Morgunblaðið - 17.11.2005, Blaðsíða 16

16 FIMMTUDAGUR 17. NÓVEMBER 2005 MORGUNBLAÐIÐ
FRÉTTIR
ÖLL fréttaþjónusta 365 ljós-
vakamiðla mun sameinast í nýrri
fréttastöð sem fengið hefur nafnið
NFS og hefjast útsendingar stöðv-
arinnar kl. 7:00 í fyrramálið. Mun
stöðin senda út fréttir og frétta-
tengt efni frá morgni til kvölds, en
auk þess verða ákveðnir fréttatímar
og þættir sendir út á öðrum út-
varps- og sjónvarpsstöðvum 365
ljósvakamiðla.
„Íslendingar eru mjög fréttaþyrst
þjóð og þrá það að fá fréttir beint í
æð. Við ætlum að svara því kalli, all-
an daginn,“ sagði Sigmundur Ernir
Rúnarsson, fréttastjóri NFS, á
kynningarfundi fyrir fjölmiðla í gær.
Í gær var síðasta fréttatíma
Stöðvar 2 sjónvarpað, því í kvöld
mun fréttastofa NFS sjá um út-
sendingu frétta á Stöð 2 á kvöld-
fréttatíma. Er það forsmekkur þess
sem koma skal, því fréttatímar NFS
kl. 12 á hádegi og kl. 18:30 verða
jafnframt sendir út í opinni dagskrá
á Stöð 2.
Blanda af sjónvarpi og útvarpi
NFS er byggð á grunni frétta-
stofu Stöðvar 2 og Bylgjunnar, en
efld til muna með bæði fólki og nýj-
um tækjabúnaði. „Fyrir vikið á okk-
ur að geta lánast að senda út fréttir
linnulaust frá því klukkan sjö á
morgnana til klukkan 11 á kvöldin,
þegar endursýningar á dagskrá
NFS hefjast. Svona verður þetta
alla daga, það er margt að gerast í
íslensku samfélagi og ég er ekki í
nokkrum vafa um að það verður
auðvelt að fylla þessa þætti og þessa
fréttatíma,“ sagði Sigmundur Ernir.
Segja má að NFS blandi saman
útvarpi og sjónvarpi þar sem dag-
skráin verður send út í opinni dag-
skrá bæði í gegnum stafrænar sjón-
varpssendingar 365 ljósvakamiðla,
auk þess sem henni verður útvarpað
á rás Talstöðvarinnar, sem mun
renna inn í NFS. Einnig verður sent
beint út í gegnum vefinn visir.is, en
NFS mun hér eftir sjá um fréttir á
þeim vef.
„Að mörgu leyti erum við að
blanda þessum miðlum saman með
hversdagslegum hætti, við ætlum að
búa til hversdagslegt sjónvarp.
Sjónvarpið hefur hingað til verið
svolítið hátíðlegt; svolítið vel greitt,
svolítið vel sminkað og kannski að
einhverju leyti í allt of fallegum föt-
um. Við ætlum að gera þennan miðil
hversdagslegri og ef til vill nær fólki
en oft hefur verið,“ sagði Sigmund-
ur Ernir.
Til þess að horfa á útsendingar
NFS þurfa áhorfendur að vera
tengdir Digital Íslandi, og geta þeir
sem ekki eru með móttökubúnað
leigt hann á 500 kr. á mánuði, og ná
þeir þá útsendingum NFS, Sirkuss,
Sjónvarpsins og Stöðvar 2 þegar út-
sending er ótrufluð.
Meðal dagskrárliða á NFS verða
þættirnir Ísland í dag og Ísland í
bítið, sem þó verða áfram sendir út
á Stöð 2, auk Silfurs Egils. Auk þess
verða nýir þættir á dagskrá, svo
sem rannsóknarfréttaþátturinn
Kompás, fréttaskýringaþátturinn
Fréttaljós, viðtalsþátturinn Sögur af
fólki o.fl. Einnig verða þar þættir
sem áður voru á dagskrá Talstöðv-
arinnar, svo sem Hrafnaþing,
Miklabrautin og Eldlínan.
