Morgunblaðið - 12.10.2005, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 12. OKTÓBER 2005 VERÐ Í LAUSASÖLU 220 KR. MEÐ VSK.
EKKERT knýr á um eignaraðild útlend-
inga í íslenskum sjávarútvegi, að mati Ein-
ars K. Guðfinnssonar sjávarútvegs-
ráðherra. Þetta kemur fram í viðtali í
sjávarútvegsblaðinu Úr verinu í dag. Þar
segist Einar vera algerlega mótfallinn
eignaraðild útlendinga. „Við eigum þessa
auðlind, við lifum á henni, við börðumst
heilu þorskastríðin til að eignast hana og
hún er viðkvæm. Það er auk þess ekkert
sem knýr á um að útlendingar eignist hlut
í henni. Það er eftirspurn eftir íslenskum
sjávarútvegsfyrirtækjum, við sjáum það
þegar fyrirtæki og skip eru boðin til sölu.
Hér er til staðar fjármagn og þekking og
við þurfum eftir hvorugu að sækjast til út-
landa. Það eru heimildir í lögum fyrir
óbeina eignaraðild útlendinga í íslenskum
sjávarútvegi og það er að mínu mati nægj-
anlegt.“
Einar segir að undanfarin ár hafi ríkt
ófriður um fiskveiðistjórnunarkerfið og
gerðar hafi verið breytingar á kerfinu til
að koma til móts við ólík sjónarmið. Núna
þurfi greinin hins vegar á stöðugleika að
halda.
Engin þörf fyrir
útlendinga
Hef tröllatrú | B2–B3
TVÍBURARNIR Bjarni og Davíð Hedtoft
Reynissynir ætla að gefa dönsku þjóðinni
góð ráð um hvernig spara megi peninga.
Þeir verða með tíu mínútna löng innslög í
sjónvarpsþættinum Rabatten, sem sýndur
er á danska ríkissjónvarpinu vikulega frá
og með deginum í dag en um hálf milljón
Dana fylgist með þættinum vikulega.
Bjarni segir að markmiðið hafi verið að
kanna á skemmtilegan og fjölbreyttan
hátt hvort raunverulegur munur sé á því
dýrasta og ódýrasta sem er í boði. Þeir
hafi komist að því að munurinn sé sjaldan
mikill og aldrei afgerandi.
Kenna Dönum | 51
Íslendingar kenna
Dönum að spara
Í GÆR var fyrsti starfsdagur hjá þeim 45
starfsmönnum sem ráðnir voru til Slipps-
ins Akureyri ehf. sem yfirtekið hefur
rekstur Slippstöðvarinnar. Anton Benja-
mínsson framkvæmdastjóri sagði að starf-
semin hefði farið vel af stað og að mikil
bjartsýni væri ríkjandi. Hann sagði að tek-
ist hefði að safna nægu hlutafé til að
tryggja reksturinn þá þrjá mánuði sem
leigusamningurinn við skiptastjóra þrota-
bús Slippstöðvarinnar gildir.
Anton sagði fjölda einstaklinga og fyr-
irtækja hafa treyst forsvarsmönnum fé-
lagsins fyrir tug miljóna króna hlutafé og
sýnt málinu mikinn áhuga. „Því miður
tókst okkur ekki að fá KEA í hóp stofn-
hluthafa að þessu sinni þó að eftir því
hefði verið leitað,“ segir Anton. „Við
hörmum það. Við teljum félagið mjög væn-
legan samstarfsaðila. Ég vil þó ekki úti-
loka að KEA taki þátt í þessari uppbygg-
ingu þó að síðar verði.“
Eins og fram hefur komið var KEA aðili
að félagi með Sjöfn eignarhaldsfélagi og
Sandblæstri og málmhúðun sem átti í við-
ræðum um yfirtöku á rekstrinum í Slipp-
stöðinni. Upp úr þeim viðræðum slitnaði á
laugardag.
Ánægðir | 21
Hluthafasöfnun
hefur gengið vel
ERFIÐLEGA hefur gengið að ráða fólk í af-
greiðslustörf í verslunum eða á skyndibitastaði í
haust enda mikið framboð af atvinnu um þessar
mundir. Atvinnurekendur, eins og t.a.m. hjá 10–
11 verslununum, brugðu m.a. á það ráð að gefa
starfsmönnum iPod tónhlöðu sem hófu störf og
munu starfa áfram næstu fjóra mánuði. Það
sama átti við ef eldri starfsmenn gátu fengið
nýtt fólk til starfa í verslununum, þ.e. þeir fá
einnig gefins iPod. Þeir verða hins vegar að hafa
unnið hjá 10–11 í hálft ár.
hvern nýjan starfsmann sem kemur í fullt starf
og starfar áfram næsta hálfa árið.
