Morgunblaðið - 18.11.2005, Page 42

42 FÖSTUDAGUR 18. NÓVEMBER 2005 MORGUNBLAÐIÐ
UMRÆÐAN
NÝVERIÐ hefur landbún-
aðarráðherra ákveðið að flytja ný-
stofnaða Landbúnaðarstofnun til
Selfoss. Jafnframt hef-
ur hann ákveðið að
flytja sérgreina-
dýralækna á þann stað.
Það finnst mér mjög
hæpin ráðstöfun enda
mun sú ákvörðun ekki
einungis veikja þeirra
starf heldur einnig
einn meginþátt starf-
semi Tilraunastöðv-
arinnar, sem er sam-
kvæmt lögum hennar
að fást við rannsóknir
og greiningar á dýra-
sjúkdómum, og er Til-
raunastöðin eina stofnunin á landinu
sem hefur það hlutverk.
Fyrir ókunnuga er rétt að geta
þess að sérgreinadýralæknar eru
dýralæknar sem hafa annaðhvort
með starfi sínu og/eða viðbót-
armenntun aflað sér sérþekkingar
við klíníska greiningu á sjúkdómum
í ákveðnum dýrategundum svo sem í
sauðfé, fiskum, svínum og alifuglum
svo að eitthvað sé nefnt. Meginhlut-
verk þeirra er að sinna á vettvangi
reglubundnu eftirliti með dýrum í
eldi, hvers afurðir eru ætlaðar til
manneldis. Þeir safna reglubundið
sýnum sem þeir koma með eða
senda til rannsóknarstofugreiningar
á Tilraunastöð Háskóla Íslands í
meinafræði að Keldum.
Við sem störfum á Keldum höfum
mjög langa og góða reynslu af sam-
starfi við sérgreinadýralækna, ekki
hvað síst við þá sem hafa aðstöðu á
Tilraunastöðinni. Lengst hefur verið
samstarf við sérgreinadýralækni
sauðfjár- og nautgripa-
sjúkdóma, en einnig
um allmörg ár við sér-
greinadýralækna fisk-
sjúkdóma, alifulga-
sjúkdóma og um
nokkra hríð svína-
sjúkdóma. Mjög mik-
ilvægur þáttur í þessu
samstarfi er að sam-
ræða milli þeirra sem
fást við eftirlitið á vett-
vangi og þeirra sem
annast rannsókn-
arstofu-greininguna,
m.a. vegna spurninga
sem lúta að frekari sýnatöku og
hugsanlegum aðgerðum. Við flutn-
ing sérgreinadýralækna frá stofn-
uninni til Selfoss yrði skorið á þessa
veigamiklu nánu samvinnu og mun
það veikja starfsemi beggja aðila,
þ.e. sérgreinadýralækna og sérfræð-
inga á Tilraunastöðinni og skaða
jafnframt notendur þjónustunnar.
Það hefur verið haft á orði allt síð-
an fyrrverandi menntamálaráð-
herra, Björn Bjarnason, ákvað án
samráðs við stjórnendur og starfs-
fólk Tilraunastöðvarinnar, að selja
Keldnaland og byggingar og flytja
stofnunina í Vatnsmýri, að ekki
mætti veikja stofnunina. Úttekt-
arnefnd skipuð erlendum vís-
indamönnum með sérfræðiþekkingu
á viðfangsefnum stofnunarinnar,
sem skilaði áliti 2003, lagði einnig
mikla áherslu á það. Eitt af þeim at-
riðum sem hún benti á að vel færi í
starfi stofnunarinnar var hina nána
samvinna hennar og sérgreina-
dýralækna sem hefðu aðstöðu á
henni. Forsvarsmenn Tilraunastöðv-
arinnar hafa verið sama sinnis og
hafa í áætlunum sínum gert ráð fyrir
aðstöðu fyrir þá í því húsnæði sem
reisa á yfir stofnunina í nánd við
læknadeild og Landspítala – há-
skólasjúkrahús í Vatnsmýrinni.
