Morgunblaðið - 31.10.2005, Page 13

MORGUNBLAÐIÐ MÁNUDAGUR 31. OKTÓBER 2005 13
VIÐSKIPTI/ATHAFNALÍF
Á LEIÐTOGAÞINGI Stjórnendaskóla Háskólans
í Reykjavík, sem haldið verður næstkomandi mið-
vikudag, fá þátttakendur tækifæri til að hlýða á
suma af fremstu viðskiptaleiðtogum heims. Guð-
rún Högnadóttir, þróunarstjóri Stjórnendaskóla
HR, segir að það verði sérstaklega spennandi að
sjá og heyra í þeim miklu leiðtogum sem muni tala
til þátttakendanna á þinginu beint frá New York.
„Þó svo að þetta séu miklir heimsleiðtogar á sviði
viðskipta, þá leggjum við mikið upp úr því að þing-
ið verði gagnvirkt. Þarna verður því ekki einhliða
móttaka á upplýsingum,“ segir Guðrún.
Leiðtogaþingið er fjarráðstefna og verða við-
skiptaleiðtogarnir allir samankomnir í New York
og flytja fyrirlestra sína á ráðstefnunni þar. Fyrir-
lestrarnir verða sendir út samtímis til flestra stór-
borga Bandaríkjanna og einnig til flestra höfuð-
borga Evrópu, þar á meðal til Reykjavíkur.
Að fyrirlestrum loknum munu fulltrúar tíma-
ritsins Fortune stýra pallborðsumræðum á fjar-
ráðstefnunni með völdum forstjórum fyrirtækja
sem eru á lista tímaritsins yfir 500 stærstu fyrir-
tækin í heiminum.
Viðskiptaleiðtogarnir sem flytja erindi á fjar-
ráðstefnunni eru: Jack Welch, fyrrverandi stjórn-
arformaður og forstjóri General Electric, Stephen
R. Covey, höfundur bókarinnar „The Seven
Habits Of Highly Effective People“, Richard
Branson, einn af þekktari frumkvöðlum Englands
og stofnandi The Virgin Group, Carly Fiorina,
fyrrverandi forstjóri Hewlett Packard, Marcus
Buckingham, einn af forgöngumönnum rannsókna
Gallup um framleiðni starfsfólks og eiginleika leið-
toga, Rudolph Giuliani, fyrrverandi borgarstjóri
New York, og Malcolm Cladwell, sem tímaritið
Times valdi áhrifamesta manninn í viðskiptalífinu
árið 2005.
Svafa Grönfeldt, aðstoðarforstjóri Actavis
Group, og Guðfinna S. Bjarnadóttir, rektor Há-
skólans í Reykjavík, munu leiða umræður og stýra
fjarráðstefnunni á Íslandi.
Enn stærra þing en í fyrra
Guðrún Högnadóttir segir að þetta sé í annað
skipti sem leiðtogaþing af þessu tagi sé haldið hjá
Stjórnendaskóla HR. Þingið í fyrra hafi tekist sér-
staklega vel, en allt stefni í að það verði enn stærra
í sniðum að þessu sinni. Í fyrra hafi um 60 manns
sótt þingið en nú sé gert ráð fyrir allt að 120 þátt-
takendum.
Að sögn Guðrúnar er leiðtogaþingið opið öllum.
Hún segir að fyrst og fremst sé þó verið að höfða
til stjórnenda á öllum sviðum. Áhugi hjá námsfólki
sé reyndar einnig mjög mikill. Nú þegar hafi
fulltrúar fjölmargra íslenskra stórfyrirtækja
skráð sig til þátttöku, bæði úr einkageiranum og
frá hinu opinbera.
