Morgunblaðið - 14.11.2005, Blaðsíða 2
2 MÁNUDAGUR 14. NÓVEMBER 2005 MORGUNBLAÐIÐ
FRÉTTIR
ALDREI FLEIRI LEYFI
Nú stefnir í að gefin verði út allt
að 6.200 atvinnuleyfi fyrir útlend-
inga á þessu ári en aldrei hafa verið
gefin út nærri jafn mörg leyfi. Þegar
hafa verið gefin út 4.840 atvinnuleyfi
á árinu en til samanburðuar voru
gefin út 3.750 leyfi í fyrra. Þessar
tölur taka ekki til þeirra útlendinga
sem ekki þurfa atvinnuleyfi auk
þeirra sem starfa hér með ólögmæt-
um hætti.
Heldur að kyrrast
Nokkur ókyrrð var í Frakklandi í
fyrrinótt og á fjórða hundrað bifreið-
ar voru brenndar. Þó hefur verulega
dregið úr mestu látunum og eru
menn að vona að ró muni færast yfir
innflytjendahverfin á næstu dögum.
Meira en 8.000 bílar hafa verið
brenndir og hefur lögreglan hand-
tekið meira en 2.650 manns. Kann-
anir sýna, að Frakkar hafa litla trú
á, að Jacques Chirac forseti hafi eitt-
hvað fram að færa við lausn málsins
en binda augljóslega meiri vonir við
Nicolas Sarkozy, hinn harðskeytta
innanríkisráðherra landsins. Hægri-
öfgamaðurinn Jean-Marie Le Pen
hefur boðað til útifundar í París í
kvöld en hann kennir innflytj-
endastefnu núverandi og fyrrver-
andi ríkisstjórna um ástandið.
Hvar verður nýja geymslan?
Þrátt fyrir að samráðsnefnd um
stórslysavarnir hafi árið 2003 bent á
að færa þyrfti sprengiefnageymslu
frá Norðlingaholti, hefur enn ekki
verið byrjað á nýrri geymslu. Raun-
ar er ekki enn búið að ákveða hvar
hún á að rísa. Á meðan beðið er
ákvörðunar um byggingarstað fyrir
geymsluna rísa íbúðarhús á Norð-
lingaholti í jaðri öryggissvæðis
sprengiefnageymslunnar.
Jólapakkarnir hækka
Verð á jólapökkum Icelandair,
þ.e. sérstökum jólatilboðum á flug-
ferðum til Bandaríkjanna og Evr-
ópu, er umtalsvert hærra fyrir þessi
jól en fyrir jólin í fyrra. Verð á jóla-
pökkum til Evrópu hefur hækkað
um 20–25% og verð til Bandaríkj-
anna um 16,7%–37,6%.
Gott fé fyrir gamla seðla
Á uppboði í Kaupmannahöfn á
fimmtudag seldist íslenskur rík-
isdalur frá 1815 fyrir tæplega
800.000 krónur og íslenskur kúr-
antdalur var sleginn á meira en hálfa
milljón króna. Báðir seðlarnir eru
afar sjaldgæfir. Gamlir seðlar frá Ís-
landi, Grænlandi, Færeyjum og
Danmörku hafa hækkað mjög í verði
undanfarin ár.
Y f i r l i t
Í dag
Fréttaskýring 8 Minningar 26/27
Vesturland 12 Dagbók 30
Viðskipti 13 Víkverji 30
Erlent 14/15 Velvakandi 31
Daglegt líf 16/19 Staður og stund 32
Listir 19 Menning 33/37
Forystugrein 20 Ljósvakamiðlar 50
Umræðan 22/24 Staksteinar 38
Bréf 24 Veður 38
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Björn Jóhann Björnsson, fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
F
í
t
o
n
/
S
Í
A
F
I
0
1
5
1
7
2
BRÁÐSKEMMTILEG
ARLEG
STEFNULJÓS EFTIR HERMANN STEFÁNSSON
Ný bók, bráðskemmtileg og grafalvarleg
skáldsaga um brauðvélar í Reykjavík,
gosbrunna í Prag, hugmyndir okkar um
annað fólk og klikkun samtímans.
FULLTRÚAR Alþýðusambands Ís-
lands og Samtaka atvinnulífsins hitt-
ust á fundum bæði í gær og á laug-
ardag og gert er ráð fyrir frekari
fundarhöldum í dag. Hugsanlega
munu þeir einnig hitta ráðherra í
dag en frá því hafði ekki verið gengið
í gærkvöldi.
Gylfi Arnbjörnsson, fram-
kvæmdastjóri ASÍ, sagði að ótíma-
bært væri að greina efnislega frá því
sem nú væri rætt um. Það væri klár-
lega vilji beggja vegna borðs til að
finna lausn á málinu og áfram yrði
rætt um málin á þeim nótum. Ari
Edwald, framkvæmdastjóri SA,
sagði við Morgunblaðið að málin
hefðu skýrst og þróast um helgina.
Hann vonast til að samkomulag náist
fyrir þriðjudag en þá getur ASÍ sagt
upp kjarasamningum þar sem verð-
bólga hefur verið meiri en þar er
miðað við.
Í Morgunblaðinu í gær var greint
frá því að regluleg laun hækkuðu að
meðaltali um 5,4% milli 3. ársfjórð-
ungs í fyrra til sama tíma í ár. Kaup-
máttur launa jókst því um 1,4% en
verðbólga var á þessu tímabili 4%.
