Morgunblaðið - 11.10.2005, Blaðsíða 2
2 ÞRIÐJUDAGUR 11. OKTÓBER 2005 MORGUNBLAÐIÐ
FRÉTTIR
SKULDAR SKÝRINGAR
Hæstiréttur vísaði í gær megin-
hluta Baugsmálsins frá dómi eða 32
ákæruliðum af 40 vegna verulegra
galla á ákæru ríkislögreglustjóra.
Gestur Jónsson verjandi Jóns Ás-
geirs Jóhannessonar, forstjóra
Baugs, segir að ríkislögreglustjóri
skuldi þjóðinni skýringar á vinnu-
brögðum sínum. Jón H. Snorrason,
yfirmaður efnahagsbrotadeildar rík-
islögreglustjóra, segir hins vegar að
taka verði mið af því að málið væri
það erfiðasta sem hefði komið til
kasta réttarkerfisins.
Ætla að mæta samkeppninni
Ferðaskrifstofan Heimsferðir
hyggst lækka verð á farmiðum til
Alicante á Spáni á næsta ári til að
mæta samkeppni við Iceland Ex-
press sem flýgur þangað næsta vor.
Gífurlegt manntjón
Yfirvöld í Pakistan óttast, að allt
að 40.000 manns hafi farist í jarð-
skjálftanum mikla síðastliðinn laug-
ardag og miklu fleiri slasast. Þá er
jafnvel talið, að um fjórar milljónir
manna hafi misst heimili sitt. Er fólk
víða á hamfarasvæðunum reitt
stjórnvöldum og sakar það um að
koma ekki til hjálpar en aðstæður á
þessum slóðum eru ákaflega erfiðar.
Vegir eru víða ónýtir og rafmagns-
og vatnslaust og hungur og kuldi
farinn að hrjá tugþúsundir manna.
Aðstoð er þó farin að berast víða að
og er vonast til, að björgunar- og
hjálparstarfið fari að komast á skrið.
Merkel kanslari
Allt bendir til, að Angela Merkel,
leiðtogi kristilegra demókrata, verði
fyrst kvenna til að gegna embætti
kanslara Þýskalands. Hafa þeir
samið um það við jafnaðarmenn og
einnig hvernig skiptingu ráðherra-
embætti verði háttað í væntanlegri
samstjórn. Eiginlegar stjórnar-
myndunarviðræður munu þó ekki
hefjast fyrr en eftir helgi.
Y f i r l i t
Í dag
Fréttaskýring 8 Forystugrein 26
Úr verinu 12 Minningar 32/37
Viðskipti 14 Skák 37
Erlent 15/16 Dagbók 40
Heima 17 Víkverji 40
Akureyri 18 Velvakandi 41
Suðurnes 18 Staður og stund 42
Austurland 19/20 Menning 43/49
Landið 20 Bíó 46/49
Daglegt líf 21 Ljósvakamiðlar 50
Menning 22/23 Veður 51
Umræðan 24/25 Staksteinar 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%
&
'() *
+,,,
www.jul iusvi f i l l . i s
K o s n i n g a s k r i f s t o f a V e g m ú l a 2 s í m i : 5 3 3 1 2 2 0
HJÁLPARSAMTÖK á Íslandi láta
ekki sitt eftir liggja þegar kemur að
hjálparstarfi í Pakistan í kjölfar
jarðskjálftans sem reið yfir Kasm-
írhérað á laugardagsmorgun en talið
er að um 120 þúsund manns þurfi á
brýnni hjálp að halda.
Rauði kross Íslands hefur hafið
söfnun og þeir sem vilja gefa eitt
þúsund krónur til hjálparstarfsins
geta hringt í 907 2020 en einnig er
hægt að leggja fram fé af greiðslu-
korti á vef Rauða krossins,
www.redcross.is. Barnahjálp Sam-
einuðu þjóðanna á Íslandi, UNI-
CEF, hefur opnað söfnunarreikning
en samtökin hafa nú þegar sent 2,5
milljónir króna til hjálparstarfsins.
