Morgunblaðið - 18.11.2005, Qupperneq 6

6 FÖSTUDAGUR 18. NÓVEMBER 2005 MORGUNBLAÐIÐ
FRÉTTIR
STEINUNN Valdís Óskarsdóttir
borgarstjóri og Árni Magnússon fé-
lagsmálaráðherra undirrituðu í
Höfða í gær samning um móttöku og
þjónustu við flóttafólk. Undanfarna
mánuði hefur Reykjavíkurborg tekið
á móti 31 flóttamanni eða sjö fjöl-
skyldum. Flestir eru frá Kolumbíu
eða 24 og ein fjölskylda er frá Kós-
ovó.
Fullorðna fólkið er byrjað í ís-
lenskukennslu og læra um íslenskt
samfélag hjá Mími símenntun,
grunnskólabörnin eru öll í Austur-
bæjarskóla og eldri börnin í nýbúa-
deild Iðnskólans. Bæði Austurbæjar-
skóli og Iðnskólinn sérhæfa sig í að
taka á móti einstaklingum af erlendu
bergi brotnu. Er gert ráð fyrir að þau
fullorðnu fari út á vinnumarkaðinn að
loknu sex mánaða íslenskunámi.
Við undirritun samningsins sagði
Steinunn Valdís mikla ánægju ríkja
hjá borginni með þá ákvörðun að
taka á móti þessu flóttafólki. Sagði
hún að allt kapp væri lagt á að þjóna
hópnum sem best og aðlaga fólkið ís-
lensku samfélagi. Þá sagði Steinunn
Valdís frá því að hún hitti eina stúlku
úr hópnum sem gat gert sig skiljan-
lega á íslensku og því lofaði hópurinn
mjög góðu og aðlögunin væri strax
byrjuð.
Árni Magnússon sagði borgar-
stjóra hafa tekið ákaflega vel í það
þegar félagsmálaráðuneytið leitaði til
borgarinnar vegna þessa flóttafólks.
Sagði hann Íslendinga hafa tekið á
móti tæplega 250 flóttamönnum til
dagsins í dag en þetta væri í fyrsta
sinn sem flóttafólk kemur frá Suður-
Ameríku. Sagði Árni að flóttamenn
sem hingað hafi komið hafi aðlagast
íslenskum aðstæðum ótrúlega vel,
ekki síst með tilliti til þess bakgrunns
sem margir koma frá.
Að sögn Drífu Hrannar Kristjáns-
dóttur, verkefnisstjóra flóttamanna-
verkefnisins hjá Reykjavíkurborg,
eru flóttamennirnir frá Kólumbíu að
flýja undan stríðsátökum þar í landi
og sumar kvennanna hafa verið í
flóttamannabúðum bæði í Ekvador
og Kostaríka.
Vilja læra íslensku
Eru þetta allt konur með börn og
elsta konan er 73 ára. Komu þeir í
tveimur hópum, annar um miðjan
september og hinn um miðjan októ-
ber. Segir hún að konurnar séu mjög
duglegar og ákveðnar í því að byrja
nýtt líf. Þá séu þær mjög viljugar til
að læra íslensku. Segir hún að allt
fólkið frá Kólumbíu beri sig mjög vel.
Að undirskriftinni lokinni komu
allir flóttamennirnir í Höfða og héldu
þrjú barnanna stuttar ræður þar sem
þau þökkuðu fyrir ómetanlegan
stuðning og sögðu að besta leiðin til
að aðlagast íslensku samfélagi væri
að læra íslensku eins fljótt og auðið
er.
Reykjavíkurborg og félagsmálaráðuneyti semja um móttöku flóttamanna
Ísland hefur tekið við
um 250 flóttamönnum
Morgunblaðið/Ásdís
Árni Magnússon félagsmálaráðherra og Steinunn Valdís Óskarsdóttir borgarstjóri undirrita samninginn.
