Morgunblaðið - 17.11.2005, Qupperneq 25

MORGUNBLAÐIÐ FIMMTUDAGUR 17. NÓVEMBER 2005 25
MINNSTAÐUR
Reykjanesbær | „Bókin
er betri en myndin“, var
meðal niðurstaðna á bók-
menntaþingi ungra les-
enda sem Fræðslusvið
Reykjanesbæjar hélt í
gær, á degi íslenskrar
tungu. Þó vilja börn
gjarnan sjá fleiri íslensk-
ar barna- og unglinga-
bækur á kvikmynd.
Frummælendur á
þinginu komu öll úr röð-
um barna, bæði úr skól-
um á Reykjanessvæðinu
og eins af höfuðborg-
arsvæðinu, samtals 11
framsöguerindi. Mæl-
endur leituðust við að
svara ákveðnum spurn-
ingum, spurningum eins
og: Er bókin betri en
myndin? og; eiga unglingabækur að
vera líkar raunveruleikanum? Á
pallborði voru svo tveir rithöfundar,
Þorgrímur Þráinsson og Ragnheið-
ur Gestsdóttir og Sigþrúður Gunn-
arsdóttir frá Eddu útgáfu og Hjalti
Snær Ægisson, bókavörður á Bóka-
safni Hafnarfjarðar.
Sammála um að bókin
geri alla upplifun betri
Börnin voru nokkuð sammála um
að bókin gerði alla upplifun betri,
lesandinn gæti búið sér til sína út-
gáfu af myndmáli sögunnar í hug-
anum meðan bíómyndin segði allt.
Auk þess fannst mörgum leiðinlegt
að kvikmyndir stytta og breyta bók-
unum. Þá eiga raunsæjar bækur
meira upp á pallborðið hjá þessum
lesendahópi, þær þykja meira
spennandi en þó er gott að hafa
ævintýrið í bland. Einn frummæl-
enda nefndi að Íslendingasögurnar
ættu að vera skyldulesning þar sem
þær segðu svo margt um sögu þjóð-
arinnar.
Aðstandendur þingsins voru sér-
staklega ánægðir með hvernig til
tókst, ekki síst frammistöðu frum-
mælenda, sem komu með ýmsar út-
færslur á erindum sínum. Rithöf-
undarnir voru sérstaklega ánægðir
að heyra að börn lesa ennþá og um
fjölbreytileika uppáhaldsbókanna.
„Við förum héðan fróðari en við
komum,“ sagði Ragnheiður Gests-
dóttir í lokaávarpi sínu.
Bókmenntaþing ungra lesenda haldið
Íslendingasögur
ættu að vera skylda
Morgunblaðið/Svanhildur Eiríksdóttir
Leikræn útfærsla Nemendur í Heiðarskóla
brugðu á leik þegar rætt var um raunsæishöf-
undinn Jónas Hallgrímsson og ævintýraskáldið
H. C. Andersen. Meðal framsögumanna var
Hans klaufi sem sýndi tréklossann góða.
Eftir Svanhildi Eiríksdóttur
AKUREYRI
SUÐURNES
AÐSÓKN hefur að líkindum aldrei
verið meiri að Samkomuhúsinu á
Akureyri en nú, útlit er fyrir að um
3.000 gestir sæki leiksýningar og
tónleika í húsinu nú næstu daga.
Fullkomið brúðkaup sem Leik-
félag Akureyrar sýnir nú við mikl-
ar vinsældir verður sýnt alls fimm
sinnum um helgina og er uppselt á
allar sýningar. Þá verða tónleikar í
húsinu á mánudag sem þegar er
orðið uppselt á.
Magnús Geir Þórðarson leik-
hússtjóri sagði heilmikið um að
vera hjá félaginu þessa daga, en
Fullkomið brúðkaup hefur verið
sýnt fyrir fullu húsi frá því verkið
var frumsýnt fyrr í haust. Um aðra
helgi er von á fimm þúsundasta
gestinum á þá sýningu, um mánuði
eftir frumsýningu. „Þetta er með
ólíkindum,“ sagði Magnús Geir,
Fyrir fáum árum var ekki óalgengt
að gestir væru á bilinu 4–7 þúsund
talsins yfir allan veturinn. Í því ljósi
væri vissulega gaman og gott að fá
5 þúsund gesti í húsið á einni viku.
