Morgunblaðið - 18.11.2005, Side 14
14 FÖSTUDAGUR 18. NÓVEMBER 2005 MORGUNBLAÐIÐ
FRÉTTIR
BÆJARSTJÓRN Húsavíkur hefur
auglýst eftir umsóknum um byggða-
kvóta fyrir þetta ár. Hún hefur jafn-
framt gefið út reglur um úthlutun
aflaheimilda þeirra, sem sveitarfé-
laginu hefur verið úthlutað, en sjáv-
arútvegsráðuneytið hefur staðfest
reglurnar. Umsóknum skal skilað
fyrir 25. nóvember næstkomandi.
Aðeins verður úthlutað til skipa
sem skráð voru með heimahöfn á
Húsavík 1. september 2005 og voru í
eigu útgerða með heimilisfesti í
Húsavíkurbæ.
Úthlutun nú byggist á lönduðum
afla á Húsavík síðasta fiskveiðiár.
Aflanum skal landað á Húsavík og
hann unninn þar. Skilyrði til úthlut-
unar á einstök skip eða báta er að
viðkomandi hafi veitt og landað til
vinnslu á staðnum að minnsta kosti
fimmföldu því aflamagni, sem út-
hlutað er. Hafi þau skilyrði ekki ver-
ið uppfyllt fyrir 1. júní 2006 skal end-
urúthluta viðkomandi aflaheimildum
til þeirra sem hafa uppfyllt skilyrðin.
Þá skal sá er úthlutað fær aflaheim-
ildum skuldbinda sig til að leigja til
sín eða kaupa að minnsta kosti jafn-
gildi þeirra aflaheimilda, sem hann
leigir frá sér eða selur á fiskveiði-
árinu.
Auglýsa eftir umsókn-
um um byggðakvóta
Morgunblaðið/Hafþór Hreiðarsson
ÚR VERINU
OLLI SH kom til heimahafnar til
Ólafsvíkur fyrir skömmu. Bát-
urinn er af gerðinni Víkingur
1135 og er smíðaður hjá Samtaki í
Hafnarfirði.
Er báturinn vel útbúinn tækjum
sem Mareind í Grundarfirði sá um
að velja og sá um niðursetningu á
tækjum.
Báturinn er með Caterpillar vél
sem er 710 hestöfl og skilar hún
bátnum á 27 mílna hraða. Lengd
er 11,35 metrar og breidd 3,90
metrar. Lestin tekur 11 660 lítra
kör, er báturinn með glussa bóg-
skrúfu og er Olli SH 14,9 tonn að
stærð er það útgerðarfélagið
Kjarkur sem gerir bátinn út.
Að sögn Torfa Sigurðssonar,
eiganda og skipstjóra, er hann
mjög ánægður með bátinn í alla
staði og segir Ollann vera afburða
sjóskip, en báturinn hefur þegar
hafið veiðar á línu og eru tveir
menn í áhöfn og þrír menn vinna
við beitningu í landi.
Morgunblaðið/Alfons
Nýr bátur til Ólafsvíkur
á morgun
Þorsteinn
frá Hamri
Ef ljóðið fer að
staðhæfa er það statt
á hálum ís
VERULEG gliðnun hefur orðið á
milli ellilífeyris og almennrar launa-
vísitölu og vísitölu lágmarkslauna
frá árinu 1995, að sögn Ólafs Ólafs-
sonar, formanns Landssambands
eldri borgara. „Ef miðað er við vísi-
tölu lágmarkslauna vantar núna
7.000 krónur upp á að ellilaun haldi
þeirri stöðu gagnvart vísitölu launa
sem þau höfðu árið 1995. Þegar
launavísitala lágmarkslauna er
skoðuð kemur í
ljós að það vant-
ar 17.000 krónur
á mánuði,“ segir
hann.
Ólafur bætir
við að svo virðist
sem ýmsir telji
að Íslendingar
hafi ekki efni á
ellinni. Ólafur
segir að hag-
fræðingum fjármála- og heilbrigð-
isráðuneyta hafi verið kynntar
þessar tölur og þeir hafi ekki getað
hnekkt þeim. Eldri borgarar fari
fram á leiðréttingu kjara sinna. Um
nokkuð stóran hagsmunahóp sé að
ræða, en alls eru um 34.000 Íslend-
ingar eldri en 67 ára. Ólafur segir
að gera megi ráð fyrir um 9,6%
aukningu kaupmáttar ráðstöf-
unartekna hjá dæmigerðum ellilíf-
eyrisþega sem hefur tæpar 50.000
kr. á mánuði úr lífeyrissjóði og býr
einn á árunum 1995–2005. Á sama
tímabili hækkar kaupmáttur ráð-
stöfunartekna heimilanna um 60%
ef marka má orð forsætisráðherra.