„Á ráðstefnunni fá þátttakendurnir tækifæri til
að upplifa hvernig þessir forgöngumenn í viðskipt-
um hugsa, og kannski verður hægt að öðlast betri
skilning á því hvernig við sjálf hugsum og hverju
við getum breytt í okkar fari. Það er gefandi að sjá
hvaðan þessir leiðtogar hafa komið og hvert þeir
hafa farið. Þetta er nefnilega ekki endilega spurn-
ing um stöðu eða heiti eða titil heldur að hvert og
eitt okkar hefur áhrif og að við getum leitt fram
breytingar. Það er það sem forysta snýst um.“
Guðrún segir sjálf að hún hlakki sérstaklega til
að hlýða á Rudolph Giuliani, að öðrum fyrirles-
urum ólöstuðum. Hann hafi virkilega sannað sig
sem borgarstjóri New York, bæði þegar vel hafi
gengið og í skelfilegri kreppu. „Einnig verður
gaman að hlusta á Stephen R. Covey, sem hefur
mikið unnið með persónulega færni og hæfileika.
Marcus Buckingham mun væntanlega segja nýjar
fréttir af rannsóknum sem Gallup hefur gert á
leiðtogahæfileikum. Þá hlakka ég líka mjög til að
hlusta á Richard Branson, og ekki má gleyma
Carly Fiorina eða Jack Welch. Þeir eru hver öðr-
um betri fyrirlesararnir sem við munum fá að sjá
og heyra í,“ segir Guðrún Högnadóttir.
Heimsleiðtogar á sviði
viðskipta á fjarráðstefnu
Richard Branson Rudolph Giuliani Carly Fiorina
Leiðtogaþing Stjórnendaskóla Háskólans í Reykjavík á miðvikudag
GENGIÐ hefur
verið frá samn-
ingi um kaup
Actavis Group á
danska lyfjafyrir-
tækinu Ophtha.
Ophtha, sem sér-
hæfir sig í fram-
leiðslu augnlyfja,
er fjölskyldufyr-
irtæki með aðset-
ur í Kaupmanna-
höfn og var stofnað árið 1998. Í
tilkynningu frá Actavis segir að
kaupverðið sé ekki gefið upp en gert
sé ráð fyrir að kaupin hafi engin
áhrif á afkomu Actavis á árinu 2005.
Starfsmenn Ophtha eru fjórir.
Fram kemur í tilkynningunni að
Ophtha sé með tíu markaðsleyfi fyrir
augnlyf í Danmörku og fimm í Nor-
egi. Þá selji fyrirtækið einnig lyf til
Svíþjóðar og Eistlands.
Sigurður Óli Ólafsson, fram-
kvæmdastjóri sölu- og markaðssviðs
eigin vörumerkja Actavis, segir að
þó Ophtha sé ekki stórt fyrirtæki þá
skipti kaupin á því miklu máli fyrir
Actavis. „Fyrirtækið er með tiltölu-
lega fá lyf á sérhæfðum markaði, en
þau eru engu að síður mikilvæg, því
samkeppnisstaða Actavis styrkist
enn frekar með tilkomu þeirra,“ seg-
ir Sigurður Óli.
Aukin dreifing í N-Evrópu
Haft er eftir Róbert Wessman,
forstjóra Actavis í tilkynningunni að
félagið hafi verið að byggja upp sölu-
og markaðskerfi sitt fyrir eigin
vörur með kaupum á fyrirtækjum í
Mið- og Austur-Evrópu. „Kaupin á
Ophtha eru í samræmi við þá stefnu
okkar að efla dreifingu á eigin vörum
í Norður-Evrópu,“ segir hann.
Actavis er fyrir með sölu- og
markaðsskrifstofu í Hørsholm í Dan-
mörku sem sinnir markaðnum þar í
landi og einnig skrifstofu sem sam-
hæfir sölu- og markaðsmál í Norður-
Evrópu. Actavis hefur 39 markaðs-
leyfi í Danmörku og 15 í Noregi.