Ari sagði að þessar tölur hefðu í
raun ekki komið á óvart. Þær væru
svipaðar þeirri launaþróun sem SA
hefði bent á að hefði átt sér stað. Alls
staðar væri nokkurt launaskrið og
það væru ákveðin tíðindi að mesta
hreyfingin væri hjá verkafólkinu og í
byggingariðnaði. „Það er gott að
þessar tölur hafi komið fram og þær
varpa betra ljósi á þróunina í viðræð-
unum en þær eru alveg í samræmi
við það sem við höfum sagt,“ sagði
hann.
Enn er boðað til
funda hjá ASÍ og SA
ÞÓRHALLUR Ás-
geirsson, fyrrverandi
ráðuneytisstjóri í við-
skiptaráðuneytinu, lést
sl. laugardag, 86 ára að
aldri. Þórhallur fæddist
1. janúar 1919. Foreldr-
ar hans voru Ásgeir Ás-
geirsson, fyrrverandi
forseti Íslands, og Dóra
Þórhallsdóttir. Þórhall-
ur lauk stúdentsprófi
frá Menntaskólanum í
Reykjavík árið 1937,
nam hagfræði og
stjórnmálafræði við háskólann í
Stokkhólmi 1937–39 og svo við há-
skólann í Minnesota árin 1940–42 en
þaðan lauk hann meistaraprófi 1942.
Að loknu námi tók Þórhallur við
starfi sendiráðsritara við sendiráð Ís-
lands í Washington og svo
við starfi fulltrúa í utanrík-
isráðuneytinu. Árið 1947
var Þórhallur skipaður
ráðuneytisstjóri í við-
skiptaráðuneytinu og
gegndi hann þeirri stöðu
til ársins 1989, að undan-
skildum árunum 1958–62
þegar hann var fulltrúi
Norðurlanda við Alþjóða-
gjaldeyrissjóðinn í Wash-
ington. Þórhallur var einn-
ig formaður Verðlagsráðs,
formaður samstarfsnefnd-
ar um gjaldeyrismál og formaður
Hrafnseyrarnefndar. Eftirlifandi eig-
inkona Þórhalls er Lilly Knudsen.
Þórhallur og Lilly giftust árið 1943 og
eignuðust fjögur börn; Sverri, Dóru,
Rögnu og Sólveigu.
Andlát
ÞÓRHALLUR
ÁSGEIRSSON
BRESKA sendiráðið stóð fyrir minningarathöfn í her-
mannagrafreitnum í Fossvogskirkjugarði í gær í til-
efni þess að 60 ár eru liðin síðan seinni heimsstyrj-
öldinni lauk.
Athöfnin var haldin til að minnast þeirra sem létu
lífið í fyrri og síðari heimsstyrjöldinni. Fulltrúar ann-
arra þjóða, sem eiga landa sem hvíla í Fossvogs-
kirkjugarði, tóku einnig þátt í athöfninni. Séra Arn-
grímur Jónsson stjórnaði athöfninni. Fremst á
myndinni er Alp Mehmet, sendiherra Bretlands á Ís-
landi, sem vottar hinum föllnu hermönnum virðingu
sína.
Morgunblaðið/Brynjar Gauti
Minntust fallinna hermanna
LÖGREGLAN í Reykjavík hafði
feikinóg á sinni könnu í fyrrakvöld
og fyrrinótt. Afskipti voru höfð af
sex ökumönnum vegna ölvunar-
aksturs en tveir þeirra höfðu ekki
rænu á að hemla áður en þeir skullu
aftan á öðrum bílum. Enginn
meiddist þó í þessum árekstrum. Þá
var tilkynnt um fimm líkamsmeið-
ingar í miðbænum. Í öllum tilfellum
var um fremur minniháttar meiðsli
að ræða. Margt var um manninn í
miðborginni og ölvun talsverð, að
sögn lögreglu.
Í Kópavogi voru þrír ökumenn
stöðvaðir af lögreglu, grunaðir um
ölvunarakstur.
Þess má geta að nánast var fullt
tungl um helgina.
Ölvun í mið-
borginni og erill
hjá lögreglu
TIL óláta kom eftir dansleik í Bol-
ungarvík í fyrrinótt og var m.a. ráð-
ist að lögreglumönnum með skóflu.
Tveir voru handteknir og látnir sofa
úr sér.
Lögreglan í Bolungarvík og á Ísa-
firði var með sameiginlegt eftirlit
með dansleiknum og virðist sem
ekki hafi veitt af því. Til átaka kom
eftir dansleikinn og varð lögregla að
ganga á milli. Þegar lögreglumenn
voru að handtaka einn ólátabelginn
réðst annar að þeim vopnaður skóflu
og reiddi hana til höggs. Árásin mis-
heppnaðist sem betur fer gjör-
samlega því lögreglumennirnir voru
snöggir til og sneru þann sem mund-
aði skófluna snarlega niður.
Lögreglan í Keflavík var í tvígang
kölluð að skemmtistað í Keflavík í
fyrrinótt þar sem tilkynnt var um
áflog. Töluverður erill var hjá lög-
reglunni í bænum og ölvun þó nokk-
ur. Undir morgun voru þrír í fanga-
geymslunni, tveir vegna minniháttar
líkamsárása og einn vegna ölvunar.
Ólæti eftir
dansleik í
Bolungarvík
FREMUR nýlegur jeppi varð eldi
að bráð í vestanverðu Víkurskarði
á tíunda tímanum í gærkvöldi. Að
sögn lögreglunnar á Akureyri var
ökumaðurinn á leið upp skarðið
þegar jeppinn missti skyndilega
vélarafl. Þegar hann ætlaði að
kanna hverju þetta sætti gaus
skyndilega upp eldur í vélarhúsinu
og varð ekki við neitt ráðið. Lög-
regla og slökkvilið fóru á vettvang
en það var um seinan og er jeppinn
talinn ónýtur. Engan sakaði.
Jeppi brann í
Víkurskarði