Að sögn Maríu Jónasdóttur, framkvæmda-
stjóra Ráðningarþjónustunnar, hefur verið aug-
ljós skortur á fólki í verslunarstörf og lægra
launuð störf í haust miðað við í fyrra. Hins vegar
fáist fólk á endanum í störfin. „Það kemur á
endanum en það tekur kannski aðeins lengri
tíma.“
Hjá McDonalds hefur ástandið verið mjög
erfitt enda sérstaklega reynt að ráða fólk í fullt
starf. Hafa stjórnendur fyrirtækisins því ráðið
átta erlenda starfsmenn, fjóra Portúgala og
fjóra Pólverja, til þess að starfa hjá fyrirtækinu.
Ekki er um að ræða afgreiðslustörf þar sem
þeir tala ekki enn íslensku. Fyrirtækið sér þó
um að verða þeim úti um íslenskukennslu. Þá er
svipað uppi á teningnum þar og hjá verslunum
10–11 varðandi það að ef eldri starfsmenn geta
fengið nýja til vinnu fá þeir 25 þúsund kr. fyrir
Fá iPod að launum
Erfiðara | 8
DAGUR glímunnar var haldinn hátíðlegur um land allt í gær og var
það í fyrsta skipti sem þjóðaríþrótt Íslands er tileinkaður heill dagur.
Af því tilefni stóðu íþróttakennarar í grunnskólum landsins fyrir
kennslu í helstu glímutökum og Glímusamband Íslands efndi til glímu-
sýningar í rökkurhúmi gærkvöldsins þar sem skuggamyndum glím-
unnar var varpað á Aðalbyggingu Háskóla Íslands.
Morgunblaðið/Árni Sæberg
Skugga glímunnar varpað
GAMALL legsteinn frá fyrri hluta 18. aldar
fannst í suðurhluta kirkjugarðsins í Reyk-
holti sl. föstudag þegar verið var að taka þar
gröf. „Þetta er mjög óvenjulegur fundur á
þessum stað. Við komum niður á þennan líp-
arítstein sem er rúmlega 122 cm að lengd og
kom upp alveg heill og óskaddaður,“ segir
Geir Waage, sóknarprestur í Reykholti. Seg-
ir hann greinilegt að steinninn hafi legið
lengi í jörðu því letrið á honum sé algerlega
óskaddað, en svona steinar veðrast oft illa.
„Letrið er mjög skýrt og fagurlega gert. Á
steininn er letrað að þar hvíli guðhrædd
heiðurskvinna, Kristín Ásgeirsdóttir, sem dá-
ið hafi á 88. aldursári á því herrans ári 1711.“
Þess má geta að í heimildum má finna konu
með því nafni sem fæddist 1623 og lést, sam-
kvæmt heimildum, 1710. Í heimildum er
Kristín þessi Ásgeirsdóttir skráð sem ekkja
búandi á Sturlureykjum í Reykholtsdals-
hreppi árið 1681, á Sturlureykjum manntals-
árið 1703 og í Reykholtsdalshreppi árið 1710.
Má leiða af því líkum að hér sé um sömu
konuna að ræða þó að ártalið 1711 sé letrað á
legstein hennar.
Að sögn Geirs þekkist að legsteinar á borð
við steininn sem fannst í Reykholti, hvort
heldur með rúnaletri eða latínuletri, sígi ofan
í jörðina með tímanum og víða sé því vitað af
legsteinum í kirkjugörðum undir yfirborðinu
þótt þeir séu ekki sýnilegir. Nefnir hann í því
samhengi kirkjugarðana á Gilsbakka og í
Síðumúla þar sem mikið sé um slíka steina
og eru þeir merktir inn á uppdrætti af görð-
unum.
Grafið á sömu fermetrum í þúsund ár
Hvað legstein Kristínar varðar segir Geir
hins vegar augljóst að steinninn hafi verið
lagður ofan í jörðina síðast þegar grafið var
á staðnum sem var, að hans sögn, árið 1885.
Bendir Geir á að í gömlum kirkjugörðum sé
það alltaf svo þegar teknar eru nýjar grafir
að komið sé niður á eldri bein eða beina-
grindur. „Enda búið að grafa á sömu fer-
metrunum í þúsund ár í elstu kirkjugörð-
unum. Þegar komið er niður á bein er þeim
haldið saman og þau lögð niður með þeirri
kistu sem sett er niður hverju sinni, enda
venjan að grafa ættingja saman. Hér liggja
afkomendur því í sömu reitum jafnvel óslitið
í nokkrar aldir,“ segir Geir. Spurður hvað
gert verði við legsteininn sem fannst segir
Geir að hann verði varðveittur inni við í ann-
arri hvorri kirkjunni í Reykholti.
Legsteinn frá árinu 1711 fannst niðurgrafinn í kirkjugarðinum í Reykholti
„Guðhrædd heiðurskvinna“
Eftir Silju Björk Huldudóttur
silja@mbl.is
Ljósmynd/Reykholtskirkja
Á legsteininum kemur fram að þar hvíli guð-
hrædd heiðurskvinna að nafni Kristín Ás-
geirsdóttir sem lést 1711 á 88. aldursári.