Um 17 þúsund manns sóttu sýn-
ingar LA á liðnu leikári, „en mér
sýnist að við munum ná enn fleiri
gestum á þessu leikári.“
  
Aldrei meiri aðsókn
Reykjanesbær | „Við sáum ekki ein-
ungis málefnalegan grunn heldur að
með þessu samstarfi væri tækifæri
til að vinna meirihluta,“ sagði Eyjólf-
ur Eysteinsson, formaður Samfylk-
ingarinnar í Reykjanesbæ, þegar
hann sagði frá samkomulagi Sam-
fylkingarinnar og Framsóknar-
flokksins um sameiginlegt framboð
við bæjarstjórnarkosningarnar í
Reykjanesbæ í vor. Framboðið verð-
ur með þátttöku óflokksbundinna
bæjarbúa.
Samfylking fékk fjóra bæjarfull-
trúa kosna í síðustu kosningum og
Framsóknarflokkurinn einn. Eru
flokkarnir í minnihluta í bæjar-
stjórn. Fulltrúar þeirra hófu að ræða
saman um möguleika á sameiginlegu
framboði haustið 2004. Viðræðum
var frestað vegna sameiningarkosn-
inga á Reykjanesi en teknar upp aft-
ur að þeim loknum. Flokkarnir sam-
þykktu að standa að framboðinu á
fundum í fyrrakvöld og kynnti við-
ræðunefndin niðurstöðuna í gær.
Fjárfesta í fólki
Jafnframt var samþykkt framtíð-
arsýn framboðsins og helstu stefnu-
mál. Fram kom hjá Eysteini Jóns-
syni, formanni fulltrúaráðs fram-
sóknarfélaganna í Reykjanesbæ, að
vinna við gerð stefnuskrár hefjist á
næstu dögum. Lagði hann áherslu á
að sú vinna færi fram fyrir opnum
tjöldum og að leitað verði til íbúa, fé-
lagasamtaka og hagsmunahópa um
þátttöku.
Guðbrandur Einarsson, bæjarfull-
trúi Samfylkingarinnar, varð fyrir
svörum þegar spurt var um hvað
nýja framboðið hygðist gera öðruvísi
en núverandi meirihluti til að ná
markmiðum, komist það til valda:
„Við leggjum áherslu á innviðina. [...]
Það hafa orðið útundan þættir sem
skipta okkur höfuðmáli.“ Nefndi
hann málefni fjölskyldunnar, eldri
borgara og ungra einstaklinga í
íþróttum og fleiri mál sem sneru að
íbúunum sjálfum frekar en útliti
bæjarins. „Okkar meginlína er að
fjárfesta í fólki,“ bætti Eysteinn
Jónsson við. Af einstökum þáttum í
stefnuyfirlýsingunni má nefna að
nýja framboðið leggur áherslu á að
taka upp gjaldfrjálsan leikskóla, í
áföngum.
Samkomulag hefur náðst um inn-
byrðis niðurröðun og vægi flokkanna
á framboðslista en ekki fékkst í gær
uppgefið hvernig skiptingin yrði.
Kom fram að gert væri ráð fyrir að-
komu óflokksbundinna í efstu sæt-
um. Framboðslistinn verður kynnt-
ur, ásamt bæjarstjóraefni, í febrúar
næstkomandi.
Samfylkingin og Framsókn bjóða fram sameiginlega í vor
„Tækifæri til að
vinna meirihluta“
Morgunblaðið/Helgi Bjarnason
Samstarf Fulltrúar í viðræðunefnd Samfylkingar og Framsóknarflokks
handsala samvinnuna, Guðný Kristjánsdóttir, Guðbrandur Einarsson, Ey-
steinn Jónsson, Eysteinn Eyjólfsson og Kjartan Már Kjartansson.
SUNDFÉLAGIÐ Óðinn hefur ráðið
til sín nýjan yfirþjálfara, Vladislav
Manikhin að nafni. Hann er rúss-
neskur en kemur hingað frá Malasíu
þar sem hann var landsliðsþjálfari og
því hefur sundfélaginu bæst öflugur
liðsauki.
Sundfélagið Óðinn er ört stækk-
andi félag, iðkendur eru um 200 og er
félagið eitt það fjölmennasta á lands-
byggðinni. Iðkendur eru á aldrinum
4ra til 18 ára en einnig er starfandi
Garpahópur fyrir eldri sundmenn.
Áhersla er lögð á að halda utan um
einstaklinginn hvort sem um er að
ræða iðkun til heilsubótar eða afreks-
þjálfun. Óðinn hefur á þessu ári átt 5
sundmenn í landsliðsverkefnum.
Um næstu helgi eru 22 sundmenn
frá sundfélaginu að taka þátt í Ís-
landsmeistaramóti í 25 metra laug og
hefur sundmönnum sem náð hafa
lágmörkum inn á þetta mót fjölgað
um meira en helming milli ára.