Í tilefni flutnings
Landbúnaðarstofnunar
Guðmundur Georgsson
fjallar um málefni sérgreina-
dýralækna og Tilraunastöðina
að Keldum
’Við flutning sérgreina-dýralækna frá stofnun-
inni til Selfoss yrði skor-
ið á þessa veigamiklu
nánu samvinnu og mun
það veikja starfsemi
beggja aðila, þ.e. sér-
greinadýralækna og
sérfræðinga á Tilrauna-
stöðinni og skaða jafn-
framt notendur þjónust-
unnar.‘
Guðmundur Georgsson
Höfundur er fyrrverandi for-
stöðumaður Tilraunastöðvar HÍ í
meinafræði að Keldum.
Á MORGUN, laug-
ardaginn 19. nóv-
ember, fer fram próf-
kjör á vegum
Sjálfstæðisflokksins í
Hafnarfirði.
Prófkjörið fer fram í
Víðistaðaskóla og
stendur það frá kl.
10.00 til kl. 20.00.
Það skiptir öllu fyrir
komandi bæjarstjórn-
arkosningar að kjör-
sókn sé góð og hvet ég
því alla flokksbundna
sjálfstæðismenn í
Hafnarfirði til að taka þátt og hafa
þar með áhrif á hverjir af frambjóð-
endum flokksins komi til með að
skipa þar forystu í bæjarmálum á
komandi kjörtímabili.
Sjálfstæðisflokkurinn í Hafn-
arfirði hefur, þegar hann hefur verið
við stjórnvölinn, sýnt
ábyrgð og festu í fjár-
málum bæjarins með
raunhæfum fjárhags-
áætlunum. Fjárhags-
áætlunum sem hafa
staðist í meginatriðum.
Við sjálfstæðismenn
fórum nýjar leiðir, út-
boðsleiðir, í uppbygg-
ingu í skóla- og leik-
skólamálum,
byggingum íþrótta-
mannvirkja sem og
staðið fyrir bættu og
stærra húsnæði fyrir
félagsstarf eldri borg-
ara, Hraunseli við Flatahraun.
Á yfirstandandi kjörtímabili hafa
bæjarfulltrúar Sjálfstæðisflokksins
ítrekað gert alvarlegar athugasemd-
ir við taumlausar hækkanir Sam-
fylkingarinnar á þjónustugjöldum á
sama tíma og bæjarsjóður hefur bú-
ið við einstaklega hagstæð ytri skil-
yrði. Má þar m.a. nefna sterkt gengi
krónunnar, en 90 % af skuldum bæj-
arsjóðs hafa verið í erlendri mynt,
þá hafa tekjur bæjarsjóðs aukist til
muna.
Ég hef í mínum störfum sem bæj-
arfulltrúi fyrir Sjálfstæðisflokkinn
tekið þátt í þeirri miklu uppbygg-
ingu sem flokkurinn hefur staðið
fyrir, þá hef ég lagt ríka áherslu á að
gera Hafnarfjörð að aðlaðandi val-
kosti fyrir fyrirtæki.
Sú mikla landfylling sem við sjálf-
stæðismenn stóðum fyrir á okkar
valdatímabili við Hafnarfjarðarhöfn
hefur fært höfninni og hafnsæknum
fyrirtækjum í bænum þá möguleika
að gera Hafnarfjarðarhöfn að einni
bestu þjónustuhöfn fyrir skip í norð-
urhöfum.
Raunhæfar fjárhagsáætlanir, góð
þjónusta við íbúana og í hófi stilltar
álögur eru forsenda blómlegs mann-
lífs.
Ég mun leggja fram alla krafta
mína til að vinna að framgangi
stefnu Sjálfstæðisflokksins í bæj-
armálum, fái ég til þess umboð.
Með velferð þína og þinna að leið-
arljósi leita ég eftir stuðningi ykkar
við mig í 1. sætið.
Veljum nýja forystu í prófkjöri
sjálfstæðismanna í Hafnarfirði
Eftir Valgerði
Sigurðardóttur ’Sjálfstæðisflokkurinn íHafnarfirði hefur, þegar
hann hefur verið við
stjórnvölinn, sýnt
ábyrgð og festu í fjár-
málum bæjarins með
raunhæfum fjárhags-
áætlunum.‘
Valgerður
Sigurðardóttir
Höfundur er bæjarfulltrúi í
bæjarstjórn Hafnarfjarðar og
frambjóðandi í 1. sæti listans.