Um 85 starfsmenn
Róbert Marshall, forstöðumaður
NFS, sagði að starfsmenn stöðv-
arinnar væru um 85, þar af um 50
fréttamenn. Bætt hefði verið við 10–
15 stöðugildum frá því sem áður
var, en kostnaður við nýju stöðina
væri minni en reikna mætti með þar
sem starfsfólkið hefði flest þegar
starfað hjá fyrirtækinu þótt það
kæmi úr mismunandi áttum innan
þess.
Sent verður út frá húsnæði 365
prent- og ljósvakamiðla í Skaftahlíð,
og sagði Róbert að stofnkostnaður-
inn við að koma upp nýju stöðinni
blandaðist við kostnað við að flytja
ljósvakamiðlana í Skaftahlíðina, sem
fyrirhugað hefði verið um nokkurn
tíma. Hann vildi að öðru leyti ekki
gefa upp áætlaðan kostnað, en sagði
hann verða undir 550 milljónum
króna á ári, en það væri sú upphæð
sem hann hefði heyrt í óstaðfestum
fréttum að kostaði að reka frétta-
stofur Ríkisútvarpsins.
Ný fréttastöð 365 ljósvakamiðla, NFS, hefur göngu sína á föstudag
Íslendingar fá fréttir beint í æð
Eftir Brján Jónasson
brjann@mbl.is
Morgunblaðið/Brynjar Gauti
Róbert Marshall, forstöðumaður NFS, Edda Andrésdóttir fréttaþulur og Sigmundur Ernir Rúnarsson fréttastjóri.
ALÞJÓÐLEG samtök hljómplötu-
framleiðenda (IFPI) hafa boðað hert-
ar aðgerðir gegn því að fólk skiptist á
tónlist á netinu með ólöglegum hætti.
Alls verða um 2.200 manns lögsóttir,
meðal annars í Evrópu, Asíu og í Suð-
ur-Ameríku.
17 lönd taka þátt í herferð vegna
málsins og er Ísland eitt þeirra.
Gunnar Guðmundsson, fram-
kvæmdastjóri hjá Sambandi flytj-
enda og hljómplötuframleiðenda, seg-
ir að aldrei hafi náðst jafn viðamikil
samstaða um að stemma stigu við
þessum brotum á netinu.
Hann segir herferðina miða að því
að gera almenningi ljóst að ólöglegt
sé að skiptast á tónlistar- og kvik-
myndaskrám á netinu. „Tónlist hefur
aldrei verið notuð jafn mikið og núna
og stefnt er að því að gera þessi not
lögleg og að fólk greiði sanngjarna
þóknun,“ segir Gunnar. Hann segir
að alltaf skjóti fleiri og fleiri löglegar
tónlistarveitur upp kollinum og þar
með sé hægt að sækja sér löglegt efni.
Gunnar segir að aðgerðunum sé
einna helst beint að svonefndum stór-
notendum skráarskiptiforrita og
stærstu skráarskiptiforritunum, sem
starfi í leyfisleysi. Þar má nefna
FastTrack (Kazaa), Gnutella (BearS-
hare), eDonkey, DirectConnect,
BitTorrent, WinMX, og SoulSeek, að
því er fram kemur í fréttatilkynningu
frá IFPI.
Stórnotendur kærðir
Gunnar bendir á að hér á landi hafi
orðið gríðarlega mikil tölvu- og tækni-
væðing og netið sé mikið notað. Rétt-
hafar tónlistar- og kvikmyndaefnis
hafi kært stórnotendur sem skiptist í
miklum mæli á tónlist á netinu. „Þau
mál eru til meðferðar hjá ríkislög-
reglustjóra og beðið er eftir ákæru,“
segir Gunnar, en um er að ræða yfir
tug mála.
Erlendis hafa fallið margir dómar í
málaferlum vegna ólöglegra skipta á
tónlist á netinu en að sögn Gunnars er
einnig algengt að sættir hafi náðst í
málunum og hafi þá þeir sem brotleg-
ir hafi gerst greitt sektir vegna notk-
unarinnar. Fram kemur í fréttatil-
kynningu IFPI að þeir sem skiptist á
tónlist með ólöglegum hætti á netinu
séu að meirihluta til karlmenn á þrí-
tugsaldri.
