Morgunblaðið - 17.11.2005, Page 23
MORGUNBLAÐIÐ FIMMTUDAGUR 17. NÓVEMBER 2005 23
ERLENT
Kaíró. AFP. | Bræðralag múslíma,
helsti flokkur stjórnarandstæðinga
Egyptalandi, kvaðst í gær hafa
unnið 34 sæti í fyrstu umferð þing-
kosninganna í landinu. Bræð-
arlagið, sem berst fyrir íslömsku
ríki, er bannað og teljast frambjóð-
endur þess því óháðir.
Hassan el-Eryan, talsmaður
flokksins, sagði Bræðralagið hafa
hlotið um fimmtung þeirra 164
þingsæta sem keppt var um í þess-
ari umferð þingkosninganna.
Kjörið fór fram í liðinni viku en á
þriðjudag var kosið um þau sæti
þar sem skýr úrslit fengust ekki.
Önnur umferð fer fram á sunnudag
og hin síðasta 7. desember.
Bræðralag múslima fer fyrir
stjórnarandstöðunni gegn hinum
Þjóðlega lýðræðisflokki Hosni Mub-
araks forseta. Bræðralagið, sem
var stofnað árið 1928, kveðst vera
hófsöm umbótahreyfing og helsta
slagorð þess er „Íslam er lausnin“.
Flokkurinn sinnir margvíslegri fé-
lagslegri aðstoð við fátæka í
Egyptalandi og nýtur af þeim sök-
um umtalsverðs „grasrótarfylgis“.
Aðeins einn frambjóðenda flokks-
ins að þessu sinni hélt því fram op-
inberlega að karlar ættu að vera
konum æðri í samfélaginu. Viðkom-
andi beið ósigur í kjördæmi sínu í
Kaíró. Hins vegar bauð aðeins ein
kona sig fram fyrir flokkinn.
Reuters
Egypsk kona greiðir atkvæði í Kaíró. Ljóst er að mun fleiri stjórnarandstæðingar en áður munu sitja á nýja
þinginu þótt stjórnarflokkur Hosni Mubaraks forseta verði eftir sem áður með töglin og hagldirnar.
Bræðralag múslíma lýsir yfir
sigri í kosningum í Egyptalandi
TALSMAÐUR bandaríska varnar-
málaráðuneytisins staðfesti í gær, að
hvítar fosfórsprengjur hefðu verið
notaðar gegn skæruliðum í Írak á
síðasta ári en neitaði því, að þeim
hefði verið beitt gegn óbreyttum
borgurum. Áður hafði Bandaríkja-
stjórn neitað fréttum um notkun
þessara vopna.
„Hvítar fosfórsprengjur eru hefð-
bundið vopn, ekki efnavopn,“ sagði
Barry Venable í viðtali við BBC,
breska ríkisútvarpið. Sagði hann, að
þær hefðu verið notaðar til að byrgja
óvininum sýn og einnig til að auð-
kenna svæði. Vissulega væri um að
ræða íkveikjusprengjur en þær
mætti nota gegn óvininum.
Það var ítalska ríkissjónvarpið,
RAI, sem sagði frá því í síðustu viku,
að Bandaríkjaher hefði notað þessi
vopn gegn uppreisnarmönnum í
Fallujah á síðasta ári. „Fallujah –
falin fjöldamorð“ hét heimildamynd-
in en bandaríska utanríkisráðuneyt-
ið vísaði fullyrðingum RAI á bug
sem firru. Í fyrradag skrifaði síðan
Robert Tuttle, sendiherra Banda-
ríkjanna í Bretlandi, í breska dag-
blaðið The Independent og sagði
meðal annars, að „bandarískir her-
menn nota ekki napalm eða hvítar
fosfórsprengjur sem vopn“.
Áfall fyrir
trúverðugleikann
Paul Wood, sem skrifar um varn-
armál fyrir BBC, segir, að það, að
neitun utanríkisráðuneytisins skuli
hafa verið ómerkt, sé meiriháttar
áfall og rýri enn trúverðugleika
Bandaríkjastjórnar.
Bandaríkjastjórn er ekki aðili að
sáttmála, sem bannar hvítar fosfór-
sprengjur, en margir segja, að þær
séu í raun ekkert annað en efnavopn.
Hvítur fosfór er ákaflega eldfimur
og blossar upp strax og hann kemst í
samband við súrefni. Lendi hann á
fólki, brennir hann allt hold inn að
beini eða svo lengi sem eitthvað er
eftir af honum og nóg af súrefni.
Venable sagði, að bandaríska ut-
anríkisráðuneytið hefði neitað frétt-
inni vegna þess, að það hefði ekki
haft nægar upplýsingar.
Narmin Uthman, starfandi mann-
réttindaráðherra í Íraksstjórn, til-
kynnti í gær, að hún myndi senda
nefnd manna til Fallujah til að kanna
hvernig hvítu fosfórsprengjurnar
hefðu verið notaðar í átökum um
borgina á síðasta ári.
Viðurkenna notkun
hvítra fosfórsprengna
Fáðu fréttirnar
sendar í símann þinn