Þeir sem vilja styrkja starf UNI-
CEF geta lagt inn á reikning 101-26-
102040, kt. 481203-2950. Í tilkynn-
ingu frá samtökunum kemur fram að
nærri helmingur íbúa á jarðskjálfta-
svæðinu sé undir 18 ára og því nauð-
synlegt að huga sérstaklega að þörf-
um barna og ungmenna.
ABC barnahjálp hefur staðið að
uppbyggingarstarfi í Pakistan síðan
í sumar og styrkir nú á annað hundr-
að börn til náms og brýn nauðsyn er
fyrir fjármagn til ABC barnahjálp-
arinnar í Pakistan til uppbyggingar í
kjölfar jarðskjálftanna. Söfnunar-
reikningur ABC er 515-14-280 000,
kt. 690688-1589.
Hjálparsveitir Rauða krossins og
Rauða hálfmánans eru við störf á
skjálftasvæðinu, bæði í Pakistan og á
Indlandi.
Pakistanski Rauði hálfmáninn
leiðir hjálparstarfið í Islamabad, þar
sem stórhýsi hrundu með skelfileg-
um afleiðingum. Alþjóða Rauði
krossinn er að senda birgðir af tepp-
um, tjaldefni, eldunaráhöldum og
öðrum hjálpargögnum á staðinn.
Safnað vegna
skjálftasvæða
TÆPLEGA 70 starfsmenn vantar
enn á leikskóla Reykjavíkurborgar
til þess að þeir teljist fullmannaðir,
og hefur þurft að fresta því að veita
86 börnum pláss á leikskólum borg-
arinnar vegna starfsmannaskorts þó
tekist hafi að ráða í 37 stöður frá því
um miðjan september.
Illa hefur gengið að fá fólk til
starfa á leikskólunum frá því í byrj-
un september þegar sumarstarfs-
fólkið hætti. Menntasvið tók saman
þann fjölda sem enn vantar til starfa
hjá leikskólunum fyrir helgi, og kom
í ljós að enn vantar fólk í 68,8 stöðu-
gildi. Þar af vantar fólk í um 55
stöðugildi leikskólakennara, um 6 í
sérkennslu, 2 stöðugildi deildar-
stjóra, og 5 í afleysingar, svo eitt-
hvað sé nefnt.
Aðgerðir hafa staðið yfir á sumum
leikskólum til þess að bregðast við
manneklu. Það ráð sem helst hefur
verið gripið til er að taka ekki inn ný
börn sem lofað hafði verið plássi, og
vegna þess bíða í dag 86 börn eftir
plássi á leikskóla í Reykjavík. Þar af
eru 32 í Árbæ og Grafarholti, 25 í
Grafarvogi og Kjalarnesi, 20 í Vest-
urbæ en færri annars staðar, sam-
kvæmt upplýsingum frá mennta-
sviði. Börnum sem bíða eftir plássi
hefur víðast hvar fækkað frá því 15.
september, en í Grafarvogi og Kjal-
arnesi hefur þeim fjölgað um þrjú á
þessum tíma.
Tekist hefur að ráða í 37 stöðugildi
frá því 15. september, nú vantar
starfsfólk í 68,8 stöðugildi, en 15.
september vantaði í 106 stöðugildi.
Börnum sem bíða eftir plássi hefur
einnig fækkað, úr 114 15. september
í 86 þegar tölur voru teknar saman
fyrir helgi. Alls eru nú um 1.650 ein-
staklingar starfandi á leikskólum
borgarinnar í um 1.270 stöðugildum,
en undanskildir eru starfsmenn í
mötuneytum og þeir sem starfa við
ræstingar.
Vantar enn fólk í um 70 stöðugildi á leikskóla Reykjavíkur
Enn bíða 86 börn eftir plássi
Morgunblaðið/Kristján
Tekist hefur að ráða í 37 stöðugildi á leikskólunum síðan 15. september.