Eftir Sigurhönnu Kristinsdóttur
sigurhanna@mbl.is
SAMTÖK iðnaðarins ráðleggja fé-
lagsmönnum sínum eindregið að
ráða fremur fólk til starfa heldur en
að nota starfsmannaleigur, þar sem
reglur um starfsmannaleigur séu
ófullkomnar og mikil áhöld um
hvernig og hvar skuli greiða skatta
og önnur gjöld vegna starfsfólks.
Sveinn Hannesson, framkvæmda-
stjóri Samtaka iðnaðarins, sagði að
fyrirhuguð lög um starfsmannaleig-
ur tækju ekki til reglna um skatt-
greiðslur, sem þeir hefðu litið á sem
eitt helsta vandamálið þar sem fé-
lagsmenn í Samtökum iðnaðarins
hefðu fengið kröfur frá skattyfir-
völdum um skil á staðgreiðsluskött-
um og tryggingagjaldi vegna þess-
ara starfsmanna. Þær greiðslur
hefðu hins vegar verið innifaldar í
leigugjaldinu til starfsmannaleig-
anna. Yfirskattanefnd væri búin að
úrskurða í málum sem þessum og
mál þessa efnis væru til meðferðar
fyrir dómstólum, en það væri mjög
til vandræða að reglur í þessum efn-
um væru ekki skýrar.
Sveinn bætti við að á meðan nið-
urstöður dómstóla lægju ekki fyrir í
þessum efnum þætti þeim óverjandi
annað en að vara félagsmenn sína við
vegna óvissunnar. Inn í þetta spilaði
til dæmis hvaðan starfsmennirnir
kæmu og hvort tvísköttunarsamn-
ingar væru í gildi milli Íslands og
viðkomandi lands.
Sveinn sagði að af þessum sökum
bentu þeir félagsmönnum sínum að
taka fólk fremur á launaskrá. Það
mælti ekkert á móti því að nýta þjón-
ustu þessara miðlana eða starfs-
mannaleiga til þess að finna starfs-
menn og greiða þeim eðlilega
þóknun fyrir það, en með því að taka
starfsfólkið á launaskrá lægi alveg
fyrir hver réttarstaðan væri. Þá væri
líka alveg uppi á borðinu um hvaða
kjör væri að ræða.
Öruggara að ráða fólk en
nota starfsmannaleigur
Í VIÐTALI við Þórhall Gunn-
arsson, ritstjóra í Kastljósi
Ríkissjónvarpsins þriðjudags-
kvöldið 15. nóvember 2005
(endurbirt í DV degi síðar og
alþjóð áfram til skoðunar á vef
Kastljóss), eyðir Jón Ólafsson
athafnamaður af einhverjum
ástæðum talsverðu púðri á
tækifærisræðu sem Davíð
Oddsson, þáverandi forsætis-
ráðherra, flutti í fimmtugsaf-
mæli mínu seint á síðustu öld.
Telur Jón að sú ræða hafi verið
ákaflega „bitur“ og „öll“ snúist
um Jón Ólafsson og málefni
tengd bankakerfinu sem Davíð
hafi verið „heltekinn“ af.
Ekki stemmdi þessi lýsing
vel við það sem afmælisbarnið
minnti um ræðu Davíðs. Svo fór
einnig fleirum sem ólíkt téðum
Jóni voru gestir í veislunni.
Svo heppilega vildi hinsvegar
til að synir mínir tóku öll
skemmtiatriði veislunnar upp á
myndband. Athugun hefur nú
leitt í ljós að í allri ræðu Davíðs
er aldrei minnst á fyrrgreindan
Jón Ólafsson. Hinsvegar er far-
ið fáeinum orðum um ljóð eftir
mig sem birtist í ljóðabókinni
Ort (Reykjavík 1991). Þetta
ljóð heitir Jón Ólafsson slysast
og fjallar um Jón Ólafsson Ind-
íafara.