Morgunblaðið/Kristján
Sundþjálfari Rússinn Vladislav Manikhin með sundfólki Óðins á æfingu.
Gróska í starfi Sundfélagsins Óðins
Nýr yfirþjálfari ráðinn
Bæjarstjórn | Þóra Ákadóttir,
bæjarfulltrúi Sjálfstæðisflokksins og
forseti bæjarstjórnar Akureyrar,
hefur ákveðið að gefa ekki kost á sér
til endurkjörs í bæjarstjórnar-
kosningunum í vor. Þóra tók sæti á
framboðslista flokksins árið 1998 og
var varamaður í bæjarstjórn. Árið
2001 tók hún sæti sem aðalmaður og
var kjörin forseti bæjarstjórnar. Í
kosningunum 2002 skipaði hún 2.
sæti á lista flokksins og hefur verið
forseti bæjarstjórnar frá upphafi
kjörtímabilsins, auk þess að vera
varaformaður félagsmálaráðs og
varamaður bæjarráðs, fram-
kvæmdaráðs og fasteigna Akureyr-
ar.
ALLAR skemmtanir á vegum
Menntaskólans á Akureyri, MA,
hafa um árabil verið áfengis- og tób-
akslausar. Þannig er til að mynda
árshátíð skólans, sem jafnan er
haldin í kringum fullveldisdaginn 1.
desember ár hvert, ein stærsta
vímulausa skemmtun af þessu tagi
haldin hér á landi. Hana sækja að
jafnaði 800 til 1.000 manns. Árvisst
busaball sem svo er nefnt er einnig
haldið án þess að vímuefni séu höfð
um hönd. Þá hefur allt félagslíf í
MA verið reyklaust um langt skeið,
langleiðina í tvo áratugi.
„Nemendur sjálfir hafa mikinn
metnað í þessum efnum, þeir vilja
að skemmtanir eins og árshátíð og
busaball séu haldnar án áfengis eða
annarra vímuefna. Þetta er eitthvað
sem þeir sjálfir vilja og ákveða, er
ekki skipun frá yfirvöldum,“ segir
Edda Hermannsdóttir, formaður
skólafélagsins Hugins. Hún nefnir
að árshátíð skólans sé mikil hátíð og
þar mæti allir í sínu fínasta pússi,
nemendur í 4. bekk t.d. flestir í ís-
lenskum búningi. „Það hefur enginn
áhuga fyrir því að fara á fyllerí á
svona fínni samkomu,“ segir Edda,
en góða skapið nægi til að fólk
skemmti sér hið besta án þess að
áfengi komi við sögu. „Fólk
skemmtir sér vel og það er dansað
fram á rauða nótt. Við látum það
ekki aftra okkur frá því að skemmta
okkur þó ekkert sé áfengið,“ segir
Edda, en í huga margra fari það
saman, skemmt-
un og áfengi.
Innan skólans
er félag, Glíma,
stendur fyrir
Gleði í MA, en til-
gangur þess er
að kynna félagslíf
án vímuefna,
bæði innan skól-
ans og utan. Fé-
lagið hefur starf-
að síðastliðin tvö
ár og vex og
dafnar. Edda segir að um eins kon-
ar jafningjafræðslu sé að ræða, fé-
lagsmenn fari um skólann og ræði
við nemendur um sjálfsmynd, af-
leiðingar drykkju og neyslu vímu-
efna og njóti aðstoðar forvarnarfull-
trúa skólans. Þá hafi félagsmenn
einnig heimsótt krakka í 7. og 8.
bekk í grunnskólum Akureyrar og
frætt þau um þessi efni.
Ekki feimnismál lengur
„Þetta framtak hefur fengið góð-
an hljómgrunn,“ segir Edda. Félag-
ið kvað hún nokkuð fjölmennt og æ
fleiri gengju til liðs við félagsskap-
inn. Hún segir unga fólkið alls
óhrætt við að tala um þessi mál, það
sé fullt sjálfstrausts og þyki sjálf-
sagt að tala um að ekki þurfi nauð-
synlega að drekka áfengi eða nota
aðra vímugjafa þegar verið er að
skemmta sér. „Þetta er ekki feimn-
ismál lengur, menn segja frá því í
hreinskilni ef þeir ekki drekka og
það þykir bara sjálfsagt mál,“ segir
Edda.
Allar skemmtanir á vegum MA
áfengis- og tóbakslausar
Nemendur hafa
mikinn metnað
Eftir Margréti Þóru Þórsdóttur
maggath@mbl.is
Edda Hermanns-
dóttir, formaður
Skólafélagsins
Hugins í MA.