LÖGREGLAN í Reykjavík handtók í
gærmorgun karlmann um þrítugt
sem fór í óleyfi inn í íbúð í fjölbýlis-
húsi í Breiðholti og lagðist allsnak-
inn upp í rúm þriggja ára stúlku-
barns. Að sögn lögreglu villtist
maðurinn inn í íbúðina sökum áfeng-
is- og vímuefnavímu og bendir ekk-
ert til þess að hann hafi unnið stúlk-
unni mein.
Fimm ára gömul systir stúlkunnar
varð mannsins vör og gerði móður
sinni viðvart. Hún hringdi þegar í
stað á lögreglu sem var komin á
vettvang nokkrum mínútum síðar,
samkvæmt upplýsingum frá lögregl-
unni. Maðurinn lá þá enn steinsof-
andi í rúminu. Að sögn Harðar Jó-
hannessonar, yfirlögregluþjóns í
Reykjavík, var maðurinn undir
áhrifum áfengis og fíkniefna. Við yf-
irheyrslur sagðist hann hafa vaknað
um nóttina til að fara á klósettið en
villst út úr íbúðinni og fyrir misgán-
ing farið í íbúðina við hliðina, þ.e.
inn í ólæsta íbúð mæðgnanna.
Ekkert bendir til annars en að
maðurinn greini rétt frá og hefur
sambýliskona hans m.a. staðfest frá-
sögnina að hluta. Maðurinn var flutt-
ur á lögreglustöðina við Hverfisgötu
þar sem hann var látinn sofa úr sér
og síðan sleppt að loknum yfir-
heyrslum.
Mæðgunum var boðin áfallahjálp.
Nakinn maður
handtekinn í
rúmi barns
BORIÐ hefur á því í Mývatnssveit að undanförnu að
hjólför eftir jeppa sjáist utan vega með tilheyrandi
jarðraski og greinilegt sé að þar hafi menn farið um
sem ekki kunna nægilega til verka þegar ekið er um
landið. Í síðustu viku kom þar við stór hópur útlend-
inga, um 110 manns á 27 bílum, og að sögn landeiganda
eru ummerki eftir bílalestina greinileg. Hann segir
engan vafa leika á því að um akstur utan vega sé að
ræða, þó svo að þarna sé ógreinileg og lítt ekin slóð, og
líti landið illa út eftir meðferðina. Landið hafi verið
eins viðkvæmt og það geti verið, ófrosið og gegnsósa af
vatni og sporuðu bílarnir mikið – keyrðu upp í brekkur
– og eiga ummerkin að öllum líkindum eftir að sjást
þegar vora tekur og ljóst sé að þessi leið verði ekki
framar ógreinileg þar sem hún hafi grafist auk þess
sem víða eru merki um djúp hjólför utan slóðarinnar.
Skemmdir á viðkvæmu landi
Morgunblaðið/BFH
INNBROTUM í Hafnarfirði hefur
fækkað um 38% frá árinu 2002 sem
er talsvert meiri fækkun en gert
var ráð fyrir til ársins 2008. Þá hef-
ur þjófnaðarbrotum fækkað um
45% á sama tímabili. Þetta kemur
fram í skýrslu lögreglustjórans í
Hafnarfirði um afbrotatölfræði
fyrstu 9 mánuði ársins 2005.
Í skýrslunni kemur einnig fram
að eignaspjöllum frá 2002 hafi
fækkað um 35% og svipaða sögu er
að segja um líkamsárásir sem fækk-
aði um 11% frá 2002 en 38% frá
2004.
Hvað varðar umferðarmál, hefur
umferðaróhöppum fjölgað um 16%
síðustu tvö árin en á móti kemur að
umferðarslysum hefur fækkað um
58%. Að mati lögreglu má rekja
þessar breytingar til breyttra um-
ferðarmannvirkja í umdæminu.
Fíkniefnabrotum í umdæminu hef-
ur þá samkvæmt skýrslunni fjölgað
um 84% og segir lögregla það í
samræmi við markmið lögreglu um
aukna frumkvæðisvinnu í þessum
málaflokki og áframhaldandi eft-
irlit.
Færri innbrot
í Hafnarfirði