Morgunblaðið - 18.11.2005, Side 53

MORGUNBLAÐIÐ FÖSTUDAGUR 18. NÓVEMBER 2005 53
FRÉTTIR
kemur næst út 3. desember fullt af spennandi efni um
listina að gera vel við sig og sína í mat og drykk á
aðventunni.
Meðal efnisþátta í
næsta blaði eru:
• Jólaréttir í nýjum búningi
• Sætt og seðjandi -
smekklegir smáréttir og
smákökur
• Kynjaskepnur á veisluborðið
• Ljúfir og litríkir drykkir
• Lystilegar jólagjafir
ásamt ýmsum
sælkerafróðleik.
Auglýsendur!
Pantið fyrir þriðjudaginn
29. nóvember.
Allar nánari upplýsingar veitir
Sif Þorsteinsdóttir í síma
569 1254 eða sif@mbl.is
NAUÐSYNLEGT er að setja löggjöf
um heildrænt skipulag áfallahjálpar
á landinu þar sem skilgreind verði
ábyrgð ríkis og sveitarfélaga, hlut-
verk þeirra sem starfa að áfallahjálp
og trygging fjármagns til að uppfylla
þær skyldur. Þetta er álit 140 þátt-
takenda vinnuþings um áfallahjálp á
landsvísu sem haldið var í vor í sam-
vinnu við Rauða kross Íslands, Land-
læknisembættið, Landspítala – há-
skólasjúkrahús, Almannavarnadeild
ríkislögreglustjóra og Biskupsstofu.
Skýrsla með niðurstöðum þingsins
hefur verið kynnt heilbrigð-
isráðherra og fékk landlæknir fyrsta
eintak skýrslunnar á þriðjudag.
Lagt er til í skýrslunni að komið
verði á fót þverfaglegum sér-
fræðihópi sem hefði það hlutverk að
ábyrgjast almenna stefnumótun
áfallahjálpar á landsvísu, hafa yf-
irumsjón með áfallahjálparteymum
víða um land, sinna eftirliti með
vinnu áfallahjálparteyma, fræðslu,
gæðaeftirliti og ráðgjöf.
Á þinginu kom fram að fræðsla
skilar sér í árangursríkum vinnu-
brögðum við alvarlegum atburðum.
Voru þátttakendurnir sammála um
að koma þyrfti fræðslu um áfalla-
hjálp og forvarnir inn í öll skólastig í
gegnum aðalnámskrá og að tryggja
þyrfti fræðslu fyrir starfsfólk skóla
og að fræðsla þyrfti að vera hluti af
skyndihjálpar- og slysavarn-
anámskeiðum. Einnig að nýta þurfi
fjölmiðla í fræðsluskyni og fleira.
Sigurður Guðmundsson land-
læknir sagði á blaðamannafundi í
gær að embætti sitt myndi vinna
áfram að framgangi áfallahjálpar
eins og vinnuþingið leggur til. „Þau
sár sem snerta sál og geðslag eru oft
mun lengur að gróa en þau sem
snerta aðra hluta líkamans,“ sagði
hann. „Það er markmið áfallahjálpar
að draga úr alvarlegum afleiðingum
slíkra áfalla.“
Taka töfrana úr hugtakinu
„Ég held að við verðum líka að
reyna að taka töfrana úr hugtakinu
áfallahjálp. Ýmsir virðast halda að
vandinn sé leystur með því að njóta
áfallahjálpar eftir ýmiskonar vanda.
En það er að sjálfsögðu ekki þannig.
Skynsamlegustu viðbrögðin í upphafi
eru upplýsingar frá þeim sem þekkja
hvað raunverulega gerðist og stuðn-
ingur og návist aðstandenda, fremur
en mikil fagleg íhlutun fagfólks. Það
kemur seinna.“
Margrét Blöndal, starfsmaður
Landspítalans, upplýsti á fundinum
að Alþjóðaheilbrigðismálastofnunin
hefði lagt til að farið yrði af stað með
hugsunina um langtíma eftirfylgd inn
í samfélagið eftir meiriháttar sam-
félagsleg áföll. Heilsugæslan þyrfti í
þessu skyni að fá aðstoð heilbrigð-
isstarfsmanna til að byggja upp eft-
irfylgdina. „Það sem hefur breyst frá
því að við vorum að stíga fyrstu
skrefin í óformlegum aðgerðum á
þessu sviði, er að við vitum að það
þarf að fylgjast lengur með fólki og
það þarf að hafa tilboð um aðstoð í
langan tíma,“ sagði hún.