Prófkjör í Hafnarfirði
FYRIR nokkru var skýrt frá því
að Tanngarður á lóð Landspítala –
háskólasjúkrahúss við Hringbraut
yrði að víkja fyrir nýjum bygg-
ingum, nánar tiltekið hátækni-
sjúkrahúsi.
Nú er einungis hálf-
ur þriðji áratugur síð-
an hafist var handa
við byggingu Tann-
garðs.
Var hann byggður
samkvæmt skipulagi
Landspítalalóðar er
þá var unnið eftir.
Vart hefir hvarflað að
neinum að aldarfjórð-
ungi síðar skyldi
koma til tals að hann
yrði rifinn.
Í yfirstjórn mann-
virkjagerðar sat bæði
fagfólk úr læknastétt
og fulltrúar stjórn-
sýslunnar. Þá þegar
hafði verið tekin
ákvörðum um flutning
Hringbrautar til suð-
urs. Byggingar sunn-
an hinnar gömlu yrðu
því norðan þeirrar
nýju og tengdust
þannig mannvirkjum
sem fyrir voru á lóð
Landspítala. Vegna
fjárskorts varð ekki
úr þeim bygging-
aráforminum öðrum
er fyrirhuguð voru
þótt síðar hafi risið
hús utan upphaflegrar
áætlunar.
Furðulegt er eins
og í pottinn var búið að frétta að
Tanngarður sé óhagkvæmur,
teiknaður af húsameistara ríkisins
og einungis helmingur hans risinn
þar sem ráðgert hafði verið að við
enda þess húss sem nú er komið,
kæmi ámóta bygging og sú sem
fyrir er.
Bent hefir verið á að í Tanngarði
hljóti að liggja verulegir fjármunir,
eflaust á annan milljarð króna ef
ekki meira sem nú skal kastað á
glæ mörgum áratugum áður en
eðlilegur líftími hússins er útrunn-
inn.
Þær raddir hafa heyrst hvort
ekki orki tvímælis að bygging þrjá-
tíu til fjörutíu milljarða króna há-
tæknisjúkrahúss sé meðal brýn-
ustu verkefna
heilbrigðiskerfisins í
ljósi þess að lífslíkir
Íslendinga eru með
þeim mestu á byggðu
bóli og ungbarnadauði
hvergi minni en hér.
Þau verkefni sem
virðast blasa við heil-
brigðis- og félagslega
kerfinu nú, eru annars
vegar umönnun aldr-
aðra eins og mikið
hefir verið fjallað um
og hins vegar menn-
ingarsjúkdómar. Gegn
þeim verður fyrst og
fremst ráðist með for-
vörnum og linnulaus-
um áróðri. Stórreyk-
ingamaður er talinn
fórna allt að tólf árum
ævi sinnar og sjúkleg
offita þjáir æ fleiri
íbúa hins vestræna
heims. Talið er að allt
að 9 milljónir Banda-
ríkjamanna séu meira
en fimmtíu kíló-
grömmum umfram
kjörþyngd. Afleiðingar
þess eru m.a. taldar
hjartaáföll, háþrýst-
ingur, heilablóðföll,
æðasjúkdómar, áunnin
sykursýki, vissar teg-
undir krabbameins,
sjúkdómar í stoðkerfi
líkamans, ófrjósemi auk fjölmargra
annarra samkvæmt heimasíðu
bandarísku offitusamtakanna,
Ódýrasta ráðið gegn sjúklegri of-
fitu er tvímælalaust reglubundin
hreyfing, s.s rösk ganga í hálftíma
til fjörutíu mínútur dag hvern, auk
rétts mataræðis, frekar en rándýr
tæki og tól.
Tanngarður rifinn
Kristjón Kolbeins fjallar
um niðurrif Tanngarðs
’Þau verkefnisem virðast
blasa við heil-
brigðis- og fé-
lagslega kerfinu
nú eru annars
vegar umönnun
aldraðra eins og
mikið hefir verið
fjallað um og
hins vegar
menningar-
sjúkdómar.‘
Kristjón Kolbeins
Höfundur er viðskiptafræðingur.