Gunnar segir að barátta samtaka
hljómplötuframleiðanda gegn ólög-
legri notkun tónlistar á netinu sé farin
að skila árangri.
Hertar að-
gerðir gegn
ólöglegum
skiptum á tón-
list á netinu
MORGUNBLAÐINU hefur borist
eftirfarandi yfirlýsing frá Jóni
Ólafssyni athafnamanni.
„Á blaðamannafundi í gærdag
[þriðjudag] í tilefni útgáfu Jóns-
bókar lét ég frá mér fara orð sem
skilin hafa verið á þann veg að
mér hafi verið sagt að skattrann-
sóknarstjóri hefði undir áhrifum
áfengis greint frá því að embætti
hans hefði verið boðin 20 milljóna
króna aukafjárveiting í tvö ár
gegn því að embættið hæfi skatt-
rannsókn á fyrirtækjum mínum og
Jóns Ásgeirs Jóhannessonar.
Þarna fór ég rangt með og vil ég
biðja hlutaðeigandi afsökunar þar
sem ölvun kemur þessu máli ekki
við. Hið rétta er að endurskoðandi
úti í bæ sagði mér í símtali að yf-
irmaður skattrannsóknar hefði í
gleðskap sagt mönnum frá því að
embættinu hefðu verið boðnar
samtals 40 milljónir króna í auka-
fjárveitingu gegn því að hefja
rannsókn í fyrirtækjum okkar
Jóns Ásgeirs Jóhannessonar.
Þetta kemur með skýrum hætti
fram í Jónsbók Einars Kárason-
ar.“
Yfirlýsing frá
Jóni Ólafssyni
RÍKISTARFSMENN í stéttarfélögum innan
Bandalags háskólamanna fá sambærilegar hækk-
anir og samdist um við endurskoðun kjarasamn-
inga Alþýðusambands Íslands og Samtaka at-
vinnulífsins og sama gildir um kennara í
framhaldsskólum. Starfsmenn sveitarfélaga fá
hins vegar ekki þær hækkanir samkvæmt upplýs-
ingum Morgunblaðsins, þar sem endurskoðunar-
ákvæði í kjarasamningum þeirra er með öðrum
hætti en í samningum ríkisstarfsmanna innan
BHM.
Samkvæmt samkomulagi ASÍ og SA kemur 26
þúsund króna eingreiðsla til þeirra sem starfað
hafa allt árið fyrir 15. des. næstkomandi, auk þess
sem 0,65% almenn launahækkun kemur til fram-
kvæmda 1. janúar 2007 til viðbótar áður umsam-
inni launahækkun að uppfylltum ákveðnum skil-
yrðum.
Í samningum Bandalags háskólamanna við ríkið
sem gerðir voru snemma þessa árs er svohljóðandi
ákvæði: „Komi til þess að nefnd sú sem fjallar um
forsendur kjarasamninga á almennum vinnu-
markaði nái samkomulagi um breytingu á samn-
ingum skal sambærileg breyting gilda um þennan
samning.“
Ákvæði í samningum Launaefndar sveitarfé-
laga við Samflot bæjarstarfsmannafélaga, sem
gerðir voru snemma sumars, er hins vegar ekki að
finna endurskoðunarákvæði vegna ársins í ár. Þar
er hins vegar sjálfstætt endurskoðunarákvæði
vegna áranna 2006 og 2007 og er svohljóðandi:
„Samningsaðilar eru sammála um það markmið að
stöðugleiki geti haldist í íslensku efnahagslífi.
Samningaaðilar vænta þess að hagvöxtur og fram-
leiðniaukning muni á næstu árum skapa forsendur
fyrir því að launabreytingar samkvæmt sam-
komulagi þessu skili auknum kaupmætti á samn-
ingstímabilinu. Leiði ófyrirséð atvik til þess að
framangreint mark náist ekki skulu samningsað-
ilar í nóvember árin 2006 og 2007 leggja mat á þró-
unina og gera tillögur um viðbrögð. Náist ekki
samkomulag um viðbrögð getur hvor aðili um sig
sagt launalið samkomulags þessa lausum með
tveggja mánaða fyrirvara. Komi til uppsagnar
falla síðari áfangahækkanir samningsins niður.“
Ríkisstarfsmenn í BHM fá eingreiðslu
♦♦♦