Áfallaröskun eins og
vegna misneytingar
Hún nefndi sláandi erlendar rann-
sóknaniðurstöður varðandi börn sem
verða fyrir áföllum í kjölfar umferð-
arslysa. „Þar var börnum fylgt eftir í
sex mánuði eftir umferðaslys sem
fengu enga sérstaka nálgun vegna
andlega áfallsins. Eftir atburðinn
mátti gera ráð fyrir að 25–30% þess-
ara barna væru með mjög alvarleg
streituviðbrögð sem gætu leitt til
áfallaröskunar síðar meir, og að þau
væru í jafnmikilli hættu á að þróa
með sér þessa röskun og börn sem
verða fyrir hvers konar misneytingu,
andlegri, líkamlegri eða kynferð-
islegri. Mér finnst sú tala vera til-
tölulega lág fyrir þann hóp en ansi há
fyrir börn sem lenda í umferð-
arslysum.“ Sagði Margrét að gera
mætti ráð fyrir að á árinu 2003 væru
10 börn á Íslandi með áfallaröskun 6
mánuðum eftir slys. „Við þurfum að
grípa inn í á réttum stöðum,“ sagði
hún.
Þarf að fá löggjöf um heild-
rænt skipulag áfallahjálpar
Eftir Örlyg Stein Sigurjónsson
orsi@mbl.is
Morgunblaðið/Jón Sigurðsson
Markmið áfallahjálpar er að draga úr alvarlegum afleiðingum áfalla.ÍSLANDSDEILD Amnesty Int-
ernational hefur hafið sölu á jóla-
korti ársins 2005 og vonast deildin
til að sem flestir sameini fallega
jólakveðju og stuðning við brýnt
málefni með kaupum á kortum frá
Amnesty International. Mörg und-
anfarin ár hefur Íslandsdeild Am-
nesty International gefið út lista-
verkakort og hefur sala þeirra
verið ein helsta fjáröflunarleið
deildarinnar.
Í ár gefur Íslandsdeildin út kort
sem prýðir málverk eftir Guð-
mundu Andrésdóttur einn frum-
kvöðla abstrakt myndlistar á Ís-
landi.
Íslandsdeild Amnesty Internat-
ional gegnir mikilvægu hlutverki í
verndun mannréttinda. Samtökin
berjast fyrir mannréttindum og
verndun fórnarlamba með því að
grípa til aðgerða þegar grundvall-
arréttindi fólks eru fótum troðin.
Kaup á jólakortum Amnesty Int-
ernational jafngildir markvissum
stuðningi við mannréttindi.
Kortin eru seld á skrifstofu deild-
arinnar, Hafnarstræti 15, 101
Reykjavík. Þar er einnig tekið á
móti pöntunum í síma 55-16940, fax
56-16940, netfang amnesty@amn-
esty.is
Jólakort Íslands-
deildar Amnesty
International
FYRIRTÆKIÐ Margt smátt – Bol-
ur hf. og Krabbameinsfélag Íslands
hafa gert með sér samning um sam-
starf til ársloka 2007. Samning-
urinn veitir Krabbameinsfélaginu
aðgang að auglýsinga- og merkja-
vöru á bestum kjörum. Jafnframt
mun Margt smátt styrkja Krabba-
meinsfélagið með vörum og vinnu í
árlegum samstarfsverkefnum og
einnig með fjárframlagi.
Aðilar samningsins telja hann
báðum til hagsbóta. Mikilvægt sé
fyrir Krabbameinsfélagið að
tryggja besta verð á vörum sem
notaðar eru til fjáröflunar og kynn-
ingar en jafnframt sé það ótvíræð-
ur ávinningur fyrir Margt smátt að
tengjast Krabbameinsfélaginu og
þeirri góðu ímynd sem félagið hef-
ur áunnið sér með starfi í meira en
hálfa öld, segir í fréttatilkynningu.
Í samstarf
við Krabba-
meinsfélagið
Sigurður Gunnlaugsson, sviðsstjóri
markaðs- og fjáröflunarsviðs
Krabbameinsfélags Íslands, og Árni
Esrason, markaðsstjóri Margt smátt
– Bolur ehf., skrifuðu nýlega undir
samstarfssamning þessara aðila.