Umfjöllun ræðumanns um
ljóðið tekur á að giska 30 sek-
úndur. Heildartími ræðunnar
er um 13 mínútur.
Indíafari
verður
Lundúna-
fari
Örstutt athugasemd
frá Þórarni Eldjárn
TALIÐ er að kostnaður við breyt-
ingar á atvinnuleysisbótakerfinu,
sem kynntar voru í fyrradag, nemi
um 700 milljónum á ári, miðað við
þá forsendu að atvinnuleysi sé
þrjú prósent á ári, að sögn Sig-
urjóns Arnar Þórssonar, aðstoð-
armanns félagsmálaráðherra.
Kostnaður við hækkaðar grunn-
bætur nemur um 200 milljónum á
ári, en kostnaður vegna upptöku
tekjutengingar bóta, sem felur í
sér að bótaþegar fá allt að 180
þúsund krónum á mánuði í þrjá
mánuði, nemur um 500 milljónum
á ári, miðað við sömu forsendur.
Sigurjón segir að miðað við nú-
verandi atvinnuástand verði auk-
inn kostnaður sennilega um helm-
ingur af þessari upphæð.
Árni Magnússon félagsmálaráð-
herra segir að framundan í ráðu-
neytinu sé að semja frumvarp til
laga um þessar breytingar. Að-
spurður hvort hann telji að fleiri
muni nú sækja í að vera á atvinnu-
leysisbótum en áður, segir hann að
það eigi eftir á að reyna á hvort
slík fjölgun verði en nefnd sem
starfaði á vegum ráðuneytisins og
skoðaði þessi mál boðaði meðal
annars hertar vinnumarkaðsað-
gerðir og aukið eftirlit með því
hvort um raunverulegt atvinnu-
leysi væri að ræða.
„Svo vil ég nú trúa því að þeir
sem verði fyrir því óláni að missa
vinnuna geri sitt ýtrasta til að út-
vega sér nýja vinnu,“ segir Árni
og bætir við að verið sé að búa svo
um hnútana að tímabundið at-
vinnuleysi setji ekki fjárhag fólks
úr skorðum.
Breytingar á atvinnuleysisbótakerfi
Kostnaður um 700 milljónir á
ári miðað við 3% atvinnuleysi
Morgunblaðið/Ómar
MORGUNBLAÐINU barst í gær
eftirfarandi yfirlýsing frá Einari
Kárasyni rithöfundi:
„Þegar ég var spurður að því á
blaðamannafundi vegna útkomu
Jónsbókar hvort ég hefði talað við
Davíð Oddsson svaraði ég því neit-
andi, og viðstaddir hafa almennt átt
auðvelt með að skilja það svo.
Við gerð bókarinnar talaði ég við
u.þ.b. hundrað manns, vini Jóns og
óvini og allt þar á milli. Ég leitaði
fyrst og fremst eftir að heyra um
persónuleg kynni manna af Jóni, og í
bland var spurt um skoðanir á hon-
um eða hans umsvifum. Mér vitan-
lega hafa persónuleg samskipti Jóns
og Davíðs næstum engin verið, en
um skoðanir Davíðs á Jóni þurfti ég
ekki að spyrja; þær hefur hann viðr-
að í ræðu og riti og til þeirra orða er
vitnað í bókinni. Ég þurfti því „lítið
að tala við Davíð“ eins og ég sagði á
fundinum, og er stundum kallað
„understatement“, úrdráttur, og
flestir skildu réttilega sem svo að ég
hefði ekki talað við Davíð. Það er því
hárrétt sem segir í yfirlýsingu Seðla-
bankastjórans: „Einar Kárason hef-
ur aldrei talað við mig um Jón Ólafs-
son eða þessa bók og aldrei leitað
eftir samtali við mig.“ Og rétt er að
árétta að ég hef aldrei ætlað mér að
gefa annað í skyn.“
Vegna yfirlýsingar
Davíðs Oddssonar