stutt við sameinuð
sveitarfélög
Atkvæðagreiðsla fer fram um 16
sameiningartillögur í 61 sveitarfé-
lagi á 80 kjörstöðum. Flestir eru á
kjörskrá í Hafnarfirði eða 15.570 en
fæstir í Mjóafjarðarhreppi þar sem
32 eru á skrá.
Vel verður gert við þau sveitar-
félög sem sameinast en 2,4 milljarð-
ar hafa verið settir til hliðar svo að
sveitarfélagið geti þróað stjórnsýslu
sína eða þjónustu næstu fjögur ár
eftir sameiningu. Upphæðin miðast
við að allar sameiningartillögurnar
verði samþykktar og verður skipt-
ingin ljós eftir að niðurstöður kosn-
inganna eru ljósar.
Ef hins vegar sameiningartillaga
er felld eins og hún er lögð fyrir get-
ur sameininganefnd ákveðið að
leggja fram nýja tillögu um samein-
ingu sveitarfélaga, þá fer nefndin yf-
ir niðurstöðurnar og hefur heimild til
að breyta tillögunni og boðað til
nýrra kosninga á tímabilinu október
til janúar.
Fólk fari á kjörstað
og lýsi vilja sínum
Ragnhildur segir væntingarnar,
sem gerðar séu til kosninganna,
fyrst og fremst þær að þátttakan
verði góð, fólk fari á kjörstað og lýsi
vilja sínum þar. Jafnframt vonast
hún til að verkefnið í heild styrki
sveitarstjórnarstigið til frambúðar.
Hún treystir því að íbúar svæðanna
hafi fengið góðar upplýsingar en
mikilvægast sé að þeir gangi vel upp-
lýstir til kosninga. Kosningarnar séu
eins lýðræðislegar og mögulegt sé og
kynningarnar unnar af fólki sem
þekkir heimasvæðin best og því vill
hún að sem flestir nýti atkvæðisrétt
sinn og lýsi skoðun sinni.
Framkvæmd atkvæðagreiðslunn-
ar er í höndum kjörstjórna á hverju
svæði fyrir sig en kjörstaðir eru yf-
irleitt opnaðir milli níu og tólf og lok-
að á milli sex og tíu, eða þegar allir á
kjörskrá hafa kosið, en það fer eftir
stærð sveitarfélaga. Þá er nýlunda
að hægt verður fylgjast með fram-
gangi kosninganna á vefsíðu félags-
málaráðuneytis – felagsmalaradu-
neyti.is – en það mun vera í fyrsta
skipti sem upplýsingar um niður-
stöður sameiningarkosninga eru
birtar jafnóðum og þær berast.
Einnig verður haldið úti þjónustu-
vakt frá hádegi og frameftir degi og
netspjalli þar sem hægt verður að fá
svör við þeim spurningum sem
vakna um kosningarnar.
Tæplega 70 þúsund á kjörskrá í sameiningarkosningunum
Íbúar fari á kjörstað
og lýsi vilja sínum
Ragnhildur
Arnljótsdóttir
Eftir Andra Karl
andri@mbl.is
Í VESTUR-Barðastrandarsýslu eru tvö sveitarfélög, Vesturbyggð og
Tálknafjarðarhreppur, með rúmlega 1.300 íbúa í þremur byggða-
kjörnum, Patreksfirði, Tálknafirði og Bíldudal, auk nokkurs dreif-
býlis.
Vestur-Barðastrandarsýsla