Aukningin er þó mun meiri hjá
þingmönnum og ráðherrum.
Skattleysismörk
ekki hækkað sem skyldi
Ólafur bendir á að frá árinu 1995
hafi tekjuskattur á lægstu laun
hækkað. Sá sem hefur 100.000
krónur á mánuði í laun í dag greiði
9,4% tekna sinna í tekjuskatt, en af
sömu rauntekjum hafi engir tekju-
skattar greiðst árið 1988. Þrátt fyr-
ir lækkun skattprósentu hafa skatt-
leysismörk ekki hækkað sem
skyldi. Ólafur leggur áherslu á að
samtökin vilji berjast fyrir bættum
kjörum þess þriðjungs ellilífeyr-
isþega sem minnst bera úr býtum.
„Þetta eru á bilinu 8 til 9 þúsund
manns, eða um 27% allra ellilífeyr-
isþega,“ segir hann. „Í umræðunni
hafa skotið upp kollinum dæmi um
einstaklinga sem ekki passa inn í
þennan hóp, en það skiptir ekki
máli fyrir heildarmyndina.“
Skerðingarhlutfall hið
hæsta í Evrópu
Spurður um skýringar á rýrnun
kjara þessa hóps bendir Ólafur á
þær miklu skattbreytingar sem
gerðar voru á árunum 1988–1995.
Hann bendir einnig á að skerðing
og skattar á þá ellilífeyrisþega sem
leggi stund á vinnu séu mjög mikil.
Ellilífeyrisþegi sem sé í 50% starfi
og fái 70.000 krónur á mánuði haldi
aðeins eftir 15.749 krónum af þess-
ari upphæð. „Hvergi annars staðar
í Evrópu er skerðingarhlutfallið
jafn hátt,“ segir Ólafur. Hann segir
það staðreynd að eldri borgarar á
Íslandi stundi vinnu í mun meira
mæli en þeir sem búa á öðrum
Norðurlöndunum. Samkvæmt töl-
um yfir atvinnuþátttöku karla sem
eru 65 ára og eldri innan OECD-
ríkjanna er þátttakan 43% á Ís-
landi, 14% í Noregi og 5% í Finn-
landi. Inntur eftir skýringum á
þessu bendir Ólafur á að Íslend-
ingar séu vinnusöm þjóð. Önnur
skýring sé hins vegar sú að margir
lifi ekki á þeim lífeyri sem þeim er
ætlaður og þurfi því að leita út á
vinnumarkaðinn til að drýgja tekj-
urnar. Séu meðallífeyrisgreiðslur á
ellilífeyrisþega árið 2000 bornar
saman við nágrannaríkin komi í ljós
að í Finnlandi séu þær 17% hærri
en hér, 12% hærri í Noregi, 35%
hærri í Svíþjóð og 57% hærri í
Danmörku. „Vegna mun meiri at-
vinnuþátttöku 65 ára og eldri á Ís-
landi en hjá öðrum Norðurlanda-
þjóðum jöfnum við upp þennan
mun sem er á ellilaununum og sýn-
ir það vinnusemi Íslendinga,“ segir
Ólafur.
Ólafur Ólafsson, formaður Félags eldri borgara
Ólafur Ólafsson
!
A
A
'
!
"
!"
#
!!
"
!!
!
! $
#
$
$%&
'
$
%
(%)(
%
Eftir Elvu Björk Sverrisdóttur
elva@mbl.is
Veruleg gliðnun milli elli-
lífeyris og launavísitölu
FÁLKINN, sem húsvísk fjöl-
skylda hafði í fóstri eftir að börn-
in höfðu fundið hann særðan fyr-
ir nokkrum dögum, hafði verið
skotinn með haglabyssu. Þetta
kom í ljós í gær þegar röntgen-
mynd var tekin af fálkanum hjá
dýralækni. Fálkinn er nú í Hús-
dýragarðinum í Reykjavík og
virðist í fínu formi.
Ólafur K. Nielsen, fuglafræð-
ingur hjá Náttúrufræðistofnun
Íslands, sagði að ein pípa í
vængnum hefði verið brotin og í
fálkanum hefðu fundist fjölmörg
högl. Um er að ræða ungfugl,
unga frá því í sumar. „Fálkinn er
fullkomlega heilbrigður og auk
þess mjög spakur og skemmti-
legur. Hann hefur líklega goldið
þess og einhver ákveðið að senda
honum kveðjuna með hagla-
byssu,“ sagði Ólafur.
Fálkar eru að sjálfsögðu
strangfriðaður en að sögn Ólafs
hefur í gegnum tíðina alltaf verið
nokkuð um að byssumenn drepi
fálka.
Fálkinn hafði verið
skotinn með haglabyssu