Actavis kaupir
danskt fyrirtæki
Sigurður Óli
Ólafsson
● GREINING Íslandsbanka mælir
með kaupum á hlutabréfum í Mosaic
Fashions. Deildin hefur unnið sitt
fyrsta verðmat á fyrirtækinu, sem er
skráð í Kauphöll Íslands. Sam-
kvæmt því er virði félagsins um 52,2
milljarðar króna sem gefur verðmats-
gengið 18 krónur/hlut. Lokagengi
Mosaic í Kauphöllinni þegar verð-
matið var unnið var 15,4 krónur/
hlut og miðað við það mælir Greining
með kaupum til langs tíma litið.
Greining ÍSB mælir
með kaupum í Mosaic
● TILTRÚ og væntingar þýskra neyt-
enda jukust umfram væntingar í
október og telur greiningardeild
Kaupþings banka líklegt að lækk-
andi olíuverð sem og nýleg stjórn-
armyndun hafi átt stóran þátt í vax-
andi væntingum. Þá er bent á að
væntingar þýskra fyrirtækja hafi
ekki verið meiri í fimm ár.
„Þessar niðurstöður sem og nýleg-
ar mælingar sem gefa til kynna
aukna bjartsýni bæði meðal ítalskra
neytenda og franskra stjórnenda ýta
undir þá skoðun að hagvaxtarhorfur
á evrusvæðinu séu að batna,“ segir í
hálffimfréttum Kaupþings banka.
Aukin bjartsýni
mælist á evrusvæðinu
SÆNSKA fjárfestingarfélagið Ind-
ustrivärden seldi fyrir nokkru síð-
ustu hluti sína í Össuri og hefur fé-
lagið alls hagnast um tæplega 3,1
milljarða króna á eign sinni í Öss-
uri.
Samkvæmt Dagens Industri eru
liðin um þrjú ár síðan Industrivärd-
en keypti fyrst bréf í stoðtækja-
framleiðandanum en í upphafi virt-
ist sem félagið hefði keypt köttinn í
sekknum. Árið 2003 hækkaði úr-
valsvísitala Kauphallarinnar um
ríflega 56% en gengi Össurar lækk-
aði um 19,3% á sama tímabili. Síðan
hefur gengið hækkað verulega og
nálgast nú 100 krónur/hlut, en var í
lok árs 2003 43,6 krónur/hlut.
Morgunblaðið/Árni Torfason
Fjárfesting í Össuri
reyndist góð ákvörðun
● STARFSEMI Icelandic Group
erlendis verður skipt í tvær einingar,
Icelandic USA/Asia og Icelandic
Europe. Icelandic USA/Asia mun
taka yfir starfsemina í Bandaríkj-
unum og Asíu og tengda starfsemi á
Íslandi en undir Icelandic Europe fell-
ur starfsemin í Evrópu.
Ellert Vigfússon verður forstjóri
Icelandic USA/Asia en óráðið er í
stöðu Icelandic Europe. Magnús
Gústafsson, sem verið hefur forstjóri
Icelandic USA, mun taka við starfi
aðalræðismanns í New York.
Í tilkynningu til Kauphallar Íslands
kemur fram að það sé álit stjórnar
Icelandic Group að með skiptingu fé-
lagsins í tvær meginheildir náist
skýrari sýn á starfsemina. Ytri vöxtur
verði auðveldari þar sem fyrirtæki í
t.d. Evrópu hafi oft á tíðum takmark-
aðan áhuga á starfsemi vestan hafs
og öfugt. Stjórn Icelandic Group álít-
ur að framundan sé veruleg sam-
þjöppun í framleiðslu og sölu sjávar-
afurða. Fyrirtækjunum fækki og þau
sem eftir verði muni að sama skapi
stækka. Icelandic Group ætli sér að
verða leiðandi fyrirtæki í þeirri þróun.
Starfsemi Icelandic
skipt í tvennt
ÞETTA HELST ...
VIÐSKIPTI
prófkjör sjálfstæðismanna í reykjavík fer fram dagana 4. og 5. nóvember www.gislimarteinn.is
Gísli Marteinn er fulltrúi nýrra tíma í Reykjavík.
Ég treysti honum til að verða borgarstjóri
allra Reykvíkinga.
Gísli Örn Garðarsson
leikari og leikstjóri Vesturports